برنامج البشرة للعروسه ..... مين تشترك

صوت العيون ʚϊɞ ṨỠЙḍỠṧ ʚϊɞ 10-05-2009 148 رد 13,196 مشاهدة
s

فى ماسك هقولكم عليه
عبارة عن طمى مغربى وبحط عليه ربع معلقة عسل ابيض وشوية ماية بحيث انوا يبقى زى العجينة كده وبحطة على وشى 20 دقيقة وقبل ما بشيلة بفركة باايدى وبعدين اغسلة بماية سخنة وبعدين ماية برده عشان تقفل المسام وبعد ما بشيلة بحس فعلا بفرق بيفتح البشرة وكمان لو عندك نمش فى وشك لما بشرتك بتفتح بتلاقى النمش بيخف شويةانا عندى نمش بسيط قوى فى وشى لما بعمل المسك ده بحس انوا مش باين قوى
والمسك ده بيتعمل مرتين بس فى الاسبوع
ش
بنات كمان لو حد عايز يجيب الليفه المغربيه الاصليه او حتى لو مش الاصليه بس تحففففففففففففففففه وكلمه تحفه قليله عليها فى عطار اسمه عسكريه فى الغوريه جيبوها منه بجد مش عتندموا انا بقولكوا كده بعد مجربت كل اليف اللى نزل مصر تقريبا وكانوا بيقولوا عليه مغربى يعنى اتخميت لما قلت يا بس
ص
جزاكم الله خير

جاهزين للبرنامج ان شاء الله
ع
مورو عايزة اشترك معاكم
لانى مهملة جداااااااااااافى بشرتى
يا ريت تنزلى البرنامج وهاتابعك كل يوم ان شاء الله
ح
جاهزين ياعسل .. اليوم البدايه ..
t
جزاكى الله خير يا صوت على الموضوع
وان شاء الله هنفذ اول باول وهقوم اعمل حمام البخار دلوقتى
أ
انا وصلت في البرنامج لحد الماسك يعني خلاص عملته وغسلتة الحمدلله
M
يلا يا قطط فينكم

انا عملت حمام البخار والسكراب بالملح والمون والسكر

وبعدين ماسكالزبادى بابخيار

بس مستنية بليل اعمل حاجات الجسم قبل م اانام علطول
ص
ما شاء الله فرحتونى

ملك حياتى الربنامج موجود يا جميله فى الصفحات الى قبل كدا
ع
انا بقى لسة هقوم حااااااالا ان شاء الله
مش تنسوا تفكروا في برنامج اليوم الجديد

بنات حد شاف الحجر الابيض اللى بيقولوا عليه للجسم هنا في مصر انا اعرف الاسود بس؟
ص
بسم الله الرحمن الرحيم


الحمد لله

غسلت وشى بكلين اند كلير الغسول عميق المفعول
وبعدين عملت حمام البخار الحمد لله
وبعده تقشير ستيفز بالمشمش وشويه وبعدين احط ماسك الزبادى ان شاء الله
E
لالالالالالالالالالالالالالا
ماقدرش عالكلام الجميل ده بجد يا صوت ما شاء الله موضوعك جميل اوي وكويس اني لحقتكو في اول يوم
وان شاء الله هقوم دلوقتي اعمل اسكرب وبعد كده ماسك الزبادي بس كده هتخليني انزل اشتري زبادي لاني ماعنديش
جزاكي الله خيرا على الموضوع الجمييييييل
E
صوت هو لازم ماسك الزبادي
انا عندي ماسك كنت عاملاه رز مطحون وعليه معلقة جلسرين سايل ومعلقة ميه ورد
ينفع ؟؟؟؟؟؟؟؟؟؟؟؟؟؟؟
ص
هو بس عشان همعنل حمام بخار وبعده اسكرب فالزبادى خفيف لان الرز يعتبر اسكرب برده يا جميله
وومكن بدل الزبادى تعملى ماسك بالدقيق والمايه او مايه ورد بس
E
جزاكي الله خيرا يا صوت
مش فاهمة اعمل ازاي ماسك ميه ورد بس ولا احطه عالدقيق
مش انا كده كده بعد ما اعمل حمام البخار بمشي قطنة بميه ورد على وشي طب ازاي بقى بعده اعمل ماسك مية ورد تاني

معلش اسالتي كتيرة بس عاوزة افهم بس
لان بجد الموضوع ده ان شاء الله هيفيدني كتير
ص
بصى يا جميله اقصد تخلطى الدقيق بمايه او بمايه ورد


الحمد لله عملت ماسك الزبادى وحسيت بنضافه حلوة الحمد لله
ص
السلام عليكم ورحمه الله وبركاته


برنامج الاربعاء ان شاء الله



هيحتوى على ماسك للايد والرجل وبس


ماسك الايدين

هنعمل اسكرب عباره عن زيت زيتون وسكر او ليمون وسكر ونحطه فى كف ايدينا وبعدين نفرك بيها ايدينا كويس وبعدين نغسل الايدين ونجيب بقا كيس نايلون ونجهز المكونات دى
نسيح معلقه عسل على النار ونسيبها تهدى وبعدين نحط عليها معلقه زيت جلسرين وعصير ليمون ومعلقه صغيره مايه بطاطس هقلكم ازاى نعملها
نبشر بطاطس واحنا بنبشرها هتنزلى مايه وكمان الى اتبشر نهرسه كدا هينزل مايه
ناخد منها معلقه ونخلطها وكل المكونات على بعض وهتكون طبعا سايله شويه وندهن بيها الايدين ونلبس الكيس النايلون ونسيبها نص ساعه وبعدين نغسل الايدين



ماسك القدمين ودا هنستمر عليه ان شاء الله لمده اسبوع كل يوم ان شاء الله


نخلط عصير ليمون وزيت جلسرين او جلسرين وفازلين وجليسوليد وممكن نضيف زيت خروع وزيت لوز ونخلط كله ونحطه فى التلاجه شويه وفى الوقت دا نغسل رجلينا كويس بالحجر ونعملها اسكرب ليمون وسكر او ليمون وملح واى اسكرب عندنا وممكن شوفان وعصير ليمون برده بس شوفان بودر وبعدين نفرك كويس وبعدين نغسل الرجل بماء فاتر وندهن بقا الماسك الى فى التلاجه ونلبس كيس نايلون وفوقيه شراب وننام وتانى يوم نغسل الرجل وان شاء الله هتحسوا بالفرق من اول مره ان شاء الله



سلام

لا اله الا الله سيدنا محمد رسول الله
ص
فينننننننننننننكم
M
انا هنا يا قمر

وان شا ءالله النهاردة هعمل الايد والرجل بس ميتنية قبل النوم عشان اعملهم وانام

وكنت حابة ان شا ءالله اجرب خلطة بنت عذارى للايد مبين رووعة

وجيبت كل الى مطلوب فيها باذن الله

وهضيف من عندك مية البطاطس

ونشوف اية هيكون
ع
ايه فايدة مية البطاطس؟

صوت العيون ........ ممكن نتعامل ازاى مع الاماكن الغامقة اللى فالجسم و توحيد لونه ؟عندك فكرة ؟و جزاك الله خير على مجهودك و تشجيعك لينا
X