القطريات اللي والده في المستشفى الاهلي تتفضل

انا عن نفسي ربيت في مستشغى الولاده وبربي هالمره بعد عندهم شحلاتهم

اعرف قريبتي ربت طبيعي عندهم عند روزفي بس هي وااااااايد صديقه روزفي ماهدتها ابد

واعرف وحده ثانيه ربت هناك وجاها نزيف طرشووها بالاسعاف حمد

عن نفسي بصراحة من بداية الحمل كنت متابعة هناك مع دكتوره رزفي وربيت هناك قيصرية ما شاء الله عليهم معاملتهم واايد حلوه وارتحت هناك واايد كاني اميره صح تعبت بالولاده بس هم ما قصروا معاي اللي ولدتني دكتورة عراقية عسل اسمها سميره تميت يوم كامل من الصبح لين فليل هناك لحد ما قررت لي العملية القيصرية كلفتني الولاده بالكامل 34 الف و خمسميه ادري انهم واايد بس مو واايد على راحتي احسن بمليون مره من ذل مستشفى حمد و معاملتهم بس اللي اعرفه ان الحين زادوا شوي اسعارهم

مشكورين وياليت الباقي يفيدونا

في هالقسم المواضيع تكون مظلومه وما نستفيد من سؤلنا الا القليل

واختي بنت الشارقه حاطه سؤال مشابهه لسءالي وخليتو بقسم الحمل والولاده ليش انا سؤالي نقلتوه شالفرق يعني

انا ولدت طبيعي في الاهلي الحمدلله راحه واهتمام ورعايه حقي وحق البيبي........ز

أختي صج بتشترين راحتج بمستشفى الأهلي و بيدللونج بس حاسبي
بعيد الشر إذا صار شي فيج أو في البيبي لاسمح الله ترى ماعندهم الإمكانيات الموجودة بحمد على طول يطرشونج حمد بالإسعاف
صدق حمد يذلونج ويلوعون جبدج بس هذي ولادة وماتدرين وشهو إللى يصير
أنا مثلج كنت أبي أولد بالأهلي بس زوجي ما خلاني وكذا وحدة تشتغل بحمد وبالصحة نصحوني أولد بحمد
لأن أجهزة التعقيم الموجودة بحمد ماهي موجودة بأي مستشفى خاص هني
هذا رأيي وإنتي براحتج... والله يقومج بالسلامة

راي من راي اختي انا عندي كارت التامين يعنى ما ادفع شيىء وقاعدة اتابع في حمد احس ثقة غير الخاص
وشوفي الي ريحك

بالعكس المستشفى الاهلي ممتاز وفوق الممتاز بعد
وعندهم بنك للدم يعني يقدرون يتعاملون مع حالات النزيف وكل شهر يولدون فوق ال 200 وحده وخبره يعني

رفععععععععععع

انا بعد من رأيي مستشفى الولادة خبرة أكثر

وسمعت عن كذا حالة توهقوا فيها الاهلي وبالاخير نقلوهم

للولادة انت استخيري قبل والله يكتب لج اللي فيه خير ..

تدرون بنات انا من يوم كنت حامل في ولدي قلت بربي عندهم وكنت اتابع حملي عندهم بس حزة لحزه مادري ليش رحت حمد على طول والحين هاي حملي الثاني شكلي بربي عندهم عاد اليوم بالذات كان عندي موعد بعد ماخلصت رحت احوس اشوف الغرف صراحه وايد حلوه للعلم ترى كبروها شوفوا ياكروشات صج اني سمعت ناس وايد ذموا في المستشفى وناس امدحوا يعني لازم اتحطين في بالج وتامنين بهذا الشي انه اللي الله كاتبه بصير سواء في حمد ولا الاهي انا في ولادتي الاولى كنت عمليه لانه عنق الرحم مافتح عندي ويعدين البيبي تعب قالوا عمليه المهم اتعرفون ايش صار لي في العمليه جاتني جرثومه من وين من الدكاتره او من الغرفه من وين الله واعلم شفتو وظليت اسبوع كامل اخذ ادويه وهاذي الادويه مايصير اني ارضع البيبي لانها اتاثر عليه شفتوا شلون وحده كانت معاي صار لها نفس الشي ولا واكثر بعد فالحمدالله على كل حال الله يقومني بالسلامه وربي طبيعي انشاء الله