ساعدونى وادعولى

coffeerose;9609190:
لا ياحبيبتي ماتقوليش كدة
مش موضوع مش على باله ولا حاجة مين قالك يمكن هو تعبان برضه
انت مش بتقولي انكم اصلا بتحبوا بعض واتمسكتوا ببعض
بس انا متهيالي مامته وباباه ضاغطين عليه
الفكرة اني شايفة انك ما قصرتيش معاه وبعتيله رسايل وهو
ماردش مش عايزة اقولك حاولي معاه تاني لان المفروض هو اللي ياخد الخطوة دي
بس واضح ان مامته وبابه مسيطرين عليه جامد
يارب ييسرلك الحل والله بدعيلك لاني زعلانة عشانك ونفسي ادخل مرة الاقيكي كاتبة
انه اتصل والامور اتحلت وان شاء الله يا حبيبتي ده حيبقى قريب وتنوري بيتك من تاني
ربنا ييهديه يارب ويصلح حالكم

بجد أنا مش عارفة أقولك ايه بس كفاية عليا انى بسبب المشكلة دى مافقدتش الثقة فى كل الناس ودة بعد مالاقيت انسانة تشعر بمن حولها مثلك ياغاليتى ومثل كثير من بنات المنتدى اللى ساندونى ورجعولى ثقتى بنفسى وبالناس ربنا يخليكى ويسعد أيامك

ربنا يهديلك الحال ويهدى زوجك لازم يجى يوم ويعرف انه كان غلطان اصبرى وادعى الله له بالهدايه ربنا معاكى

poopoo;9610002:
ربنا يهديلك الحال ويهدى زوجك لازم يجى يوم ويعرف انه كان غلطان اصبرى وادعى الله له بالهدايه ربنا معاكى

جزاكى الله خيراً

حبيبتى سندريلا والله قاعده الان وفى اواخر الليل وبدعيلك بجد مش عارفه اقلك ايه عارفه مهما كلمتك او هونت عليكى محدش بيحس بالمشكله الا صاحبها بس بجد ربنا يهون عليكى وادعى ربنا بجد ادعيله واتزلليله وعيطى وقولى يارب انصرنى وحسبى الله ونعم الوكيل فى كل من يظلمنى ويبتغى عليا ربنا محتاجك تقربيله وانتى محتاجه ربنا اكتر عشان يفك كربك صدقينى دا اختبار بس عايزاكى واسفه فى الدعاء دا انك تقولى لو جوزك خير ليكى ربنا يقربه ولو شر ربنا يبعده عنك وعن جنينك الله يحفظهولك وعارفه انك ممكن تخافى تدعى ربنا بالدعاء دا لانك بتحبيه لكن صدقين مفيش احسن من الاستخاره وانسى الانسان دا خالص موقتا وعارفه ان دا صعب بس حاولى ويارب يارب يفك كربك ويفك كرب جميع المسلمات ويهديلنا اهلينا ويسخرهم لينا قولوا امييييييييييييييييييييين

om euad;9611020:
حبيبتى سندريلا والله قاعده الان وفى اواخر الليل وبدعيلك بجد مش عارفه اقلك ايه عارفه مهما كلمتك او هونت عليكى محدش بيحس بالمشكله الا صاحبها بس بجد ربنا يهون عليكى وادعى ربنا بجد ادعيله واتزلليله وعيطى وقولى يارب انصرنى وحسبى الله ونعم الوكيل فى كل من يظلمنى ويبتغى عليا ربنا محتاجك تقربيله وانتى محتاجه ربنا اكتر عشان يفك كربك صدقينى دا اختبار بس عايزاكى واسفه فى الدعاء دا انك تقولى لو جوزك خير ليكى ربنا يقربه ولو شر ربنا يبعده عنك وعن جنينك الله يحفظهولك وعارفه انك ممكن تخافى تدعى ربنا بالدعاء دا لانك بتحبيه لكن صدقين مفيش احسن من الاستخاره وانسى الانسان دا خالص موقتا وعارفه ان دا صعب بس حاولى ويارب يارب يفك كربك ويفك كرب جميع المسلمات ويهديلنا اهلينا ويسخرهم لينا قولوا امييييييييييييييييييييين

اللهم آمين وجزاكى الله خيراً

coffeerose;9632148:
سندريلا اخبارك ايه يا حبيبتي
مافيش جديد؟؟؟؟
لو لسة مافيش جديد <<<ويارب يكون تفكيري مش في محله
باباكي مفكرش هو اللي يكلمه
يقوله تعالى وحط حد للوضع ده ماينفعش كدة اللي انت بتعمله ده مش اصول
لو بنتي غلطت في حاجة تعالى كلمني راجل لراجل
انت في طفل جاي في السكة يعني المفروض تكون انساان مسؤل
ولو مش حتقدر تتحمل مسؤلية شوف عايز ايه
وانت في حالك واحنا في حالنا
كنوع من التهديد ليه ومن غير اي جرح لكرامتك او انه يحس انك اعتذرتي وغلطانة
وربنا ييسرلك الحال يارب

انتى عارفة لو بابا كلمه هايقول هو وأهله ان أهلى مش مستحملينى ولا قادرين على مصاريفى علشان كدة ماينفعش يكلمه بس هو ابتدا يحس بغلطه لكن كبريائه مانعه انه يحاول يصلحه
من يومين كدة فيه رقم موبايل غريب بيتصل بيا فى وقت متأخر وانا من عادتى مابردش على أرقام غريبة ولما العملية زادت عن حدها اتصلت امبارح من رقم غير رقمى علشان شكيت فيه وشكى طلع فى محله وهو اللى رد بس انا قفلت وما رديتش لأنى لازم أحفظ كرامتى ولأنه لازم يعرف ازاى يتصرف لما يكون غلطان وربنا يهديه

coffeerose;9634011:
انا حاسة ان هو مش مرتاح والله للي حصل وهو كمان تعبان بس واضح ان مامته وباباه ربنا يسامحهم هما اللي مسيطرين عليه ربنا يهديه لانه لو كان عادي كان كلمكم مش محتاج للحركات دي انت مراته يا بنتي
لا انا قصدي ان باباكي يهدده بس انه لو ماجاش حتى يتفاهم معاه راجل لراجل
ويقول في ايه اللي حصل
يبقى بعد الشر يعني كل واحد من طريق
ويقوله بنتي في عنيا وعلى راسي احنا مش عايزين منك حاجة غيرحقوقها
الشرعية لان ده التزام عليك بما انك راجل قوام على بيتك
مجرد تهديد بس مش اكتر يعني يحسسه انت مش بتسال
خلاص ما تربطناش كدة سيبنا في حالنا

بس عامة يا سندرريلا الخطوة دي كدة مالها لزمة خالص دلوقتي مادام بدا يتراجع ويتحرك
لان حاجة زي دي دلوقتي ممكن تشعلل الدنيا لا خليكي زي ما انت عشان ماحدش يمسك عليكي غلطة وتبقي انت الاحسن ولو ان دي الحقيقة لانك انت واهلك ناس بتوع اصول ربنا يحميكم ويحفظكم يارب
هي المشكلة كلها في مامته وباباه واضح

طب انتي لما ترجعيله ماينفعش تسيبيلهم العمارة كلها وتسكنوا برة
لو في امكانية بحيث مايحتكش باهله كتير وتبقي بعدي عن حماكي

أنا فعلاً شايفة ان الخطوة دى صعبة شوية دلوقت وأصلاً ماما قالتلى سيبيه هو كدة كدة هاييجى ان شاء الله ان ماكانش علشانك هايكون علشان ابنه وخصوصاً انه كان بيستنى حملى بفارغ الصبر وان ماكانش علشان ابنه هايكون علشان انه هايشوف نتيجة ظلمه لأن ربنا مابيسيبش حق حد والحمد لله أنا كنت باتعامل معاه ومع أهله بما يرضى الله ثم كمان فرح أخته يوم 10\7 وهايكون شكلهم وحش لما الناس يسألوا عنى ويقولولهم غضبانة وخصوصاً وكل الناس عارفة انى حامل وانا بصراحة مقتنعة انه ان شاء الله هاييجى وأملى فى وجه الله كبير انه هايحقق رجائى وابنى يتولد ويتربى فى حضنى انا وابوه أما موضوع السكن فأنا ان شاء الله هاشترط انى أسكن فى مكان تانى وهايكون معايا الحق فى طلبى علشان أكون مآمنة على نفسى وهو زمانه عرف اللى أبوه عمله معايا لأنى كنت باكتب مذكراتى ونسيتها هناك وهو أكيد قرأها ويمكن دة برضه من الأسباب اللى مخلياه مش قادر ييجى وخايف يواجهنى
حبيبتى لا تنسينى من دعائك وصدقينى أنا سعيدة جداً باهتمامك وربنا يكرمك ويحقق كل امنياتك

ربنا معاكى وفعلا لازم تكونى فى مكان بعيد عن أهله وهو هيجى هيجى ان شاء الله
ربنا يقومك بالسلامة بس عايزة أقولك حاجه حتى لما ان شاء الله ترجعو لبعض ماتعديش اللى حصل بالساهل وحسسيه دايما ان الموضوع سايب جواكى جرح كبير عشان يا يفكرش بعد كده يكررها

الله يفرج همك يارب

ربنا معاكى

اوعى تتنازلى ان اتنازلتى مرة اعرفى انك هاتتنزلى طول العمر

الله يكون بعونك
اكثري الاستغفار
ومن الدعاءبقيام الليل

coffeerose;9640789:
فعلا مامتك معاها حق
ربنا يباركلك باهلك يارب ويحفظكم ويخليكم لبعض
والله يعلم ربنا اني بدعيلك على طول
ان المشكلة تتحل
واول مابدخل المنتدى بدخل على موضوعك
بجد ببقى عايزة اطمن بس عليكي
واتمنى ما اكونش بدايقك .....ويارب اكون بقدر اساعدك او اخفف عليكي
وان شاء الله حترجعي لبيتك قريب ونسمع اخبار كويسة باذن الله
(f)(f)(f)(f)(f)

والله ربنا اللى يعلم انك بتخففى عليا كتير وانك فعلاً بتساعدينى وما شاء الله على أرائك وربنا مايحرمنيش منك

DodyCat;9640926:
ربنا معاكى وفعلا لازم تكونى فى مكان بعيد عن أهله وهو هيجى هيجى ان شاء الله
ربنا يقومك بالسلامة بس عايزة أقولك حاجه حتى لما ان شاء الله ترجعو لبعض ماتعديش اللى حصل بالساهل وحسسيه دايما ان الموضوع سايب جواكى جرح كبير عشان يا يفكرش بعد كده يكررها

جزاكى الله خيراً حبيبتى وربنا يخليلك زوجك ويرزقكم السعادة فى حياتكم وجميع المسلمين

مغتربة سدني;9640948:
الله يفرج همك يارب

اللهم آمين

سارة العروسة;9641349:
ربنا معاكى

اوعى تتنازلى ان اتنازلتى مرة اعرفى انك هاتتنزلى طول العمر

ناس كتير قالتلى الكلام دة وعلشان كدة أنا حتى بطلت أفكر فيه ومابفكرش غير فى البيبى اللى جاى علشان لو فكرت فيه ممكن أضعف واتنازل وان مش عايزة اتنازل
جزاكى الله خيراً

اختى الله يفك كربك لكن نصيحة منى مهما طال الوقت فانه سيرجع باذن الله عشان حملك على الاقل ولكن مهما حدث لا تخبريه بما يفعله والده واصمدى ولا تضعفى وتقولى له لانه لن يصدقك وسوف يظل يتذكر ذلك منك مدى الحياة
ولكنى اريدك ان تعرفى ان والده محرم لك يعنى لا يجوز له شرعا ان يتزوجك - ارجو الا يكون ما كنتى فيه تهياوات

حبيبتي الله يفرج همك ونهاية الرجل دائما لبيته وزوجته واصبري

coffeerose;9659257:
ها ياحبيبتي مافيش اخبار جديدة
طمنيني عليكي

أبداً لسة الوضع زى ماهو ربنا يهديه

zeyood;9659542:
اختى الله يفك كربك لكن نصيحة منى مهما طال الوقت فانه سيرجع باذن الله عشان حملك على الاقل ولكن مهما حدث لا تخبريه بما يفعله والده واصمدى ولا تضعفى وتقولى له لانه لن يصدقك وسوف يظل يتذكر ذلك منك مدى الحياة
ولكنى اريدك ان تعرفى ان والده محرم لك يعنى لا يجوز له شرعا ان يتزوجك - ارجو الا يكون ما كنتى فيه تهياوات

أنا عارفة ان والده محرم لكن صدقينى دى ماكانتش تهيؤات أبداً وانا اشتكيت لجوزى أكتر من مرة وكان بيتحرج يرد عليا وينكر حاجة زى دى لكن لاحظت أكتر من مرة انه بيراقب نظرات أبوه ليا وعلشان الموقف دة هو مش عارف يورينى وشه وخايف ان انا أحكى للناس اللى يعرفوهم لسة ماعرفش ان انا مابحبش اتكلم فى حاجة ربنا يهديه هو وكل اللى زيه

هديل حماد;9659790:
حبيبتي الله يفرج همك ونهاية الرجل دائما لبيته وزوجته واصبري

جزاكى الله خيراً