شوفي يا قلبي
انا دخلت ولدي حضانه يوم كمل سنتين عشاني كنت حامل ومالي خلق شطانته لانه ماشالله عليه حركي وفي نفس الوقت مااباه يتعود عالشغاله...قلت الحضانه احسن عالاقل يشوف اطفال يلعب وياهم و يتعلم في نفس الوقت و يطلع طاقته هناك...طبعا دورت حضانه تكون ممتازه حتى لو غاليه...ومعروفه..وفي نفس الوقت مب بعيده عن البيت...في البدايه قطع لي قلبي من الصياح يوميا الصبح..ويوم يشوفني وانا رايحه اخذه... و قلت انا شو سويت في الولد بعقده..وكنت بطلعه لولا اقنعوني المديره و المدرسات ان هالشي عادي جدا وان معظم الاطفال جيه في البدايه..وبالفعل الحمدلله بدا يحب الحضانه ويحب يروح يوميا...وبدا يتعلم اشياء غير ان نومه اعتدل..ينام الساعه 7 و نص او 8 و يصحى الصبح 7 و نص و صار حتى وقت زياده لي يوم ينام او يوم يكون في الحضانه
بس العيب الوحيد
هو انه يمرض واااايد...يتعادي من الاطفال..كل كم يوم زكام و كحه ..او حمى او غيره...واللي يخوفني اكثر انه ممكن يعدي اخوه المسكين...
هذي تجربتي..مع الحضانه...بس مادري اقل من سنه اذا انتي ما تشتغلين احس حرام...بعدهم بيبيات حتى الاكل ما ياكلون كل شي...بعدهم يحتاجون حنانج طول الوقت..وصعبه تأتمنينهم على اي حد حتى لو كانت الحضانه ممتازه لانهم ما يتكلمون ..وحتى لو مب مرتاحين ما بيقدرون يقولون...
اصبري بعد سنه يكونون مشوا و تكلموا و كلوا اكل مثل الكبار..وحتى نومهم يعتدل...انا يكسرووون قلبي البيبيات اللي في حضانه ولدي...اقول مسكينه هالام..شو هالظروف اللي مخليتنها تخلي بيبي بين غرب...تخيلي حضانه ولدي ممتازه وشفت بعيني اللي تهتم بالبيبيات شايله 2 مره وحده و تسكت فيهم...يعني البيبي ما يحصل كفايته من الاهتمام...وهاي كم بتصبر على يهال يصيحون طول الوقت...اكيد بييها وقت بتطفرمنهم و بتتافف منهم..اذا احنا الامهات نطفر من عيالنا عيل هالغريبه شو....
فكري فيها عدل واذا مب محتاجه ترى عيالج اولى...عالاقل اول سنتين من حياتهم
امهات الروضة والحضانة!! تضر؟!
a
13-05-2009 | 11:04 PM
n
14-05-2009 | 01:38 AM
lمعظم الي اولادهم في الحضانة مضطرات لأنهم موظفات وما عندهم احد من الاهل يقدر يرعى اولادهم وانا وحدة منهم
م
14-05-2009 | 07:20 AM
السلام عليكم.. صباح الخير..
موضوع حلو.. ربي يسر اموركم يارب
موضوع حلو.. ربي يسر اموركم يارب
ا
14-05-2009 | 11:08 AM
حبيبتي انا وديت ولدي و عمره بالضبط 11 شهر
و صراحة بدون مبالغة ما فيها اي سلبيات غير انه يتمرض وايد بسبب العدوى و الا وايد فادتني نظمتلي نومته و اكله و احس شخصيته صارت اقوى صراحة انصح كل ام تخلي اولادها بالحضانة و خصوصا انتوا ببلد مسلم مو مثلي انا
و صراحة بدون مبالغة ما فيها اي سلبيات غير انه يتمرض وايد بسبب العدوى و الا وايد فادتني نظمتلي نومته و اكله و احس شخصيته صارت اقوى صراحة انصح كل ام تخلي اولادها بالحضانة و خصوصا انتوا ببلد مسلم مو مثلي انا
*
14-05-2009 | 03:36 PM
مثل ماقالت مروم لازم تختارين حضانة سمعتها طيبة لانة ولدج صغير يعني محتاج رعاية اكثر من الي يروح الروووضة
ا
14-05-2009 | 04:44 PM
مشكورات يا خواتي جميعا على ردودكم وافادتكم بكل تجاربكم
بس حيرتوني والله
انا خايفة على نفسيتهم .. ما ادري شاسوي !
انا مؤمنة ان تغير المكان مب في صالحهم والافضل ان يكونوا بالبيت
بس منو اخلي معاهم بالبيت ؟؟؟ ما عندي حدى!
وما احب اخذ لعيال على بيت الاهل .. مع ان بمووتون ويبونهم .. بس بيت هلي زواره من الجيران بشكل يومي .. عشان شذي انا مش مرتاحة . غير ان امي انسانة مريضة وما اقدر امرضها اكثر وتعاني من الالام في العظم يعني ما تقدر تشيل وتحط .. شغالتي موجودة .. بس مستحيييييييييل اترك لعيال في عهدتها لثانية وانتوا اخبر
ابي ارجع لشغلي عشانهم
المسألة مب حاجة
بس ما يصير اترك الشغل صار لي تقريبا 8 شهور ولا ارد على مكالمات احد
لانهم اهتمامي الاول
بنات ارجوكم دلوني على حضانة يراعون فيهم الله قبل كل شيئ
شكلي بنوي اقعد معاهم او اشوف لي مخرج مع الأهل اتوقع هذا اريح لقلبي
لاني في حيرة فعلا وما اقدر اطلع شبر قبل ما أأمن على العيال مليون ب 100
وبصراحه انا مش من النوع الي عندي قلب اخليهم وامشي
ولا كنت شفت الي حضانة حطيتهم فيها وخلاااااااااص
بنات حسووا فيني ارجوكم وساعدوني بأرائكم إذا تقدرون
بس حيرتوني والله
انا خايفة على نفسيتهم .. ما ادري شاسوي !
انا مؤمنة ان تغير المكان مب في صالحهم والافضل ان يكونوا بالبيت
بس منو اخلي معاهم بالبيت ؟؟؟ ما عندي حدى!
وما احب اخذ لعيال على بيت الاهل .. مع ان بمووتون ويبونهم .. بس بيت هلي زواره من الجيران بشكل يومي .. عشان شذي انا مش مرتاحة . غير ان امي انسانة مريضة وما اقدر امرضها اكثر وتعاني من الالام في العظم يعني ما تقدر تشيل وتحط .. شغالتي موجودة .. بس مستحيييييييييل اترك لعيال في عهدتها لثانية وانتوا اخبر
ابي ارجع لشغلي عشانهم
المسألة مب حاجة
بس ما يصير اترك الشغل صار لي تقريبا 8 شهور ولا ارد على مكالمات احد
لانهم اهتمامي الاول
بنات ارجوكم دلوني على حضانة يراعون فيهم الله قبل كل شيئ
شكلي بنوي اقعد معاهم او اشوف لي مخرج مع الأهل اتوقع هذا اريح لقلبي
لاني في حيرة فعلا وما اقدر اطلع شبر قبل ما أأمن على العيال مليون ب 100
وبصراحه انا مش من النوع الي عندي قلب اخليهم وامشي
ولا كنت شفت الي حضانة حطيتهم فيها وخلاااااااااص
بنات حسووا فيني ارجوكم وساعدوني بأرائكم إذا تقدرون
U
13-06-2009 | 10:06 PM
انه مشكلتي مثل مشكلة الشيخة راح اترك بنتي و ارجع الشغل و هي بعمر الست شهور وماعندي حدي يجلس معاها