ساعدونى بتنسيق شقه الزوجيه دهانات..ستاير..سجاد

حبيبه مادو;9435714:
قولت اعمل ردى موضوع هنا عان كلكم تساعدونى وتشوفوا الموضوع

اسئله هاااامه جدددا واتمنى تساااعدونى بشقتى


اللى مطلوب فيها سرعه التوضيب

دلوقتى انا عاوزه اعرف

اوضه النوم بتاعتى بيج على ذهبى ادهن الحيطه لون ايييه واعمل الستاير لون ايييه والمشايات لون اييه ؟؟؟
الدهان اعمليها لون سن الفيل والستاير بيج فى دهبى والمشايات برده حاولى تجبيهم بيج على دهبى
الصالون نبيتى على ذهبى على بنى اوكسيديه ادهن الحيطه لون ايييه واعمل الستاير لون ايييه والمشايات لون اييه ؟؟؟
بصى الصالون بالنسبة للستاير شوفى اى لون اكتر فى الصالون واعمليه مع البيج يعنى اعمليها بيج فى نبيتى لون النبيتى باين اكتر فى الصالون او بيج فى اوكسدية لو الاوكسدية اكتر من النيتى وهكذا برضه المشايات
السفره دهبى على زيتى ماكسد كده ادهن الحيطه لون ايييه واعمل الستاير لون ايييه والمشايات لون اييه ؟؟؟
بصى انا بفضل انك تعملى الشقة كلها لون سن الفيل لانه بيليق على كل العفش وبعدين لو حبيتى تعملى حيطة مختلفة وقتها تفكرى فى لون الحيطة دى الستاير بقى دهبى فى ذيتى
السجاد هو بقى اللى دايما تحاولى توفقية مع الالوان دى يعنى تجيبى اقرب سجادة للالوان بتاعت الحاجة اللى هتحطيها عليها
مع العلم انى هحط الصالون فى الرسبشن مع السفره
عادى جدا لو حطيتى الحاجتين فى مكان واحد انا هحط السفرة مع الانترية لان عندى مفتوحين على بعض وهما الاتنين مختلفين انا انريهى احمر فى بيج والسفرة لونها بنى مط وفيها فضى هعمل الستاير بتاعت الانترية احمر فى بيج والسفرة هعملها بنى فى فضى فاانتى كمان كده ماشى كل حاجة مع حاجتها ومفيش اى مشكله انهم يكون جمب بعض المهم ان الفرة تكون ماشية مع ستارتها وهكذا الصالون
الركنه لسه مش عملتها ولا اوضه الاطفال هجهم فى الاخر على اساس الوان التوضيب اللى هعملها

دلوقتى المطلوب فى كل غرفه اللون الحائط ايه والستاير والسجاد

المطبخ هعمله اوليمتال ان شاء الله حابه اعمله احدث لون شوفته الاحمر فى رصاصى والاورنج فى كريمى ايه رايكم فى الوان احسن تانيه ؟؟؟
بصى الاورانج فى كريمى شفتة فر راجل وست ستات كان شكله حلو قوى
والاحمر عموما برضه بيبقى جميل بس الرصاصى بقى مش عارفة بصراحة فى المطبخ مع الاحمر هيبقى عامل ايه وكمان انا حمامى اورانج فى كريمى فمتخيلة الاورانج اكتر
ا[COLOR=YellowGreen]لحمام حابه اعمله روز ايه رايكم هجيب طقم الحمام البانيو والحوض والتواليت روز واعمل السيراميك كله ساده روز بوزره ولا ادخل لون تانى مع الروز زى الرصاصى مثلا [/COLOR]
بصى الروز فعلا بيفتح الحمام انا عندى اختى حمامها بنى فى كريمى وحمام سلفتها روز فى ابيض لما بدخل حمام اختى واشوفه وكمان لما بشوف حمام سلفتها بنقول على طول ان حمام سلفتها منور اكتر لان الروز مفتح الحمام هى عاملها روز فى ابيض وطقم الحمام برضه روز فشكله حلو والله ولون رقيق قوى
بس هقولك حاجة كمان معلومة تبقى معاكى الناس دلوقتى معظمهم بقوا يعملوا لون الحمام مطرقع زى انوا يكون فى احمرارات اورنجات ليمونى زى اللى بيجى فى اعلانات سيراميا كده ودايما بيدخلوا فيه ورد
انا عندى عمله بتاعى اورانج فى بيج ومدخله فى ورد زى تابلوة كده

ولا تقترحوا عليا لون تانى فى الحمام ؟؟؟

اوضه الاطفال عاوزه اعمل الوان مبهجه لكن محتاره جدا اعملها حيطه ساده وحيطه مقلمه ولا حيطه لون ولون واختار لون اييه اصفر مع موف ايه رايكم فيييه ولا فى احسن ؟؟
اوضه الاطفال اعمليها لون اللى تحسى انوا عجبك ولو عرفتى تعملى الاستيكارات هتبقى لذيذه جدا استيكر بيتلزق وبيبقى عليه اشكال كرتون شفتة من يومين عند اخو جوز اختى لانة بيوضب شقتة وقررت اعمله ان شاء الله مخلى الاوضه امورة جدا
الليفنج روم عاوزه اعملها لون مميز برضو لكن مش عارفه خااالص اعمله ايييه وعلى اساسه هشترى الركنه لكن مش عارفه اعمله ايييه
لا متعمليش دهانات الليفنج غير لما تشترى الركانه يااما تعمليها لون سن الفيل ولما تجيبى الركنة وتشوفى ايه اللون اللى فيها وابقى اعملى حيطه فيه
وكمان فى طرقه طويله 5 متر دى لازم تكون بلون الرسبشن اللى برا ولا اعملها ايييه ؟؟؟
انا هعملها بلون الرسبشن وهى المفروض تبقى بلون الاساسى بتاع الشقة
انا اسفه انى طولت عليكم بس انتوا اكيد حاسيين اللى انا فييه والقرار ليا لوحدى جوزى مش موجود وبيقولى انا عاوزك تختارى اللى ناتى حباه عشاه دى ممكلتك وكده وانتى تعرفى اكتر اللى انتى عاوزاه

اتمنى تساعدونى بارائكم ولو فى صور

ومبروك عليكى كلى شئ مقدما ويارب تطلع الشقة احلى ماتتخيلى

بصى النوم ممكن تعملى بيج او سن فيل (عاج) فى دهبى والمشايات ممكن بيجات فى زيتى


الصالون ممكن تعملى حيطه فيه نبيتى مقلم دهبى والباقى بيج فاتح او لؤلؤئى


هكملك بعدين باقى الحاجه

صباح الخير
حبيبة مادو اخبارك ايه؟
يا ستي ما تحارتيش خالص
انتي قولتي ان اوضه نومك لونها بيج في دهبي
عايزه اعرفك ان الالوان الفاتحه بتوسع المكان واللالوان الغامقه بتضيقه
طيب نيجي لأوضه نومك البنات قالولك انك تعمليها من نفس الوان الخشب
انا رأيي مختلف شويه شوفي يا ستي دلوقتي نتفق علي لون ل 3 جدران وليكن سكري او اوف وايت او سن الفيل زي ما البنات قالوا ده لانه هيوسع الاوضه وكمان لانه بيليق علي اللالوان التانيه
خلينا في الجدرا الرابع وده ممكن تعمليه حاجه من 4 الوان يتماشوا مع زوقك انتي
يا تعملي الجدار الرابع ده اللي غالبا هيبقي ضهر السرير عشان ده وجهه الاوضه
يا اما نبيتي واللون ده جميل جدا وبجد بيليق اوي مع البيجات والسكريات وساعتها تختاري الستاير و المشايات من نفس اللالوان يعني نبيتيهات في بيج
اللون ده من اللالوان السخنه يعني بيحرك العواطف وطبعا مناسب جدا لأوضه النوم
ده اختيار
يا تعمليه لونه كحلي وبردو اللون ده بيليق جدا مع السكري بس اللون ده من اللالوان البارده فبلاش منه في اوضه النوم لانه ليه تأثير بارد يعني دايما يحسسك الاوضه دي بارده وده بلاش منه في اوضه النوم

يا تعمليه اللون اللي هو بتاع قمر الدين عارفاه؟ درجه من الاورانجات و [COLOR=sienna]البنيات برده هيبقي حلو جدا مع السكري[/COLOR]
واللون ده نفسيا يعني التجدد والاشراق عشان يقرب للشمس ده غير انه ليه تأثير قوي ايجابي علي العواطف خااااصتا الزوجيه اكيد انتي فاهمه يعني بينشط الاحساس اللي انتي عارفاه

يا تعمليه روز مع السكري وده هيبقي اختيار رقيق جدا وبيدي احساس بالنعومه والانوثه والبراءه

طبعا في اي حاله من الحالات المشايات والستاير لازم يدخل فيها لون الجدار الرابع اللي هتختاريه



اما الصالون انتي قولتي ان لونه نبيتي علي دهبي علي اوكسديه
يبقي خليكي في السكري او الاوف وايت للحيطه وياتعملي الجدار الرابع بردو نبيتي او اكسديه
او ممكن تعمليه زي ماهو اوف وايت وفيه شغل اوكسديه في الحاله دي الستاير هتبقي خليط من الاوكسديه والنبيتي ولو هتعملي درابيه يبقي اللي تحت سكري فاتح او اوف وايت واللي فوق هي اللي دمج بين درجتين النبيتي والاكسديه والاكسسورات بتاعت الاوضه يفضل تبقي دهبي
ده لو كان لوحده لكن انتي قولتي هتحطي السفره مع الصالون في الريسبشن
يبقي الحل ان الريسبشن عندك يبقي لونه اوف وايت اما الستاير اللي هتليق علي الصالون والسفره هي اللون الاوكسديه المشايات خليها تحت السفره علي مخضر او جنزاري وتحت الصالون بين البيتي والاوكسديه
وزي ما قولتلك اكسسوارت الصالون خليها دهبيات عشان تبين او تنطق الالوان وممكن بردو السفره تبقي دهبيات او ممكن اكسسوارتها تبقي لونها اخضر ومن درجاته عشان تنطقي اللون المخضر اللي عندك وماتفطسيهوش
طبعا اللوحات ليها تأثير كبير في الصالون ممكن تجيبي لوحات اللون الغالب عليها نبيتي واحمر واصفر واروانج الوان سخنه يعني
ومع السفره ممكن تحطي لوحات يغلب عليها اللون الاخضر والازرق يعني الوان بارده

اما المطبخ بردو ده يتوقف علي تفضيلك للالوان انتي ممكن تعملي غير اللالوان اللي قولتيها درجات اللالوان بتاعت شعار اي تو عارفاها؟ يعني اخضر فاتح مع ازرق فاتح اللونين دول بيبقي حلوين جدا مع بعض
كمان ممكن تعملي كحلي مع سكري او لون الخشب لو هتعملي مطبخك خشمونيوم والخشمونيوم كمان بيليق عليه السيلفر واختيارك طبعا بيتوقف انتي بتفضلي ايه اكتر ومساحت مطبخك ايه كمان لو ضغير فتحي اكتر عشان يبان اوسع

اختيارك للون الحمام صح لانه لون ليه علاقه بالجسم البشري وبيفضل استخدامه في الحمامات و اوض النوم لان دول اكتر مكانين ليهم علاقه بتافعل الاجسام البشريه فيهم

اوضه الاطفال انا شوفت اكتر من اوضه بدرجات الارزق و الاخضر اللي بتكتب بيهم سالي حلوين جدا
ممكن كمان اصفرات واحمرات واورانجات بس يبقي في توازن بينهم
واقتراح الاستيكرات بتاع سالي حلو جدا انا نفسي نفسه اعمله

الليفنج عندك الافضل تعمليه لون في تفاعل وعواطف ودافي لان اغلب القعاد بيبقي فيها
يبقي قدام درجات اللالوان بتاعت الاصفر والاورانج والاحمر

الطرقه لازم تبقي باللون الاساسي بتاع الحيطان واللي هو غالبا هيبقي اوف وايت

يارب اكون ساعدتك

اوضة النوم الدهان بيج فاتح او سن الفيل والستاير بيج فى فى ذهبى او كاكاوى وشييفونات طبعا
المشاية تكون بنى غامق عشان تستحمل وتعيش

الصالون اعملى بيج فاتح والستاير تدخلى فيها ال3 درجات
السجاد بنى اوكسيدويه

السفرة انتى حتحطيها مع الصالون بيبقى كله بيج فاتح الستاير دهبى فى بيج
المشايات تكون على نفس درجة الصالون بنى اوكسيديه

المطبخ رصاصى فى احمر
الحمام غيريه روز فى ابيض او لبنى فى كحلى
اوضة الاطفال ممكن اورانج فى بستاج
اوضة الليفنج اعمليها موف فاتح
الكوردوار يفضل يكون لون الريسبيشن

اوضه النوم اعتقد سن الفيل هيكون مناسب ليها

الصالون يبقى الاوف وايت او اللون السكرى

المطبخ بما ان الشقه غلبايتها كريمى او لون السكريات والبيجات يبقى خليكى فى الاورنج فى كريمى

والباقى انا مع الحب هو الحياه فيهم

وربنا يسعدك ويتمملك على خير

مرسى حبايبى لكل اللى ساعدونى وانتظر ارائكم

ولو حد يعرف شركه تشطيب حلوه ياريت يقولى كام وتكلف كام تشطيب شقه 130 متر

انا عاوزه استشيركم بحاااجه كمااااان انا الحمام بتاعى 2*2.70

عاوزه اعمل بانيو وحوض وتواليت وكده مش هينفع احط الغساله فى الحمام

فى حمام ضيوف تقريبا متر فى متر ونص انا مش هعمله حمام لكن قولت اعمله اوضه غسيل احط فيه الغساله وسبت الغسيل
لكن دلوقت انا مش عاجبنى انه يكون فى باب كده فى الرسبشن اللى هحط فيه السفره والصالون بقول اهده واوسع بيه الرسبشن وماما بتقولى مش لازم بانيو وحطى الغساله فى الحمام وتبقى وسعتى الرسبشن وارتحتى من دوشه الباب وكده وانا مش عارفه اقرر ايه ؟؟؟

وكمان فى بلكونه فى الرسبشن عاوزه اهد الجدار واقفله الوميتال او شباك سلسله ملون مين احسن ؟؟؟ عشان ادى وسع برضو اكبر للرسبشن وادى هدوء للرسبشن عشان الصالون مش يتبهدل من البالكونه وكده
والوميتال يكلف كام سمعت انه هيبقى غالى ولا ايه فمتردده خاصه انه المصاريف يدوبك
ولا اخلى الموضوع ده بعدين ولا ايه ؟؟؟

هااا انتوا فييين يا حبايبى

روح القبطااان رايك ايييه ؟؟؟؟؟؟؟؟؟

انا قررت انى هلغى الحمام الصغنن وافتحه على الرسبشن والحمام هيكفى البانيو والغساله الحمد لله ادعووووووووووولى وهنزلكم بلان للشقه تقولوا راييييكم ضروووووووووووى

الف مبروووووووووووووووووووك