اوضب شقتى ولا اتجوز فى فندق ولا شقه مفروشه ولا اسافرله عروسه

ما هو المفروض زواجنا فعلا ان شاء الله فى عيد الفطر

مرسى يا حبيبتى اول على مشاركتك معاى واهتمامك

ادعولى بليز نتصالح ويرزقه ربنا نوضب الشقه ونحجز القاعه بقى ياااااارب
استغر الله العظيم
لا اله الا انت سبحانك انى كنت من الظالمين
يارب يسرلى حالى يارب يسرلى الصعب لا مسهل الا انت ياااااااااااارب

يارب يسرلك
حالك يارب يسرلك الصعب ويريح بالك يارب ويهديكى لجوزك ويهديه ليكى يااااااااااااااااااارب

شوفى يا ستى انا هاديكى نصيحة واحده مجربه ومش متعقده ولا حاجه وانا يمكن اكبر واحده سنا فى اللى ردوا عليكر وهاعطيكى من خبرتى
اول شى فرحتك انك تدخلى فى شقتك وتنامى على عفشك الجديد والناس تباركلك لا تقارن بتمن
ولو ما حصلش كده هتفضل حسره فى قلبك طووووووووووول العمر انك نمتى على سرير مفروش وما تهنيتى ... والله العظيم ما بتطلع من القلب.
تانى حاجه مش مهم ينزنق شويه بعدين يسدد براحته ويعرف انه تعب عليكى صح ويزيد احترامه ليكى لانه كمان كل اللى وفرتيه ييجى بمنتهى السهوله واحد صاحبه او من اهله يطلبه منه ويكون عايزه فى حاجه اقل اهميه بكتييييييير من الحاجات الاساسيه اللى انتى كنتى عايزاها ويديه الفلوس ساعتها هتولعى فى نفسك ولو قولتى لجوزك انا ضحيت وعملت كذا وكذا هيقولك انا ما غصبتكيش وانتى اللى عملتى كده فى نفسك وبعدين كل الستات بتضحى مش انتى بس
لذلك مفيش داعى تضحى بحاجه بتتمناها كل بنت وبعدين تيجى تحاسبى جوزك عليها
هو حر يتصرف ويدبر حاله ويجهز نفسه مفيش داعى تعملى دور المدبره وتوفرى عليه لانه ما بينفعش مع حد اعملى ودن من طين والتانيه من عجين وصدرى اهلك فى الماديات وما تضغطيش على نفسك وتشيلى الهم وافرحى بعدين الشقه بتاعته وباسمه لكن العفش بتاعك انتى يعنى الاقساط اللى هو مزنوق فيها ملكيش خص فيها اصلا
بعدين انتى هتسافرى مين هيفرشلك الشقه؟ انتى فاكراها حاجه سهله والا بين يوم وليله هتتفرش والا لما تنزلى اجازه هتلاقى وقت تفرشيها والا هتقعدى كل اجازه يا عند اهلك يا اهله وتقضيها بهدله
ختام القصه الاستقرار الاستقرار الاستقرار من اول لاخر يوم بحياتك هو اللى هيخلى حياتك تدوم
الشحططه من بيت لبيت او من فندق لفندق بتجيب الهم والمشاكل
الاستقدام مش صعب ولا معجزه والبيوت بالسعوديه رخيصه والحياه رخيصه ما تقلقيش
انا عشت بالسعوديه والامارات ومصر وامريكا وكندا غير البلاد اللى زرتها وعارفه ازاى ماشيه الامور
روقى اعصابك يا جميله
وادخلى على الرابط ده هتلاقى كل حلول لحياتك وجزاها الله خير نجلا اللى غيرت حياتنا بالموضوع ده وفيه كل شى عن الزواج والحب ومصروف البيت والفسح وعلاقتك بحماتك وسلفتك واخت جوزك واهلك والمشاكل المختلفه وميزته كلااام بلدى وسهل يعنى هتفهمى وتنفذى بسهوله
http://forums.3roos.com/t441241.html

الغاليه سعاد سالم

تم التقييم على ردك الرااائع ونصيحتك الغاليه

انا فعلا كنت محتاجه حد يشجعنى لكده ونفسى افرح بجوازى لانى مش فرحت بخطوبتى هو اسبوع وسافر وبقالى 9 اشهر كده لوحدى مع نفسى وعاوزه اعوض البعد ده انى اتجوز بشقتى وافرح بيها

انا متشكره اووى

خلااص انا ان شاء الله بامر الله اوضب الشقه وربنا يستر ويرزقنا يااارب نكملها واخلصها واتجوز فيها ياااااارب ويزود رزقه نسدد اللى علينا ونخلص من الجبل اللى على قلبنا ده ويهدى باله يااارب ويحنن قلبه عليا

ادعولى انه ربنا يفرح قلبى ونحجز القاعه بقى ونلحق نوضب شقتنا برزق ربنا يااااااارب بحق جاه النبى

بصى ياقمر
لو مثلا جوزك هينزل باذن الله اجازة شهر او شهر ونص ولا حاجة خدى شقة مفروشة بس في مصيف مثلا مطروح اسكندرية الساحل الشمالي شالية على البحر منة تكونى قضيتى شهر عسل ومنة وفرتى
ولو مثلا هيقعد فترة صغننة خدى اوتيل يبئة شهر العسل وتطلعى على السفر معاة بئة
لكن توضبي شقتك وتقفليها وتسافري اولا جوزك هيكون مضغوط بالمصاريف وهتفضلى طول الوقت متحسرة على الشقة المقفولة ولعلمك مع ضغط المصاريف في حاجات هتتكروت
انا غلطت الغلطة دى قبلك صممت انى اوضب شقتى واتكروتت فيها حاجات قعدت فيها اسبوع بس وروحنا اعدنا في محافظة تانية مش هقولك برة مصر ومقهورة انى مش عارفة اقعد فيها وبقول ياريتنى موضبتها اصلا وزنقت نفسي بس ياستى وربنا يوفقك يارب ويكملك على خير ان شاء الله

لا شكر على واجب يا قلبى
واديكى لسه بتتحسرى على انك ما فرحتيش بخطوبتك
يبقى من قصيره فرحى حاللك ولو اشتكى من الاقساط قوليله انا حبيببى هاكون جنبك ونسدد براحتنا ربنا يخليك لى
وحتى كده هتضمنى فلوسه له وبس ومربوط بالتزامات
الرجل يا بنتى لما بيحس الحياه سهله بيسترخص الحده ويقول هترضى باى حاجه
لا لازم يتعود انك ملكه بس بدون غرور على راى نجلا صاحبه الرابط اللى حطيته لك
ما تنسيش تدخلى عليه
ربنا يكتبلك التوفيق يا رب

حبيبه مادو;9438479:
الغاليه سعاد سالم

تم التقييم على ردك الرااائع ونصيحتك الغاليه

انا فعلا كنت محتاجه حد يشجعنى لكده ونفسى افرح بجوازى لانى مش فرحت بخطوبتى هو اسبوع وسافر وبقالى 9 اشهر كده لوحدى مع نفسى وعاوزه اعوض البعد ده انى اتجوز بشقتى وافرح بيها

انا متشكره اووى

خلااص انا ان شاء الله بامر الله اوضب الشقه وربنا يستر ويرزقنا يااارب نكملها واخلصها واتجوز فيها ياااااارب ويزود رزقه نسدد اللى علينا ونخلص من الجبل اللى على قلبنا ده ويهدى باله يااارب ويحنن قلبه عليا

ادعولى انه ربنا يفرح قلبى ونحجز القاعه بقى ونلحق نوضب شقتنا برزق ربنا يااااااارب بحق جاه النبى

كل هالأمور مو مهمه يعني زوجك اكيد بيصير عصبي لانه عليه ضغوط كثيرة مسكين حرام الله مايرضى لازم تساعدينه قد ماتقدرين يعني اذا تقدرين تتنازلين عن بعض الاشياء تنازلي عنها هذا ابسط شي ممكن تسوينه يعني مو لازم الشقة تكون فرش جديد عالأقل غرفة النوم افرشيها وباقي الشقة أجليها لما ربنا يفرجها ، يعني منو الأهم زوجك وراحته ولا الناس ؟؟؟