تجمع الحوامل اللواتي يلدن بشهر تشرين الثاني(نوفمبر 11) 2009 ( الجزء الثانى)

بنت القمر وأحلى قمر;9727475:
مجنونة دوللي حبيبتي ايش هو الكافي مافهمت؟

BlueLily;9720139:
اهئ اهئ ثاني مره اكتب الرد انمسح قبل لا ارسله

ام انس و ايناس

الله يبارك فيج ... و عقبال ما تعرفين نوع البيبي الموعد الياي ان شاء الله و ربي يرزقك بالي تتمنينه ان شاء الله

و اذا عروسه و مولودين بنفس اليوم خلاص بنخطبها ...بس ها مستعده تخلينها تتغرب ...و مافي كل شهر تقول بروح ازور امي في السعوديه و تقعد بالشهرين و 3 و ما ترجع و تخلي ولدي لحاله ...تراني ازوجه وحده ثانيه و البنات ما شاء الله ماليه التجمع ...تهدد الحبيبه ((وحده من الحينه ناويه تستوي حماه شريره الله يستر منها بس )):D:wink:

ميره

الاشعه في المستشفى تكون علشان يشيكون وااااااايد اشياء ...الرحم و المشيمه و الحبل السري و البيبي و اعضائه و كل شي كل شي ...و الي يسونه ناس متخصصين في الاشعه ...علشان جذي مب الدكتوره الي تسويه ...و ياخذ شويه وقت فاذا الدكتوره بتسوي لكل وحده ما بتلحق ابدا تشوف حد

و ربي يبارك فيج و ان شاء الله الموعد الياي يبين عندج النوع ..و انتي عاد رمسيه قولي له خل عنك الحيا يوم واحد علشان نعرف انت ولد و لا بنت بس و بعدين لف و دور على كيفك

هههههههههههههه ضحكتيني يوم قلتي مستوي في البرد :D:D...و مب اي برد بعد ... من الحينه بخليه يعاير (( يذل )) ولد هنود و يقول له انت شايف ثلج في حياتك ((لا تقول لي امارات مول )) انا شايف ثلج رب العالمين :wink::cool:

ربي ايبهم كلهم و كل بيبيات التجمع بالسلامه ان شاء الله

حنين الايام

الله يبارك فيك ... و ان شاء الله الموعد الجاي تعرفين نوعه و تبشرينا ...انتي بالاسبوع 18 يعني اكيد عندج موعد قريب متى بيكون ؟؟؟ علشان نترقب النتيجه و ان شاء الله يكون بخير و صحه و سلامه و يرزقك ربي بالي تتمنينه ان شاء الله

هنود

يا الظالمه لين الحين مب مخبره ريلج (( رجلك يعني زوجك)) كيف استحملتي ؟؟

انا رجعت سالت زوحي بعد ما قام من النوم ...قلت له فرحان ان البيبي بخير قال هيه الحمد الله قالت له فرحان انه ولد ....قال هيه فكانا (( خلصنا )) من كلام الناس ...و ريحنا و جذي عدنا النوعين و بنترتاح فتره من الناس ...((الجمله هذي مع ابتسامه خفيفه :)))...

و انا قلت في خاطري الجمله هذي مب من شي ((ليست لشيء )) الى علشان كلام اهله دايما يلموحون لي عن الطفل الثاني لازم ولد حتى اخر مره قالوها لي بصرح العباره احملي و هاتي ولد اذا مب ولد ما نبيه ...طبعا كلامهم كل يكون لي ما يقولن له شي لكن انا خبرت عليهم (6)

و بعدين اسمعه يكلم بنتي و يتناقش وياها عن الولد و كانت على وجهه ابتسامه كبيييره ...طول ما هو يتكلم عنه و يشرح صورت الاتراسوند لبنتي و هو روحه يتامل الصوره و الابتسامه تكبر و تكبر :D:D(( رجال لازم يكابرون ما يعبرون عن مشاعرهم ))

ذكرتيني بالميرندا مالتهم مال تحليل السكري اكرها اكرها ...انا انسانه ما اعرف اشرب المشروبات الغازيه و لا احبهم و عمري ما شربتهم ... و هذا فيه استيم مثل الببسي في حملي الاول مت مت لين خلصته يمكن ساعه لين شربته

بسلج انتي و ميره ...ليش المراجعات الدكتوره استوت في العيادات الخارجيه ؟؟؟ مب في المستشفى ؟؟ عيل متى الحينه يروحون المستشفى ؟؟

بنت القمر ...

ان شاء الله الموعد الياي يبان معاكي النوع ...و ربي يرزقك الي تتمنينه ان شاء الله

BlueLily;9720264:
الحينه قصه بنتي مع الصدمه

بعد ما قلت لزوجي عن النوع قلت له الحينه كيف نقول لها بنتصدم لان هي خلاص كل تتكلم انها اخت و انها بنت

في نفس اللحظه هي تكلمت و ما اذكر شو سالت بس قالت اختي ...فال لها ابوها مب اختج اخوج.(( نحن في الامارات تقلب الكاف الي جيم ...بس للتوضيح ..لان مرات انسى اعدل )).:eek:و قالت اختي تصلح لابوها ...قال لها لا ماما بتيب اخو مب اخت ...التفت عليه بسرعه :eek::rolleyes::eek:...قالت لي في بطنج بنت ...قلت لها لا الدكتور صوره و قال انه ولد ...قالت بس بس اختي وين :eek::eek:...و هي على وشك انها تصيح ..... قال لها ابوها اول شي بي اخوج بعدين اختج :eek::eek:...و هي تقول لا انا ابي اختي :confused:...نزلت الدموع

فرحت يبت لها صورت الاتراساوند ...و يلست اراويها الراس و الايد و تمت تطاااااااااااالع ...بعدين رجعت سالت كل الاسئله الي سالتها من زمان لكن هذي المره بصيغه المذكر ...كيف ياكل و كيف يشرب و متى بيكبر و متى بي و غيره و عيره

و مرات تغلط و تقول اختي بعدين تعدل و تقول اخوي و كل شوي تطلب الصوره تطالعها

بعدين فليل اسمعها هي و ابوها يتكلمون ...هي تقول له امي بتيب ولد و انا بستيو الاخت الكبيره و بعدين الله بيحط اختي في بطنها...و بعدين بتي اختي

و بس اليوم الصبح قامت بعد كل تتكلم اخوي و اخوي ...و قالت لي متى بي ...قلت لها ما اشترينا شي ...لازم نشتري ملابس و اغراض ...قالت خل ياخذ ملابسي و هي تضحك :21_133:...قلت لها لاااااا انتي بنت ما يستوي ولد يلبس ملابس بنت ...و تمت تضحك:dd::dd:

و بس هذي قصه بنتي مع اخوها المترقب ان شاء الله

أم أنس وإيناس;9720761:
ام انس و ايناس

الله يبارك فيج ... و عقبال ما تعرفين نوع البيبي الموعد الياي ان شاء الله و ربي يرزقك بالي تتمنينه ان شاء الله

و اذا عروسه و مولودين بنفس اليوم خلاص بنخطبها ...بس ها مستعده تخلينها تتغرب ...و مافي كل شهر تقول بروح ازور امي في السعوديه و تقعد بالشهرين و 3 و ما ترجع و تخلي ولدي لحاله ...تراني ازوجه وحده ثانيه و البنات ما شاء الله ماليه التجمع ...تهدد الحبيبه ((وحده من الحينه ناويه تستوي حماه شريره الله يستر منها بس )):D:wink:


ليييييييييييييييييييييييييييلي


ياحليلك لا والله انا مو موافقه ابدا ابدا ابدا اني اخليها تتغرب وتبعد عني :ss:
دوري لولدك غير بنتي وبعد بتخلينه يتزوج عليها صدق حماه شريره الله يعين الي بتاخذ ولدك
خخخخخ

الله العالم يمكن الي قاعده تخططين عليه يطلع ولد ويكفخ ولدك لاني بدخله الكارتيه :cool:

يارب والله مره متشوقه اعرف بنت ولا ولد الله يصبرني

بنت القمر وأحلى قمر;9721032:
هههههههههههه فديتها بنتك ماشاء الله عليها كلامهما يجنن الله يخليها لكم يااارب ويجييب ولي العهد بالسلامه ياااارب

خاطري يكون عندي بنوته بس اللي يجي من الله حياه الله انتظروا المفاجئه انشاء الله الاسبوع الجاي بروح اكشف مافيني صبر اتحمل لييين رجب بمووووت:D:D

جنة الحياه;9721636:
ازيكم يا امهات المستقبل انا معنديش جديد غير اني بدات احس بتقل و انا نايمه و الحر رهيب مش نافع معاه حاجه

النوري;9721674:

مبروك لكل اللي عرفو نوع بيبيهم وانا انضم لكم ان شاء الله ادري متأخره وااايد بس ظروفي ما تسمح ادخل على طول بسبب انشغالي مع اعيالي فديتهم انا عندي بنوتين وولدين الله يحفظهم انا اختكم النوري حامل معاكم واللحين توني داخله الشهر الخامس وفيني بنوته عسوله واتمنى تضموني لكم باللسته تاريخ ولادتي ان شاء الله 10 11 بأذن الله والله يتمم حملكم كلكم على خير

:):):)

حبي توفي;9722699:
BlueLily الف مبررررررررررررررررررررررررروك كنت حاسه انك عندك ولد مادري ليه احساس احلى ناس مبرررررررررروك على البنوته يارب يتربوا في عزكم وعقبالي يارب

البقيه ايش اخباركم مع الحمل انا لسى بطني يعورني واحس بحركات كثير وزي النبض على اليسار ومر اسفل البطن ممكن هذا البيبي؟

طال سفري;9722706:
اخباركم كروشات

. حنين الايام .;9723726:

هلا حبيبتي ..

ان شاء الله بقولون الي ... يوم 6/25 موعدي عند الدكتورة
بقالي 14 يوم و ينعرف جنسه >>>> احسبله يوم بيوم :D

من هسه صايره معركه بين اختي و زوجي الاثنين ريدون يجون معاي للموعد و لازم بس شخص واحد :D
قلت لزوجي انت بتجلس برا تنتظر النتيجه و هو مو راضي ههههه

تسلمين يا قلبي ..

عبلة;9725085:
وأخيرااااااااااااااااااااااااااااااا يا بلو شفتي البيبي ؟؟:clap:


مبروك الف مبرووووووووووووووووووووووووووووووووووك حبيبتي ( ولو انها متأخرة ) وعقبال ما تشوفينه قدام عينج وفي حضنج ياااااااااااااااااااااااااااااااارب ..:shy:


اتصدقين انا كان عندي احساس قوي ان اللي في بطنج ولد ....:B_wink:


عقبالي يارب ...وعقبال كل وحدة تتمنى الولد ...:21_207:

...( هنوده )...;9725376:
السلام عليكم جميييييييييييييعا

شخبااااااااااركم يا أحلى كروشات

^_^

إمبارحه كتبت موضوع عن الحفله اللي سويتها لزوجي عشان أخبره أن البيبي ولد

سوري ما حطيتلكم الرابط لأني كنت تعبااااااااااااانه أوي أوي من تنزيل الصور وتنسيق الموضوع فعلطول طلعت ورحت أرتاااااااح غير أن زوجي كان موجود فالبيت

^_^

تفضلوا الرابط إن شاء الله يعجبكم الموضوع

http://forums.3roos.com/t463487.html

جويلا;9725543:
صباح الخير يا حوامل , شخباركم و شخبار الحمل معاكم