بعد 20 يوم من الولادة .. انصدمت !!!

الحمد لله على سلامتك غاليتي
موضوعك خوفني حيل لاني بكر و ماعندي ذاك الاطلاع في هالسوالف ، زين انج انتبهتي مبكر و نبهتينا
ربي يجزاج خير و يخليج لبنتج

حبيبتي ام جهاد انتي قصتك زي قصه صديقتي بالضبط بس ما عليك صديقتي ما سكتت راحت لنفس المستشفى اللي سوا لها الجراحه من تحت يوم ولدت ومسحت فيهم الارض وكشفت عليها دكتوره ثانيه غير الدكتوره اللي سوت الجراحه من تحت لها ورجعوا نوموها وسوت لها جراحه وخياطه جديده وسكرتها تسكير اذكر صديقتي قالت لي انها يوم كانت تغسل بالنفاس كانت تمسك العجان بيدها واذكر انها دقت علي تشتكي بس انا طمنتها وقلت لها عادي بس هي حست ان الموضوع مو طبيعي وما سكتت لا تسكتين وسوي لك جراحه ثانيه ماعليك من الدكتوره فرح

الله يقومك بالسلآمه،،

ويخلي لك المولوود

ويتربى بعزك و بعز آبووه

حسبي الله عليهم ما يخافون الله في شغلهم

*um_jihad*;9442926:
امس الساعه 1 قبل ما اروح الخاص صادني الم قوي في الظهر و نهايه بطني ما قدرت حتى اني اصلي و احس مثل الكهرباء تسري من تحت الى باقي جسمي و بنتي تصيح تبغي ترضع و هي ما تشرب صناعي و ما قدرت اقوم لها ... و زوجي جاي في الطريق حتى اروح يسوون لي الخياط
طلعت و قلبي يتقطع على بنتي و امي ما قصرت شربتها شاي اطفال و ماي معاه اعشاب بدل ما تظل عطشانه الى رجعتي

الحمد لله رحت و سوو لي الخياط ظليت من 2 الظهر الى 8 بالليل تحت الملاحظه

بس اضطرت الدكتورة تشق الجرح من جديد لان مر عليه 22 يوم و صعب يلتأم بسرعه بدون شق من جديد
و التخدير كان موضعي بس بعد حسيت بالم فضييييييييع خلاني اصيح كاني جاهله ههههه

احس كاني والده امس لان الخياط توه جديد و يعورني و ما اقدر اقعد عدل و صعب في ترضيع بنتي لازم اكون نايمه حتى اقدر ارضعها


الله ياخذ حقي من هالدكتورة الي سببت لي هالمشكله

و اشكر كل من دخلت موضوعي و دعت لي او تاثرت لي

مشكوريييييين خواتي على ردودكم و دعواتكم
الحمد لله اليوم ثالث من سويت الخياط و اليوم احسن من امس بس لازالت الصعوبه في القعده و احس بوخز لما اتقلب واني نايمه بس بعد احسن من اظل جذي بدون خياط
الم اسبوع من الخياط افضل من تشوه المنطقه و خياط المستشفى الخاص عجبني خياطه متواصله مو ربطات منفصله عن بعض مثل مستشفى جدحفص و السلمانيه .. مو باين اثر الى الخيط بس من بدايه الخياط فيه ربطه صغيره و الباقي مو باين و الشق متسكر ...


شيراد ...
انا حاله خاصه مو الكل صار لهم مثل هالمشكله في الخياط .. و الولادة الطبيعيه افضل من القيصري يعني في الولادة الطبيعيه كلها 20 يوم وانتي مثل الحصان تقريبا بس القيصري يبغى لش فتره طويلة يمكن اشهر حتى يروح الم الجرح و انتي ادرى بالي يناسبج اختي و ان شاء الله تولدين بالسلامه

ماتشوفي شر وان شاء الله يلتأم بسرعة

ام جهاد ..

يعني الجرح طلع صدق مفتوح ؟

خيطوه و انفتح ؟ او مافي خياط كلش ؟

الف الحمد لله على سلامتج يالغلا .. والحمد لله لحقتي على عمرج ..

الحمد الله على سلامتج يا ام جهاد

وزين انتبهتيي قبل فوات الاوان


وين سويتيي العمليه وعند اي دكتوره

وكم كلفتك


هيي نفسها الخياطه التجميليه لوو خياطه غيرر

انه مااعرف لسوالف الخياط

بس اسمع البنات ينصحووووون بالخياطه التجميليه؟!!!!

صراحه خوفتيييييييييني!!

انثى ...
ما كان فيه خياط ابدا لان منطقة العجان كانت نصفين مقسومه و ما فيه اثر الى خيوط و الشق واصل الى قريب فتحة الشرج و واضح ان مفتوح و الالم كان يزيد علي يوم بعد يوم .. بس المعروف ان الم الخياط يخف مع الايام ما يزيد !!!


اميرة عند زوجي ...
سويته في مستشفى الامل عند الدكتورة نيلا .. يمكن يكون هذا الخياطه التجميلية ما عندي خبره بس عجبني خياطها ما فيه اثر الى سيم و اعتقد استخدمت الخيوط الي تتحلل بروحها و تذوب لان الخياط من داخل و ما يبان من برى

نياز ...
بنتي اكبر من بنتج مع ان موعدنا مع بعض بس اني سبقت باسبوع ...


بنات انتبهو حق روحكم و اي شي تحسونه مو طبيعي لا تسكتون للاطمئنان شوفو اي دكتورة تتاكد حتى ما توقعون مثل مشكلتي انتظرت 20 يوم انتظر الالم يخف او اشوف اثر الى السيم ما شفت شي
و بعدين تجرأت و طالعة المنطقه و صار الي صار

حبيبتي الله يعينك والله لا يسامحمهم ان شاء الله والحمد لله ع سلامتك قلبي ..

الحمد لله على السلامة وماتشوفين شر

الحمد لله على السلامة وزين انتبهتين قبل لا تكملين الشهر

والله يخلي البنوتة

الحمد لله على سلامتك
أو زين انتبهتي من وقت

الف الحمد لله عالسلامه اختي
وتربى بنوتتك بعزك وعز ابوها يارب

حمد الله على سلامتك
احسن قرار اخذتيه انك لحقتي على نفسك
وانا عشان كذا اهتم بالمستشفى الي تخيط قبل الولاده
لان بنت خالتي وولدت بالحكومي ماخيطوهاااااا قالو يلتم لحاله

الله يعينج ويصبرج

ويسهل علينا ونولد بدون مشاكل وخياطه قولو آمييييييييين

والله صرت أخاف من إلي اسمعه.. حتى اني اتشاور اني ما ادخل هالقسم مره ثانيه من الي اسمعه منكم وإلي يصير عندكم..

والله يسهل علي ولادتي وعلى كل حامل

الحمد لله على السلامة يا ام جهاد

في حملي الاول رقدت في المستشفى ثلاثة ايام ملاحظة بسبب ارتفاع الضغط و كانت معانا وحدة سمعتها تقول للدكتورة لما جت اليها ان الخياط بولادتها الاولى انفتح من قبل الحمل و شافت الدكتورة اللا مفتوح الخياط و المسكينة بقت جدي فترة طويلة ... و ساكتة عن روحها و الله يساعد زوجها عادي عنده .. هي البنت على نياتها و نصحناها انها ما تهمل شكلها و مظهرها و صحتها ... لانها بتبان عجوز و هي صغيرة ...

على العموم ..
قالت ليها الدكتورة ما يصير نسوي خياط الا بعد الولادة ... !!!