السلام عليكم

السلام عليكم ورحمه الله وبركاته

دكتور دلوقتى انا كنت كتبتلك قبل كدا

انا روحت عملت سونار مهبلى فى اليوم ال12 بعد اخر بيريود

وبعدين الدكتور قالى ان حجم البويضه 10 اوك

وكان فى 11 بويضه

دى كانت اكبرهم
وبعدين قالى دا كدا ضعف تبويض ولازم تاخدى منشطات نستنى بقى الشهر الجاى وتاخديها بس انا استنيت والبيريود مجاتش وعملت اختبار حمل وطلع ايجابى وبعدين روحت للدكتور قالى انتى عرفتى منين قولتله من اختبار الحمل

وبعدين قالى اعمليلى تحليل دم اسمه على ما اظن cbg وبعدين طلع 122 ومكتوب تحتيه ايجابى اكتر من 20

ودا كان بعد تأخير البيريود 12 يوم عن معادها

وبعدين قالى دا كدا مش ثابت ولازم ننزله وادانى دوا ينزله كدا وفعلا اخدته ونزلته

وروحت لدكتور تانى ووريته التحاليل قالى لا دا كان حمل سليم والدكتور دا غلط

انا دلوقتى بعد ازنك عايزه اعرف حاجه

1- هل فعلا دا كان حمل سليم

2- هل انا كدا عندى ضعف تبويض ولا ايه الحوار لان الدكتور التانى قالى اخد كلوميد واخدته ومحصلش حمل

ومعلش يا دكتور هتعبك معايا

جزاك الله كل خير