فينكم يا بنات مصر الجزء (15)للاستفسارت عن الميك اب

ما شاءه الله جميله اوي يا ساره
نونا علي فكره عملت المشط بالفرشه ومخدش معايا ثانيه وغلسته بالصابون السايل ميرسييي

dandona we bas;9507531:
آه يا روضى نسيت كمان الماسكرا و الكحل إيه أحسن أنواع لماكياج العروسة يا قمراية

ازيك دندونة
المفروض مش انتي اللي تجيبي الحاجة دي لييه هاتجيبيها ؟؟ هتتكلفي كتير اوي اضافة الى الفلوس اللي هتاخدها حرام !!!!!
عامةكريم اساس كريولان او ميك اب فور ايفر وبودرة اساس كريولان حلوة روج احمر حلو يبقى شانيل او لانكوم او ريميل ماسكرا لانكوم او ديور او بورجوا كحل ميك اب فور ايفر او ممكن سيبيل روجاجو كريولان دي الخامات البروفيشيونال بتاعة العرايس وده هيكلفك كتير اوي ده غير ان الماكييرة دايما بتكون واخده على حاجتها فبتبقى عارفة ايه يدي ايه فهماني عارفة درجات الالوان والخامات لكن كده لو هي واحدة مش قوية اوي ممكن الدنيا تبوظ .... عامة انتي لو عايزة اللوك بتاع الروج الاحمر يبقى خلي الايشادوهات على جراي في فضي في اسود لو رسمة عين القطة بتبقى حلوة عليكي اعمليها وركزي على الرموش الصناعي الطويلة والروجاجو طبعا هايكون على احمر بس فاتح مجرد لون خفيف واللوك ده مش بينفع الا مع البشرة البيضاء وبلاش طبعا اي برونز في الموضوع

totatota42;9507671:
ازيك يا جميله كنت عايزه منك مساعده ضرورى عايزه اشترى من ماركه فوريفر ال فالموضوع دا بس مشعارفه اختار ايه يناسب لون بشترتى كل الحجات عجبانى

والفلوس مش مشكله خالص انا بشرتى قمحيه فاتحه ودهنيه


يااريت تساعدينى وتختاريلى الالوان ال بتمشى معايا من كل حاجه من طق طق لسلام عليكم


وميرسى ليكى مقدماا يا قمر بس بصراحه عرفت انى مش هقدر اعتمد على حد غيرك

شكرا يا توتا بس اولا انا عايزة اعرف انتي عايزة تشتري ايه منها بالظبط الاساس ولا كله ..تانيا فعلا الماركة دي فيها حوالي 3 او 4 درجات ينفعوا للبشرة القمحية الفاتحة فانا هابقى باظلمك لو قلتلك رقم بعينه لااااازم انتي تحطيه وتجربيه قبل ما تشتري لانها ماركة غاليه وحرام اما الوان الايشادو ينفع معاكي الروزات والموفات الوسط والاكسيديه بالوانه الزتوني والخوخي والبلاش ..الروز والخوخي الروج لون الجلد يبقى حلو معاكي والبيج المشمشي اللي مدي تاتش اورانج فاتح اوي ..ممكن كمان تستعملي الماسكرا الالوان زي الموف والزتوني

أيتن;9508061:
coffeerose مش فاهمة بردواااااااا معلش الغباء زايد اليومين دول يعني هو في بوردة لوس مضيئة و لا اية ولو ايشادوا يعني اسمة اية ايشادو ابيض بلمعة ودة موجود في كل الماركات يعني ولو في مناسبة بردوا يبقي بودرة مضيئة بقي ساعتها

Radwa_Rashwan طيب ايةكريم مناسب للبشرة الجافة للعادية لان انا اساسا بشرتي دهنية بس مؤقتا جافة
وكمان انتي شايفة انتي احط فونديشن سائل ولوس بودر شفافين
اصل انا مش بحب الالون البودر قوي بتجيير عليا الالوان التونسبراة بتبقي احلي عليا
وبالنسبة للكونسيلر يعني درجة افتح مني ودرجة اغمق مني دة قصدك

ايتن الجميلة :)
ممكن بس يا حبيبتي تبقى تحطي الكلام كان ازاي من الاول عشان مش هافتكر كل حاجة قلتها انتي عارفة الزهايمر بقه معلش انا اسفة بس حسب انا ما فهمت
بصي يا ستي طالما اصل بشرتك دهنية يبقى ماتحطيش دلوقتي كريم للبشرة الجافة عشان هيبهدلك حطي حاجة للبشرة المركبة الحساسة او العادية وحاجة تكون خفيفية وقوامها مش دهني وتكون water base
البودر السايبة حلوة بتليق مع كل الالوان تقريبا اما الكونسيلر فهو المفروض تحطي نفس درجتك او افتح درجة لكن لو عندك هالات غامقة قوي يبقى حطي عليها كونسيلر غامق عشان الفاتح هايجير ولو عايزة لوك فاتح يبقى بعد الغامق حطي فاتح وعليهم باودر سايبة فاتحة

hoba555;9509105:
عروض حلوه فعلا ياتوتي
تسلمي يااقمر
بنات عايزه انضف مشط بنتي مش عارفه ازاي وسنانه ضيقه موت وكان مركون فالتراب زاد عليه وتراكم
مش عارفه ايه الحل حد يعرف

بفرشاة سنان قديمة :wink:

بنات لو سمحتوا قولولى وانجدونى فرحى كمان شهرين وانا اللى هاحط ميك اب كتب الكتاب لنفسى
بس لسه مجبتش الفستان
عايزه اعرف انا عندى كريم اساس جوردانى درجه بورسلين حلوه اوى مع وشى بس دا ينفع يتحط فى كتب الكتاب
واحط عليها بودره نوعها ايه انا عندى مات كونترول من اورفيليم اجيب جوردانى ولا اعمل ايه لو ينفع اصلا كريم الاساس دا
ونوع الكونسيلر برضه عندى جوردانى

كويسين دول لوا اجيب حاجه اتقل


ماركه الايشادو بس تبقى ثااااااابته وواضحه وفيها لمعه لذيذه
البلاشر برضه

وعايزه كمان منكوا احسن حاجه فى كل من
كريم ايد
كريم قدم
سكرب
غسول
تونر
صن بلوك
كريم ليل ونهار
مسكات
كريم عين
مزيل ميك اب
مزيل ميك اب للعين
مناديل معطره

انا بشرتى مختلطه جزء جاف الخدود وجزء دهنى التى زون والدقن
ولونى قمحى فاتح
وعندى 24 سنه
فيدددددددددددددددونى وشكرااااااااااااااااااااا

نونا وانا بنظف التسريحه افتكرت اللروج ده بس ده مش بليته بس الماركه ديه نظيفه اوووي ولمعه ومطفيه وثابته وطريه اوووي ومش ملازقه اسمها كفرجيل معروفه ديه صورتها بتفاصيلها لو عايزه حاجه حلوه

paradise rose;9517608:
بنات لو سمحتوا قولولى وانجدونى فرحى كمان شهرين وانا اللى هاحط ميك اب كتب الكتاب لنفسى
بس لسه مجبتش الفستان
عايزه اعرف انا عندى كريم اساس جوردانى درجه بورسلين حلوه اوى مع وشى بس دا ينفع يتحط فى كتب الكتاب
واحط عليها بودره نوعها ايه انا عندى مات كونترول من اورفيليم اجيب جوردانى ولا اعمل ايه لو ينفع اصلا كريم الاساس دا
ونوع الكونسيلر برضه عندى جوردانى

كويسين دول لوا اجيب حاجه اتقل

متهيألى لو بشرتك فيها حبوب او اثار حبوب كريم جيوردانى مش بيدى تغطية عالية اوى
وعايزة تجيبى لوس باودر اللى نازلة فى العرض دلوقتى ب 34 شيمر لوس باودر بجد تحفة
بلاش بودرة كومباكت فوق كريم الاساس بتدهنن بسرعة اوى
ماركه الايشادو بس تبقى ثااااااابته وواضحه وفيها لمعه لذيذه
البلاشر برضه

وعايزه كمان منكوا احسن حاجه فى كل من
كريم ايد كريم يد سويدش سبا
كريم قدم كريم قد افوكادو من اويفليم
سكرب سكرب اوبتيمالز للبشرة الدهنية والمركبة روعة وسكرب نتروجيا يجنن برضه بس الاصلى وصعب وجوده فى مصر
غسول فوم اوبتيمالز للبشرة الدهنية والمركبة او غسول العنب
تونر تونر اوبتيمالز للبشرة الدهنية والمركبة
صن بلوك صن بلوك uv block روووووووووعة ب 61 جنيه
كريم ليل ونهار كريم ليل ونهار اوبتيمالز بشرة دهنية ومربكة برضه
مسكات ماسك برتقال والطماطم وماسك العنب من اوريفليم وماسك بى وايت لكل انواع البشرة برضه حلو -- ماسك الزبادى بالخيار تحفة
كريم عين
مزيل ميك اب مزيل الميكب الاخضر 3 فى 1 من اوريفليم
مزيل ميك اب للعين نفس المزيل برضه
مناديل معطره مناديل ديتول المعطرة احسن مناديل بجد رحتها حلوة وبتنضف موت ولو مناديل للبشرة يبقى جنسون

انا بشرتى مختلطه جزء جاف الخدود وجزء دهنى التى زون والدقن
ولونى قمحى فاتح
وعندى 24 سنه
فيدددددددددددددددونى وشكرااااااااااااااااااااا

رديت عليكى فى الحاجات اللى جربتها والف مبرووك ربنا يتمملك على خير ان شاء الله

hoba555;9517276:
ما شاءه الله جميله اوي يا ساره
نونا علي فكره عملت المشط بالفرشه ومخدش معايا ثانيه وغلسته بالصابون السايل ميرسييي

العفو ياجميلة(f)

ساره افندي;9517268:
الاسعار مش فاكرها خالص بس ممكن تسالي البنات في المنتدي بتوع ابوظبي
الكريمي حسب الدرجه وحسب لمعتها لو عاديه وخفيفه ينفع للصبح في دراجه من ماك اسمها بايبي هجبلك اسمها بلظبط الانجليزي ديه حلوه اوووي وناعمه بس اعتقد ان البلاشر يبقا في حدود 70درهم
برجوا الايشادوه حلو بس البلاشر مش حلو انا جبت اتنين واحد لايت بينك ودرجه زي الاخيره اللي انتي حاطها الاتنين من دبي بردوه ماما جابتهم ليا حتا كنت لسه بقول لكوفي انهم بعد فتره حستهم مش بيطلعوا لون من العلبه وتقيله بس كوفي بتقولي انهم شغالين عندها بس فعلا الاتنين اصلي وانا حافظهم كويس وحصل معاهم كده محتفظتش الا بلفرشه ههههههه اعدوا بلظبط سنه معايا بعد السنه حصل اللي بقولك عليه ده
ديه البلت بتعت الروج اسمها adsالغطا المحروس رامه اهي وهتلاقي بعض بصمات المحروس بردوه:D

تسلمى ياسارة تعبتك:o
كود باليتة الروج دى مش فكراها او مكتوب عليها؟؟ وسعرها تقريبا قد ايه ياعنى اكتر من 100 درهم مثلا ولا مش اوى
وبلاش بلاشر بورجوا طيب ايه تانى ممكن يبقى كويس وياريت لو تكون باليتة فيها كذا لون
وياريت صورة بلاشر ماك الل بتقولى عليه وينفع لصبح او لمناسبة بليل؟؟

ساره افندي;9517744:
نونا وانا بنظف التسريحه افتكرت اللروج ده بس ده مش بليته بس الماركه ديه نظيفه اوووي ولمعه ومطفيه وثابته وطريه اوووي ومش ملازقه اسمها كفرجيل معروفه ديه صورتها بتفاصيلها لو عايزه حاجه حلوه

هو الاحمر روج مطفى والبينك روج فيه لمعة؟؟
ولو هوا لون احمر والتانى ملمع بس مش روج
وياريت سعرها بالتقريب برضه
وجربتى كحل بورجوا قبل كده؟؟؟؟؟وحلو ولا فى احسن يثبت جوا العين

اللي جرب كريم الايد والضوافر والاسكرب بتاعهم اللينازلين في اوريفلام يقولي نظامهم ايه وهو احسن ولا بتاع سويدش سابا؟

nona_koky2000;9518193:
هو الاحمر روج مطفى والبينك روج فيه لمعة؟؟
ولو هوا لون احمر والتانى ملمع بس مش روج
وياريت سعرها بالتقريب برضه
وجربتى كحل بورجوا قبل كده؟؟؟؟؟وحلو ولا فى احسن يثبت جوا العين

ده احمر بس لونه احمر حلو مش فاقع واه مطفي والناحيه التانيه ملمع بس روعه تقريبا 60درهم انا مش فاكره بلظبط بصي دول بليت كامله بالاونها











صور البلاشر حاضر اجبهلك بس المحروس يدني نفس :D:D

nona_koky2000;9518184:
تسلمى ياسارة تعبتك:o
كود باليتة الروج دى مش فكراها او مكتوب عليها؟؟ وسعرها تقريبا قد ايه ياعنى اكتر من 100 درهم مثلا ولا مش اوى
وبلاش بلاشر بورجوا طيب ايه تانى ممكن يبقى كويس وياريت لو تكون باليتة فيها كذا لون
وياريت صورة بلاشر ماك الل بتقولى عليه وينفع لصبح او لمناسبة بليل؟؟

انا مش فاكره رقمها للاسف لان ابني ضيع الغطا بس هما كانوا درجتين ديت وواحده علي بنيات كلها ومش هتعدي 25درهم
البلاشر من رائ تجبي لونين بس لان لو بليته كامله هتبقا غاليه لو لونين زي بينك ومبرونز او مشمشي
الدرجه اللي بقولك عليها حلوه للسهرات اللي هيا مكس تالت واحده

الصور الباقيه هبعتها ليكي علي الخاص لان هنا هتبقا كتيررررر

ساره افندي;9517744:
نونا وانا بنظف التسريحه افتكرت اللروج ده بس ده مش بليته بس الماركه ديه نظيفه اوووي ولمعه ومطفيه وثابته وطريه اوووي ومش ملازقه اسمها كفرجيل معروفه ديه صورتها بتفاصيلها لو عايزه حاجه حلوه

انا كان عندي الماركه دي بس بلاشر وهي فعلا حلوه اوييييي بس مش فاكره سعرها خاااالص

متبعتى هنا ياساره عشان كلنا نستفاد وناخد فكره بس لو فيها مشاكل فى المنتتدى يبقى خلاص بلاش

at2ota;9521784:
متبعتى هنا ياساره عشان كلنا نستفاد وناخد فكره بس لو فيها مشاكل فى المنتتدى يبقى خلاص بلاش

الصور كتير ممكن تاخد صفحه وبعض الاعضاء بيديقوا من كده وبقلوا احنا مش عارفين نتابع الموضوع

لا حطيها يا ساره

موضوع لقيته وانا بتصفح الانترنت
بسم الله الرحمن الرحيم

فرش المكياج تختلف من حيث شكلها وحجمها..

يمكنك استعمال الفرشاه التي تريحك وبعض مستحضرات التجميل يفضل استخدامها بواسطة الأصابع ..

دائما تأكدي من جودة الفرشاة عبر تمريرها على بشرة يدك مع شدهالتري كم شعره تخرج منها فإذا خرج منها الكثير فهذا يعني انها لن تصمد طويلا والعكس صحيح..

تعلمي معي كيفية إستخدام فرش المكياج وأنواعها:

فرش الوجه


فرشاه توزيع كريم الاساس

هذه الفرشاة تستخدم لتوزيع كريم الاساس برأيي انها رائعه في التوزيع مع ذلك تحتاجين الى الاسفنجه بالنهايه ليندمج كريم الاساس مع البشره ..

لإسفنجة كريم الاساس عدة اشكال ..


طريقة استخدامها:
ضعي عدة نقاط من كريم الاساس على الوجه وامزجيها بالاسفنجه استخدميها مبلله لتغطيه عاديه وجافه لتغطيه قويه

فرشاة توزيع الكونسيلر او خافي العيوب



وهي فرشاه قوية الشعيرات وصلبة تكون مقدمتها محدبه تقريبا...

كيفية الإستعمال:اغمسي الجانب المسطح من الفرشاه في خافي العيوب .
ثم ضعيها على المنطقة المطلوبة تغطيتها و بلمسات خفيفه وزعي الكونسيلر حتى يتمازج بطريقه طبيعيه على البشرة..

تقدرين تستخدمين اصابيعك لتوزيع الكونسيلر او اسفنجة مثلثة لإستخدام الزاوية منها وتوزيع الكونسيلر بها لكن الفرشاة والأسفنجة هي توصل لمناطق دقيقة لتوزيع الكونسيلر

فرشاه لنشر بودره الوجه الحره


وتتميز بكبر حجمها

كيفية الاستخدام:
اغمسي الفرشاه بالبودره الحره او السايبه وانفضي الزائد منه ثم انشريه على الوجه بتساوي

وللبودره الحره ايضا اسفنجه

هذا النوع من الاسفنجه تستخدم للبودره المضغوطه لتغطيه ممتازه

وهذه تستخدم للبودره الحره



كيفية الاستخدام: اغمسي الاسفنجه بالبودره الحره او السايبه وانفضي الزائد منه ثم انشريه على الوجه بتساوي

فرش البلشر او احمر الخدود


تستخدم لتوزيع البلاشر( أحمر الخدود )

ابتسمي وأنتِ تضعين أحمر الخدود فالمنطقة السمينة او منطقه التفاحه هي المكان الطبيعي لوضع احمر الخدود عليها ..ثم اسحبي الفرشاه ناحية خط الشعر

وتقدرين تستغلينها في إستخدامها لتوزيع البودرة السائبة ( الحرة - المتناثرة ) وأيضا لإزالة الظل المتساقط على وجهك ..

فرش العيون


فرش ظلال العيون متعددة رائعة وسهلة في إستخدامها وسنعرض لك اهمها


هذه الفرشاة تستخدمينها لوضع ظل سموكي وهي حجمين صغيرة وكبيرة ..

الكبيرة لتوزيع ظل على كامل عينيك والصغيرة لتوزيع ظل على كامل الجفن المتحرك



هذه الفرشاة لتوزيع اي لون على كامل الجفن الثابت

فرشاة ناعمة وكبيرة ومهمة لدمج الألوان مع بعض بحركة خفيفة ..سواء فوق الجفن او تحت الرموش السفلى ..

فرشاة توزيع الألوان الفاتحة تحت عظمة الحاجب وتتميز بصغر حجمها




الفرشاة المشطوفة الصغيرة وهي هامة لتحديد الظل وتدرجاته تحت الرموش السفلى ..

بس اهم حاجة تكون عند استعمالك لها نظيفة حتى تقدري تدرجين الألوان تحت الرموش السفلى ..

وتقدرين تستخدمين هذي الفرشاة ايضا لتحديد الحواجب بالظل..



بهذه الفرشاة الرائعة تقدرين ترسمين عينك سواء بالكحل السائل او الكريمي..

وتبدعين الرسم بأي شكل لرسمات العيون و إستخدامها سهل كأنك تمسكين القلم وترسمي عينك ويدك بتكون ثابتة من غير ماترجف بإذن الله


فرشاة إزالة الفائض بهذي الفرشاة تزيلين اي شيء زايد من على وجهك سواء ظل او بودرة


فرشاه ترتيب وتنظيم الحواجب



فرشاه رائعه بواستطها تستطيعين تحديد وتوزيع الروج على شفتيكِ




تنظيف فرش المكياج :

ممكن تستخدمين المنظف الخاص بالفرش ....

او تستخدمين نقطه صغيره من الديتول مع الماء وتنظيف الفرشاه ...

واذا انت من النوع اللي يستخدم الفرش يوميا يفضل غسلها في نهاية الاسبوع .......

او مره كل اسبوعين وخليها بالشمس وبتنشف بسرعه او نشفيها بالاستشوار ............

الفرش تحفة بس مش عندنا منها انا هموووووت على فرشاة كريم الاساس دى و مش عارفة اجيبها منين ؟؟؟؟؟؟؟؟؟؟؟؟؟؟؟؟؟

rody88;9523556:
الفرش تحفة بس مش عندنا منها انا هموووووت على فرشاة كريم الاساس دى و مش عارفة اجيبها منين ؟؟؟؟؟؟؟؟؟؟؟؟؟؟؟؟؟

شوفى منها عند العالمية يمكن تلاقيها