ميك اب عرسي ...!!؟؟

يا ريت بقدر اساعدك حبيبتي انا ما بعرف لانو انا من فلسطين اسفة كان نفسي افيدك ولو بصورة بس ما عندي

وبالذمه تراني ذممتكم محد تمدح وحده عساس انها ربيعتها او تعرفها والله سوري بس وايد متوهقه

تسلمين حبيبتي ماقصرتي واتريا الخوات

انتي أكيد من بوظبي ..

انشالله بنات بوظبي يساعدونج ..

انا الصراحه ما أعرف غير من دبي و الشارجه .. يعني ميك أب ريحانه و دونا حلو .. بس مب متأكده اذا يروحون لج ..؟ ممكن تسألينهم .

انا فعرسي نجلاء النعيمي مكيجتني


وربيعتي عرسها فالصيف وبتحجز هيفاء صفر

والله حبيبتي ما ادرى انا مو من الامارات بس ما حبيت اطلع الا ما ارد عليكي

ان شاء الله البنات ما تقصر معاك

الله يتمم زوجك ع خير

صالون هستي - اللي تمكيج اسمها نريمان - والشعر صباح --

تسلمون خواتي ماقصرتن

هيه انا من بوظبي اتريا ردودكم ^^

غريبه الصراحه اذا مكياج عرسج لازم تسوين بروفا

واذا مافي بروفا عالاقل وحده مجربتها وعارفه شغلها على ويهج مب وحده جديده

همم مادري انا هاي رايي لان مستحيل اخاطر في هاليوم الجميل (a)

بالتوفيق حبوبه والله يتمم لج على خير ^_^(f)

انتي شوووفي اي وحده يمدحونها وسووي بروفااا ..

مثل ماقالت انا قطريييييه .. لاتجااازفيييين وتخلييين بنفس اليوووم وحده جديده ماجربتيها تمكيجج يمكن مايطلع من ذوووقج

انا الصراحه حجزت لي عرسي ف مركز بتافيا جفت مكياجهم وعجبني وجفت ع ربيعاتي وشي بنات مدحولي

ما انصحج باي وحده من اللي ذكرتيهم لاني مجربتنهم عندج ساميه وتييج للقاعه وعندج لميس وعندج ايمان ممكيجة للشيوخ روعه وساميه مكيجت ربيعتي في يوم عرسها وطلعت قمه وعندج سوززي في صالون بيت الجمال ومريم البكري في صالون بيوتي بالاس وياخذون في حدود 4000 . وكلهن جربناهم وطلعن فوق القمه . وعندج وحده رررررررهيبه رهيبه اسمها عذبه وتييج من الشارقه وهي الممكيجه الرسميه لبنات عايلة ريلي وبصراحه روعه بس تاخذ في حدود 5000 او 6000 بس بصراحه اطلع الخسفه شي . وفيه وحده اسمع البنات يمدحونها وايد وهي من بوظبي اسمها منيره المنصوري وهي مواطنه بس يقولون عنها انها حلو تمكيج عن نفسي ما جربتها .وان شاء الله اكون افدتج حبوبه

فديت روحكن ياربي والله ماقصرتن


حياتي اختي قون والله ماقصرتي سبحان الله اليوم مرة خالي تمدحلي في ساميه بس مادري ليش انا متردده منها مع اني حجزت اليوم بس للحين خايه منها

شيكي الخاص الغالية


مبروووووووووووووووووووووووووووووك

عندج فاطمة العوضي، هيفاء، رحاب، ....
طبعاً هذا إذا حصلتي حجز عندهم وإن شاء الله بتحصلين

مكياج ام محمد بس ما اعرف لو اتسير بوظبي بس هي تسير دبي والشارجة وعيمان وام القيوين
ولو عروس تسير الامارات الثانية
اسعارها على حسب علمي اخر مرة سرتلها قبل شهر
العادي 300 بس مكياج
الاسبيشل السينمائي 350 بس مكياج
الملجة 900 مع الشعر
العروس مع الشعر 1500 درهم مع الشعر وبروفة مجان