bosycat2008_562;9400034:
كتكوته ممكن تقوليلى اللى انتى عملتى عندها شعرك مكنها فين وتليفونها على الخاص ولو تحاولى تانى تصوريلى شعرك وتبعتيه على الخاص عشان اشوف شغلها ايه ؟؟؟؟
Love You 7abibi;9401218:
كتكوتة ممكن تقوليلي الكوافير دة فين و خد كام علي القص بس؟
معرفش كل حاجة لوحدها بكام انا قلتلها الاجمالي كام قالت 180 للقص والصبغة والهاي لايت، وهي في ميدان صلاح الدين لو تعرفوا محل سيلفر بتاعة الاحذية، تدخلوا الشارع اللي جنبه عالطول وتمشوا فيه قداااااام يعني المحل اقرب لصلاح سالم اكتر بس انا اسهلي ادخله من هنا، وهايبقي في الربع الاخير من الشارع ده وعلي اليمين واسمه كوافير سامية وانا عملت مع صاحبته نفسها وكنت متفقة علي كده، بس عادي هما كلهم كويسين ومحترمين البنات اللي هناك، بوسي كات هابعتلك الرقم حاضر حالا.
Love You 7abibi;9400945:
بصوا بقي انا مش بحب الفساتين اللي فيها بيلمع بحس البساطة بتبقي أشيك بكتييييييير انا أصلا دايخة علي فستان من الاستايلات دي و علي فكرة فكرة ان العروسة لازم تبقي بربرق كدة مش بقت موضة دة رأي يعني
وانا زيك تمام ومختارة الفستان بتاعي سيمبل جدا والشكل اللي فيه معتمد علي القصة نفسها والحركة مش التطريز وقللت التطريز جدا في اماكن معينة بس وبسيط، بس ميمنعش ان فيه فساتين كده معينة لما بتشوفيها علي ناس بتتهبلي عليها حتي لو مليانة تطريز بس مش اي حاجة يعني نادرا.
emyy_ae;9401097:
وكنت يابنات عايزة اسال علي الطرحه اعملها تل ولا اعملها اية انا عايزاها قصيرة 3 ادوار ؟؟؟؟؟؟؟؟؟؟؟؟؟؟؟؟
انا جبته تل كريستال للطرحة زي ما طنط اللي بتعملي الفستان قالتلي وفعلا درجته جميلة اوي ولمعته شيك وخللي بالك عشان بيبقي فيه كذا نوع من نفس الاسم يعني بلد الصناعة بتختلف.
pussy22;9403221:
CuTie KaTkOoTa
ممكن تقوليلى تفاصيل الخياطة اللى فى مدينة نصر مكانها فين بالظبط وهل شغلها عاجبك و مرتاحة معاها وللا لا و تعرفى لو هتعملى بدى تل و عليه تطريز و بندانة تطرزها يتكلف كاام؟؟؟؟
هي في شارع ذاكر حسين، لو انتي جاية من عباس العقاد يبقي تدخلي يمين من التقاطع اللي فيه انبي للبترول وهاتمشي شوية كده وهي هاتبقي علي اليمين لو عايزة تفاصيل اكتر ممكن ابعتلك علي الخاص، وهي الحمدلله شاطرة ومتمكنة جدا بس غالية شوية بس تمنه فيه زي ما بيقولوا، بس طبعا هي مش محسباني بالسعر الطبيعي عشان القرابة، معرفش بصراحة تكلفة البادي لوحده كام.
bocy.cate;9403788:(f):15:(f)مساء الخيرات على احلى بنات (f):15:(f)
سؤال يابنات هوا الأشيك مع فستان الفرح الشراب الفيليه الابيض والا البيج الكريستال اللى هوا لون البشره بالظبط :D
لا البيج الشفاف طبعا، بس انا بقي جبت الفوال الشفاف اللي هو درجة زيرو مش الكريستال عشان بحس الكريستال انشف ولمعته جامدة اوي مش بحبها لكن التاني بردو شفاف ولامع وحلو.
دهبيه;9405988:
السلام عليكم أزيكو يا عرايس مصر منورين أختكو عايزه مساعده منكم أنا هجدد بيتى عقبال متتجوزو وتجددو الى الأفضل أن شاء الله أول حاجه ومش هكتر عايزه أعرف أيه أفضل نوع ثلاجه هغير ثلاجتى وهى ألسكا أجيب أيه كريازى ولا أيديال ياريت تقولولى وهقولكو على حاجه هديه منى ليكو فى مكتب لتصوير الفيديو رررررائع شغلهم حلو قوى وأنا طبعآ جربته مفيش كلام وعرايس كتير من العيله لو عايزين عنوانه أو أى حاجه أنا فى الخدمه هستنى تقولولى على الثلاجه:15::15:
ايه ده مش ممكن انتي بتقري افكاري ولا ايه تصدقي اني كنت داخلة اسألكم علي حد بتاع فيديو كويس ويكون مواعيده حلوة عشان يصور كتب كتابي عشان منعرفش حد خالص ياريت تبعتيلي تفاصيله علي الخاص بس بليز بسرعة عشان انا يوم 15 الشهر ده ان شاء الله، بصي التلاجة يا اما توشيبا او كريازي او وايت ويل وطبعا ترجع لإمكانياتك انتي بقي، الوايت ويل اغلاهم، لكن التانيين يعتبروا في رينج واحد.
عرايس شهر مايو
