**تجهيزات أحلى عرايس في مصر الجزء 129 **

على الارض حساها اشيك يا جميله ما شاء الله وفكره جديده

ازيكو يا بنات يا حلوين
عاوزه اعرف هوا فيزا اللي بتتكلموا عليه في عباس العقاد ده مفيهوش سواريهات و لا كلو افراح
عاوزه اجيب حاجه سواريه متكونش غاليه و في نفس الوقت شيك اعمل ايه؟
و ردوا عليا هنا كمان
http://forums.3roos.com/groups/157-372-page21.html#gmessage81698

عاشقة الرحمن دينا;9434095:
ازيكو يا بنات يا حلوين
عاوزه اعرف هوا فيزا اللي بتتكلموا عليه في عباس العقاد ده مفيهوش سواريهات و لا كلو افراح
عاوزه اجيب حاجه سواريه متكونش غاليه و في نفس الوقت شيك اعمل ايه؟
و ردوا عليا هنا كمان
http://forums.3roos.com/groups/157-372-page21.html#gmessage81698

بصى يا جميله فى محل فى سيتى ستار فى الدور التانى تقريبا عنده سواريهات كتير وما شاء الله شيك جدا بس الاسعار 950 وكدا
ولو عاوزة اقل شوفى فى وسط البلد فى حاجات برده بسعر اقل ان شاء الله

اللى سالت جبت السيشوار بكااام دة كان ب 250

وزي بتاع الكوافيرات لو تحبي انزلك صورتة

بنات هيا إيمي الكاشف مكنها كويس من جوه و كده و اسلوبها كويس لأن اخت جوزي المفروض انها راحت امبارح و حماتي بتقولي احنا منعرفهاش و لو لقينها كويسة هنقولك او وحشة هنقولك علشان في كوافيرات في اوتيلات بس بيطلعوا العروسة وحشة فكانت بتقول ان لو هيا كويسة و مش عارف ايه و انها ممكن متعجبهوش و مش عارف ايه حد يطمني و يقولي ايه النظام و هل فعلا كويسة حتى لو هما قالولي انها وحشة و مش كويسة هل اصر على رأيي و فعلا هيكون اصراي ده في محله لان هما طبعا مش هيلبسوا نفسهم الغلط فاهميني قوليلي رأيكم بالله عليكم يا بنات كلكم

بنات يارب الى تجاوب عليه يتحققلها كل الى بتتمناه

بصوا بقى ضرورى جدا انا رحت عند السلاب عشان اشوف سيراميك فورانى كتالوج سيراميك جديد اسمه روك تحفه جدا
اشكاله تحفه ورخيصه جدا يعنى الحمام المتر 25 والصاله ب 30 وكده
والاشكال شبهه بتعة رويال وكيلوباترا
فياريت لو اى واحده عسل كده عندها فكره عن السيراميك ده تقولى ولا اجيبه وخلاص ولا اجيب حاجه تانيه ولا اعمل ايه اصلى بصراحه مش عايزه حاجه غاليه

بنات كتير يا دوندون شكروا فى ايمى وكمان قالوا عليها لو كدا مكناش عرفناها اصلا والله اعلم
بس اتكلموا قا فى ان ايمى بتعمل ميك اب بس والطرحه ماكيرة تانيه بتعملهالك من عندها فعشان كدا كتير حجز مع ماكيرة مش مع ايمى نفسها لانها هى مرباهم فالشغل تقريبا واحد والله اعلم

كمان قوليلي رأيكو اعد بعد الفرح في شقة مفروشة و لا في فندق و هل كل يوم بأه حد هيجيلي يديني أكل و يعدو و كده و لا بيكون النظام ايه جوزي بيقولي ان الثلاجة بتكون مليانة لأسبوع قدام ده لو في شقة مفروشة على ما اظن انما لو في فندق انا بيني و بنيكو انا خايفة من الاتنين و خصوصا في اول ليلة من الكلام اللي بسمعه يا ترى رينج الاسعار عايزة مناطق قريبة من نادي شرطة الجزيرة و تكون اسعارها كويسة ايه رأيكو انا محتارة اوي

لو معندكيش مشكله فى التكاليف يبقا تقعدى فى الفندق احسن وتطلبى الاكل من هناك او تسافرى بقا اى مكان تانى يوم يعنى ليله الفرح تقعدى فى الفندق وتانى يوم تسافرى
لكن على الشقه يبقا زى ما جوزك قالك هتتملى التلاجه لمده اسبوع وربنا يتمملك بخير ان شاء الله

Miss FaTi;9422523:
حبيبتى شوفتة بامريكانا الى بالنادى

وانا حجزت عند اناارووج يااااااارييييت بنات مصر الجديدة يقولو لى فرعة الى عندهم اية نظامة

وكمان بنات طنطا

حد شاف قاعة البسنت بتاعت المهندسين؟؟ وهيا ولا الاوركيد بتاعت نقابة المحاميين؟؟


ويارب تردو بقى



انايا قمر فرحى بطنطا وهتجوز بالعاشر من رمضان وبينهم ساعتين سفروحاكمة عليهم يجوكلهم معايا :o وهيرجعوتانى لان اهل خطيبى مش بمصر اصلا





انا كمان عجبتنى الاولى كتير بالميك اب بتاعها ودةالى اتفقت مع كوافيرتى نعملة لومعملتش شعرى

وهيا عندها التاج دة

وعندها اصلا المجلة بتاعت حجابى وعسولة موت المدام

وهيا كمان بيعملواعلاناتهم بالمجلة

الف مبروك ليكي ياقمر وربنا يتمم لك بخير
انا هرد على الي عرفته :)
قاعة البسنت ف نقابة المهندسين اما رحتها عجبتني جداااا بالذات لما بيكون فيها فرح لاني رحتها مرة ف فرح ومرة ف مؤتمر... كانت معمولة من بره من عند باب النقابه بيبي لايت كتييييير زي قوس كدا وشكله كان جميل اوي وهي النقابة اساسا نضيفه موت واحدث واحده ف طنطا انا مارحتش نقابة المحاميين بس اعرف ان نقابة المهندسين اشيك نقابة ف طنطا
هي كل الي فيها ان مامتي قالت انها صغيرة حبه...بس انا ماحسيتش بده ...بس شيك جدا جدا والارضيات وكل حاجه فيها تحسيها جديده بجد

اه وبالنسبة للفستان انا الي شفته كان ف محل جديد ف شارع المتحف
بس ادعيلي اتجوز بقىىىىىىى :D:D

ههههههه دندن هو انتى بتسالى زى شقه مفروشه ولا فندق ههههه باين احنا فى الهوا سوا هههه ده اانا تعبت والله وارفت من المواضيع دى بصى هو انتى شقتك فين ؟؟؟ وضبتيها يعنى ولا لسه ولا ايه ؟؟ عشان اقولك

سلسوله انا جبت طقم حلل استالنس تركى ب700 واخدته ب 650

والاستالنس الترى احلى من زهران واتقل

التيفال زهران احلى حاجه فيه

love kingy;9421625:
الله يبارك فيكى شوفى يا ستى انتى تعدى شارع الحلو وتمشى شويه صغيره فى شارع بطرس هتلاقى زهره الخليخ على شمالك قبل توكيل براون لو تعرفيه وقصاده على اليمين وليد النجار برضه بتاع ادوات منزليه...انا لقيت عندهم طقم كاسات كريستال ار سى ار سعره 160 جنيه بصراحه سعره كده تحفه انا شفت زيه فى فتح الله وعند وليد النجار ب 210 وهو صاحب المحل قاللى ان دى اسعار الكريستال الجديده لان هو رخص كمان جبت صنيتين استانلس صينى 18 على 10 طقم كده مع بعض واحده كبيره وواحده اصغر ب 175 وشفتهم بنفس السعر ده عند السباعى وشفتهم عند اسعد ب 200 بس كده بالنسبه للحاجات اللى جبتها من عند فتح الله جبت طبق العيش 8.75 وقطاعه التفاح ب 10.75 كمان جبت بولات ايس كريم شفافه برازيلى التلاته تقريبا ب 13 تقريبا دول كل الحاجات لو عوزتى حاجه تانيه انا فى الخدمه :)

تسلمي انا عارفاه كويس :D شفتي التوهان ودخلته كذا مرة...وفي محل قبله اسمه كريستال كنت شفت فيه طقم حلل الي هو تيفال من جوه ومن بره رسومات عسولة اوي بس للاسف خلص
هو مش صاج من بره هو بورسلين
حد شاف زيه؟؟؟

mira2005m;9434297:
اللى سالت جبت السيشوار بكااام دة كان ب 250

وزي بتاع الكوافيرات لو تحبي انزلك صورتة

لو ممكن صورته وهل هو ايطالى؟

وردى الخطوبه مش بيكون لها كروت حتى لو فى قاعه انا خطوبتى كانت فى قاعه ومش عملت كروت الكروت بتبقى فى الفرح ان شاء الله

بمناسبه السؤال هو الكروت المفروض تتعمل قبل الفرح بقد ايه وتتوزع قبل الفرح بقد ايه ؟؟؟

جوزى هيجى قبل الفرح بتقريبا اسبوع وعاوز يختار معاى كل حاجه وانا مش معترضه بالعكس كان نفسى يكون معاى زى اخطوبه كان معاى فى كل حاجه بس الوقت مش هينفع وعاوز يحجز معاى الاستديو والكوافير وكل حاجه وبالذذذات الفستاان وبيقولى انا ليا مواصفات فيه اعمل ايييييه بقى اقوله ايه ده المفروض شهر قبل الفرح
والاسبوع اللى هيجى فيه هكون بفرش وبخلص حاجتى وبختار معاه حاجته وبدلته وكده والحنه وما قبل الحنه اعمل اييييه ؟؟؟؟؟؟؟؟؟؟

حبيبه مادو;9434619:
وردى الخطوبه مش بيكون لها كروت حتى لو فى قاعه انا خطوبتى كانت فى قاعه ومش عملت كروت الكروت بتبقى فى الفرح ان شاء الله

بمناسبه السؤال هو الكروت المفروض تتعمل قبل الفرح بقد ايه وتتوزع قبل الفرح بقد ايه ؟؟؟

جوزى هيجى قبل الفرح بتقريبا اسبوع وعاوز يختار معاى كل حاجه وانا مش معترضه بالعكس كان نفسى يكون معاى زى اخطوبه كان معاى فى كل حاجه بس الوقت مش هينفع وعاوز يحجز معاى الاستديو والكوافير وكل حاجه وبالذذذات الفستاان وبيقولى انا ليا مواصفات فيه اعمل ايييييه بقى اقوله ايه ده المفروض شهر قبل الفرح
والاسبوع اللى هيجى فيه هكون بفرش وبخلص حاجتى وبختار معاه حاجته وبدلته وكده والحنه وما قبل الحنه اعمل اييييه ؟؟؟؟؟؟؟؟؟؟

كدا متأخر يا جميله انك تحجزى كل دا قبلها باسبوع وكمان المفروض العريس ميشوفش الفستان هو ممكن يقولك المواصفات لكن ميجيش معاكى وينقى ويشوفه عليكى والكلام دا
دى بتبقا مفاجأه مش لبس خروج عادى ينقيه معاكى
وممكن كروت الفرح تنزلى تتفرجى والى يعجبك تصوريله اكتر من شكل وهو يختار معاكى توريهمله على النت يعنى وهو مسافر
بس متزنوقيش نفسك كدا

دول بقى للبنوتات اللى بيحبوا تطريز اكتر











دى فساتين تحفففه الاقى زيهم فييين3 دووول انا بحب الاستايل ده اوى

حبيبه مادو;9434503:
سلسوله انا جبت طقم حلل استالنس تركى ب700 واخدته ب 650

والاستالنس الترى احلى من زهران واتقل

التيفال زهران احلى حاجه فيه

مبروكين عليكى ممكن اعرف ماركة الحلل التركى ايه و الطقم كام حلة

انا قلتله يا صوت والله العريس مفروض مش يشوفه وكده قالى لا طبعا لازم اشوفه ويعجبنى هو العريس اخر من يشوفه يعنى ؟؟ هو وبعدين بقى انا كمان محتاره فى موضوع الحاجات دى بقى مين هيدفع فلوسها وهو مش هنا ؟؟ وكمان الستاااير اللى مفروض تتعمل دى اقوله ايه ؟ هو الظاهر م واخد باله من حكايه الوقت وبيقولى عادى لما اجى عشان اكون معاكى وانقيها معاكى مش احنا فى الخطوبه عملنا كل حاجه سوا هههه اقوله ايه ده بقى مش عارفه

هوانا لو هأجر فستان فرست يوووز يكون قبل الفرح بقد اييه ولو هشتريه قبلها بقد اييه ؟؟؟

كمان فى حاجه عاوزه اسال فيها جوزى فى الخطوبه هو اللى جابلى الفستان وهو اللى حجز الكوافير وهو اللى حجز الاستديو وانا اللى عملت القاعه طبعا بكل تجهيزاتها والمفروض كل حاجه الخطوبه بتكون على العروسه صح ولا ايه

المفروض فى الفرح بقى احجز انا الكوافير والاستديو واشيلهم عنه ولا ايه ؟؟