حرم بووليد;9572995:
الحين ابي اقولكم قصه زيارتي للطبيب
اليوم كنت ماخذه قيلوله قبل لايجي زوجي من الدوام (كان زام ليل مسكين )
المهم جا وكان يتحسس بطني وانا نايمه واقوم والا يقولي كنه بطنج صار لين !!
انا بطلت عيني :eek: طبعا قلت له يمكن كان متنفخ من القولون
وقمت احاااتي صراحه واصلا انا قمت وفي الالام بجوانبي ومادري هل من القولون ولا من الرحم :ss:
المهم قمت وسويت فطور وعادي خف الالم بس قلبي مب متطمن ويوسوس ,, واصلا زيارتنا للدكتور كانت لتجييك النبض
المهم جات الساعه 8 و45 دقيقه وقالي زوجي يلا قومي اجهزي عشان اوديج
رحت لهم ودخلت وكان رقمي 5 والدكتور تاخر نص ساعه ,, طبعا ماوصفلكم شلون شعوري بعدم الاطمئنان وادري انها وساويس من الشيطان فقط لاغير المهم جات النيرس ونادتني عشان ادخل اسوي سونار ,, والحمدلله الحمدلله الحمدلله طلع النبض واضح :15::15::15::15::15::15::15::15::15::15::15::15::15: واااااااااااااي ماوصفلكم كان عماره من ع ظهري وانزاااحت :15::15::15::15::15::15:الحمدلله رب العالمين النبض طلع والبيبي تمام وكل شي اوكي والحمدلله
خلصنا السونار ودخلت انا وزوجي ع الدكتور ,, وقالي الدكتور تمام كل شي تمام شنو شكاويج خخخ قلت له ماعندي شكاوي بس انه ساعات احس بلوعه ولوعه خفيفه ,, وبعدين قالنا عن اللوعه انه الحوامل اللي يجونه ينقسمون قسمين ,, قسم تجيهم لوعه وقسم ماتجيهم لوعه ,, والحامل اول 3 شهور لازم تكون زي العصفور وتاكل 14 وجبه في اليوم :eek:هههه مره جيلو ومره لبنه ومره بسكوته :eek:كان خاطري اقوله يبا انا خليجيه وين اصير عصفوره ((هاي وجه عصفوره )) هههههههههههههه طبعا كله في خاطري وانا احرك راسي بالتأييد هههههههه .
المهم زوجي قاله عن الالام ,, قاله طبيعي وقلت له انا اصلا ساعات اخربط بين الالم الرحم والالم القولون وقام يتكلم ويقولنا عن القولون انه هرمون الحمل يهيجه وممكن تتعبين في البدايه بس بعدين بترتاحين
طبعا انا كملت كل الفحوصات وقالي عن فحص لازم اسويه واهو مسحه من عنق الرحم ,, قالي في جرثومه تصيب عنق الرحم مالها اي اعراض وتسبب الولاده المبكره ,, تفتح ماي الراس في الشهر الخامس والسادس ,, والوحده تسقط منها :eek::confused:المهم قلت له ماتضر يعني هالمسحه انها قريبه وومن داخل قالي لا ان شالله ماتضر بس لازم تسوينها في الشهر الثالث قلت له اوكي ((شرايكم بنات))؟
بس وعطاني موعد في 11-6 لانه قالي تبدا حركه الجنين في هالتاريخ وبس هاي ملخص زيارتي للطبيب
ماشاء الله تبارك الرحمن الله يطمن قلبج اكثر واكثر حسيت بلحظاتج واي متى اي موعدي
متشوقه اشوف واسمع :) ادعولي اموري كلها تكون اوكي لاني احس اليوم بالم من تحت
ماادري هذا شنو نغزات خفيفه
حدي فرحتلج ياقلبي وعسى الله يتمم نعمته عليج
