آآآآآه ياربي ...

:confused:يابنات أنا سجلت بالمنتدى لأني ابي الاقي حل لمشكلتي لأني بجد تعبت والله العظيم تعبت ونفسيتي صارت عدم
راح ابأ بمشكلتي بس ياليت تتحملوني لأنها طويله بس ياليت الاقي فيكم حد يقول لي شنو أسوي لأني خلاص قربت أجن
المشكله بدت لما خطبني ولد عمتي ( الله ياخذها ذيك الساعه ) وقال لي أبوي عالموضوع طبعا قال خطبك فلان اللي هو ولد عمتي وواحد ثاني يقرب لنا بعد وقال لي فكري زين لاني صعب ارفضهم الاثنين
المهم انا استخرت ووافقت ع ولد عمتي وياليتني ماوافقت طبعا انا كنت لسى ادرس بالكليه اخر سنه وكنا متفقين الزواج بعد الكليه
المهم ابوي من النوع المعقد واللي مايحبون حركات الملكه وهالاشياء وقال لهم يوم جابوا المهر أن الملكه قبل الزواج باسبوع !!!!!!!
المهم قبل الزواج كانت اخته الكبيره تجي عندنا وتقول لامي ان خطيبي يبي يملك منشان يستشيرني في اثاث الشقه ومنشان نتعرف ع بعض ومن ذا الكلام وامي قالت خلاص كلموا ابوها واتفقوا معاه بس هم لاكلموا ابوي ولاشي!!
لحد ماخلاص قرب موعد الزواج وحنا لسى ماملكنا قلت لاهلي كلموهم نملك قال ابوي اذا هم ماقالوا انا ماراح اقول
لما شفت الوضع كذا وكلت امري لله وقلت اللي كاتبه ربي خير وصار الزواج بدون ملكه يعني كانت الملكه العصر الزواج بالليل تصوروا !!!!!!!!
مو هنا المشكله ... المشكله انه بعد ماوقعت اني موافقه عالزواج قال اخو زوجي الكبير لابويه ان زوجي ماجاب شقه !!
طبعا ابوي جان ووجهه مقلوب وقال لي عالموضوع وكان خايف من ردة فعلي طبعا انا انصدمت وقلت ليه قال مدري عنه المهم سكت وماتكلمت لاني اعرف نفسي لو بفتح فمي باقلب الدنيا على اللي حولي لانهم السبب في اللي صار لو اني مملكه كان عرفت ولا وافقت يصير الزواج بذا الوضع
المهم رحت الكوافيره وانا قاعده افكر شلون بتكون حياتي ؟؟ واتذكر كلام اخته الكذابه يوم تقول اخوي يبي يمكلك عشان يختار وياها اثاث الشقه !!! جلست افكر انا لهالدرجه هبلا وع نياتي ؟؟
والله يابنات كل العرايس اللي عند الكوافيره مستانسين ومبسوطين وانا احس اني بانزف لحبل المشنقه
المهم صار الحفل وجاء عريس الغفله ياخذني وطلعنا السياره وصلنا الفندق اللي كان مستاجر فيه ودشيت الغرفه
طبعا الاخ اول مادش الشقه عدورة المياه وانتوا بكرامه ولما طلع ناظرني وانا بالغرفه قال لي انتي لسى مابدلتي
يعني حتى ماجاء يشوفني يجلس وياي ولاشي حسيته اهبل مو فاهم شي بالدنيا وقمت بدلت وانا العن الساعه اللي وافقت فيها عليه وادعي عليه وع اهلي
المهم مرت اليومين الاولى بعدين سافرنا وجلسنا اسبوع قال لي بعدها انه ماخ اجازه وان الاجازه اللي قضيناها سوا كانت اجازه اضطراريه وقال لي خلاص ابوديك عند هلك حتى تنزل اجازتي الرسميه وارتب اوضاعي واجيب شقه قلت له متى يعني قال هالشهر
رجعت عند هلي بعد اسبوع من زواجي تصوروا وضعي قدام الناس وقدام هلي وربي اني دشيت البيت وانا مستحيه وهلي كانوا متضايقين من الوضع بس ماحبوا يبينوا لي
جلست عند هلي 10 ايام بعدين قال لي انه خذ الاجازه وجاي ياخذني انا توقعت لما يجي ياخذني راح نختار الشقه سوا وناثثها سوا بس هنا كانت صدمتي الثانيه !!!
لما سافرت خذاني لشقه مفروشه وجلسنا فيها طبعا انا تضايقت من الوضع وقلت له شنو الحكايه ليه ماجبت شقه ؟؟
هنا بس صارحني انه كان ماخذ قرض من البنك بس ضاع بمساهمات سوا وانه ماعنده حق الشقه
المهم بعد شهر رجعت عند هلي وهو راح سكن مع اصحابه وجلست عند هلي 3 شهور حتى جاب شقه
وجاء ياخذني وجلسنا 7 شهور بعدها عرفت ان ظروفه ماتساعد يفتح شقه وع الاجارات وكذا وجلست وياه وصارحته بكل شي وقلت ابيك تقول لي كل شي
قال لي انه ماخذ قرض من البنك ومدين من اخوه وانه يدفع اقساط هنا وهناك
المهم انا قلت راح اوقف وياه ولازم نضحي منشان بعض مع اني كنت حاقده عليه وعلى هله لانهم كذبوا علي وخبوا علي بكل شي
قلت له خلاص انا طالعه عند هلي لحد ماتخلص القرض الاول وبعده تجي تاخذني قال زين كلها 8 شهور وانتي عندي . وصدقته وياليتني ماصدقته
الحين يابنات صار لي 3 سنين عند هلي وهو كل يوم يطلع لي سالفه جديده يابنات انا عارفه انه صادق ومتاكده من كلامه بس تعبت تعبت من ذا الوضع والمشاكل كل مالها تزيد بيننا لاننا بعاد عن بعض وماشوفه الا كم يوم بالشهر
بس هو احس ماهمه ذا الشي يعني لايجمع ولايفكر بحياتنا كانه تعود على وضعنا كذا والله يابنات صرت اكرهه واحتقره لاني احسه مو مسؤول احسه اتكالي حيل واهله بعد مايقصرون ماكان وراه مسؤليه كل مانزل الراتب دقت امه وقالت ودني عند فلانه وتعرفوا شنو تاخذ معاها عاد من هدايا وطبعا كله من ظهر الاهبل اللي عندي

واللي زود الطين بله ان هله مره مو معبريني ولا كاني موجوده لايسالوا عني ولايتصلوا علي ولايبوني اعرف أي شي خاص فيهم كاني غريه عنهم ولما اقول له ليه كذا يقول اهم شي انا احبك وسوالف هلي خلاص توبه ولاعاد اخبيها عنك بس ترجع المشكله تتكرر كل فتره
وربي يابنات تعبت الحين بجد احس حياتي غلط ابي حد يدلني شسوي وربي نفسيتي عدم
صرت افكر بالطلاق واحسه ارحم والله صرت استحي لما يسالوني صاحباتي لسى مارديتي لسى ماجاء خذك ؟؟ ويلمحوا بالكلام
بنات الحين ابي رايكم شنو اسوي والله العظيم زهقت تعبت يارب الطف فيني
حسبي الله ونعم الوكيل على كل من ظلمني بذي الزواجه
حسبي الله ونعم الوكيل على كل من ظلمني بذي الزواجه
حسبي الله ونعم الوكيل على كل من ظلمني بذي الزواجه
حسبي الله ونعم الوكيل على كل من ظلمني بذي الزواجه