~'*¤!||!¤`تجهيزات عرايس البحرين { الرابع والأربعين}*¤!||!¤*'~`

وردة مغرورة ابعطرها;9427441:
بنااات ما رديتون علية ابغي محلات تأجير فساتين اعراس ووين يكونون

وكووووووونون راقيين وحلوين ؟

الترجيه;9433453:
دهن عود &حبيبة عزوزي
فديتكم ماقصرتوا على هالدعوه الله يسمع منكم ياربي
يرزقني ويرزق بنات امه محمد اجمعين ياربي

بنات احد يعرف الحنايه سميره من المحرق
ابي اتحنى قلبي متشفشف

حبيبة عزوزي;9421183:


[QUOTE=ملكة الغروب;9418813]

اوف جونا الاوربي الصراحه يخلي الواحد يستانس ههههههههههه والرونق تساريحهم حلوة بس اذا تعاملهم زفت ليش ما تاخذين رقم يسرى الي قالو عنها البنات تساريحها روعه ؟؟ان شاء عندنا مناسبه وحده تصير لنا قرريب بروح لها وصار بخاطري اجرب صابرين وانتي براحتج اهم شي تكوني مقتنعه بنفسج وانج بتصيريين قمر الحفله لانها حفلتج انتي(y)موفقه بعد عمري

أنا الشوق;9423147:
عرايس يبت لكم شي من ذاك الاسبوع ابي أقول لكم عنه بس نسيت :ss:

عاد الحين تذكرت
الله يسلمكم ذاك الاسبوع اكتشفت بنت تسوي بطاقات
والبطاقات كلها شغل يد وتسوي حق كل المناسبات وتقدرين تقولين لها انتي شتبين
والحلو ان التشكيلات ماتكون مكرره وايد

المهم، البطاقات اللي جفتهم حق هدايا فلوس
يعني تصير البطاقه تفتحينها وداخلها ظرف تحطين فيه الفلوس وتكتبين اللي تبينه

وأسعارها رخيصه كله على 200 او 300 فلس، يعني يصلح تاخذين لج كمية وتخشينهم حق أي مناسبة تصير ماتتوهقين
مثل أمي كله في آخر لحظه تطرشني أشتري لها بطايق خخخخخخخ
فشي طبيعي ان احنا خمينا لنا كمية لا بأس بها من البطاقات :bigsmile:

وبعد تسوي بطاقات دعوة للأعراس (y) وهاذي اللي عجبني، بس ماجفت شغلها لبطاقات الدعوه
انزين عاد انا صورت البطايق اللي يابوهم لنا وقلت أحطهم لكم














































وبسسسسس تعبت

موناليزا البحرين;9424270:

شريفة فولاذ حطت لي مكياج في ملجتي بو20 وماشاء الله عليها تدش القلب ومكياجها وايد حلو وروعه وحطت لي مثل مابي بالضبط والبوردة مالتها حلوة ترى:21_209:

وعلى فكرة لين كانت تحط لي مكياج ياوا بنتين عشان ياخذون بودرة منها ووحده فيهم كان في ويها نمش ولين حطت لها البوردة صار كلش مايبين ابد حبيت بودرتها وتبيعها على ماتذكر ب5 دينار

وشعري مسويته عند لطيفة كانت شريفة مادحتلي اياها وكان ماعندي وقت فتوكلت على الله وخذيتها بس اقولكم شنو التسريحة لوووووووووعه من قلب والله :cry:ولا حطت لي اكستنشن إلي فيشباصه مادري شنو مع إني ماكنت ابي اكستنشن ولين خبرتها مابي حسيتها ماتعرف شتسوي فقلت لها اوكي كملي خلاص :UP202:

وجبهتي انا عريضة اشوي فقلت لها قصي القذلة لانها كانت طويلة فقلت لها قصيها لين عيوني تقريبا قالت لا موب حلو وقصتها لين نص الجبهة وصارت شنو تخررررررررع وترستها اسبري كرهت روحي الصراحة وخذت علي 25 دينار على شي كلش مايسوى:mad2:

بس للأمانة يقولون تسريحاتها الحين حلوة:21_186: (( مادري شكلها كانت تجرب علي))

بحرينية قمر;9429341:

الفيشل باينبل سبا وايد حلووو و مكان نظيف و راقي و شغلهم و معاملتهم و لا أروع (y) و الأسعار تبتدي من 20 لي 40 دينار حسب البكج اللي بتختارينه كل ما زادت الإضافات زاد السعر..
الحمام المغربي عندج صالون لطيفة .. جاك ديسانج.. و صالون رحمة اللي في جدعلي.. أو ريفين في الرفاع..
الصبغ هم وايد أماكن.. مثلاً صالون جوني في فندق اليت جراند أو باتشي اي لوتشي في فندق قولدن توليب و إذا ما تبين فنادق عندج جاك ديسانج أو زمردة يمدحونهم..و لا تروحين ايفا في ناس وايد يذمونها و مو كل مرة تضبط لج اللون غير اني سمعت انها جايفة روحها و رافعة خشمها ع الزباين (n)
تنظيف الأسنان روحي عيادة المنصوري في الرفاع شغلهم وايد يعجبني و الدكتورة وااااايد حبوبة و حليوة و أسعارهم من 25 لي 35 دينار ماكسيمم :)
و عندج بعد عيادة د. محمد رجب في مجمع الحكيم الطبي في السلمانية أمي تتعامل معاه و تقول وااايد زين (y)
************************
بنات عندي شوية أسئلة
1- تعرفون أسعار نورة الكعبي في الميكب تبتدي من جم؟
2- هل عندنا في البحرين الأنصاري للصرافة أو لا ؟؟ <<< أدري سؤالي ماله خص في التجهيزات بس لأني أجوف التاجرات بقسم العروض التجارية يقولون الدفع عن طريق الأنصاري للصرافة و أنا ماظن إن في عندنا في البحرين فشلون بيكون الدفع و الاستلام؟
بلييييز اللي عندها خبر تفيدني :15:

أنا الشوق;9429468:
بنات عندي سؤال وهقني
يرجى المساعده

رفيجتي ان شالله ملجتها جريبه،،، ادعوا لها الله ييسر أمورها ونفتك منها وبعدين نلحقها :D

المهم، هي بيكون يوم ملجه ويوم خطوبه
ويوم الملجه مابتسوي شي
يعني بس المعرس وامه وخواته وهي وبيتهم، شي بسيط جدا جدا ومحد غيرهم بيحضر
فالحين هي مب عارفه شتلبس :ss:
عادي يعني تلبس بدله (تنورة وقميص كشوخيين)!!!!!!
ولا تلبس جلابية ،، مع اني انا احس الجلابية مادري شلون
او فستان قصير ناعم ،، بس أحس ان يعني أول مره بتقعد وياه بتقعد بسيقانها خخخخخخ ترى انا عقدت البنيه (6)
وطبعا فستان سهره كشخه بتصير كلش غلط

فيعني انتو شلبستوا في ملجتكم؟؟ وشرايكم؟؟

حبيبة عزوزي;9430299:
الا تعالي انا عندي سؤال يفشل:o
الحينا انا اقول لامي اذا عرست مابي اسوي شي بس عرس امي تقول ليش احنا بايقيين بوقه؟لازن نسوي اشهار انج انخطبتي وونعزم الاهل انتو شنو رايكم :confused:

m!ss rose;9430184:



عن سالفة تقليد الأهل للعروس

ترى خلكم ريلاكس ولو شنو يسون ماراح يطلعون أحلى من العروس

انا في عرسي أهل زوجي قالوا مايبون العفراء لأنه مايعجبهم

وانا كنت حاجزه في العفراء رحت الصالون الساعة 12 وعلى الساعه 1 الا اشوف أهل زوجي كلهم هناك (عمتي و خوات زوجي ونسوان أخوانه ) كلهم فوق راسي

وكنت بس انا عروس ذاك اليوم و أشتغلوا في شعري وكانوا أهما فوق راسي والله

وكلهم سوو تسريحة عروس ولما حطيت الميك اب بعد كانوا فوق راسي وسوو ميك أب عروس

يعني تخيلوا الموقف اشلون والله باقي اشوي وتنزل الدمعة من عيني

لا والقهر لابسين فساتين لونهم أبيض وفيهم ذيل وحاطين تاج عروس كلهم

بس الحمدلله عدت على خير والكل كان ايتطنز عليهم

الشيخة;9430968:
بنات جهزت التقريررررر
:wink:(y)(i)(*)(g)(^)(c):):D


والي تبيه تطرش لي رسالة خاصة واطرشه لها

وبرنامج السفر عطووني مهلة واكملة لكم بإذن الله (y)

والي تبي تقعد اسبوع او اسبوعين او 20 يوم او أقل او اكثر
تخبرني عالخاص عشان افيدها ببرنامج حلوو وتستفيد منه قدر الامكان


بروح :D
وبرجع :wink:

iris11;9429541:
خيو .. نفس الحالة ترى صايرة عندي .. اني مسوية هندي ليي في الحنة .. وماشفت لج إلا 2 من الاهل بيلبسون هندي بعد
المفروض مايلبسون مثلي.. ووحدة منهم مارضت يوم اقول ليها ليش بتلبسين هندي :ss:
مع ان هم لحين ماشتروا.. بس ماغيرت رايها

جميلة الليل;9434312:
سلااااام


شفيكم بنات ولاوحده ردت على سؤالي انه زواجي تاريخ 3 شهر 6 والحنه تاريخ 1 متى اسوي حمام مغربي واشيل شيره واحف ممكن تردون عليي وراجعه لكم

!!.. نسيم الليل ..!!;9434402:
بالمبارك اختي iris11

والله يتمم لش ع خير ان شاء الله