~'*¤!||!¤`تجهيزات عرايس البحرين { الرابع والأربعين}*¤!||!¤*'~`

جمعه مباركه يارب
ابغي حل حق البلوه اللي عندي وحده من الاهل راحت سوت لها جلابيه بنفس طريقة جلابيتي حق الملجه وامس راسي افتر ادور على شي يناسب الالوان السفره اللي بسويها كله فيروزي وذهبي رحت السيف دورت على فستان مافي راسي افتر وحدي متملله
عطوني حل السعوديه ما اقدر اروح ابغي شي في ا البحرين من وين اروح شنو اخذ مادري

بنات بغيت اسال عن اللي راحوا حفلة التخرج من الجامعة كانوا يقدمون ضيافة موالح معجنات صغيرة والحلاوة سمبوسة مكسرات بس صدق روعة الطعم والشغل مرتب اذا في أحد يعرف من وين المالح والحلو يخبرني؟؟؟؟؟؟؟؟؟

بنوتات آنه عندي صور حق ملجتي في CD لين ألحين ما طلعتهم,
اي استوديو أحسن من ناحية الألوان والطباعة وكل شي
واستوديو المجال هاي وين يصير ..
وين تنصحوني آخذ ألبوم ,, وهل الاستوديو يرضون ينسقونه لي؟
وتعرفون كم سعر كل صورة ؟؟

بلييييييييييييز بنوتات ساعدوني .. رفيجاتي بييوني جريب يجوفون ألبوم خطوبتي, ولين ألحين ألبوم
الملجة ما سويته :(

*عيون الليل*;9422080:
مرحبا صبايا .. عندي استفسار
في صالون رونق .. من أحلى تسوي الشعر حق عرايس؟؟
وحيدة أو بدور اللي تلبس نظارة؟؟
ضروري :(

يعني شدعوة محد شاف تساريحهم؟؟
:ss::ss:

دهن العود فديتج والله عل هل الدعوه الحلوه انشاء الله من حلجج دايركت للسمااا هههه:tongue:


حبيبه عزوزي آمين ونجهز مع البنات ونربشهم بعد:confused:



بنوتات عندنا حفله صغيرونه خالتي مسويتها بمناسبه تخرج بنتها اخذت شهاده الدكتورا بغيت اعرف وين اماكن حلوه للضيافه والبوفيهاات ؟؟ وش رايكم بمطعم كرامي ؟


nemraa تسلم يدج ع الصور بس هاي الماكيره وين في تعدل واهي من وين ؟؟ اعتقد منن ستره بس مب متأكده ؟

*عيون الليل*;9427259:
يعني شدعوة محد شاف تساريحهم؟؟
:ss::ss:

حبيبتي وحيده سوت لرفيجتي وشغلها كلش حلو ومرتب مشاء الله

بناات وين يبيعون لولو عندنا؟؟؟
غير المحلات اللي في السيف
مدينة الذهب عندهم؟؟؟ واذا في محلات برا بعد
وعلى جم أسعارهم تقريبا؟؟

واللي طلبوا الرقم
مادري وين دعسته خخخخخ
بس باقوم ادوره وباطرشه لكم
والبنت من عراد

بنات انا فستان عرسي ذهبي واوفوايت

شوروا علي الباقه شنو الوانها؟

والميك اب
اذا ذوقي في الميك اب الثقيل

بنات ماعليكم امر اذا اتعرفون وحده عندها سياره واتوصل مشاوير خاصه في الرفاع لين ستره واو المدينه
ياليت اتدزون لي رقمها ؟؟


اللي سألت عن وحيده او بدريه عندي وحيده وايد احلى ثم فتحيه

انا الشووق
فديتج الدلوو فسوق الرفاع شبكتي اللولو شريتها من اهناك مو متذكره بجم اعتقد 900 احين اكيد وايد اغلى جيكي عندهم اشيه وااايد حلووه ويطلعوون لج الليتست من داااخل
الدلووو عندي احلى شي(y)

طالبة طموحه;9426923:
جمعه مباركه يارب
ابغي حل حق البلوه اللي عندي وحده من الاهل راحت سوت لها جلابيه بنفس طريقة جلابيتي حق الملجه وامس راسي افتر ادور على شي يناسب الالوان السفره اللي بسويها كله فيروزي وذهبي رحت السيف دورت على فستان مافي راسي افتر وحدي متملله
عطوني حل السعوديه ما اقدر اروح ابغي شي في ا البحرين من وين اروح شنو اخذ مادري

اشتري لج قطعه هندي تركواز مع ذهبي وفصليها على شكل فستان من توب وتنورة .. شفت هالفكرة في محل واعجبتني حيييييييل .. وقلت بفصلها لزواج بنت خالتي .. التوب بخليه سليف لس .. يعني بدون سيور او شي و بخلي يركبون لي فيه جزء من الحاشية العريضة من فوق عالصدر والشك الناعم الباقي جهة البطن .. والتنورة بسويها ميرمد ستايل .. يعني قصة ذيل السمجة .. بتصير واااااو مع الاكسسوار والتسريحة .. ومحلات الخلق الهندي واااجد .. فالمنامة يم لاست جانس .. وعندج اشكال وديفيا ينزلون خلق ساريات اشكال وانواع .. او روحي كبرى القصير واشتري جلابية راهية منها واللون متوفر وبكثرة .. وهم عندج اكاجو ونهر الفنون وانمار تلاقين فيهم ..

بنااات ما رديتون علية ابغي محلات تأجير فساتين اعراس ووين يكونون

وكووووووونون راقيين وحلوين ؟

عروس;9427188:
بنوتات آنه عندي صور حق ملجتي في CD لين ألحين ما طلعتهم,
اي استوديو أحسن من ناحية الألوان والطباعة وكل شي
واستوديو المجال هاي وين يصير ..
وين تنصحوني آخذ ألبوم ,, وهل الاستوديو يرضون ينسقونه لي؟
وتعرفون كم سعر كل صورة ؟؟

بلييييييييييييز بنوتات ساعدوني .. رفيجاتي بييوني جريب يجوفون ألبوم خطوبتي, ولين ألحين ألبوم
الملجة ما سويته :(

صحاري وسكوب ..

بنات انا فستان عرسي ذهبي واوفوايت

شوروا علي الباقه شنو الوانها؟

والميك اب
اذا ذوقي في الميك اب الثقيل

اللون راهي وفخم ..,

أقترح عليج درجات الموف "البنفسج" مع الذهبي ..,

أو درجات اللون الماروني مع الذهبي .., << وهي الأنسب والأفخم

*
*

طبعاً المكياج يعتمد على لون باقتج إلي بتسوينها & الفستان

فسوي الباقة بإحدى هاللونين وضيفي معاهم الأوف وايت .. و اللمعة ذهبي!

وإذا ذوقج الثقيل , روحي حق (صفاء) شعر + مكياج .. راح تبدع فيج =)

/
\

بنااات ما رديتون علية ابغي محلات تأجير فساتين اعراس ووين يكونون

وكووووووونون راقيين وحلوين ؟

وايد محلات!.. مثلاً :

نجمة العرائس - سوق واقف

أحلى العرائس - سوق الرفاع

وردة مغرورة ابعطرها;9427441:
بنااات ما رديتون علية ابغي محلات تأجير فساتين اعراس ووين يكونون

وكووووووونون راقيين وحلوين ؟

يا تأجرين من بنات عندهم فساتين راقية .. او تاخذين من رومان ديزاين .. باقي المحلات مااحسها ذاك الزود مع احترامي لكل الاذواق .. هذا غير الدقات اللي يسونها في خلق الله.. واذا عندج فلوس تفصلين فصلي :wink:..

أنا الشوق;9427310:
بناات وين يبيعون لولو عندنا؟؟؟
غير المحلات اللي في السيف
مدينة الذهب عندهم؟؟؟ واذا في محلات برا بعد
وعلى جم أسعارهم تقريبا؟؟

واللي طلبوا الرقم
مادري وين دعسته خخخخخ
بس باقوم ادوره وباطرشه لكم
والبنت من عراد

في محل في سوق المنامة بره مدينة الذهب عند الباركات الي فيها العدادات نسيت اسمه المحل صغير تركبين له بدرج عنده لولو يجننننننننننن .. وعندج نفس ما قالت وحدة من الاخوات مجوهرات ديلو في الرفاع شرينا منه شبكة بنت خالتي لولو ب 1200 شهر 3 -2008م ..

بنوتات آنه عندي صور حق ملجتي في CD لين ألحين ما طلعتهم,
اي استوديو أحسن من ناحية الألوان والطباعة وكل شي
واستوديو المجال هاي وين يصير ..
وين تنصحوني آخذ ألبوم ,, وهل الاستوديو يرضون ينسقونه لي؟
وتعرفون كم سعر كل صورة ؟؟

بلييييييييييييز بنوتات ساعدوني .. رفيجاتي بييوني جريب يجوفون ألبوم خطوبتي, ولين ألحين ألبوم
الملجة ما سويته

لا تصعبين الأمور على نفسج حبيبتي ..,

روحي حق المصورة " أم عباس" .. بتطبع لج الصور مع الديزاين والفلتر بعدة أحجام , تقريباً 35 إلى 40 صورة

ب 50 دينار!..

بس بدون الألبوم .. أشتري ألبوم من عندج و هي تنسق لج الصور في الألبوم

*
*

أو روحي ستديو "سكوب" - فرع السلمانية أفضل و أسرع .. فرع البديع كله زحمة بيتآخرون عليج

يطلعون لج الصور بدون أي ديزاين بس بالفلتر ب 1.500 +2.000 دينار

ويحسبون لج جارج 5 دينار .., تنسيق الصور في الألبوم

وعندهم ألبومات كشوخية متنوعة

*
*

أو ستديو "لؤلؤة الخليج " في جد علي ..,

شغلهم جداً راقي في الديزاينات

ودي لهم الألبوم والسيدي ..,

وهم يطلعونها لج و ينسقونها

أسعارهم تبدأ من 1.500 طبعاً بالفلتر والديزاين

/
\

موفقة =)

مرحبا بنات

الله يخليكم ابي رقم الحناية ام محمود

و كم اسعارها للعرايس و للعادي؟

مشكوره على النصيحه بس شنو اسوي اذا ماعجبني لحد الحين ولا شي والالوان كله ماتناسب ومن بيرضى يخيط لي الحين في هذا الوقت والميزانيه خلاص تقسمت والله راسي يفتر

طالبة طموحه;9427633:
مشكوره على النصيحه بس شنو اسوي اذا ماعجبني لحد الحين ولا شي والالوان كله ماتناسب ومن بيرضى يخيط لي الحين في هذا الوقت والميزانيه خلاص تقسمت والله راسي يفتر

شكثر باقي على ملجتج وانتي شكثر ميزانيتج للفستان البديل؟

ملجتي تاريخ 21 الميلاد بكون يعني ماتزيد عن 100 وياريت اقل