•¤ تجهيزات " عرائس السعودية " لشهر رجب لعام 1430-2009 م ( الجزء 12 ) ¤•

السلام عليكم

يعطيك العافيه عاشقة الورد ان شاء الله اسويه


دفا الروح

حبوبه قميص ليله الدخله خوذيه من واحه الجلابيات نفس نعومي وارخص بكثير (f)
وانتِ ما راح تلبسينه الا مره وحده بس :Dحرام تأخذينه ب الف او اكثر واكيد الحين ما بقى بالمهر شي واجد :ss:
واحه الجلابيات موجود في المارينا مول وفنيسيا مول
....
يا قلبو انا شريت لبسه من مانجو ولسبه من اوريجيم ولبسه من ماسيمو دوتي:)
....
الحين وقت التخفيضات وما راح يكون فيه شي حلوه كثير روحي وشوفي
الي مسوين تخفيضات
ايتام ومجموعته - دبنهامز - السواني- الظاهر نعومي مسوي عرض خاص - نيو لوك - Bhc -مانجو - جير وبر

دعواتك لي بتوفيق باختباراتي وانجح

،

اهلين بنات وحشتوني نوروا العرايس اللي انضموا لنا قريب
سعودية ياهلا الله يتمم لك على الف خير يارب ليتني في الرياض كان خدمتك برموش عيوني لكن للاسف بناتها يفيدونك ان شاءالله
هيدرانجيا >>> حرام عليك اسمك تعذيب
اسكتي ياشيخه صرت بخيله بشكل ممسكه بفلوسي ومااصرف الا بحساب سبحان الله اول التجهيز اشتري ولا علي حاسبه انه وراي مبلغ لسه باقي لكن الحين كل ماقلت قمت احسب
لقيت عبايه عند بدون اسم جنان بالف وستميه مع طرحتها صرفت نظر عنها قلت يابنت ايش فيها المحلات الثانيه اشتري منها بس باقي ماشريتها جالسه اهوجس اشتريها ولا لأ
المهم باقي لي القميص لليله الكبيره على قولة المصاريه مابعد شريته والارواب لاتطالعون خلاص بشتري اللف :) والمكياج ماراح اكثر بس باخذ لي اساس من بودي شوب المهم ابي شي خفيف لاستخدام البيت يعني الوان كحل اخضر وزيتي وسماوي واسود وعلبة اي شدو فيه علبة للاوان المخمليه مره حلوه بخمسين ريال عند محمود سعيد على مااظن وعند مكياجي فيه ماركة مره حلوه قلوساتها الوانها خطيرة اورنج وفوشي ورتني هيا مرة خالي قالت لاتفوتك ماركتها 22K باخذهم ان شاءالله وبماركة ايف سان لوران مزيل مكياج حلو وللعيون كمان باخذه عشان ليله العرس بعدين ان شاءالله امسح وجهي فيه بدل ماتجلس عيني مسوده من كحل الكوافير المجنونه يعني مايطلع شكلي شبهة :)
والعطور يكفيني كوكو من المجموعه وكمان باخذ فاتنة من عند نعومي غير مجموعه المسك اللي اموت فيها من بودي شوب بس المسك الابيض مو المسك اللي الحين مدري كيف ريحته تدوخ الراس :(


وبس الله يعين
فين طالبات التجمع مابشرونا بنتايجهم هذا وانا اقول مو تخلصون وتقطعونا :(


اياتي باقي اسبوع على زواجها الله يعينها ويتمم لها على خير ..
,

،

الكثير من الفتيات يستعددن للتجهيز قبل الزواج بأشهر عديده ...قائمه بعشرات الاشياء .. فستان الزواج .. ملابس سهره..ملابس خروج..ملابس بيت.. احذيه ..حقائب...الخ
هذا سوى تقشير البشره .. تبيض الاسنان .. التقويم .. ازاله الدهون .. فرد الشعر .. وقائمه مخيفه طويله من العمليات التي تعتمد اليها العروس لتغيير قشرتها الخارجيه ..
الاتلاحظون شيئا ؟ ان العروس تحصر استعدادها للزواج بالمظهر فقط ؟
تريد ان تظهر الاجمل امام زوجها وكأن هذا الجمال هو الذي سيأسر قلبه وسيحضر السعاده الزوجيه طائعه تحت قدميها !!
الكثير من الفتيات لديهن هذا المفهوم الخاطئ للاسف ..املكي قلبه بجمالك والا فستخسريه
المشكله بان الفتاة تذهب لبيت الزوجيه وفي ذهنها امر واحد ان تجعله مسحورا بجمالها مبهورا بمظهرها !
لكن كثيرا ماتصدم بالحقيقه بعد عده اسابيع من الزواج اذ تجد ان زوجها (رغم طيبته وحبه واهتمامه) لم يلاظه انها صبغت خصلات من شغرها ولم ينبهر باللون الجديد لعدسات العين ولم يقف مشدوها امام طلاء اظافرها !!

هنا تشعر الفتاه بالاحباط لانها تريده دائما مبهورا بجمالها بينها الرجل يفكر بطريقه مختلفه تماما فهو وان كان يحب الجمال .. الا انه ليس مهيئا فطريا للمديح وكثرة الكلام !

حتى بصره لايلاحظ مثل المرأة ادق التفاصيل ليقف عندها ويمدحها ..وهذا ملاتعرفه الفتاة.

لذلك نقول لكل عروس

غاليتي .. ليس على زوجك ان يكون مبهورا بجمالك طوال الوقت حتى يدل ذلك على حبه

فالحب الصادق .. ليس انبهارا بالمظهر بل حاجته الى القرب منك مع الاستمتاع بهذا القرب

ان يحب حديثك والجلوس معك يحب اخلاقك وشخصيتك ..ليس مطلوبا ان تكوني دميه صناعيه كامله ليحبك .

كوني على طبيعتك بسيطه لكن محبه ..

نحن لاننكر اهميه اهتمامك بمظهرك وجمالك لكن لاتجعلي جهودك ترتكز كلها على القشره فقط وبشكل مبالغ !!

اعطي شيئا من الاهتمام للداخل

اقرئي كتبا في فهم نفسيه الرجل كيفيه كسب قلبه التعامل معه والتحدث معه

وكيفيه تجاوز المشكلات الزوجيه وكيفيه ادارة المنزل وتغيير مظهره وروتينه

حاولي اخذ دورات خاصه بمعالجه المشكلات الزوجيه فقد اصبحت منتشره الان حتى على الانترنت

خصصي جزء بسيط من وقتك لتصفح مواقع شبكة افراح ستجدي الكثير والكثير من النصائح والارشادات صدقيني سوف تغير طريقه تفكيرك وسوف تغير مجرى حياتك الا الافضل مع زوجك

وضعي ضمن قائمه تجهيزك لدبش فرحك قائمه من الاشرطه والكتب المفيده في هذا الموضوع

فكم من امراه جميله ابغضها زوجها لغبائها وانعدام قدرتها على التواصل معه او فهمه

او لعدم معرفتها بكيفيه التعامل معه واسر قلبه والعكس صحيح

صدقيني ..

اذا اردتي اسر قلبه فانك ستستطيعين باذن الله لكن ليس بالمظهر فقط
هناك اشياء كثيره تبدا من الداخل اهتمي بها ..



كلمات اعجبتني فأحببت ان تشاركوني روعتها >>> يمديكم ع الفصحى :) ......

هلا بنات اخباركم ؟؟؟؟؟؟ حبيت اسال وين ممكن القى تايورات حلوة و فخمة في حدود 300 الى 600 طبعا في الرياض ؟ الى تعرف الله يعافيكم تكتب لي وين القاهم

مساء الخير يا حلوات
ربي يتمم عليكم يارب سعادتكم وانا وياكم
ابي منكم خدمه لاهنتو
ابي اسوي فستان عرسي بس محتاره وين اسويه او اخذ جاهز
ابي رقم خياطه شاطره او مصممه بس يكون شغلهم حلو واسعارهم زينه مابي شي خيالي
وتكون بالرياض

ومشكورين يا حلوين

http://forums.3roos.com/t467545.html#post9833383


حياكم

الله يعينكم وربي انا شايله الهم ومو قادره اناام لاني مخطوبه ومو متحدد زواجي

السلام عليكم

هلا لولو كيفك؟..
اه اليوم كان امتحاني صعب وزفت فيه ان شاء الله انجح في هذي الماده لانها مسببه ازمه لي

اول شي لاطولين علينا بالغيبه وين نجوله ونونه فهد واروى و حنين البنات مو موجدين ليه
بنسبه لاسمي عادي قولي دلع والي يريحك
اه اه يالمهر وانتي صادقه بدايت التجهيز اصرف على كيفي والحين فيه كثير اشياء تم الاستغناء عنها

الحمد لله خلصت مما باقي لي شي كثير باقي عطورات ومحدده وشي هي . وشوي ملابس داخليه
واخلص الحمد لله

لولو يسلمو عالكلام الي قلتيه كله صح



yassmine - عيون دادي

امين وان شاء الله بنات الرياض ما يقصرون

متلثمه

ان شاء الله يتحدد زواجك ولا تشيلين هم انبسطي قد ما تقدرين

هلا و غلا بالجميع حبيت اسال عن محلات او بوتيكات تبيع تايورات او فساتين نفس نوعية و فخامة التايورات و الفساتين الموجوده في مانجو و دبنهامس .........

هلا برايديز

الف مبروك للعرايس اللي انضمو لنا

كيفكم وكيف التجهيز ، آسفه على القطعه بس الوضع عندي شوي محيوس

دعواتكم لي براحة البال خاصه هالفتره مابقى الا شهر وثلاثة ارباع تجهيزي باقي الله يعين

لولو حبيبتي الفكره حقت الورود اللي ينكتب فيها ياليت تحطي صورة الورود عشان اعرف شكلها بالضبط

والبنتوتات اللي يسألوا عن التيورات بالرياض مافي مكان محدد بس لفي المملكه والفيصليه وشارع العليا و

حياة مول وصحارى والبوتيكات بعمائر السيركون وان شاء الله تلاقي اللي يعجبك ........

حجزت الحنايه اليوم وشفت شغلها بعمتى مره عجبني ، يارب بس ماتسحب علي وقتها << خايفه منهم و

مواعيدهم ماينضمنون....

هذي اخباري وراجعه لما اقرا باقي الردوود .........

موفقات يارب

و أخيرااااا خلصت امتحانات و ارتحت
و نتايجي الحمد لله طلعوا كلهم حلون بس باقي آخر مادتين

رجعت اليوم لأهلي بعد غياب شهر :(

و احس خلصت من تفكير الأختبارات و بدأت في تفكير الزواج
باقي على زواجي 20 يوم :(

عندي شعور اني ما خلصت شي .. مع ان مو باقي علي الا الأشياء البسيطه

لولو .. كيفك .. انتي اللي صار لك كم يوم مختفيه

آياتي .. الله يوفقك قرب زواجك

مسألة وقت .. وينك , ليكون ولدتي


باقي العروسات الله يوفقكم

وحشتوني يابنات

دعواتكم بكرة ان شالله الشبكة

بعدين ارجع احكيلكم واوريكم صورة فستاني ان شالله

ولو قدرت بقية الصور كمان حاوصي البنات يصورو بالجوال

هلا يا احلى حلويييييين

صباحكم عسل
مساءكم سكر :D
ولهت عليكم وجيت وقريت كل الصفحات اللي فاتتني

ما ألحق ارد

بس بعطيكم اخر اخباري عالسريع
الاختبارات .. بصراحة ماتوقعت هالدرجات يفشلون :confused:
وباقي 3 مواد ماطلعوا .. الله يستر .. معدلي بينزل
ادعوا لي تكفون حبيباتي

بالنسبة للتجهيز ..
جبت عباياتي طلعوا مضبوطين الحمد لله
رحت الدمام الويك اند اللي راح .. اخيييرا اشتريت فستان الجلسة اللي يجون يباركون بيت اهله ثاني يوم
اخذته ب1500 .. نعوم ووحلو

واشتريت مسك الطهارة الاسود من عبد الصمد

اشتريت بلوزتين وحدة منهم فخمة شوي .. من كوتن مسوي تخفيض
واخذت بيجاما ستان من ايتام ياعييييني تجنن والله .. لونها بني جديدة ماعليها تخفيض بس لأني ماعندي بيجاما ستان .. اخذتها:D

اخذت لي شورت قصير مررة:tongue: لونه اصفر .. بعد لأني مااخذت شورتات وكان من الاشياء الناقصة
تقريبا بس

اللي باقي لي
.. نعلة لفستان الزواج .. شنط يد مالقيت اللي يعجبني
.. وباقي بعد بودرة جسم .. والمسكة ان شا الله اليوم بروح
وبعد مدري ايش بقالي لكنها اشيا بسيطة ان شا الله


بالنسبة للعناية اسوي سكراب للجسم واحط جليسوليد وليمون
احط فازين برجولي بعد ما اسوي سكراب >> من بودي شوب للقدم خاص والله يجنن بقووووة

واخلي الشغالة كل يوم الصبح تسوي لي عصير .. تفاحتين جزرتين ليمونتين ونعناع وسوية سكر

ووجهي اخط نشا وموية واخليه نص ساعة او انام فيه
وبعد كل يوم اغسل وجهي بالحليب الطازج

بالنسبة للطبخ
انا اعرف العشا اشيا بسيطة ويبي لي كتاب بس الغدااااا .. من زمان ماطبخت من اكثر من سنة ونص تقريبا
وقلت للشغالة هالاسبوع كل يوم طبخة للغدا تعلمني لأنها ماشا الله طباخة مشتغلة قبل بالكويت وعليها طبخات تهبل ما شا الله

بعد وش الجديد
بروح بكرا ان شا الله الدمام اقيس فستان الزواج ليكون ضاااق وبشوف متى بتجيبه لنا

وبعد وش بعد

فيه خبر سيئ للغاااااااية
مسبب لي ازمة نفسية والله :confused:

الدورة هذا لها الشهر الثاني ماجات .. ناوية تجي بالزواج

رحت الطبيبة عطتني حبوب اخذتهم 3 ايام وقالت بعدها ب5 ايام تنزل ولا نزلت
وماضل شي ماسويته
ان ماجت الى الاربعا .. بحاول اأجلها
ادعو لي يابنات والله ضايق خلقي :confused:

يللا اخوي يحن يبي اللاب توب

**أروى أحمد**;9843924:
هلا يا احلى حلويييييين

صباحكم عسل
مساءكم سكر :D
ولهت عليكم وجيت وقريت كل الصفحات اللي فاتتني

ما ألحق ارد

بس بعطيكم اخر اخباري عالسريع
الاختبارات .. بصراحة ماتوقعت هالدرجات يفشلون :confused:
وباقي 3 مواد ماطلعوا .. الله يستر .. معدلي بينزل
ادعوا لي تكفون حبيباتي

بالنسبة للتجهيز ..
جبت عباياتي طلعوا مضبوطين الحمد لله
رحت الدمام الويك اند اللي راح .. اخيييرا اشتريت فستان الجلسة اللي يجون يباركون بيت اهله ثاني يوم
اخذته ب1500 .. نعوم ووحلو

واشتريت مسك الطهارة الاسود من عبد الصمد

اشتريت بلوزتين وحدة منهم فخمة شوي .. من كوتن مسوي تخفيض
واخذت بيجاما ستان من ايتام ياعييييني تجنن والله .. لونها بني جديدة ماعليها تخفيض بس لأني ماعندي بيجاما ستان .. اخذتها:D

اخذت لي شورت قصير مررة:tongue: لونه اصفر .. بعد لأني مااخذت شورتات وكان من الاشياء الناقصة
تقريبا بس

اللي باقي لي
.. نعلة لفستان الزواج .. شنط يد مالقيت اللي يعجبني
.. وباقي بعد بودرة جسم .. والمسكة ان شا الله اليوم بروح
وبعد مدري ايش بقالي لكنها اشيا بسيطة ان شا الله


بالنسبة للعناية اسوي سكراب للجسم واحط جليسوليد وليمون
احط فازين برجولي بعد ما اسوي سكراب >> من بودي شوب للقدم خاص والله يجنن بقووووة

واخلي الشغالة كل يوم الصبح تسوي لي عصير .. تفاحتين جزرتين ليمونتين ونعناع وسوية سكر

ووجهي اخط نشا وموية واخليه نص ساعة او انام فيه
وبعد كل يوم اغسل وجهي بالحليب الطازج

بالنسبة للطبخ
انا اعرف العشا اشيا بسيطة ويبي لي كتاب بس الغدااااا .. من زمان ماطبخت من اكثر من سنة ونص تقريبا
وقلت للشغالة هالاسبوع كل يوم طبخة للغدا تعلمني لأنها ماشا الله طباخة مشتغلة قبل بالكويت وعليها طبخات تهبل ما شا الله

بعد وش الجديد
بروح بكرا ان شا الله الدمام اقيس فستان الزواج ليكون ضاااق وبشوف متى بتجيبه لنا

وبعد وش بعد

فيه خبر سيئ للغاااااااية
مسبب لي ازمة نفسية والله :confused:

الدورة هذا لها الشهر الثاني ماجات .. ناوية تجي بالزواج

رحت الطبيبة عطتني حبوب اخذتهم 3 ايام وقالت بعدها ب5 ايام تنزل ولا نزلت
وماضل شي ماسويته
ان ماجت الى الاربعا .. بحاول اأجلها
ادعو لي يابنات والله ضايق خلقي :confused:

يللا اخوي يحن يبي اللاب توب

مبروك جووري كنت معك بتجمع خلطه موضي الدسمه

سبحان الله اللحين تجمع العروسات

يالله انا معكم في القائمه زواجي شهر 10 :o
بس مااظن بدخل كثييير لان النت عندي سيء للغايه

انا تقريبا نص اغراضي خلصتها بس بااقي الذهب وملابس الناس وفستان الزواج لاني نحفت وابي اثبت وزني الله يعين نا خااااايفه :confused:
وجسمي رحت عيااده وسولي تقشير وتبيض وباااقي لي جلسااات
دعواتكم لي ولااخواني بالنجاح ..
بااااااااااااي

ايه صح بسالكم احد راح بسام فتوح بالمملكه
انا رحت له قبل سنه ونص وصبغت عندهم
مرره تجنن بس بسالكم الحين كيف شغلهم اخاف يتغيرون
الي راحت تقولي ودي اصبغ وكيف اسعارهم لاني صبغت المرة الأولى ب800 وهذا قبل الغلا وارتفاع اللاسعار اللحين وش بيكون

باااااي

،

اهلين عرايس

نونة ياقلبي ماعندي شكل معين للورد لكن روحي وشفي انا صرفت نظر عنها عارفه الكوشة عندنا مو علي على اهل العريس وراح تجي معاها الدفتر كهدية قال لي خلاص اذا تبينه راح اروح انا واختار لك الشكل والا روحي انت وشوفي الاشكال قلت خلاص انا اثق بذوقك وانت اختارلي بكيفك :)

عاشقة طيب الف مبروك ان شاءالله عقبال باقي المواد يارب .

عروسة دلوعه الف مبروك ياعسل الله يوفقك ويتمم لك على الف خير .

لا مو معقول اروى هنا يامرحبا والله نورتي الله يعينك حلو الشوط اللي قطعتيه وتتهني باللي اخذتيهم ان شاءالله وروقي ياحلوه لاتخلين هالمجنونه تخرب عليك <<<< عصبت :)
الله يوفقك حبيبة قاسم هلا فيك بتجمعنا نورتينا .....

عن نفسي لاجديد بيتنا محيوس دهان وشغل قلت مشكله الحاء تغيير البيت مع تجهيزك تهون ان شاءالله وانزل اكمل باقي اغراضي انا قلت ان شاءالله اذا جاء شهر 8 بدايته يعني وانا منتهيه من كل شي تقريبا باذن الله ....

الله يتمم لنا على الف خير يارب ويعين الجميع ...

هلا يا احلى عرايس

نونه فهوودي الله يريحك باللك يارب ويسهلك امرك.....

عاشقة الورد مبروووك ياقلبي ع النتايج الي طلعت وانشاءالله كلهمم حلوووين يارب والحممدلله ع سلامتك ووصولك عند اهلكك...

اروى احمد الله يسهلك يارب وان شاءالله المادتين الجااي تطلع حلوووين وترفع معدلك ياررب....

كيفك لولو .. ان شاءالله تكوني بالف خير ياررب والله يعينك ع حوسة البيت والدهاان...

بقولكم اخر اخباري والحمدلله خلصت كل شي وجالسه بالبيت وماشاءالله البيت عندنا سار محيووس شوي ضيوووف ماشاءالله الله يعين بس

صح ع فكرا بقولكم ع فكرا عملتها بيوم الزواج عملت ع طاولة العروسة بدل ما احط دفتر الناس تكتبلي فيه عملت صندوق من زجاج وفيه فتحه من فوق وخارج الصندوق ورق مربعات مقاس الورقه 15×15 كل وحدا تكتبلي وتحط الورقة بالصندوقة ومن جوة الصندوق حطيت ورد وكريستال كتيرر عشان يبان طلع شكلوو مررا حلووو اتمنى انو الفكرا تعجبكم واذا قدرت اصوره وانزل الصورة ان شاءالله انزلهاا...

وادعلي انا اول القائمة اهئ اهئ

الله يسهلنا ياررب ويتمم للجميع ع خير يارب

بنات ممكن اسال وين القى الاكسسورات الى كانها ذهب اييض و فيها فخامة و الله يجزاكم خير على كل هالمعلومات الرائعة

بنات الله يعافيكم بسالكم عن الاكسسوارت الى كانها ذهب ابيض فخمة وين القها فيه قصدى يعنى احسن شى من وين احصله مشكورررين على جهوداكم

،

اياتي هلا فيك ياعسل الله يسلمك انا بخير الحمد لله
ان شاءالله تكوني بخير
الله يعينك ويتمم لك على الف خير يارب
فكرتك مره حلوه ماشاءالله ، الله يهنيك ويستفيدون منها الكل :)

ألف أل مبروووووووووووووك ف مقدما

هذا بالبداية بس هديتك راح تكون غير :)
شرايك فيني وانا الشاطرة من بنات التجمع .......

ياسمين ياحلوه ماادري والله واذا انت من الرياض البنات ماراح يقصرون معاك ان شاءالله ...