•¤ تجهيزات " عرائس السعودية " لشهر رجب لعام 1430-2009 م ( الجزء 12 ) ¤•

Najo0olah

أي فستان انا وكرشتي ههههه

غلطتي بالاسم ياعسل




بودرة بيوتفل معها كريم



دفتر التوقيع سويته في مطابع الهلال بحيث اسمائنا برى مع التاريخ بالشامواة ومن جوه اسمائنا بس لون خفيف وحطيت صورتين لي وصورة وانا صغيرة وعلبة قزاز نحط فيها الشمع حطيت فيها اقلام وقوقعة كبيرة من نفس الي صلحوا الديكور والكوشة جواتها الدفتر

وسويت للرجال بس بدل الاسماء عوائل<<بس مااحد كتب كثير قهر

السلام عليكم بنات

الله يوفق الجميع ويتمي الفرحه على خير ويقوم الحوامل بالسلامه ويهني المتزواجات يارربي ويرزق العزوبيات ياحي ياقيوم

الله يجزاكم خير ابي افضل مصورات بالرياض + دي جي كويس شبكتي بشهر 10 وابي احجز معاهم قبل السفر
واذا فيه افكار كيف ارتب يومي ومتى ادخل ومتى يجي الرجال معليش انا مو عارفه كيف يكون الترتيب وهل يكون فيه تصوير فيديو ولا بس فوتوغرافي
وهل يكون فيه كيكه كبيره ولا .؟

الله يسعدك يا احل عروس

ه الفكره رهيييبه

* الشي الثاني اللي احتمال اسويه بزواجي ان شاءالله تحطين بتلات الورد بس الوان وكبيرة شوي يعني اللي ينكتب بوسطها تحطينها بوسط سله او اي شي تفضلينه وهم راح يكتبون وتكونين شاريه فازه كريستال يحطونها فيها بعد مايكتبون يعني راح تكون مثل التحفه ببيتك وبالوان البتلات حلوه اتوقع .

يعني اجيب بتلات الورد / الورد ماغيره ولا ورق ع شكل ورد ..

ومن وين احصلها لأن فكرتها رهيبه وجديده ..
والله يوفقك ..

انا حاطه في بالي اني اجيب استاند واغلفه بقماش بيج وبيكون فيه اسمي واسم زوجي
ثم اجيب مثل الحامل من فوق ويكون على نفس حد الاستاند لأن الاستاند راح يكوون مقوس من الأعلى ..
بعدين بعلق ع الحامل خيوط منضمه فيها خرز عنابي او بيج ع ذهبي وأخرها ورد جوري
مصفوف ع شكل كوره ويكون لون الورد عنأبي .. والطاوله تكون تستند ع الاستاند نفسه وفيها قماش عنابي وفوقه توول ملمع بيج ع ذهبي وراح يكون ورد مجفف ع الطاوله وباقه كبيره من الورد الطبيعي
ع طرف الطاوله واحط الدفتر بالوسط وأجيب علبه نحط فيها القلم وأحط فيها اعواد كباب وأخرها مع دعوه حلاوه للي توقع وراح احط كاسات فيها شمع

.. وبث شرايك ..


عاد ابي فكره للي بعد العشاء .. الحلويات والمناديل وغيرووو

ابي فوووكره مبتكره بصراحه

..

اهلين باريدز والله اني محتاسة مشغولة واختباراتي جاية
ومشكورين حبيباتي عالدعوات لاتنسوني

انا امس رحت فصلت العبايات ..راس وكتف
طلعوا علي مع طرحاتهم ب 950 تقريبا

احلى عروس .. والله انكم كلكم خواتي هنا
حبيبتي انا اقصد بودرة للجسم .. ريحتها حلوة بدون عطر ..لحالها .. بس لامعة
تهقين القى بالسيتي بلازا ؟ والا اخذ من محل العطور

فلورينا حبيبتي مشكورة

بس ماندري اذا بنروح الدمام والا

نجولة حبيبتي
سوري والله ماانتبهت بس اني مااقرا الردود الا عالطاير

عطر نارسيزو اخذته من باريس غاليري >> تراه مضمون لأنه وكيل للماركات العالمية نفسها
عطر نارسيزو اغراااااء والله انه يجنن .. بس انتي بتروحين وبيرش لك في ورقة بتحوم كبدك بتقولين ريحة طباخ وريحة قرنفل .. بس والله والله انتظري شوي وروحي بعد شوي شمي الورقة بتنهبلين عليه
اخذته طقم عطر ولوشن ب470 ريال ..وعنده عطر مع بودرة
انا اخذت الاسود .. مع انه تويلت بس الكل من اللي مجربينه نصحني بالاسود واني مااخذ الوردي

مرحبا عرايس

أنا عروس جديد منضمة لكن , حبيت استفسر عن كذا شغلة ...
أولا // اكسسوار الغرفة , يعني أغراض التسريحة و هيك شيء. وين تنصحوني أروح ..؟ أنا ما أحب الكلاسيك الزحمة , اللي يصيرن فازات ذهبيات يبورقن و زخارف و خربطة . أبي شيء راقي و فخم و بنفس الوقت مو زحمة - هوم بلازا عنده هالشغلات ؟ - الشيء ثاني <<-- يا كثر اشياءك , أبي مبخرة حلوة و ماهي متداولة , أنا شفت مع وحدة مبخرة حلوة تجي على شكل معين و لها مساكات مع الجوانب <-- أكيد طال عمرتس مع الجوانب , أجل من فوق!! ,

أممممممم ..
أيه صح أبي ساعات أقدع شيء , بس يكونن مخفضات ..؟ أنا كسرني الطقم اشتريت الماس , لذلك تورطت بميزانية الساعة , أبيها حلوة و فخمة بس عليها دسكاوند أنا ما أعرف في ماركات الساعات بس أشوف ديزايناتها..! ياليت تقولن لي ماركات ساعات راقية و كم اسعارهن ..؟ و مافيه محل بالرياض يبع ساعات كارتبيه مستعملة ..؟ أو مثل كارتبيه بس يكونن مستعملات أو عليهن دسكاوند قوي ..؟

برضه فيه بوتيكات سهرة حلوة في الرياض أو جدة تنصحوني فيها ..؟ أبي زي فساتين الهوليوديات .. وحبيت استفسر عن رباعيات مين شافته مؤخراً..؟ فيه سهرات كبار ينفعن لحفلات زوارة ..؟

مسأله وقت معليش مضييييعه بقوه قصدي احلا عروس:o الله يسهل ولادتك على خير يااااااارب
اروى محمد تسلمين ياعسل من جد العطر روووووووعه

فلورينا ذكرتيني
في البرايه للكحل الله يذكرك بالشهاده

امم انا نزلت الحسا الأسبوع اللي راح ورحت العثيم مول محل جين وشريت من عنده تاج للزواج

وخذت توب لووونه فيروزي من اتش فلوو نااعم شكله

وخذت مكياج من تورك رووعه عنده ماركة نوبا خذت منها روجين

وبس ورجعت الدمااام

رحت الظهران خذت لي بجاماااات من اوشو

خذت لي فووطه للسفر

خذت لي شبشب من لاسنزا

انا بدى عندي العد التنازلي مابقى شي على الزواج

باقي لي شنط الملابس وباقي اغراض الصيدليه باقي لي عطر يوم الزواج وباقي المسكه

وباقي شووز حق السفر

ياااااااااااااااااااااااارب تسهلهاااااااااا وبكرررررررررررره عندي اختبار فاينل

دعوواتكم

ألف مبروك عليكم هالتجكع تجمع خير أن شاء الله
والله يوفقكم ويسعدكم بالحياة الجديدة

وأنا حاابه أنضم لهتجمع الجوناان وزواجي 16/7

والحاله نفسيه زفت خصوصا مع هالامتحانات

تخيلوا والله ماسويت خلطات ولاشيءو فستان زواج للحين مأجرته وباقي اغراض ماكملتها

شفتوا حالتي وربي شوي بصيح

بس الله يوفقكم وين أحصل فساتين عرايس للايجار غير سوق مكة

88888

مسكينة روحي ..

ليه بتستأجرين ..؟

إذا على الميزانية اطلبي من زينه. اتجيب لك من الصين سواء جاهز أو طلب منك أنتِ , و اسعارها جدًا مناسبة.

،

نجوله الله يهنيك بالايمان وطاعة الرحمن وانت كمان تتوفقين باللي يعجبك وتطلعين احلى عروس ,

روان ياحبي لك الله يسعدك على هالدعاوي الطيبه :)
انت ماقلتي بتسوينها بقاعه ولا ببيتك ع العموم انت شوفي متى راح يكون العشا وحنا عندنا الزفه بعدها بس طبعا راح يكون هو عندك اول ماتجي من المشغل عشان التصوير وكذا والكيكه بعد براحتك تبين تقطعينهم بالغرفه انت وهو وبس وتصوير وحركات ولا بعد الزفه قدام الناس هذا شي الشي الثاني حتى تصوير الفيديو اذا انتي تبين عادي انا بشبكتي تصورت فيديو وفوتغراف بس الفيديو كان اول مادخل عندي بالغرفه وكملت بالتلبيس للطقم وانا لما لبسته الساعه :) اهديته اياه وبعدين كملته بالزفه وبس . هونيها وهي تهون ياعسل .

ماكنتوش الله يسعد قلبك ويوفقك بالنسبه للبتلات مثل اللي تجي بايكيا وسنتر بوينت قماش مو طبيعي وكبيرة شوي الشهاده لله انا بعد مادورت لها لكن اول مااحصلها راح اعطيك خبر
وع فكره فكرتك كمان حلوه وطريقة عرض مسالة وقت كمان حلوه ماشاءالله شوفي الاحسن واختاري بس البتلات اتوقع تلاقيها بمحلات ابو ريالين حتى لو مالقيتيها بتله راح تلاقي ورد كبير صناعي طبعا وانت بالبيق قصصي اطرافه وتصلح عادي :)

اروى الله يهينك بعباياتك ياحلوه وضحت رؤية البودرة :) مالك الا سيتي بلازا على كذا .

ساديه >>> اسمك خطيييييييير :) :)
المهم الساعات روحي شوفي الحميضي عنده ساعات ماركات افتكر قبل شهر كان مسوي تخفيض الساعه على الفين وشوي وماركات قوتشي فالنتينو نينا ريتشي انت روحي وشوفي ان شاءالله ماخلص تخفيضه ماتعرفين مكانه اطلبي رقمه من السنترال وكلميهم .:)

عنفوان الله يوفقك ويتمم لك على خير
ويسهلك اختبارك ياعسل ...

&مسكنك روحي& الله يحييك بتجمعنا :)
هونيها وهي تهون ان شاءالله كل اللي تبينه يسير مثل ماتبين واحسن بس طولي بالك
شوفي بالمنتدى ركن بنت عذاري مقشر شهر العسل وحاجه ثانيه بس انا عن تجربه المقشر مره حلوه استعمليه واذا تعرفين وحده تجيك للبيت او انك تعملين لنفسك حمام مغربي اسبوعيا من الحين ابدأي عشان يعطيك نتيجة او استعملي دلكه سودانيه عاد هذي كلها خلطات مجربه شوفي الانسب لك واداومي عليه وبانسبه لاسواق مكه على قولك اتوقع انها في الرياض وانا مو من الرياض وبناتها ماراح يقصرون معاك ..

عن نفسي :) راح ابتدي الخميس ان شاء الله بجلسات التقشير الكريستال بعد حوسة التنظيف :) موقفه شرى لما بعد الاختبارات انتظر اخواني يخلصون اختبارات عشان مااقلب دماغ الوالده وكمان اخذ راحه من السوق لاني كرهته وكرهت عبايتي الله المستعان من كثر ماالبسها وهاتك يافرفرة في الاسواق ..
بس عندي طلب صغيرون خلاص شريت فستان غمرتي الا هو الساري بس ابي منكم فزعه ايش المفروض ينعمل بالغمره بالطابع الهندي طبعا اكلات زفه يعني اعطوني افكاركم :) :)

موفقين يارب ..

:)

السلام عليكم ورحمه الله وبركاته

كيفكم يا حبوبات وكيف التجهيز معكم اشتقت لكم

نفسيتي زفت مع الاختبارات وباقي لي اشياء كثيره ما خلصت

بسألكم وش عطركم يوم الزواج ؟....انا افكر في فلور بمب صدق قديم بس حلو
:
:
.
دعواتكم لي ان الله يفرج همي وتتحسن نفسيتي

هيدرانجيا
انا عطري نارسيزو

**أروى أحمد**;9700337:
هيدرانجيا
انا عطري نارسيزو

يسلمو عالرد بسرعه:)
هذا العطر عند اختي ابي غيره لاني اتعطر منه :wink:

هلا ياعرايس

كيفكم ان شاءالله بخيرر

ياهلا بالعرايس الجدد والف مبروووك والله يتمملنا ع خيررر يارب

انا اقطعت عنكم فترا لانو ماعاد عندي وقت خلاااص يادووب مع التنظيفات وبقفل دبشي خلاااص ...عشان ابدا بحوووست الغمرة الله يسهل بس ويعين

امس كان عندي بروفا في القاعه ع الزفه رحت واخترت الاغاني
واتفقت معاها ع كل شي الحمدلله وخلصت منها
باقي لي الكووشه وطاولة العروسة ودفتر العروسة
ووشو كماان ما ادري ...دا الي فاكره الان

صح افتكرت الحمدلله خلصت المكياااج من الى كل شي الحمدلله مع اغراض التسريحه وكل شي بس الاسعااار غاليه مراا...

وبس

ان شاءالله ليا رجعه..............

هلا بنوتات كيفكم اليوم؟
بسألكم وش رايك بالخلطات وهالخرابيط وش سويتوا ومين مشتركه بمركز عشان تهتم ببشرتها؟؟
انا محتاره ماادري وش اسوي
احلى عروس وين بتسوين التقشير الكرستالي وبكم؟

مبروووووووووووووووووووووووووووووووووووووووك عليكم الجزء الجديد

الله يالدنيا العام كنت مع العرايس محتاسات وكنا في الاجزاء الثامن والتاسع والعاشر والحدعش
كان زواجي ب4-7-1429 اذكر معاي بنت فهد وفلورينا شكلها للحين مابعد تتزوج وبنات كثار الله يذكرهم بالخير
والحين انا حمامل بالشهر الثالث ماشاء الله تبارك الرحمن عقبالكم
ويابنات خليكم على طبيعتكم بيومزواجكم ولا تعقدون شي ترا كل شي حلووووووووو اذا صرتي مروقه ولا تكثرون مشاري خليك على الاشياء الاساسيه ووفري بعد الزواج ادخلي السوق واشتري الي ينقصك

انا عطوراتي للحين ماخلصت من تجهيزي ومليييييييييييت منها

هلا بأحلى عرايس

كيفكم وأخبار التجهيز معكم، مبروك للعرايس اللي انظمو معنا..

ابشركم طلع فستاني ومررره حلو ونفس اللي كان ببالي....

واشتريت الذهب مع انه كان نار بس ابي اخلص منه ...

أحلى عروس
مبروك البروفه وكويس انه حلو عقبال مايطلع وتلبسينه بالعافيه ياعسل


ابي اسألكم حبيباتي عن مجموعة نكتار وش اهم شي فيها رحت قبل يومين وانخبص راسي

احسها كثير وفيه اشياء ماراح استخدمها اللي شرت تقولي وش اهم حاجه اللي راح احتاجها...

،

نونه الله يعافي قلبك حبوبه :)

نجوله باقي مو عارفه فين اعمله لكن احتمال في الاستشاري انا من الطائف مو بالرياض :)

احبه هلا والله باهل الخبره الله يوفقك ويسهل لك ولادتك ياقمر .

اياتي الله يتمم لك على الف خير يارب وتطلعين احلى عروس ان شاءالله ماشاءالله اطالع بتوقيعك خلاص مابقى لك شي الله يوفقك :)

والعرايس اللي عندهم اختبارات الله يوفقهم والله حاسه فيهم الله يعينهم ...


:( :(

فين العرايس مختفين تجمعنا بالصفحه الثانيه ليه كذا ..

مرحبا بنات لبى قليبكن :
ابي بنات بريده او اي احد يعرف بريده

بناااااااات بكرى ببدى تجهيز من بريده ابي محلات ذوق وكشخه أنا أول مره اجيه بس مدحولي العثيم والنخيل ابي اسماء محلات بأحياءه يعني موقعه بالضبط ابي :
محلااااات تأجير فساتين زواج اخأف لاسمح الله ما ألقى عندتس بسمه
اهم شي محلات تأجير الفستان وين ؟؟
وابي محلات جلابيات راقيه وفخمه
وابي محلات فساتين ناعمه حق الصباحيه
وابي محلات تيورات كامله حق الطلعات ؟؟ هذيلن اللي راح أتعب بهن لأن غالبآ مايعجنبي
ابي بعد محلات عبي ؟؟
وش بعد ايه صح محلات بجامات رايقه ونعومه
ومحلات قمصان نوم ؟؟؟
وابي بعد محل مكياج يسويلي شنطة مكياج بسعر معقول ؟؟


وأكون شاكره لكن حبوبات ولكن دعوة بظهر الغيب

مرحبا بنات لبى قليبكن :
ابي بنات بريده او اي احد يعرف بريده

بناااااااات بكرى ببدى تجهيز من بريده ابي محلات ذوق وكشخه أنا أول مره اجيه بس مدحولي العثيم والنخيل ابي اسماء محلات بأحياءه يعني موقعه بالضبط ابي :
محلااااات تأجير فساتين زواج اخأف لاسمح الله ما ألقى عندتس بسمه
اهم شي محلات تأجير الفستان وين ؟؟
وابي محلات جلابيات راقيه وفخمه
وابي محلات فساتين ناعمه حق الصباحيه
وابي محلات تيورات كامله حق الطلعات ؟؟ هذيلن اللي راح أتعب بهن لأن غالبآ مايعجنبي
ابي بعد محلات عبي ؟؟
وش بعد ايه صح محلات بجامات رايقه ونعومه
ومحلات قمصان نوم ؟؟؟
وابي بعد محل مكياج يسويلي شنطة مكياج بسعر معقول ؟؟


وأكون شاكره لكن حبوبات ولكن دعوة بظهر الغيب