بنات مكة وجدة أرجو المساعدة

هلا أخواتي..
أنا من مكة وملكتي قريب إن شاء الله..

سمعت إن فيه محلات تسحب الموسيقى من أشرطة الأغاني، يعني الأغنية تصير على الدفوف بس، لأن الفرح إسلامي وكثير من الأهل ما يسمعو أغاني، بس فيه أغاني حلوة وتنفع للزفة مثل( هب السعد)، ودي أحطها، عشان كدا أخواتي لو عندكم فكرة عن الأماكن هذي ياريت تعطوني العنوان مضبوط...
كمان أبغى أسأل فين ممكن أسوي شؤيط كامل للزفة، يعطني أبغى أضيف صوت البحر و زقزقة العصافير ومن ضمنها الأغاني من غير موسيقى..

أما الطلب الثاني هو:
زي منتو شايفيين اليومين هذي العروسة بتهدي العريس ساعة يوم الشبكة وتلبسو هي قدام الناس بعد تلبيس الدبل طبعا..
فلو تكرمتو أبغى فكرة في تقديم الساعة، مثلا أنا حاطة في بالي أحطها في قفص صغير يكون مزين بالورود والستان أو الخيش، وقبل الزفة تنزف بنت صغيرة ماسكة القفص هذا، وبعدين تقدم لي هو لما يجي العريس، وأنا أفك القفص وآخذ الساعة...

بس أبغى أفكار أحلى، أهم شي تكون الفكرة بحيث بنت صغيرة تشيل الهدية هذي قبل الزفة، لأني ناوية ألبس بنت صغيرة زيي( يعني عمرها تقريبا 6 سنوات ) ، وأبغاها تشيل الهدية بدل المسكة..

أتمنى ما تحرموني من مشاركاتكم، ولكم جزيل الشكر..