هل يحق للخاطب إنو يشوف العروس بشعرها ....

هالشي حلال ... بس أنا ما يعجبني

بنات انا شفت فتاوي لعلماء الدين

اجازوا ان الخاطب يرى شعر البنت برؤيه الشرعيه

لا تحرمون على كيقكم و تقولون حللنا وقلنا

هذا شرع لا يحرم ولا يحلل الا من علماء الدين وبعد دراستهم واجتهادهم بهالمواضيع

اللي ماتبي تكشف شعرها لاتكشفه بس لا تطلع فتوى تحرم كشف الشعر

ما حكم خلع الحجاب أمام الخطيب؟


لا حرج في ذلك لأن الرسول صلى الله عليه وسلم أمر الخطاب أن ينظر إلى المخطوبة وأخبر أن ذلك أقرب إذا يؤدم بينهما فإذا طلب النظر إليها فلا حرج أن ينظر إليها وأن تخلع الحجاب حتى يرى وجهها ورأسها كل هذا لا بأس به لكن لا يكون عن خلوة بل يكون عندها غيرها كأمها وأخيها حتى لا يحدث خلوة ينظر إليها من دون خلوة.


من موقع سماحة الشيخ

عبدالعزيز بن عبدالله بن باز

انا مع كلام الاخت ام الحنين
والخاطب يحق له يشوف وجهها وكفيها ,,, حتى كتير علماء فسروا ان الوجه طبعا لجمالها وايضا الحاجب ولونه اكبر دليل للون شعر البنت
والكفين حتى يبان انها نحيفة او سمينة وايضا لون بشرتها ... والله اعلم
و الحمد لله اللي ببلادي هالشي هو المتعارف عليه لاني مستحيل اخللي احد غريب يشوف شعري لمجرد نظرة ... وممكن اعجبه وممكن لاء
وخاصة ان الوحدة فينا قبل الزواج يشوفوها كتييييييييير ناس حتى يتم النصيب

مجرد راي لا تتهجموا علي اذا ماعجبكم كلامي ,,, منبقى اخوات وعسولات هههه
واختلاف الراي لا يفسد للود قضية

أم الحنين;9361329:


يابنات حرام ان الخاطب ما دام انه ما كتب كتابها انه يشوف شعرها لأنه يعتبر اجنبي .. كيف ترضين لنفسك ان رجل غريب يشوف شعرك او جزء من جسمك .. تقولين خطيبي طيب اذا ما صار نصيب وفسخ الخطب .. ممكن الخاطب يشوف خطيبته بس وهي محتشمه إلا اذا كان كاتب كتابه عليها .. وهذا رأي الشرع وواجب علينا اننا نتبعه.

ليش كل شي حرام حرام حرام :hysterical:


الريال من حقه يشوف شعر البنت قبل الزواج لانه يمكن ما يعجبه أو انه ما يعجبه شكل البنت بشعرها

أو يمكن بشعرها شكلها غير عن بحجاب وجذييييي يعني

:confused:

أذا هوا طلب ان يشوف شعرها ليش لااااااااااء مب حرام مب حرام حلال ونص بعد هذا حقه

ولكن مب انه تيلس طول الوقت بدون حجاب لالالا لمده دقائق فقط عشان يشوف يعجبه ام لا

وبسسسسسسسس سلاااااااااامتكم :)

الي اعرفه مو من عادتنا وهذا الي اشوفه مستحيل بعيلتنا الي يجي يطلب يد البنيه تكشف شعرها تشوفها بعبايتها وشيلتها
اما بدول ثانيه عادي عندهم

هو مو حرااام بس الكثير ما يفضل هالشي
وفي حل مناسب وهو انه ام العريس او اخته او اي وحده من قريباته تشوف البنت وتنقل له المواصفات
شعرها جسمها وشكلها وبعدين هو يدخل مقابلة ويشوفها ويتكلم معها ويشوف الراحة النفسية معها مو لازم يشوف الشعر بعد
وتكون بحجابها

حنة موبكيفنة انحلل ونحرم حسب السنه النبويه حلال

عاااادي حلال
يسمونها النظرة الشرعية

حبيبتي وليش النظرره على كل شى حبيبتي يمكن ينفجع يوم مايتزوجك من شعرك ليش لا في رجال يحبو الشعرر ناعم وفي رجال يحبوة مو ناعم لازم إلا إذاا كان هو مايبغي عااادي

اممم الافضل في هالموضوع الوحده تسأل شيخ موثوق منه عشان تعرف الاجابه الصحيحة

احنا عندنا ممنووووع اننا نكشف عن شعرنا عند الخاطب ..
واذا فعلا حب يعرف يخلي امه او اخواته يشوفوا

بس وجهة نظري .. انا مستحيل اسويها .. يعني امس سأل عني وعن اخلاقي ..اليوم جا شاف شكلي وقابلني .. وبكره يطلب يشوف شعري .. وبعدين شو يطلب بعد ..


الحين بامانه لو اي وحده عندها مناسبه ما تعدل شعرها وترتبه ؟ من مننا تظهر بشعرها الطبيعي لو كان فيه عيوب .. لو خشن شغلت السشوار .. ولو خفيف فيه مليون قصه تخليه يبين انه كثيف .. ولو سايح ممكن نموجه ..

يعني الوحده لما تروح للنظره الشرعية تروح بشعرها مثل ما هو بالضبط ؟

يعني ما سبب ان الوحده تقول ممكن ما يبغاني بسبب شعري .. اللي تفكيره كذا بالنسبة لي تفكير سطحي ..

الافضل قبل لا يروح يخطب يكونوا اهله شايفين البنيه بشعرها واللبس اللي تبغاه .. وع حسب وصفه اذا تناسبه يروح يشوفها ويخطبها ..

هي وجهة نظري .. واسمحولي

موضوعك رائع ومهم
اختي قالو بعض العلماء تقدر المخطوبة تكشف عن شعرها يوم الشوفة اذا كان تثق في الخاطب اللي جاي يشوفها وبعدين تتغطى عنو حتى يكتبو الكتاب

انا من السعوديه وعندنا يحققققققققققققققققققققله يشوفها بشعرها ويحقله يكلمها ويسمع صوتها حتى لو 10 دقايق عشان اقلها يعرف كيف اسلوبها وتعرف كيف اسلوبه صح ولالا ؟؟؟انا عن نفسي قعدت اتكلم معاه يمكن نص ساعه وماما وامه كانو قاعدين بس بنهايه الصالون وبعدين جابت اخته التلبيسه وكانت عباره عن اسوره ذهب ولبستها ليا امه

يعني انتون تطلعون للخاطب بثياب عادية وشعركم مكشوف في المقابلة :I: ؟؟

بصراحة احنا في البحرين مو من عادتنا جذي بس ماقول حرام هو حلال في الشرع بس اظن ان ممكن تكشف عن جزء من شعرها اذا طلب .. وثاني شي مو يجون معاه اهلة !! يعني اهلة عميان اكو يشوفون شعرها وشكلها ويوصفونها للولد :I: