السلام عليكم
شلونكم ان شاء الله بخير ؟
أول مرة أنزل موضوع بهالقسم :o
واتمنى يعجبكم طبقي المفضل ..
نبدأ بالمقادير ............
1 دجاجة وسط مغسولة زين وناشفة من الماي
وللحشوة نحتاج إلى :
3 كوب رز منقوع
4 حبة بطاطس وسط
3 جزر مقشر
1 بصلة كبيرة
نص كوب كشمش مغسول
مقادير الصوص :
3 ملعقة ك زبادي
2 ملعقة ك زيت زيتون
2 ملعقة ك كاتشاب
1 ملعقة ص مسحوق الثوم
3 ملعقة ص ملح
1 ملعقة ص بهارات
1 ملعقة ص لومي مطحون
1 ملعقة ص فلفل حار
أول شي نسوي شقوق بالدجاجة
ونمسحها بالخل عن الزفره و شوية ملح
ونخليها على جنب لحد ما نحضر الحشوة ..
نقطع الخضار بهذا الشكل
وهذا بعد ما قليته بالزيت مع الكشمش
نطبخ الرز عادي كلمن حسب طريقته
مع إضافه البهارات والمطيبات ..
وهذا بعد ما ضفت عليه الخضار وحطيته بصحن حتى يبرد
وباقي الحشوة خليته للتقديم :wink:..
نجي للصوص
هذا شكله بعد ما خلطنا المواد مع بعض
هسه نجي للدجاجه
ندهنها بالصوص من جوه وداخل الشقوق بهذا الشكل
بعدين نحشيها بخليط الرز والخضار
لا ترحمينها ولتخلين بيها مجال ابد :D
بعدين خيطتها ودهنتها بالصوص
وخليتها بصينية بايركس
وغطيتها بورق المنيوم ودخلتها الفرن على درجة 200
ساعتين وشلت الالمنيوم وعليت النار من فوق بس لحد ما تحمصت ,,
هذا شكلها بعد ما استوت
قدمتها مع باقي الرز مثل ما مبين بالصورة ..
قولوا ما شاء الله :D
صورة أقرب
وهذا شكلها بعد ما قطعتها بالنص :o
ويا سلام على الطعم الشهي واللذيييذ
بنات لا تنسون تجربوها وقولوا رايكم بصراحة :D
وأخيراً لا أحلل أبداً نقل الموضوع لغير منتدى
لانه مجهودي الشخصي
تعبت واني اصور وأصغر بحجم الصور..
فلا تنسوني من التقييم اذا عجبكم الموضوع :o
