مجمع تميمة الطبي في قطر ...

S

SweetMe

عروس جديدة

01-05-2009 | 01:35 AM

بسم الله الرحمن الرحيم

طبعا موضوعي مبية من عنوانه وانا كنت ابي اقول لكم عن زيارتي لهالمجمع... انا متابعة اغلب المواضيع في المنتدى بس ماكتب لانكم كلكم مشالله مكفين وموفين ..

انا رحت لهالمجمع لشي خاص فيني بس واااااايد وااااااايد ارتحت فيه .. يعني كنت ابي موعد بسرعة وقلت هذا توة يديد وصغير فخل اجربه وصج صج لقيت احسن معاملة .. المجمع نظيف وراقي ومب زحمة والدكاااترة واايد طيبين وعسل عالقلب .. قابلت مديرة المجمع لاني مثل ماقلت عندي ظروفي الخاصة ومع انها ما تمارس طب في العيادة وبس تشرف لكن صج صج صج عسل عالقلب .. هي نفسها دكتورة تميمة من اقوى دكاترة التخدير في قطر بس قابلتني بكل تواضع وسولفت معاي وساعدتني وااايد الصراحة ..

العيادة صوب المرخية شارع الجامعة اعتقد اللي كله نخل <<< امحق وصف

التخصصات اللي فيه: تحاليل دم ونساء وولادة والتراساوند 4D مال الحوامل "خخخ مادري شسمه" وباطنة وغدد صماء وسمنه وسكري .. والحين توهم اعتقد فتحوا جم صغير يديد عشان اللي يعاني من السمنة يسوي الرياضة في العيادة تحت اشراف الدكتورة اللي بعد بتسوي جدول تغذية وجذي .. ويايبين وحدة فلبينية ايروبكس وفيه سونا مثل شي حار يحطونه عالبطن عشان يودي الكرشة ووايد وايد اوكي ..

يعني صج المكان صغير وتوة يديد لكن والله انه يشرررررررررح القلب وانشالله الله يكتب لهم ويصيرون مستشفى كبير في قطر :)
ومشكورين ويعطيكم العافية

ا

انكساري شموخ

مشرفة سابقة

01-05-2009 | 01:54 AM

مشكورة حبيبتي

بغيت اعرف بكم الالتراساوند مع فتح الملف ؟؟
اذا تعرفين طبعاً :D

S

SweetMe

عروس جديدة

01-05-2009 | 05:25 PM

مشكورة على ردج ويعطيج العافية حبيبتي ..
والله ماعرف قيمة الالتراساوند وماقدر ادز لج عالخاص لان مشاركاتي شوي .. بس مادري اذا يصير احط الرقم او لا ؟؟