عندي لكم قصيدة حلوة اسمها وليدي
واهي مشاعر لأم لم تكتمل بعد:smile:
على الموعد تحريتك تجيني شايل ورده
عطرها من نفس روحي ومنبتها شراييني
على الموعد تحريتك حبيب ماخلف وعده
سكن أعماقي وعطر غناتي بالهنا اسنيني
رويتك من ظما ضلوعي عطيتك وقتي وجهده
تمنيتك على الدنيا عضيد النور في عيني
جذبتك من ضلوع الخوف سقيتك حبي وشهده
وغنيتك فرح عمري وعشتك كل عناويني
ألا يابعد عمري انت ياقلبي وياوجده
وياراسي الشامخ العالي وينك عني وويني
ادور في عيون الليل في صيفه وفي برده
أباك تدفي ضلوعي وتروي لي عطش عيني
عجيبة كيف هي الاحلام كالاحزان ممتده
تعاكس موجة احلامي فتصرعني وتكويني
احسك في عروقي الدم يقوي عظمي ايشده
واقوي بك صبر عمري وانا الليعات تضنيني
واجهز لك لعب حلوه وتملى البيت وتسده
عشان تعيش في دمي ودقيقة ماتجافيني
وادخن لك ثياب العيد واخرد لك بعد خرده
واعيشك جنة امالي عشان بشوق تحميني
على الدنيا تمنيتك ولالي غيرك أوده
حبيب لو ملكت الكون حبه عنه يغنيني
عروقي في حضن روحه على الأيام ممتده
تغذيها حنان وشوق واغذيها ضيا عيني
أضوي لك سراج النور وكم تغفي على خده
واكتب لك قصيدة حب تفرحك وتبكيني
واتقلى على وعدي وقلبك ناسي وعده
حبيبي دوم متأخر وانا الايام تطويني
تحياتيRoSy:shy:
العصفور المهاجر 
االعاش 
ليااال
عطر
غـــــــروب