رجعت " طبيبة أسنان " مع لوك جديد ...رايكم يهمني ..؟!

بسم الله الرحمن الرحيم

مساء-صباح الخيرات و المسرات .. على جميع العروسات ..(f)

بدايةً اعتذر على انقطاعي المفاجئ لفترة .. و ذلك بسبب حذف عضويتي خطأً من المنتدى خلال فترة الصيانة .. و لكن الحمدلله تم تعديل عضويتي من الادارة جزاهم الله كل خير ..



موضوعي اليوم عن لوك جديد بالنسبة لي .. و اعتمدته في كم عزيمة .. و ان شاء الله يعجبكم (a)

اول شي كالعادة لازم نجهز البشرة بتونك و غسول و كريم .. و انا احب رويال ..



و بعدين بديت بالكونسيلر حوالين العين و فوق الجفون .. و كريم الاساس و البودرة المضغوطة ..



طبعاً على حسب لو كانت مناسبة بسيطة نهاريه ممكن تكتفين بالبودرة المضغوطة ..

و بعدين ابتديت باللمعة السليفر تحت الحاجب ..



و بعدين استخدمت هذا الباليت من الشدو ..



الوانه غامقة و مخملية حلوه للسهرة ..

بديت باللون رقم 1 و حطيته على الجفن المتحرك و شوية على الجفن الثابت ( في القوس فقط) .. و بعدين استخدمت اللون رقم 2 و حطيته على الجفن الثابت .. و دمجتهم مع بعض ..
و بعدين اخذت اللون الاسود رقم 3 ورسمت عيني من فوق بالفرشة النحيفة و حبيت استخدم الاي شدو الاسود بدل الكحل عشان يساعدني اكثر بالدمج خصوصاً اني مبتدئة برسمة العين هذي .. رسمت عيني من فوق و مديتها شوي من برا و كذلك من تحت و مديته من برا من الزاوية الخارجية للعين فصارت مفتوحة فتحة صغيرة .. بس من الزاوية الداخلية مسكره .. و دمجت خط الكحل مع الاي شدو البني إلي انا حاطته ..

و بعدين جبت كحلي الكريمي بوبي براون مع الفرشة النحيفة .. و عدلت الفتحة إلي سويتها :D



في طريقة لوحدة من الاخوات الله يجزاها خير :15:جربتها و تعلمت منها كأول مرة .. وهي انها تجيب قطعة صغيرة من اللزقة الشفافة و تحطها على زاوية العين الخارجية وبعدين ترسم العين عشان ما تلخبط و تحوس الدنيا و فعلاً جربتها كأول مرة و فادتني حيل :D


نرجع لتكملة الشرح :o

و بعدين في الفتحة إلي سويناها في الزاوية الخارجية للعين .. حطت شوية من لمعة ما تحت الحاجب السليفر .. و ممكن تحطين فيها لون .. او تخلينها مفتوحة بدون شي .. انتي و ابدعاتك :)


بعدين جبت قلم كحل اخضر و رسمت فيه العين من تحت داخل ..



بعدين مسكرت عيوني .. بمسكرة الشفافة لتكثيف الرموش بعدين اللون الاسود ..



بعدها عدلت حواجبي بقلم الحواجب البني ..



و حطيت اللمعة من بنيفيت على عظمة الخدين و عظمة الانف ..



و حطيت البرشر البرونزي ..



و حددت شفايفي و حطيت روج لحمي فاتح ..



و كذا تقريباً طلعت رسمة العين ..




بس انا حطيت كحل داخل اخضر بدال الازرق ..:15:




ملاحظة: لا أحلل نقل الموضوع بدون ذكر المصدر ( منتديات عروس) ..

و من يعجبها موضوعي .. لا تحرمني من الردود الحلوه و التقييم (y)

بانتظاركم ....(e)

مع حبي ،،