بنات البحرين ... اسئلة امتحانات التربية

انا تخصصي تربيه رياضيه والحمدلله توظفت بس عقب معاناة ودخلت 2 امتحان و2 مقابله
فاللي حابه اساعدها تقولي

راعية الفراري;9343201:
انا تخصصي تربيه رياضيه والحمدلله توظفت بس عقب معاناة ودخلت 2 امتحان و2 مقابله
فاللي حابه اساعدها تقولي

انت من اي دفعة و شنز كانت اسئلةا الامتحان و ايضا المقابلة

السلام عليكم

بنات أني إدارة أعمال يعني مواد تجارية

بس بذكركم بشغلة من قبل البنات قالو ان فيه واحد وزجته يبيعون مذكرات لإمتحانات سابقة ياريت اللي يعرف رقمهم او اي معلومات يخبرنا عنهم لو على الخاص حتى نشتريهم على الاقل عندنا شي مشابه للإمتحانات

او اللي عندها فكرة تعطينا

الله يوفقنا كلنا يارب

موضوع وايد مفيد والكل محتاجه ياريت كل وحده تدخل تكتب اللي عندها لانه اكييد من بعدها بتيي وحده ولا اكثر بيستفيدون من المكتوب
****************************************
وبغيت اسالكم بعد عادة عقب هلاعلان ينزل اعلان ثاني في احد منكم يعرف متى عادة ينزل الاعلان الثاني لقبول طلبات التوظيف في وزارة التربية والتعليم؟

آنه تخصصي تربيه فنيه فاتمنى الي مثل تخصصي تقول لي عن الاسئله

وشنو الاسئله الي يسؤلونهااا

لآليء البحرين;9345777:
السلام عليكم

بنات أني إدارة أعمال يعني مواد تجارية

بس بذكركم بشغلة من قبل البنات قالو ان فيه واحد وزجته يبيعون مذكرات لإمتحانات سابقة ياريت اللي يعرف رقمهم او اي معلومات يخبرنا عنهم لو على الخاص حتى نشتريهم على الاقل عندنا شي مشابه للإمتحانات

او اللي عندها فكرة تعطينا

الله يوفقنا كلنا يارب

اللي اعرفهم عندهم من تخصصي تكنولوجيا تعليم ومعلومات ،، سيد مصطفى وزوجته بس ماعندي لهم رقم اتصاال

لكن انا قالي الموظف انه ينزلون اعلان ثاني لانه في تخصصات عقب الامتحان والمقابله بعد يصير فيها نقص لانه مو شرط الكل ينجح فعقبها ينزلون اعلان في احد يعرف عن هلاعلان ومتى ينزل عادة؟

هديل الليل84;9343354:
انت من اي دفعة و شنز كانت اسئلةا الامتحان و ايضا المقابلة

هلا حبيبتي
انا تخرجت سنة 2007
بالنسبة للمقابله الاولى كانت تافهه كلش وكانت الاسئله
- لو صار لج موقف مع المدرسه الاولى شلون تتصرفين ؟؟ يعني سوت لج مشاكل ؟؟
- لو بيتكم في المحرق وعطوج مدرسه في سترة بترضين ؟
- شنو البرامج والانشطه اللي سويتها في المدرسه اثناء التريننغ ؟؟ شي على مستوى ؟؟
وبس ماتذكر

اما بالنسبة للمقابله الثانية اذبحوني بالاسئلة
- من فاز في دوري كرة السله اي نادي ؟؟
- عددي اساليب التدريس وشرحي اثنين بشكب بسيط ؟؟
- من هو رئيس اتحاد القدرة ؟
- لو مثلا وحده من الطالبات ماتبدل على طول وكل تنسى شلون تتصرفين ؟
- العاب القوى يتكون الى شنو ؟؟ يعني الالعاب الميدان والمضمار ؟
- اساليب التدريس شنو اهي ؟
- لو وحده من الطالبات سبتج شنو تتصرفين ؟؟
- ليش ماشتغلتي في مدارس خاصه او اي مكان غير ؟
- شنو الازمة اللي تعيشها البحرين ؟؟ كانت على ايامنا غلاء المعيشه


وصديقاتي اسئلوهم
- شنو معنى مدارس المستقبل ؟
- اخر التعديلات في قانون كرة الطائرة والسله ؟


واذا تذكرت برجع مرة ثانية
وبالنسبة للاسئله الامتحان برد عليج بس لان الحين بطلع

لعيونك;9347669:
آنه تخصصي تربيه فنيه فاتمنى الي مثل تخصصي تقول لي عن الاسئله

لعيونك;9347669:


وشنو الاسئله الي يسؤلونهااا

هلا اختي ..

اسئله الامتحان سنويا فيها تحضير درس .. عادةً يحطون الكفايه و انتي تسوين درس عليه مثلا يقولون لج سوي درس تشرحين فيه عن التنوع .. عاد ناس تكتب عن التنوع اللوني .. ناس التنوع الحجمي و جدي ..

عادة يكون فيه اسم فنان و من اي مدرسه او شنو اهم اعماله ..

اللعام كان الامتحان مفاجأه فيه من الزخرفه تشرحين الزخرفهه الاسلاميه و ترسمين نموذج عنها يمثل التباين او شي من هالقبيل ..

كان فيه سؤال عن فن الطفل نكتب مرحله ما اتذكر اسمها من سن 5 الى 7 و مميزاتها و كل شي عنها ..

كان فيه سؤال غريب و اخر شي لغوه عنا .. تشرحين السلم القياسي و نرسمه ..

يعطونج عنصر من عناصر الرسم مثل الخط او الملمس و هالاشياء تشرحينهم بالتفصيل ..

تكتبين طريقه تدريس .. و تشرحين دور الطالب و المعلم فيها ..

حاليا هذا اللي في بالي .. ما اتدكر شي بعد <<< 4 امتحانات وش بتذكر وش بخلي ..

دعواتكم .. و لا تخافين عادة الامتحانات سهله باستثناء اللعام فيها اسئله مو صعبه بس ما خطر في بالنا بيعطونا من فن الطفل و الزخرفه فتفاجأنا ..

بالتوفيق للجميع (f)(f) ..

بنات الفنون .. اللي يتذكر اسئله غير يحطهم .. او اللي عنده اوراق اسئله الامتحان يحطهم خلونا نتذكر مع بعض ..

حتى العملي شنو تتوقعون بيعطونا السنه ..

اخر مره عطونا عن فلسطين .. نرسم بوستر اعلاني ..

قبلها عن الفقر ..

وماني متدكره الباقي ..

كمام الأمل;9350945:
لكن انا قالي الموظف انه ينزلون اعلان ثاني لانه في تخصصات عقب الامتحان والمقابله بعد يصير فيها نقص لانه مو شرط الكل ينجح فعقبها ينزلون اعلان في احد يعرف عن هلاعلان ومتى ينزل عادة؟

الاعلان الثاني غالبا يكون شهر 6 او 7 ،، يكون من بعد مايخلصون مقابلات اللي حاليا بيروحون ومن عقب ماينجحون في الامتحان

ترى مو لازم الاعلان يعني مازال عندهم نقص ،، غالبا يتكرر من بعد نهاية كل فصل دراسي جامعي او مدرسي تقريبا :)

تربية خاااااصة كتبوا لنا الاسئلة عاد

هلا خواتي

بغيت اسئلكم

انا تخصص فنون

في اسئلة الامتحان النظري لازم يحطون تقريبا اخر سؤال شي ماله علاقة بالفنون مثل طرق التدريس او استراتيجيات التدريس او اساليب التدريس

السؤال : من وين ادرس عن هاي الاسئلة؟؟؟
لان العام حاطين سؤال نسيته والله بس جنه استراتيجيات التدريس وكان عليه علامه كبيرة وانا ماعرفت اجاوب

ياربي ناسية كل شي حتى الجدول اللي لازم انسوية نسيت تقسيماته

الله يعافيكم اللي تعرف اترد على اسئلتي لاني اشوي ناسية اشيا

مرحباااا

وتخصصي تربية خاصة

انا قدمت امتحان التربية 4 مرات وهالمرة 5

كل مرة الامتحان ستايل غير

وتعرفين هدفهم تعذيب وتحطيم طموحنا


من الاشياء الي اذكرهافي الامتحان ؟؟

1- عدي خطة تربوية للموهبة والتفوق؟؟

2- عرفي صعوبات التعلم؟؟

3- يذكرون اسماء علماء ويقولون لج كل عالم وش سوى؟؟


4- يعطونج اسئلة صح وخطأ؟ظ


5- سؤال عرفي هذه المصطلحات؟؟

6- مصطلحات بالانجيلزي ترجمينها مثل الانفعالية، الدوافع، الموهبة.

والمقابلة الي نفس وجههم:


1- وش السلعة الي ما انخفض سعرها؟؟

2- لو المدرسة في مكان بعيد تقبلين تشتغلين؟؟

3- اذا عندش طالب من ذوي الاضطرابات السلوكية عدواني شلووون تتعاملين وياه؟؟

4- طول هالفترة وش سوتين اشتغلتين في مكان او لا؟؟

ماركة بحرينية;9355883:
الاعلان الثاني غالبا يكون شهر 6 او 7 ،، يكون من بعد مايخلصون مقابلات اللي حاليا بيروحون ومن عقب ماينجحون في الامتحان

ترى مو لازم الاعلان يعني مازال عندهم نقص ،، غالبا يتكرر من بعد نهاية كل فصل دراسي جامعي او مدرسي تقريبا :)

الله كريم

سلام الى خواتي البحرينيات

انا تخصصي طبعا مو مطلوب في الوزارة وهو خدمة اجتماعية فحمدوا ربكم اولا انكم على الاقل لكم فرصة في التوظيف

يمكن ناس اتقول عجل ليش داخلة الموضوع مدام مالج سالفه فيه انا دخلت ادعي لكم بالتوفيق واتمنى من قلبي ان اللي يعرف صدق اي معلومة او سؤال عن الامتحانات اخبر غيرة من البنات وخلو ايدكم وحدة في ناس ما اعلمون احد اللي يعرفونة علشان ما اخربون على نفسهم في الامتحان وخلون غيرهم يغلبونهم بس ترى اللي يساعد اخوة المسلم اللة يوقف معاه ووفقة لو كنت مكانكم بتمنى ان احد اساعدني لان خبركم اللي درسناة مع الايام والسنوات طار وتبخر

تمنياتي ليكم بالنجاح

قلب البتول;9362998:
سلام الى خواتي البحرينيات

انا تخصصي طبعا مو مطلوب في الوزارة وهو خدمة اجتماعية فحمدوا ربكم اولا انكم على الاقل لكم فرصة في التوظيف

يمكن ناس اتقول عجل ليش داخلة الموضوع مدام مالج سالفه فيه انا دخلت ادعي لكم بالتوفيق واتمنى من قلبي ان اللي يعرف صدق اي معلومة او سؤال عن الامتحانات اخبر غيرة من البنات وخلو ايدكم وحدة في ناس ما اعلمون احد اللي يعرفونة علشان ما اخربون على نفسهم في الامتحان وخلون غيرهم يغلبونهم بس ترى اللي يساعد اخوة المسلم اللة يوقف معاه ووفقة لو كنت مكانكم بتمنى ان احد اساعدني لان خبركم اللي درسناة مع الايام والسنوات طار وتبخر

تمنياتي ليكم بالنجاح

اختي صبري والله وياش
ولا تنسين كل واحد ماياخد الا نصيبه وربش مايسوي الا الصلاح

السنة مانزلوا اعلان عن تخصصش ان شالله السنة الجاية وينكتب اليش التوضيف بعد مرة وحدة وتفتكين

الله يوفق الكل انشالله ونفتك من هالبلاء