بسم الله الرحمن الرحيم
انا ملكت ولي الحين تقريبا شهر من ملكت طبعا بيينا مكالمات بس الى الحين انا اشتغل طبيبه توني تخرجت وعمري 24 وهو خريج ثانوي وعمره 27 وهو يشتغل في شركه اهليه ( شغلته زي ينقل لهم اشياء بالسياره ويدخل بيانات لهم بالكمبيوتر , وتراه مو مقتنع بشغلته هاذي بس له فيها كذا 6 سنوات ) والحين قاعد يكمل دراسته الجامعيه توه باديها على حسابه … صراحة يابنات هو مرررره طيب معاي بس ما ادري ليه تجيني افكار خصوصا لما قال انه مو راعي دراسه انه ماراح يكمل دراسته . وانا جاتني بعثه برى وهو اكيد راح يضطر يفصل من شغله ويجي معاي وانا من قالي انه مو راعي دراسه قلت اخاف يقعد كذا لادراسه ولا شغل واصير انا اللي اصرف على البيت وعليه ( في المستقبل ) يعني اخاف يستغلني وانا بصراحه واحده طيبه ما احب اجرح احد خصوصا اذا كان طيب معاي بس خايفه كثير وافكر اني ارفض البعثه عشان مايفصل من شغله ويظل بلا شغل واقعد انا اصرف عليه بس في نفس الوقت اخاف اضيع على نفسي فرصه كبيره , واحيانا احس اني موقتنعه فيه واقول ليش قبلت بواحد مو ماخذ شهاده جامعيه , ما ادري احس اني اوسوس ومرات اقول ان شاء الله يكمل دراسته وياخذ البكالريوس ويشتغل شغلة عدله ,, انا عارفه ان الشهاده ممكن ما تكون مقياس للشخص لكن كمان حسيت انه مو طموح وانا عندي طموح واحلم احقق اشياء في حياتي بنات احس اني مرره محتاره ونفسيتي زفت , لدرجة فكرت اني افك الملكه ,, ايش اسوي انصحوني قولولي تجاربكم ؟؟!