تعبت من هالدنيا انا في كرب عظييييم

السلام عليكم ورحمة الله وبركاته
كيف حالكم اخواتي ؟

حبيباتي واخواتي راح اقولكم على مشكلتي الي خانقتني ومسببه لي الضيقة مو قادره اوصف لكم التعب الي انا فيه تعبت نفسيا تعبت لو اقولكم باللي احس فيه بنفجر من البكاء بس احاول امسك نفسي علشان اقولكم المشكلة بوضوح .

المشكله يا بنات خطيبي في الفترة الاخيرة بديت الاحظ انه متغير وسرحان وكأنه بعالم ثاني انا شكيت بالموضوع حسيت انه مخبي علي شي كبير في قلبه الحيت عليه وياليتني مالحيت عليه وياليتني ماعرفت بنات خطيبي الي طول عمري كنت اتمنى رجل مثله طيب جدا وكريم لابعد حدود معاي يواسيني لو حزنت احس انه نعمة كبيرة علي في هالدنيا حبيته حب ماحد يتصوره وهو يحبني ومتمسك فيني ومتعلق فيني المهم صارحني وقالي بالفتره الاخيرة سوا فحوصات واكتشف انه حامل لمرض التهاب الكبد سي اهنيه ظلمت الدنيا بعيني كأنه حد طعني بسكين حاده في قلبي والي عذبني اكثر واكثر صار يبكي هو مثل الطفل الصغير ويقولي حبيبتي لا تخليني لا تتركيني لا تتخلين عني وانا ابكي بصوت عالي وبحرقة واوقوله لو فيك مافيك مستحيييييييييييييل افكر اني اتركك بظل معاك لاخر يوم بعمري ومن هذاك اليوم صار متغير علي كله يقولي بتتركيني بتخليني الحين يوم عرفتي واحلفله مليون مرة ماراح اخليه ويقولي لا انا مو مرتاح يمكن راح تفكرين بعقل وتقولين لا واقوله والله ماراح اتخلى عنك
المشكله انه يبي يصارح ابوي باللي فيه يقول حراام لازم يعرف وانا اقول لا تقوله يمكن الحين يوقف بطريق زواجنا ومايرظى ساعتها بعيش بجحيم وبعذااااب طول عمري
بنات ساعدوني شسوي ماعاد يضحك مثل اول كله يقول لو مت لو مت واشيا تخليني اتعذب وابكي بحرقة وكل الي بالبيت يسمعوني تعبت ياناس من دنتيتي تعبت يوم اني لقيت الانسان الي اتمناه من زمان الانسان الي احس معاه بالامان الي يخلصني من عذاب الماضي والعذاب ال شفته بصغري اخر شي يمرض لا حول ولا قوة الا بالله والحمدلله على كل حال
بنات ارشدوني وش الحل شسوي معاه اشلون اخليه ينسا سالفة المرض ويرجع يضحك من مثل اول واحسن والله انه ساعدني كثير ووقف معاي بمحن وخلصني من همومي وابا ارد له الجميل ابا اساعده بس مو عارفه اشلون والله صبرت كثير بحياتي واتحملت وان شاء الله ربي يقويني وتمر هالمحنه على خير اسفه اذا طولت عليكم بالكلام بس مالقيت احد افضفض له واتمنى تساعدوني القى حل
وجزاكم الله الف خير وابعد عنكم الهموم والاحزان ادعولي يا بنات الله يفرج كربتي ويشفي خطيبي دنيتي كلها .