هنبدأ اول حاجة باشكال الفساتين واللي يليق علينا منها
A-line
التصميم دة بيخلي الوسط ارفع وبيعرض منطقة الصدر. لو عندك منطقة الارداف اعرض من فوق ، دة هيكون انسب تصميم ليكي.
في نفس الوقت بيجذب الانتباه لمنطقة الصدر وبيخليها شبه مسطحة. بالتالي لو الصدر صغير يبقى لازم نحط الفستان يكون مبطن عند الصدر وطبعا دة مع البرا المناسبة.
[COLOR=blue][FONT=Arial Black]Full Skirt or Ballerina Dress[/FONT][/COLOR]
[COLOR=blue][FONT=Arial Black]
[/COLOR][/FONT]
التصميم دة بيفكرني بسندريللا ودة بيكون مناسب للي عندها منطقة الارداف رشيقة وصدر ممتلئ او كبير يعني عشان الجيبونة الكبيرة هتعمل توازن بين فوق وتحت وتديكي لوك السندريللا. ودة من اكتر التصميمات الرومانسية واللي مرتبطة بالفرح في ذهننا كلنا
من كلامنا اللي فات احنا لازم نتجنب الاستايل دة لو منطقة الصدر مش كبيرة عشان هو اصلا بيصغرها. كمان لو انتي صغنونة كدة وبسكوتة ابعدي خااااااااااالص عن الاختيار دة لانك هتختفي يا ماما جوة الفستان.
برضه لو منطقة الارداف كبيرة وعريضة عندك اجررررررررري علطول من ادامه عشان هو بيركز عليها
Column Dress
[FONT=Times New Roman]دة زي ما انتو شايفين كدة بيكون ماسك شوية عالجسم او نقدر نقول انه واخد تفصيلة الجسم وممكن يكون معمول من قماش عادي او ممكن نستخدم الشيفون فوقيه ويدينا اللوك الروماني
الاستايل دة بيكون مناسب جدا للبنت الطويلة الرشيقة وعلى فكرة هيليق اوي برضه مع البسكوتة الصغنونة
وزي مااحنا شايفين برضه ان الاستايل دة بيكون قريب اوي من الجسم فطبعا لو الارداف كبيرة دة ممكن يبينهم اكتر.
الاستايل دة محتاج جسم رشيق اوي يا بناااااااات
[COLOR=blue][FONT=Arial Black]Empire Line Dress[/FONT]
[FONT=Arial Black]
[/FONT]
[FONT=Times New Roman]ودة الاستايل اللي بيكون فيه تفصيلة على الصدر او تحته وبعد كدة بينزل علطول ومش بيحدد لا وسط ولا ارداف [COLOR=black]ودة هيكون رائع لو الوسط عريض والصدر صغير. كمان العرايس الصغننة هتبان اطول عشان الفستان هينزل علطول بعد الصدر وشكله بيكون رقيق ورومانسي اوي
وطبعا لو العروسة طويلة زي حالاتي كدة يبقى تشيل الاستايل دة من دماغها علطول عشان هيخليها اطول. كمان لو الصدر كبير يبقى بلاش منه عشان هيكبره اكتر.
[/COLOR][/FONT]
Mermaid Dress
فستان عروسة البحر او ديل السمكة بيدي شكل جميل للبنت اللي جسمها متقسم بالبلدي كدة، يعني عندها صدر حلو وارداف متوسطة. الفستان دة هيخليكي زي مارلين مونرو.
بس مهم اوي قبل ما تشتري فستان زي دة انك تتاكدى انك قادرة تقعدي وتتحركي براحتك بيه. كمان لو جسمك مليان من تحت زي التفاحة او الكمترى ، الفستان دة هيظهره اكتر
البنت اللي معندهاش اي امكانيات خالص برضه مش ينفع تلبس الفستان دة خاااااااااااالص
[FONT=Times New Roman][COLOR=blue]بكدة انا خلصت اشكال الفساتين والمشاركة الجاية هكتبلكم اشكال الكمام وازاي نختار اللي يليق معانا بس لما اتاكد ان الموضوع عجبكم
ودلوقتي تصبحوا على خير يا حلوين:21_210::21_163::21_162::21_161:
[/FONT][/COLOR][/COLOR][/FONT]
