شفاء الروح;9353127:تصدقون بنات إن شي محير
اللي يعجبني يمكن ما يعجب غيري واللي يعجب غيري أنا ما يعجبني . . .
بالمختصر رضى الناس غاية لا تدرك :wink:
بس لاحظت من الكلام ومتابعتي لكم من وقت للثاني إن كل وحدة وحظها بخصوص المكياج
يعني أوقات ماكيرات الكل يمدح فيهم بس لمن نشوف شغلهم نستغرب !!!
يمكن يعتمدة على ملامح البنت أو مزاج الماكييرة أو ذوق كل وحده وما يعجبها . . ما أدري
بذكر لكم بعض الملاحظات على كذا ماكييرة طبعاً كتجربة شخصية أو على ناس شفتهم مثلاً
صالون إيلاف فردوس وبنتها : الكل يمدح فيه وفي مستواهم وبعضهم يقولون إن مستوى بنتها أحلى منها
ونفس الشي سمعنا من كذا وحدة من معارفنا ولكن يوم
جربنا كانت النتيجة عكسية (n)
صالون الرونق : بعد نفس الشي عجبني كمستوى في الشعر بس كمكياج إنتي وحظج بعد
وعلى إلي بتختارينها يعني ما بتطلعين واو نقدر نقول زوينة
ولا بأس فيج خاصة إذا كنتي تحبين تطلعين ناعمة أو ناعمة بزيادة
ولاحظت أن بعضهم يطلعون ملحان أو لونهم مايل للرمادي شوي أو يمكن بس إلي شفتهم جايز بعد !!
عايشة البلوشي : شفت مكياجها حلو صراحة ما عليه أي كلام بعد بس صعب تتحصل وكله مسافرة برا
صالون فاطمة شويطر : فاطمة كتجربة سابقة كمستوى زينة الحين ما ادري . . .
شفت مؤخراً مكياج صفية شويطر على ثنتين من معارفنا
وحدة فيهم أوكي والثانية توقعت يكون أحلى يعني نقول لا بأس فيه بس مو واو خاصة إن البنات ملامحهم حلوة
وكان بالإمكان يطلعون بشكل أزهى وأحلى بس طلعوا عاديين
عايشة الريس : مكياج أوكي حلو ترسم العين بشكل جميل ولاحظت أن كذا وحدة تصيد ملامحها
وتغيرها بشكل زاهي . . ما شفت وحدة مكيجتها لحد الحين وطلعت مو حلوة بس بعضهم في رايهم ان مكياجها ثقيل
صالون سلوى : قبل ما كنت أحب ستايل سلوى أحس ترسم
كل الوجوه بنفس الأسلوب بغض النظر هذي سمرة بيضة
حنطية عيونها كبيرة صغيرة وكرهت البلشر إللي يوصل لوين
بس الحين بعد تغير اسلوبه من كلام الكل وانا بعد شفته على
وحدة من اهلنا كان حلو
صالون صفاء : شفته على ناس من معارفنا كان حلو فيهم وزاهي خاصة إن ملامحهم تطلب هالنوع من المكياج
وشفت صور عروس بمكياج صفاء كان روعة ما توقعت لا كان ثقيل ولا خفيف بس استايل حلو ومختلف
هذي بعض الملاحظات العامة يعني ما أعتقد ان الكل يتفق على ماكييرة وحدة واحس إن كلهم تقريبا شغلهم نظيف بس
بس كل وحدة وذوقها والأسلوب اللي يرضيها
وفي ماكييرات واجد غيرهم بس ما جربتهم وما اقدر أحدد
مكياج صابرين وشريفة هو في الوقت الحالي داخل مزاجي واتمنى اشوف مكياج لشريفة . .
هذرت واجد بس شي محير الإختيار صدق خاصة إن كانت الوحدة تبغي شي عدل (y)
كلامج بهذا الخصوص ,,, مثال انى احب شغل صالون العفراء خاصه برسمه العيون
والبورده تناسبني ولا تخترب مع الحر ابدااااا طبيعه وجهي جذي اوكى ,,,
بس مشكلتهم الصالون زحمممممه وبالصيف المكان يكون حكره وعفسه
فصرت مااروح على طول وشغلهم للشعر ثااااابت روووووعه
وما عليه كلام وهذا اللى يعجبني
وحتى خاطري اسوي شعري عندهم في ملجتي وجااري التفكير
وبخصوص صالون ايلاف هناك مقارنه بين فردوس وبنتها زينب بس اللى شفته
مكيبها حلوو ورسمه العيون ولا تغيرج تطلع ملامح الجمال فيج ويكون نوعا ما صعب
كل وجه له ملامح معينه ووو الوحده تتحير احيااااااانا وبعض الماكييرات لهم مزااااااج
والمكيب بالاساس هو فن اللعب بالالون وابراز الجمال واخفاء العيوب بالدرجه الاولى
وبالتالي مهما كانت الماكييره ماهره وبشره الوجه غير كويسه وو ملينا حبوب وبثور
ووو يكون العيب بشغل الماكييره لالالالالا بنظافه الوجه
,,, الوحده المفروض تهتم ببشرتها
مو عشان بتخطب او عندها مناسبه بس تهتم المفروض
طول الايام واللى ينزرع اليوم يحصد غداااا :):)
