طفولتي لحظة;9323873:
سلام عروسات شخباركم ..
حبيت اخبركم انه الملچة صارت امس والحمدلله عدت على خير وكل شي صار مثل ما بغيت
رحت تعدلت في وصال سوت شعري خديجة قلت لها ابي كلش خفيف يكون شعري يعني مو عفسة لانه ابي يصير في فرق للحفلة وسوت لي بف شوي من فوق ومن تحت عادي فير مثل ما طلبت مع انها ما كانت راضية تقول موحليو ملچة ما تسويين شي عدل بس قلت ليها ما احب الدفاشة واجد :tongue: وزادتني وصلات لانه شعري كلش خفيييييييييييييف وواختي اليوم راحت ورجعت لهم الوصلات اللي حطوها لي لانه قلت ماابيها برجعهم لكم
والمكياج بصراحة الكل اللي بوصال شغلهم مضبوط بس اني طلبت زينب قلت لها تسوي لي ب 10 تسوي ليي خير وبعدين ما اوتعيت الا اهي مسويه ليي ابو 15 :D تعاندني مو راضين يسوون لي شي خفيف (((((( اني دائما اروح هناك وبيني وبينهم معرفة من جذي عادي وياهم )))
وطلعت من الصالون راضية عن روحي والحمدلله وكامل سوو لي تقريبا 30 الشعر بالمكياج
واشوة ما تأخرت كانوا متعاونين ويايي لانه 7:30 كان موعد الشيخ للعقد
ملجتي سويتها ببيت اختي لانها عندها صالة اكبر من صالتنا وتقريبا مجلسهم يصير مفتوح ومسكر((ماعرف اشرح)) فخليت السفرة في المجلس والسفرة اخذتها من حسين الشجار طلعت عليي ب 50 دينار والتوزيعات اني واختي سويناهم يعني ماحسبت التكلفة للحين لانه مرة اني اشتري ومرة اهي :D
والحمدلله كان كل شي تمام الترتيب وفستاني طبعا اخذته من السعودية مافيه شك واجد مثل ما بغيت وكان ناعم وفخم بنفس الوقت ولونه اخضر فاتح على ليموني على شوي فيه احمر بعد يعني حلو لانه ناعم
وبس وصلت بيت اختي باقي نص ساعة على ما يجي الشيخ سيدة رحت حجرة اختي وقعدت ما كنت ابي احد يشوفني يا زعم حركات وقبل ما يجي الشيخ بعشر دقايق طلعت بالمشمر الاخضر وقعدت على الكرسي المخصص لي
وحسيت بالرجفة وكل شي وكاني بردانه مع انه الجو عادي وصدق شعور لا يوصف مع انه حلووو
وقبل لا يدخل الشيخ دخل عليي عمي يشوفني جاهزة او لا (( اول ما شفت عمي تمنيت ابوي يكون اهو اللي يوقع على العقد بس الحمدلله على كل حال والله يرحمك يا يبه ))
ودخل الشيخ ووياه اخواني الاربعة الله يخليهم لي واخوان خطيبي الا اهم الشهود ومع خالي علشان يكون شاهد مع اخوي الكبير
وما انسى زوج اختي اللي مستلم الفيديو علشان بس بعدين يطنز عليي وعلى صوتي وآنه اقول نعم قبلت :o
وبدا الشيخ بشوي من فضل الزواج وما انسى تعليقاته على السفرة:tongue: وعلى صندوق المهر علشان يخفف جو التوتر شوي وكل شوي يضحك على صوتي اللي بالغصب يطلع وآخر شي مهلت على ما اقول قبلت سيدة قال الشيخ شكلها ما تباه بس بالعمالة مخسرتنه علشان بس السفرة تسويها هههههههههههه ويرد يقول يالله له يا بتي الصبي حده موصل بره وانتين تفكرين هههههه وكل ما اسمعه تجيني الضحكةوبس قلت قبلت وقال الجملة الطويلة اللي ما بغيتها تخلص وكلتك وماادري ويه ووقعت وصارت الصلوات بعدها حسيت اني خلاص صرت زوجة فلان واني افكر هالتفكير حسيت خدودي صاروا طماط :o
ووطلع الشيخ وظلوا اخواني مع عمي وخالي يباركون لي واني حدي مستحية وبالغصب اضحك على تعليقاتهم عليي
وبعدها جتني امي تبارك لي واني فيني الصيحة بس كل شوي بنات عمي يقولون لااااااااااا المكياج لا يخترب للحين سميش ما دخل وشافش ((لانه اسمي واسمه متشابهين بالمعنى وحتى الااحرف بس اني على بينة واهو صبي مثل شنو ياربي امممممممم اي مثل فاضل وفضيلة :D بس مو اسمنا ده لا اسمنا غير هذا مثال بس ))
وبعد ما باركوا لي وجم صورة طخطختها لي بنت عمي بكاميرا خطيبي حاولت اختي تطلع الموجودين بالمجلس علشان يدخل خطيبي بس محد راضي كلهم يبون يشوفونه ههههههههه
طلعت اخته تشوفه وشوي قالت لهم انه بيدخل لبستني اختي المشمر الاخضر وغطتني فيه
ودخل واول شي سلم على امه وبعدها امي وخواته وجه لي بعدين وهالحزة حسيت نفسي شوي ويغمى عليي خلاص
وفتح المشمر ووقف شوي يطالعني والا اخته تقوله حبها على راسا له بعدين اقعد طالعها :o:o هني اني هالحزة انتهيت ههههههه
وكان جايب معاه باقة ورد :o نعووووومي حبيتها صراحة
ووو قعد شوي وياايي وطلعوا الاوادم وسكرت اختي المجلس وظليت اني وياه بس :o وما طول لانه حفلة لرجال بنفس الليلة وقال بس يخلص بجيني علشان التصوير في الاستيديو لانه قال لي انه حاجز واني ما كنت ادري
وبعدها طلع دخلوا البنات وانفتح المجلس وصرت اقدر اشوف الكل بره وحطو لهم العشا طبعا واني ذوبوني بالفلاشات كل شوي تصوير ويه هالبنات وجنونهم :)
ووووووو خلاص هذا اللي صار بإختصار
والحمدلله مر اليوم على خير وباجر حفلتي ان شاء الله تمر على خير
وعقبال الباقي ان شاء الله
عروس متفرغة;9324008:
يعني لا تزعلين بس مثلا بعطيج امثلة بلبدلت اساميهم
- يتوم (لمعصلقة القصلة)
- أنا الشوق (الطويلة.....)
- صاحبة الظل الخفي (فلونه)
وهكذا فهمتي علي الحين:D
توووفه;9324048:
ااهلين
ابي اخذ راايكم بشي ؟؟
اشراايكم بصاالون لولو بالمحرق
للشعر و المكياااج ؟؟
حلم العذارى;9324411:
بالنسبة حق صالون سشواره كشوخي و ما يسكر إلا 9
إذا إنتي قريبة من دوار 22
تعالي صالون "البندرية-داركليب" .. تصدقين شعري لنص ظهري يسوني شسوار + فير تايلندي ب 4 دينار بس يا بلاااااش
و رحت علمت صديقتي وهي تقريباً نفس طول شعري بس إهي كثيف ما شاء الله ونفس السعر
ههههههههههه وأقولج ثنتينا مستانسين كأننا طايحين على كنز
إذا بعيد عليج قولي لي من أي منطقة وأعطيج صالون OK ..,
أنا الشوق;9326528:
ايييه والله طايحين على كنز انتو ترى :dd::dd:
انزين عاد شغلهم عدل عدل يعني ولا شلون؟؟ وانتي شعرج ناعم ولا عادي ولا شنو؟:tongue:
انا الحين كله مطيحه في "آن"، مع ان يستشورونه لي ب8 بس شغل عدل
بس السبب الرئيسي اللي يخليني أروح لهم غسالهم للشعر، صج فننننن يسوون لج مساج ويتمون ربع ساعه وهم يغسلون في شعرج ويستعملون شامبوهات حلوه بعد
وماعندهم زحمه وايد ولا عفيسه نفس رفين :ss: ذيلاك صج يسوون لي أرخص ب4-5 بس من أول ماتدشين مية الف وحده تتيمع عليج، شتبين تسوين؟؟ ومن بيسوي لج؟؟
وغسالهم بعد (n)
nooroo;9326627:
الااااي صار خاطري في المساج صج محتاجته عدل بس خلاص لازم اروح مرة اجرب مع ان احس اسعاره مبالغ فيها بس يالله اهم شي الراحة النفسية..انا بعد ما احب اروح ريفين عندي ادفع دبل ولا اروح في الزحمة
*هيونه المزيونه*;9326796:
شخبآركم عرآيس ..
حبآيبي اللي تجهز وتبي فستآن رآآقي..
عندي فستآن من روبيرتو كفآلي نآآآآآآآآآآآآعم .. شآريته من ايطاليا .. وابي ابيعه بنص سعره ..
اللي مهتمه ترآسلني :)
o0oريانهo0o;9326887:
انا الشوق
صالون آن قصدج اللي يم مريااج
اذا اهوه اشلوون قصهم؟؟
Oriana;9327097:
بالنسبة للفستان إذا العروس بتخيط فالمبلغ بين 250 إلى 500 وطبعاً ممكن يوصل 1000 بعد
فقولي 500 معقول
والذهب 800 إلى 1000دينار ذهب عادي فيه وإذا ألماس 3000
nooroo;9325274:
بنات اذا خطوبتي شهر 9 متى ابدي اجهز؟؟
مشاعر بحرينيه;9325639:
احين اغلب العرايس يسون الميني كب كيك والمعجنات الميني
في فكره حلوة
واهيه العطور
اتعبونها في قراش صغيره واتغلفونها بطريقه حلوة
!!.. نسيم الليل ..!!;9327995:
بيوم المعادل صورت جميع الاطباق الي سويناهم وجهزت الصور
بس بعدها قالوا مافيه نصيب ..
فمن جذي ماراح اقدر اعرض الصور :(
.:.رجاوي البحرين.:.;9327786:
أخت وصايف
جفت استفسارج بخصوص الكويت
انا بكتب لج أسماء المجمعات :
سيتي سنتر-:السالمية حلووو ومتنوع وفيه ثياب الكويتية والأقمصة اللي بو5دينار و7دينار والمجمع فيه شيلات ونعل الله يعزج والجواتي النازلة وكل شي تبين ورخيص ويصلح حق اذا بتودين هدايا وصوغة
الإفنيوز: في منطقة الديرة وقريب من الفروانية وهالمجمع حلووو وكبير ومحلات الماركات من زارا ونكست ودبنهامز وووو الخ ... كلها موجودة فيه بس المجمع كبير وايد ويتعب يبي له يوم بروحه لو بتدورينه وطبعاً في محلات عطورات مثل فافوم ووجوه وأطياب المرشود هم موجود فيه
سوق شرق: مجمع حلو ومتنوع وفيه الماركات
مارينا: حلووو وماركات بس انا أفضل الأفنيوز يلمهم كلهم
ليلى جاليري: في منطقة السالمية وماركات عالمية أصلية مثل قوتشي ولويسفيتنون وهالطخة
الفنار: في منطقة السالمية وهم كذلك ماركات عالمية
مجمع النقرة الشمالي والنقرة الجنوبي: في منطقة حولي وبتلاقين فيهم جلابيات للبيت وأقمصة طويلة وأقمصة نوم
سوق الجميع : بتلاقين هالسوق خلف سوق المباركية من الورا وكلها جلابيات وعندهم جلابيات غالية ورخيصة وللبيت وللإستقبال
سوق المباركية: طبعاً سوق شعبي بس أنصحج تروحين يجنن هالسووووق بصراحة احس روحي أمشي في زمن أجدادانا ولازم اذا اروح الكويت أروحه.. وبتلاقين محلات بو 200فلس ومحل العبي ومحلات شيلات وسوق سمج ولحم ومطاعم شعبية تكة وكباب كلها بهالسوووق
سوق الحوش: محلات وصايرة مغطية وصوبها مجمع أمثال وهالسوق بتلاقين فيها كل شي من محلات مكياج من الهنود وشيلات وقبعات وجلابيات حرير مال البيت وجوووووووووووووووووووووووواتي وين ماتمشين محلات جواتي
محلات العطور:
أطياب المرشود: المحل حلووو وراقي وانا يوم أروح لازم اشتري منه وشمي من عنده عود الجفري او ورد الجفري فععلاً هالعطرين مميزين وعنده بخور يجنن وأشكال وأنواع وعنده عود بورمي بس التولة غالية بحدود 200دينار كويتي وفوق انا خذيت لي لزواجي بس فعلاً عجيب
الدر المنثور: رحت الفرع اللي في سوق المباركية وصاير من ورا وبتلاقين كل محلات عطور مو موجودة في البحرين بالقرب من سوق الجميع وانا شريت منهم ملطفات الجو والأسرة ومنظف الرخام بروائح عطرية ومااوصيج اخذي منه يستاهل الصراحة
أمل الكويت: بتلاقينه في منطقة حولي والمحل راقي وخذيت منه بخور وخذيت منهم عود وخذيت منهم كريم لليد بدهن العوووووووووووود فضيع وسعره 15دينار كويتي
وروحي شارع المطاعم في منطقة السالمية هالشارع كامل بطوله كله مطاعم وماتتحيرين
واذا خاطرج تروحين الحديقة المائية عندهم "اكوابارك" ترى كل ثلاثاء يكون يوم مخصص لنساااااااااء فقط
وسؤالج بخصوص بودي شوب ترى نفس الشي بس فرق العملة على أساس إن الدينار الكويتي أغلى من دينارنا
ولاتنسين تروحين المتحف العلمي "الأوكورايوم" شي خيال متحف فيه بحر وأسماك وكل شي من حيوانات وأحلى وقت تروحينه بالليل لأنه مفتوح لني الساعة 11 تقريبا ا10مساءً
والكويت ديرة حلووووووووووووة وتينن والشعب طيب ويساعد في اللي تبينه وكل ماتميت وايد مااحس شبعت ... انا سنوياً اروح الكويت مرة او مرتين واشتري لي أغراض لسنة كاملة والصراحة حتى سيارتي سقتها هناك بروحي ومهما تسألين ماتضيعين ... وتحسين روحج بالبحرين مب بديرة غربة
وأتمنى أكون أفتدج ولو بالشي البسيط وإن تدعين لي لو استفدتي بالذرية الصالحة