تجهيز عرايس مصر الجزء 128

روباز;9384971:
أنا جيت يا بناتتتتتتتتتت بعد الجوازززززززززززززززززززز
يلا عقبالكو كل اللى متجوزش يتجوز ان شاء الله
ادعولى بس لحسن جوزى سافر امريكا انهارده و انا مش عارفه هسافرله ولا لأ لأن فى قلق على ورقى و حسه انى مخنوقه أوى و جوايا حزن رهيب
المهم اطمنكو الجواز جميل خصوصا لو جوزك حنين و فيه بينكو موده و رحمه
انا مش قادره افتح عنيا طبعا بس حبعتلكو صورتى تقولولى رأيكو
اية رأيكو دام عزكووووووووووووووووووووووووووووووو
وحشتونىىىىىىىىىىىىىىىىىىىىىىىىىىى

حمد لله عالسلامة ياقمر والف مبروك ....انتي رحتي عند كوافير اية ياجميييييييل

نغمة القمر;9385239:
حمد لله عالسلامة ياقمر والف مبروك ....انتي رحتي عند كوافير اية ياجميييييييل

لزيك يا نغمه جميله ..تسلميلى يا قمر
انا رحت عند ماكييره اسمها اميره الزاهد فى المهندسين

لآ علي فكرة الفستان حلو اوي ماشاءاللة بجد قوليلنا بقي الجواز اية نظامة؟

ريرى العروسه;9385053:
[QUOTE=mitcy;9383146]ميرسي يا بوبا......بس زي ما قلتلك كله في المحله
والحلق وكل الاكسيسورز والطرحه كمان من الكوافير
والجيرب كنت عاملاه في طنطا


زى القمر ياmitcy بجد الفستان عجبنى اوى فى فساتين حلوه فى المحله كده عشان انزل اجيب من هناك وجبتى الجيرب منين من طنطا ياريت العنوان

روباز......بسم الله ما شاء الله زي القمر.ربنا يسعدك و وتروحي لزوجك قريب وانا كمان يارب


ميرسي يا ريري ربنا يكرمك ويوفقك وعقبالك يارب
اه شفتي بقي اهو دا من المحله بعد مرواح القاهره ولف في طنطا والمنصوره وفي الاخر جبته من المحله وعلي فكره الاتيليه اللي انا جبت منه ليه فرع في القاهره اسمه ستارز

والجيرب من السنتر اللي ادام كليه تجاره في شارع سعيد اسمه الفا تقريبا


الحب هو الحياه .ميرسي يا قمر وجاري نقل الصور

البنات اللي عملت عند ايمي الكاشف هي صحيح بتحط البودر الاول عالوش وبعدين كريم الاساس صاحبتي عملتلها كدة وكان وشها مجير؟
وبالله عليكم كلكم ادعولي مووووووووت انا فرحي قرب اوي ومش عارفة لية مش فرحانة خالص عياط والله ليل نهار ونفسي افرح مش عارفة حتى لبسي وحاجاتي اللي كنت فرحانه بيها مش طايقاها دلوقتي والله ماعارفة اعمل اية ادعولي جامد اوي

marmarena;9384279:
يا بنات لو المؤخر 50 الف كتير ولا ايه؟ بابا مصر عليه وخطيبي مش موافق بيقلي 10 او 15 المفروض مش اكتر وانا مش عرفه اعمل ايييييييييييه

هاى ياجميلة ربنا يعديهالك على خير يارب ومايعرضكوش لاى مشكلة ابدا انا كان المؤخر بتاعى 15 وعلى فكرة معظم اللى اعرفهم كانوا فى الحدود دى انا من راى اتكلمى مع باباكى بهدوء وعرفية ان امن الشخص دة على بنتة فلوس اية بقى اللى هنعمل عليها مشكلة ولا قدر اللة ربنا يبعد عنك اى حاجة وحشة يوم مايحصل حاجة اللة اكبر الشر عنك وعننا هنبص لاية ليكى ولا للفلوس
حاولى تكلمى باباكى فى الموضوع براحة وبهدوء وربنا يكملك على خير ياجميل ويفرح قلبك :):)

Love You 7abibi;9385265:
لآ علي فكرة الفستان حلو اوي ماشاءاللة بجد قوليلنا بقي الجواز اية نظامة؟

والله انا عشت مع جوزى 20 يوم بس و سافر و اتقهرت من العياط و هو مسافر النهارده و مش هضحك عليكى انهارده اول يوم ليا تانى فى بيت بابا بس مش عارفه انام خالص و حاسه ان فى حاجه غريبه و حاجه ناقصانى
هو ده جمال الجواز انك بتسكنى لحد و فى يوم و ليله بيكون هو كل حياتك
سيبك بقى من موضوعات اللبس و الهم اللى كنا شاغلين نفسنا بيه بجد ده طلع شىء ثانوى خالص
لو اعدتى قدامه بجلبيه قديمه و هو بيحبك حتكونى فى عنيه احلى من مارلين مورنووووووووو على رأى عبد الفتاح القصرى
ادعولنا يا جماعه بظهر الغيب كل متصلو و تفتكرونا ان ربنا يجمعنا مع ازواجنا فى اقرب وقت و يهون علينا الفتره دى

هو جوزك مسافر فين يا ميتسى و ممكن تيعتيلى صور شقتك لو مش يضايقك؟؟؟؟

نغمة القمر;9385278:
البنات اللي عملت عند ايمي الكاشف هي صحيح بتحط البودر الاول عالوش وبعدين كريم الاساس صاحبتي عملتلها كدة وكان وشها مجير؟
وبالله عليكم كلكم ادعولي مووووووووت انا فرحي قرب اوي ومش عارفة لية مش فرحانة خالص عياط والله ليل نهار ونفسي افرح مش عارفة حتى لبسي وحاجاتي اللي كنت فرحانه بيها مش طايقاها دلوقتي والله ماعارفة اعمل اية ادعولي جامد اوي

الف مبروك ياقمر ربنا يتمملك على خير شغلى سورة البقرة فى البيت ياجميلة 3 ايام متواصلين الشيخ محمد حسان قال كدة دى بتمنع الحسد ولو تقدرى انتى اقريها
وعلى فكرة ياقمر الفترة دى بتبقى كدة من كتر الضغوط والتفكير بتحسى انك زهقانة انا كنت حاسة الاحاسيس دى وقت كتب كتابى قبليها وفى وقتها ومكنتش عايزة لا امضى ولا ابصم :D:Dوكنت مترددة جدا ودمعت كمان لحد ما ماما جت من ورايا كدة ورقتنى بسرعة وقرت المعوذتين وتوكلت على اللة واتكتب كتابى
ماتضيعيش فرحة الايام دى على نفسك عشان لما تفتكريها اينعم هتفتكريها بتعب بس هيبقى على قلبك زى العسل
استعيذى باللة من الشيطان وشغلى سورة البقرة 3 ايام ربنا يكملك على خير ويبعد عنك الشر كلة يارب :):)

روباز;9385294:


هو جوزك مسافر فين يا ميتسى و ممكن تيعتيلى صور شقتك لو مش يضايقك؟؟؟؟

ربنا يجمعنا بازوجنا علي خير يارب ان شاء الله
انا زوجي مسافر السعوديه يا روباز
وانا زيك برده قعد معايا بس 20 يوم

بالنسبه لصور الشقه هتلاقيها هنا
http://forums.3roos.com/t424628-45.html#post9385306

معلش الصوره كبيره سيفيها عندك علي الجهاز وبعدين هتشوفيها صغيره شويه

[QUOTE=sweetyronaaa;9376290]














لا يا حبيبتي ولا يهمك بصي انا رايي الل هيعملك الطرحة هو هيعملك الكلام ده كله هو مسؤول يجيبه ويعمله ويلبسهولك لانك ممكن متعرفيش تعمليه مظبوط بس عامة انا شخصيا مش بحب اشتغل علي القطن ممكن القطن دي تبقى بطانه تحت عادي لو شعرك ناعم لكن انا باشتغل ب ساتان استريتش عشان الخامات كلها تبقى سواريه وباحشيه السفنج واشتغل عليه بالتل بس على فكرة الموضوع ده مش بيعمل مع اي حد في طرق تانية انا شخصيا بحبها اكتر زي انك تعلي باكسسوار معين تاج الماظ او تاج ورد والطرحة تكون ادوار انا بحب كده اكتر ومتقليش دماغك مش هتوجعك متن لفة الطرحة اذا معمولة كويس
انا نازلة تقريبا اخر 5 او 6 ان شاء الله اما المحل هيكون غالبا في مصر الجديدة او المقطم

Radwa_Rashwan;9385811:
[QUOTE=sweetyronaaa;9376290]

الف مبروك يا قمر ربنا يتمملك بخير ان شاء الله

الف مبروك ربنا يكملك على خير

معلش احنا هرناكي اسأله
طيب هو ممكن احنا نجيبه و نقصه و نخيط فوقيه قماش قطن او قماش تل و هو ده اصلا عشان يدي شكل و لا عشان دماغنا متوجعناش من لفه الطرحه الجامده
و كمان انتى هتنزلي امتى تقريبا و محلك هيكون فين

لا يا حبيبتي ولا يهمك بصي انا رايي الل هيعملك الطرحة هو هيعملك الكلام ده كله هو مسؤول يجيبه ويعمله ويلبسهولك لانك ممكن متعرفيش تعمليه مظبوط بس عامة انا شخصيا مش بحب اشتغل علي القطن ممكن القطن دي تبقى بطانه تحت عادي لو شعرك ناعم لكن انا باشتغل ب ساتان استريتش عشان الخامات كلها تبقى سواريه وباحشيه السفنج واشتغل عليه بالتل بس على فكرة الموضوع ده مش بيعمل مع اي حد في طرق تانية انا شخصيا بحبها اكتر زي انك تعلي باكسسوار معين تاج الماظ او تاج ورد والطرحة تكون ادوار انا بحب كده اكتر ومتقليش دماغك مش هتوجعك متن لفة الطرحة اذا معمولة كويس
انا نازلة تقريبا اخر 5 او 6 ان شاء الله اما المحل هيكون غالبا في مصر الجديدة او المقطم

هيا الموضه دلوقتى فى لفهيا الموضه دلوقتى فى لفات طرح العرايس المحجبه ايه يا رضوى؟
و هل تاج المحجبات لسا موضه؟ ولا التاج الصغير اللى بيكون فوق الطرحه واقف كده ولا ايه؟ات طرح العرايس المحجبه ايه يا رضوى؟
و هل تاج المحجبات لسا موضه؟ ولا التاج الصغير اللى بيكون فوق الطرحه واقف كده ولا ايه؟

dandona we bas;9376534:
رضوى رشوان منورنا بجد في عروس و مرسي على ردك على أسئلتنا ربنا يكرمك ياااارب

بنات امبارح جبت سيلكابيل هنا من الكويت اللي هيا شفرتين واحدة للأديين و الرجلين و وواحدة للمناطق الحساسة و تحت الإبط المهم هي لونها بينك جبتها ب 13 دينار يا قمرات انا متهيألي انها اغلى من مصر صح و لا لأ و البيبي ليس لقيتها هنا الحمرا اللي بالبخارب 11 دينار و السوداء اللي تنفع للشعر الناشف و المبلول ب 16 باين او 23 دينار مش فاكرة الصراحة انا قلت استنى لأني بفكر اعمل كيراتين برازيلي و عايزين نعرف رأي رضوى في الكيراتين ؟؟؟؟؟؟؟؟؟؟

شكرا جزيلا يا جميل انا كمان والله سعيده اني الاقي بنات مصريات حلوين زيكوا كده قلبهم على بعض بجد انتوا حاجة تفرح..بالنسبة للكرياتين هو طبعا احسن الحلول الموجوده دلوقتي احسن من الفرد العادي بكتير وانا شخصيا عاملاه بس عاملاه في كندا بس هم بيسموه حاجة تانية بس هو جميل ومرييييييييييييييييح اوي انا مواظبة عليه بقالي سنتين باعمل الجذور كل 6 شهور بالنسبة للاماكن اللي بتعمله في مصر بصراحة ماعرفش بس عموما لو لقيتوا سعرة رخيص يبقى مضروب يعني اقل من 1000 او 1500 يبقى مضروب حسب طول الشعر ..نصيحة اللي عايز يعمله يعمله عند حد موثوق فيه عشان تلاقوا النتيجة اللي عايزينها ومن الماركات الكويسة في الكرياتين ماركة تشي CHI لونها احمر في فضي

mitcy;9383525:
بنات بجد نصيحه مني للعرايس
ما تسبيش نفسك للكوافيره هي اللي تختارللك
انتي ادري واحده باللي بيليق علي وشك والالوان اللي بتليق عليكي
يعني انا في فرحي اخترت كل حاجه الايشادو والروج والطرحه وكل حاجه

.وكان معايا 4 عرايس عملت لهم كلهم نفس طريقه الميكب

مش عارفة هابقى مخالفة لو رديت ولا لا بس عامة مش دايما يا ميتسي بالعكس لو اخترتي حد كويس ووثقتي فيه وشفتي شغله المفروض تسمعي رايه في ايه اللي يليق عليكي ..صدقيني عشان شغل العرايس يا بنات مختلف عن اللي بتبقوا واخدين عليه الخامات وطريقة وضعه مختلفة تماما

marmarena;9384279:
يا بنات لو المؤخر 50 الف كتير ولا ايه؟ بابا مصر عليه وخطيبي مش موافق بيقلي 10 او 15 المفروض مش اكتر وانا مش عرفه اعمل ايييييييييييه

يا حبيبتي كل واحده حسب عيلتها 50 معقول لناس وناس تانيةلا انما اهم حاجة لو هتكتبي حتى جنيه واحد اكتبيه في القسيمة بالاش الورق اللي بيتعمل بره ده عشان المؤخر مش بس مستحق للزوجة وقت الطلاق لا سمح الله ولكن كمان بعد الوفاه بعد الشر عن ازواجكم جميعا بيكون من نصيب الزوجة قبل تقسيم الارث ومش هيثبت رسميا الا اذا كان مثبت في القسيمة..

هوا فين الجزء بتاع استفسارات المكياج ممكن تبعتولى اللينك؟

و عايزه اسأل لو تعرفو افضل حد يعمل صبغه للشعر بس تكون واحده علشان المحجبات

hebahoba;9385870:
[QUOTE=Radwa_Rashwan;9385811]


هيا الموضه دلوقتى فى لفهيا الموضه دلوقتى فى لفات طرح العرايس المحجبه ايه يا رضوى؟
و هل تاج المحجبات لسا موضه؟ ولا التاج الصغير اللى بيكون فوق الطرحه واقف كده ولا ايه؟ات طرح العرايس المحجبه ايه يا رضوى؟
و هل تاج المحجبات لسا موضه؟ ولا التاج الصغير اللى بيكون فوق الطرحه واقف كده ولا ايه؟

habhoba
بصي انا هاتكلم عن نفسي انا في رايي مفيش حاجة معينة موضة بس في حاجات بتبقى قدمت شوية انا مثلا بحب اشتغل بالاكسسوارات الالماظ او اللولي والتاج الورد والتاج الالماظ العالي والواطي والمقلوب وممكن كده فجاه لما اشوف العروسة في المقابلة الاولى بينا احسها في حاجات وفي حاجات تانية لا كل واحده واللي بيليق عليها :wink:

ازيكم جميعاً
امتى السيل بتاع جويا اللى كلكم بتقولوا عليه
كان مره واحده بتتكلم على بوتجاز الفرن بتاعه اشعال ذاتى بس لو الاشعال باظ بتضطرى تدخلى ايدك جوه الفرن خااااااااااااالص علشان تولعيه وطبعاً ايدك فالحاله دى هتطلع فله
حد يعرف مين البوتجاز ده؟

CuTie KaTkOoTa;9365124:
انا نزلت النهاردة الزيتون وجبت كوليه الماظ لفستان الفرح الحمدلله وشكله رقيق خالص وكله سيلفر ب 85 وخاتم ب 12 سيلفر بردو، وجبت ساعة دهبي بس هادية ورقيقة ب 55، وجبت قماش لطقم ملاية سادة قطن العامرية واعلي درجة فيه ب 19 المتر عشان مفرش السرير اللي جبته، وجبت ماسورة لستارة الحمام ب 10 والشماعات بتاعتها ب 3، ولوحة ودلاية لباب الشقة، وتوك وساعة لخطيبي للفرح بردو، وشورتات من سيلفي وفيجا وايه كمان من الزيتون، المهم كنت مبسوطة اوي الحمدلله عشان جبت كذا حاجة من مكان واحد.
ورحت بي تك روكسي جبت البيبي ليس الحمدلله ب 199، وجبت من ميدان الجامع كاس للزينة بردو كبير وكلبوظ عشان احط فيه الكريستالات بردو، ودلاية تانية كبيرة تتحط علي الحيطة، وهراسة للبطاطس ومضرب للذباب، وكنت بشوف الجزامات ولقيت اللي بتتعلق ب 25 بس لقتها مش عملية وصغيرة علي حاجاتنا، والتانية اللي بتبقي ليها مواسير تقف عليها وبتبقي ستاند كده ومشمع بردو ب 75 ودي كبيرة وكويسة وليها غطاء، وجبت سجادة صلاة من العزيز بالله ب 20 تركي.

ماشا ءالله تبارك الرحمن

ربنا يهنيكى بيهم يا عسل

معلش ممكن تقوليلى فين الزيتون دةلانى مش من مصر بس بنزل مصر كتير

والبيبى ليس الى انت جيبتيها للشر الناشف والمبلول؟؟ يعنى لو استخدتمتيها على الشعر المبلول مباشر مش هتعمل لة حاجة؟؟

اصل انا شعرى حلو وناعم بس فية لولوة كدة وبيبقى زى المكوى لو لفيتة دوامة بس طبعااول ايام الجواز مش هعرف الف ولا اعمل شئ

وحابة اجيب البيبى ليس دى وخايفة تبوظ لى شعرى

وفين ميدان الجامع دة كمان

معلش بنوتات مصر استحملونا بقى :o

نغمة القمر;9365873:
انا متضايقة اوي يابنات ومموتة نفسي من العياط ومش عارفة اعمل اية ....دلوقتي خطيبي كان عامل للعفش النوم والسفرة والصالون 25 الف وكنت بقول ان شاء الله يكفوا وانا كنت بقولة اني نفسي اجيب سفرة حلوة لانها اهم عندي من النوم عشان السفرة والصالون هما في الريسبشن وواجهه للشقة وانا كانت عجباني موت سفرة ب10 ونص اخرها ونادرا مابلاقي سفرة تعجبني بس اود النوم اللي بتعجبني كتير واسعارها حلوة المهم واحنا بتفرج بعدها بيوم بعد ماقلنا خلاص هانجيب السفرة دية عجبتنا اودة نوم حلوة اوي بصراحه وبالذات هو عجبتة موووووت وكان دايما يقولي انة النوم عنده اهم من السفرة واي حاجة تانية احنا بنشتري لينا مش للناس ودية اللي هانعيش فيها المهم الراجل قال اخر اودة النوم دية 12 ونص بعد مافاصلنا ومامتة كانت معانا يومها وقالتلة لأ كتير يلا نمشي وانا سكتت عشان الموقف محرج وقلتلة طيب نصبر بلاش نتسرع بس هو قال لأ عجباني اوى وطلع الفلوس علطول وحجزها ....هي بصراحه حلوة بس من ساعتها عمالين ندور على سفرة وصالون مش عارفين نقسم الفلوس الباقية عليهم وكل ماتعجبنا حاجة نقول مش هاينفع وانا كنت صابرة بس بدات اتخنق ويجيلي احباط وعمالة اعيط ونفسي اجيب السفرة اللي شفتها ونفسي فيها وحاسة انة اتسرع في النوم دية لان في حاجات تانية شفناها حلوة وارخص مش عارفة اعمل اية حاسة انة ربطني اوي كده وصعب الموضوع عليا اوي وعايزة اتخانق معاه بس بستعيذ من الشيطان وتقريبا لفينا مصر كلها ماسبناش مكان الا ورحناة ...طولت عليكوا اوي يابنات معلش بس والله مخنوقة اوي ومحتاجة انكم تدعووووووووووووووولي جامد وتقولولي اعمل اية؟؟؟؟

عشان مبقاش مخالفة بقا ولو انة مش وقتة هو العجيل اللي في وسط البلد اسعارة ارخص من فرع سفير ولا الاسعار موحدة؟

يانغومة يا حبيبة قلبى

انت موقفك مشابة ليا

ونفس الرينج تقريبا

بس مشكلتك انة اتسرع وخد الاوضة بدون ما يصبرويحسبها

انا كمان خطيبى كان متغاظ اوى لانة كان عايزاوضة نوم اغلى من الى جيبناها ولان السفرة بتاعتنا اغلى من النوم

معقداة الحتة دى

يقولى مش فاهم اوضة سفرة اعلى من النوم ازاى

هههه شكلهم بيعزو اوض النوم اوى

المهم انت شوفى كدة بالراحة ممكن تنزلى دمياط هتلاقى سفرات حلوة واسعارها هادية عليكم

وروقى بالك ومتتديقيش

وصح الناس مش هيكونو عندكم كل يوم

اهم شئ راحتكم النفسية

وحاولى كدةمعاه لو بيقدر يزود الف ولا اتنين او حتى اهلك لو مافيها مشكلة معهم وجيبى الى نفسكفية ومش تعلو بالصالون اوى


وربنا يوفقك يا حبيبة قلبى

Botee;9367085:
ايه البديل طيب؟؟

حبى الكل اجمع انة بديل الزهران

الحاجات الاجنبية

بالنسبة للتيفال فى الايطالى والصينى انا جايبة واحد 5 قطع ب600 جنيةبس شكلة عالى بس لسة معرفش مع الاستخدام اية ظروفة

والستانلس الكل بيشكر بالتركى

بردولو البنات عندهم معلومات اضافية هيفيدوكى باذن الله

e_walaa;9370937:
حبيبتي روحي الازهر كلللللللللللللللللللللللللللل حاجة من الابرة للصاروخ هناك
بصى هناك فى حتة اسمها التربيعة فيها اقمشة الستاير و كمان اكسسوارات الستاير و عندهم كمان الكتالوجات تختاري الرسمة اللى تعجبك وتديلة المقاسات هو يقولك محتاجه اد ايه قماش وكمان بيفصلوا المتر ب 5 جنية و ممكن تفاصلى لحد 4 جنية و ان شاء الله تتوفقى

منورة ياعروسة

ممكن اسئل بقى بجدسؤال

ايةموضوع الستاير الى بتتفصل المتر ب4 جنية دة؟؟

وعندا هنا بيقولو اسعار تانية المتر ب30 جنية واحناالى علينا الاكسسوارات

ولا دة متر حاجة ودة متر حاجة تانية

لان اتخربطت مش فاهمة

mitcy;9380433:
lميرسي يا بنوتااااااااااااااااااااااااات
بس للاسف بقي الفستان والطرحه من المحله بما اني من المحله

الي متي ميرسي يا قمر عقباللك يارب
الحب هو الحياه .ميرسي .......اه يا جميله حطالي علي رقبتي عقد لولي
ولفه الطرحه من فوق حطالي تاج سيلفر

ميتسسسسسى

ههههههههههه مبروووك فستانك وطرحتك زى السكر

ووقعتى بقى ومحدش سمى عليكى

يلا قرى واعترفى اسم الاتيلية وتمن التاجير

واسم الكوافيرة وسعرة

والجيرب السكردة


يلا انا جارتك بطنطا

وشوفت واحدة صحبتى تجوزت من اسبوعين وفستانها رووعة كانمن المحلة بردو ولفة الطرحة بتهبل

يلا مستنياااااااكى ضرووورى

miobello;9382057:
بنات كان فى بنت نزلت صيغه لكارت الدعوه بتاعه الفرح مش فاكرها بالضبط بس كانت تقريبا اتت شهر زدا تحكى لشهريار فى ليله من ليالى الف ليله وليه حاجه كده معلش اللى اخدتها كوبى تبعتهالى ضررررررررررررررررررررررورى

شوفى يا عسل

انا كنت جمعت كذا صيغة وفعلا دى اكتر واحدة عجبتنى وان شاء الله هعتمدها

في ليله من ليالي الف ليله وليله في نفس الميعاد اقبلت كعادتها شهرزاد....لتحكي لشهريار اجمل مالديها من حكاااايات وارق الكلمااااات......
بلغني ايها الملك السعيد ذو الراي الرشيد ان الشاطر فلان خطفت قلبه الموعود ست الحسن
فذهب لوالديها الكريمان وقال لهما بكل امتنان.. قلبي يريد الطمئنان...
وفي يد ابنتكم الامان..
فاعلن قبول الوالدين ليبدا فرح العروسان وعلت الزغاريد المكان وتحدد في شهر كذا الزمان يوم كذا
ولو كنتم نسيتم الحكايه تعالوا شوفوا من البدايه في
في قاعه كذا
وتوتا توتا..نومه حلوه لكل ولد وبنوته.

يارب تكون هيا الى قصدك عليها

رشروش84;9384311:

والله انا بحب انزل اليستة كلها علشان البنات تفضل شايفة اسمائها على طووووووووووووووووول

للانى بحس بفرحة فى حكاية الييستة دى وحاسة باحساسا اللى اسمهم بينزل فيها وكده
علشان كده مش بشيل الاسماء
بس اوعدك المرة الجاية اشيلهم مش اتخطبوا واتجوزا خلالالالالالالالالالالاص
ههههههههههههههههههههههههه
بس اسمى انا لما ينزززززززززززززززززل ميتشلشل لمدة عشررررررين سنة انا بقولكم اهو انا بقالى 24 سنة صابرة ويعالم هيوصل امتة البيه الطيار بقة :o

ياختى حربية حربية اهو حاجة محترمة زى الطياااااااااااااااااااااااااااااااااار بس حد يجى
وهاتى اخوكى وانا اللى اجبله الشبكة وأجى أخطبه بقة :D
هههههههههههههههههههههههه

بنااااااااااااااااات ممكن توصفولى مكان فلوريدا مول فى الشيراتون بالظبط فين
انا اعرف البنزينة اللى اول الشيرتون دى واعرف مسجد ابو بكر هو فين بقة اوصفولى بالظبط
انا بروح شيرتون بزقزوقة

يتصفح الموضوع حالياً: 10 (8 عضو و 2 ضيف) ‏رشروش84, ‏L!LlAdY, ‏lola_law2000, ‏عرووس2008, ‏روباز, ‏CuTie KaTkOoTa+, ‏dollyferfer

روباز العروسة معانا يا هلا يا هلا

ورينا صور فستانك بسرعة

ههههههههه بصى يا بت يا رشا انت

انا من اول ما دخلت وشايفاكى هتموتى على الطيار ازاى

هيا مشاركة مخالفة بس ابلعوها

والله سبحان الله الواحد ممكن يكون طول عمرةبيحلم بالشئ الى مش هيسعدة ولازم نوكلها لربنا

واقرب مثال عندى بنت عمى زى اختى كانت وانخطبت للطيار وفرحانين وياما هنا وياما هناك

بس تعالى بعدالجواز والله ولا لها بهجة انها عروسة اصلا

بجد مش بعمم يمكن يكونو الى متجوزين حربيين وطيارين فرحانين بالمستوى والرقى

لكن كحياة ورتابط اسرى

يعنى اية معنى اتجوز عشان يجيلى جوزى ضيف تلات ايام ويسيبنى مرمية 7 ايام عند امى

ولعد كدة اى هموم ول امشاكل عيال لا قدر الله انت اللملزومة فيها

حضنة الحنين وصدرة ووجودة عشان يخفف عنك لو فى شئ مدايقك تقريبا هيكون معدوم لانة بيجى باشا ضيف مش عايز هم ولا وجع راس

والله ياقمرتنا

انا تقدملى نقيب طيار ونقيب دكتور

بس مرضتش

ولما شوفت بنت عمى ههههههههههههه حمدت ربنا ان ربنا خلانى ارفض

والحمدلله انا مبسوطة مع خطيبى وهومهندس كومبيوتر وانا دكتورة صيدلانية ومش عايزة اقولك كم الدكاترة الى كانوبيتقدمو بس هو دة النصيب ومش متخيلة يوم لما نتجوز نقضية بعيد عن بعض

فانت قولى يارب سخر لى الانسان الى يحبنى ويعيشنى سعيدة طول العمر

مش طيار هههههههه لان دى مش صفة يعنى نقدر نفاضل بيها الرجال عن بعضهم

ههههههه بس كدة طلعت الى بقلبى ويارب يارب ينولك مرادك لو فية خير وسعادة لك


وحبيبتنا

رضوى

منورانا والله

شكلى هروح قسم الميك اب لانة البنات اكيد مستلمينك هناك :)


بنوتاتى

محدش لسة قالى حاجةعلى اطقم الحمامات الى بتيجى مطقمة مع ستايرها دى

ولا دى صور ومفيش منها على ارض الواقع بمصر ولا اية

بصوا يا بنات اللي عايزين يجيبوا السيلكالبيل من الكويت في فرق حوالي 50 او 50 جنيه اكتر هنا في مصر ارخص و هيا هيا الماني بردو

بالنسبة لبانتين فعلا حاجات الخليج غيييييييييييييييير انا عن نفسي حتى و انا نازلة مصر لازم اجيب الشامبوهات و الكريمات من هنا مصر فعلا اغلب الحاجات دي بتكون مضروبة فعلا

روببببببببببببببببببباز القمر السكر العسل ماشاء الله الله أكبر زي القمر في ليلة تمامه و الفستان يجنن بجد و الميكب هادي و الطرحة جناااااااان ماشاء الله تبارك الرحمن ربنا يهنيكي يارب و يجمعك مع جوزك على خير اللهم آمين يارب العالمين

ميتسي بجد ماشاء الله فستانك جميل على فكرة في شبه من فستاني يارب بس يبقى يدخل فيا إن شاء الله

خلاص يا بنات أنا استقريت على إيمي الكاشف سعرها كويس و شغلها حلو و باقي الحاجات لسه مش عارفة احتمال اعملها عند اي واحدة تكون بتعمل الحاجات دي سويت و زيوت عطرية و حمام مغربي و كده ادعوللللللللللللي ان ربنا يسهلي الأمور انا و جوزي و يقربنا مع بعض و نرجع نحب بعض زي زمان يااااااااااااااااااااااااااارب

روباااز ما شاء الله يا قمررر تجننى كنتى جايبه الفستاان منين بقىىىى؟؟ والطرحه كمان لذيذه بالتاج الورد ده عملتى فين كوافير؟؟؟ وروحتى فين شهر العسل بكاام ؟؟؟ الواحد هيفضل يسأل كده لبستى ايه بقى تانى يوم هههههه كل عروسه بسالها على فكره اشمعنه انتى اصل انا محتاره البس لما الضيوف يجولى تانى يوم عبايه استقبال شيك ولا لبس خروج؟؟