تجهيز عرايس مصر الجزء 128

pussy22;9353873:

حاجتك جميلة ما شاء الله مع انى مليش فى الاستيل بس عجبونى و الدهانات بردو جميلة جدااا بس اكتر حاجة عجبتنى عجلة التخسيس اللى فى اوضة النوم ههههههههههههه شوفتى انا دقيقة الملاحظة ازااااااى:wink:

سلسولة;9354734:
يا بنات اللي تعرف فالاقمشة السوارية واسعارها ياريت تفيدني هو بكام متر التل والتافتاه والستان المطفي التقيل اللي بيستخدمو في فساتين الافراح لاني بفصل فستان فرح وشكلو بيضحك عليا :sm215: اللي تعرف بالله عليها تفيدني الله يخليكم

الحب هو الحياة;9355418:

ماشاء الله ربنا يسعدك ويهنيكى ياقمر بس سوال بالنسبة لاوضة السفرة انتى عاملة الدهانات كلها نبتى غامق ولا حيطة واحدة اللى نبتى

flower20009;9356065:

ماشاء الله حاجتك جميله ربنا يهنيكى بيها يارب
بالنسبه للمراتب مش تعملى فيهم حاجه هما من اول يوم هيهبطوا لوحدهم ولو مش من الاول يبقى كام يوم وهيهبطوا:o بنت خالتوا كانوا مراتبها اكتر من كده حتى حاجه غريبه اوى من النص كان فى اوبه كده وكلنا اعدنا نتريق وهى تقول ازاى بقى اطلع وهو كمان يقول مش هنعرف ننام لاقينا ماما وخالتوا ومامتوا قالو لا عادى من اول يوم هتهبط لوحدها بصراحه كنا فاكرين تريقه
طبعا الفضول كان هيقتلنى :Dسالت بنت خالتوافعلا لما رحنا نباركلها هى المراتب هبطت هههههههههههه قالتلى اه بقيت عاديه خالص:D

الى متى ؟;9349189:
اه بيبي ليس يا قمر واستعمالها سهل جدا وحلوة وكل حاجة بس بصراحة مدتنيش النتيجة اللي كنت متخيلاها لان البنات كانوا بيقولوا كانك عاملة شعرك عند الكوافير بس هي عامة حلوة واحسن من السيشوار مليون مرة بس هي والحق يقال شم زي م تعملي مكواه عند كوافير بس انا اديها 9من 10:Dومعلش مش هعرف انزل الصورة دلوقتي خالص لاني مضطرة اقوم دلوقتي

يا بنات سؤال معلش
انا عندي طبعا صيني وجبت طقمين عشا(20 قطعة الواحد يعني 40 الاتنين) نفس الشكل للاستخدام العادي ومجبتش اركوبال لاني بحسه غالي ومفيش حاجة بتشدني اوي بس انا كدة محتاجة اطباق تاني للاستعمال العادي لاني معنديش سلاطين واحجام مختلفة تنفع في طقم العشا
اية رايكم اعمل اية؟؟

رشروش84;9348320:

والله يا حبيتى انا راى ايمى مش هتشغل حد وحش عندها احجزى عند ماكيرة عندها وخلاص واهو ال200 جنية دول ينفعوكى فى حاجة تانية يا ست الكل والف مبروك وعقبال ما احصلك فى جمعتك بقة :D

حبيبه مادو;9356396:
انا من راى الجيست بوك كده غالى اوى وانتى تسفيدلا بيه فى حاجه تانيه اعمليه واان نزلت اشكال له هنا فى كام صفحه فاتت هاتى اجنده او كراسه شيك وهاتى ستان باللون اللى تحبيه وتل واى حاجه كريستالات اى حاجه بتتلزق تعجبك وبس وهيكون ارخص

حبيبه مادو;9356396:

وانا فى كتب كتابى عملته بالكانسون صغنون كده على شكل قلب وحطيب من برا فيونكه دهبى

CuTie KaTkOoTa;9356403:

طمنتيني والله :D:D بس بردو اول يوم ده قبل ما تهبط هنعمل ايه، الراجل يشيلني يعني يدلقني فوقه ولا اجيب كرسي بتاع الحمام اطلع عليه :o:o

عروس مع وقف التنفيذ:

والبيبي ليس عشان كتكوتة كمان كانت سألاني للشعر الناشف والمبلول من بي تك ولونها اسود وانا جايباها من بي تك فرع نصر الدين في اول الهرم بس الراجل كان بيقولي دي اخر واحدة بس حسيت انه بيستهبل:D وممكن تلاقيها يا كتكوتة في فرع الطوابق اللي ففيصل لو عايزاني ابقى اسألك ممكن اسألك لو انتي بعيده عنه اما بقى تتجاب منين من اسكندرية فمعرفش بصراحة يا توتة

kitty_kity;9354454:
بنات هي مريلة المطبخ بيبقى سعرها كام؟
انا عايزة اعرف الرينج بتاعها لاني شايفه كام واحده عاجبنني ومش عايزة يندحك عليا

الى متى ؟;9356945:
طيب فيه بنات بتقول ان بيبى لايس الحمرا ب560 وسمعت واحده بتقول انها ب 230 هوه سعرها كام بالظبط وايه الفرق بينها وبين البيبى لايس السودا طالما الاتنين استعمالهم للمبلول والناشف ؟

dando adel;9351088:
مرسى جدا انا نزلة النهاردة ان شاء الله اشترى الحلل
انا فى نيتى هشترى 8 حلل استانلس زهران و3 طاسات تيفال زهران
الاستانلس بقى كويس ولا ايه ظروفه/عايزة رد بسرعة لو سمحتو

ثناءالجميله;9351164:
محدش عايز يهتم ولا يفيدني ليه؟
ارجوكم يا اخواتي في الله كل واحده عندها معلومه في موضوع الستاير ده في اسكندريه او القاهره تفيدني بيها بسرعه ارجوكم انا متاخره جامد والله وعندي مشاكل مع الكل بسبب التاخير ده

cherry..;9351974:



حاجة يابنات كمان عايزة اقولها لانى شوفتها فى كذا مشكلة هنا وحتى كمان مع اصحابى واعتقد كللللللل البنات هتمر بيها فى الخناقات والمشاكل ممكن خطيبك يضايقك ويقولك مكنتش فاكرك كده او كنت فاكرك ملاك او تحسيه اتغير معاكى وبيطالبك بالكمال ... وانا كانت ليا صاحبه والله بتقعد تبكى لما يقولها كده وتفضل تتعب نفسها وتراقب تصرفاتها علشان تحاول تكون ملاك وكامله فى عينيه بطريقة أوفر جداااااااا .. وتعبت جداااااااا بس فى الاخر وصلت لمقوله هااااااايله ...لما خطيبك يقولك مكنتش فاكرك كده او كنت فاكرك ملاك طلعتى لا ... تقوله ..

اذا اردت فاطمة بنت محمد فعليك ان تكون على ابن ابى طالب ... (6)

وانا لو ملاك كنت ارتبطت بملاك زيي ومكانش زمانى قاعده معاك دلوقتى ..(6)

لكن الضعف والبكاء ممكن تصعبى عليه ويجيبوا نتيجه دلوقتى لكن قدام بعد الجواز هيتعود يقولك كلمتين ويسيبك تعيطى شويى وتحرقى دمك وبعدين يقولك كلمتين يصالحك وشكرا على كده.. الكلمتين دول لسه صاحبه ماما قايلاهملى من يومين كانت بتدينى خلاصة خبرتها فى الحياه ههههههههه

dandona we bas;9357032:
يعني يا بنات انتو شايفيين ان شغل الماكييرات اللي عند إيمي الكاشف زيها بالظبط و لو طلبتي حاجة منهم معينة هيعملهوهالك و لا لأ لأن بيني و بينكم احنا اولى بالفلوس صح و لا لأ

الحب هو الحياة;9357013:

الحمرا فيها بخار و5 مستويات حرارة وكمان فيها سيراميك التانية فيها تينانيوم برضه بيحافظ على الشعرة

M!ss Tuky;9356620:
إزيكو يا بنات عاملين ايه

في حاجه بالنسبة للشبكه ياريت البنات الى تنازلت عن الشبكه والى جالهم شبكة يقولو وده بردو لغرض ما :D

عه فكرة دى احصائية وانتو عارفين بقي ;)
انتو فاهمين بقي ;)

وانا دلوأتى المفروض يعني علي ما قالووووووووووولى والعهدة عالراوى

انى فرحي علي شهر 8 يعني بعد العيد الصغير بكام يوم كده

يعني فاضل 5 شهور

اليكم بقي الى الى ناقص

1- تعاقد عالغاز وتركيب شبابيك والبلكونة الوميتال لكل الشقة والنقاشة
2- كل الخشب طبعا النوم السفره الركنة الانترية والمطبخ:D وكنسولا :D
3- الأجهزة الكهربائية طبعا

السؤال تفتكرو هبدأ امتى

عارفه انو سؤال مش المفروض يتسأل بس اجابتكو لغرض ما

سلسولة;9353311:
البنوتات اللي فرحهم قرب ممكن اعرف جابو منين شكولاتة وملبس الفرح وبكام ؟؟
انا عايزة اعرف هي انواع الشكولاته النضيفه بكام الكيلو والملبس برضو يا ريت تردو عليا وميرسي

patotus;9353362:
يابنات ايه رأيكم فى الاستايل ده وممكن ألقى زيه فين فى دمياط:(

CuTie KaTkOoTa;9352996:
التنجيد خلص خلاص الحمدلله، المنجد جه الساعة 10 ونصف الصبح تقريبا ومعاه اتنين كمان وخلصوا الساعة 3 ونصف، عملوا 4 مراتب ومخدتين و4 خدديات واخدوا 180 بعد عنااااااااااء، بس بصراحة شغلهم حلو وعندهم زمة وكويسيين انا كنت واقفة معاهم طول الوقت وهو قاعد بيعملهم تحت جاله زباين كتير من العمارة نفسها يظهر كده كل جيرانا هاينجدوا هما كمان ورانا وطلع اخد مقاساتهم :D ، وصورتلكم المراتب اهي، بس مش عارفة هاطلع عليهم ازاي دول ده انا هحتاج سلم بجد يا اما احط عليها اي حاجة تقيلة تهبطهم قبل الفرح :D:D
وصورتلكم النيش والبوفيه بتوعي بعد ما اتلمعوا امبارح من الاستورجي ولسه الترابيزة عنده في الورشة ولسه هجيب مقابض اركبها ولسه التلميع من جوا بردو هو عمل من بره بس لكن بصراحة شاطر اوي وشغله تمام.