اريد ان اكون كالؤلؤ المكنون...!!

السلام عليكم يا أم جنى
ألف ألف مبرووووووك على لبسج النقاب الصراحة واااااااااايد فرحت لج من كل قلبي
و الله يثبتج يارررررب
و صدقج احلى شعور يوم تكونين متغطية من راسج لين ريولج تمشين و انتي ملكة ولا حد يقدر يخزج بنظرة غير شريفة ولا يقدر يقول عنج شي لانج بحشمتج تسكتين الكل ولا اي ريال ممكن يرفع عينه في عينج لما يشوفج بهالشكل..و اللي يتكلم من وراج و يتمصخر عليج صدقيني منقهرين لانهم ما قدروا ياخذون هالخطوة اللي انتي اتخذتيها و ان شاء الله تستمرين فيها ولا تخلين الشيطان يوسوسلج و كل اللي تحسينه عادي و بعدين يوم بتتعودين عليه حتى بتحسين عمرج غلط لو فكرتي تعقين النقاب او تكشفين عن ويهج
انا الحمدالله منزمان اتنقب و اتغشى و لا افكرررررررر في يوم اني اكشف عن ويهي مع اني صغيرة و كل ربعي اللي وياية ما يتنقبون و انا الوحيدة اللي اتنقب و يوم اطلع وياهم لو حد يشوفنا بيقول هاي امهم و في مرة سمعت هالتعليق بس طنشت و قلتلهم انا مب فرجة حق اللي يسوى و اللي ما يسوى يطالعني ولا اسمح لأي انسان انه يطالعني بنظرة خايسة ولا ارظى على نفسي بهالشي و عادي امشي بكل ثقة جدام الكل و ما يهمني اي شي و حتى فالدوام اذا كان عندي تعامل ويا اي ريال اكون متنقبة تشوفين الاحترام في عيونهم ما يقدرون يرفعون عينهم في عيني و يسوولي درب وين ما امشي بس اشوف البنات اللي مب متنقبات دق سوالف وياهم و عادي فصدق هني حسيت اني لؤلؤة مكنونة و محد يطولني..
و بالنسبة يوم تقولين شيلتج تتبطل تعرفين اللي يلبسونه الوافدات تحت الحجاب عشان يمسك الحجاب تقدرين تلبسينه تحت الشيلة صدقيني الشيلة تثبت و ما تتبطل و البسي النقاب و تأكدي انه مرتب و ما يظايقج و بعدين طلعي و خذي راحتج و انتي تلبسينه و فكيه و ردي ربطيه لين تحسين انج مرتاحة في لبسه عشان يوم تطلعين ما تحسين نفسج مظايقة..و عسى ربي يثبتج و يهدينا و يهدي بناتنا و بنات المسلمين يارررررررب
و السموحة منج طولت عليج

هلا حبيبتي

مبروك على لبسك للنقاب

طبعا العلماء اختلفوا في وجوبه و لكنهم اجتمعوا على انه فضيله و ان لبسه افضل من تركه

و المرأة ذات الجمال الصارخ واجب عليها ارتداء غطاء الوجه .. و انتي مبروك عليج لبسه من قناعه لأن البعض يلبسه لمجرد الإلتزام بالعادات و التقاليد

و انتي ما شاء الله عليج (من غير مجاملة و من خلال متابعتي لمواضيعج ) اخلاقج من الداخل كالذهب والله و الله يثبتج و يعطيج القدرة على تحمله

أنا بالنسبة لي مب منقبه و سبحان الله ما ايي على بالي البسه.. الحمدلله ماحط مكياج و لا اتبرج و لا اتعطر يعني دفه و شيله و شعري ما يطلع .. و النقاب البسه وقت اللزوم يعني مثلا في السعودية نو واي اروح كاشفه و يهي ... و كل على ظروفه و البيئة اللي عايش فيها

reddish;9312560:
هلا حبيبتي

مبروك على لبسك للنقاب

طبعا العلماء اختلفوا في وجوبه و لكنهم اجتمعوا على انه فضيله و ان لبسه افضل من تركه

و المرأة ذات الجمال الصارخ واجب عليها ارتداء غطاء الوجه .. و انتي مبروك عليج لبسه من قناعه لأن البعض يلبسه لمجرد الإلتزام بالعادات و التقاليد

و انتي ما شاء الله عليج (من غير مجاملة و من خلال متابعتي لمواضيعج ) اخلاقج من الداخل كالذهب والله و الله يثبتج و يعطيج القدرة على تحمله

أنا بالنسبة لي مب منقبه و سبحان الله ما ايي على بالي البسه.. الحمدلله ماحط مكياج و لا اتبرج و لا اتعطر يعني دفه و شيله و شعري ما يطلع .. و النقاب البسه وقت اللزوم يعني مثلا في السعودية نو واي اروح كاشفه و يهي ... و كل على ظروفه و البيئة اللي عايش فيها

الله يرزقج الغاليه النقاب اللهم امين .. وبالنسبه لي قناعتي في الحجاب هو تغطيه المرأه لسائر الجسد ... بما فيه الوجه واختلف العلماء على اليدين .. ولكن غاليتي .. من رحمه الله تعالي بنا اجاز بعض العلماء .. الوجه واليدين ..ولكن يا اختي لا نستطيع ان نثبت من الجمال الصارخ من عدمه لان لكل رجل نظرته الخاصه فقد تكون ذات الجمال ليست بذات جمال لرجل والعكس صحيح.. ولكن الالزم والاجر الاكثر هو الحجاب الكامل رزقني الله إياه واياكم اجمع

شاكره لك تهنئتك ومرورك غاليتي..

ام جنى

دعاني الشوق و لبيته;9311881:
السلام عليكم يا أم جنى
ألف ألف مبرووووووك على لبسج النقاب الصراحة واااااااااايد فرحت لج من كل قلبي
و الله يثبتج يارررررب
و صدقج احلى شعور يوم تكونين متغطية من راسج لين ريولج تمشين و انتي ملكة ولا حد يقدر يخزج بنظرة غير شريفة ولا يقدر يقول عنج شي لانج بحشمتج تسكتين الكل ولا اي ريال ممكن يرفع عينه في عينج لما يشوفج بهالشكل..و اللي يتكلم من وراج و يتمصخر عليج صدقيني منقهرين لانهم ما قدروا ياخذون هالخطوة اللي انتي اتخذتيها و ان شاء الله تستمرين فيها ولا تخلين الشيطان يوسوسلج و كل اللي تحسينه عادي و بعدين يوم بتتعودين عليه حتى بتحسين عمرج غلط لو فكرتي تعقين النقاب او تكشفين عن ويهج
انا الحمدالله منزمان اتنقب و اتغشى و لا افكرررررررر في يوم اني اكشف عن ويهي مع اني صغيرة و كل ربعي اللي وياية ما يتنقبون و انا الوحيدة اللي اتنقب و يوم اطلع وياهم لو حد يشوفنا بيقول هاي امهم و في مرة سمعت هالتعليق بس طنشت و قلتلهم انا مب فرجة حق اللي يسوى و اللي ما يسوى يطالعني ولا اسمح لأي انسان انه يطالعني بنظرة خايسة ولا ارظى على نفسي بهالشي و عادي امشي بكل ثقة جدام الكل و ما يهمني اي شي و حتى فالدوام اذا كان عندي تعامل ويا اي ريال اكون متنقبة تشوفين الاحترام في عيونهم ما يقدرون يرفعون عينهم في عيني و يسوولي درب وين ما امشي بس اشوف البنات اللي مب متنقبات دق سوالف وياهم و عادي فصدق هني حسيت اني لؤلؤة مكنونة و محد يطولني..
و بالنسبة يوم تقولين شيلتج تتبطل تعرفين اللي يلبسونه الوافدات تحت الحجاب عشان يمسك الحجاب تقدرين تلبسينه تحت الشيلة صدقيني الشيلة تثبت و ما تتبطل و البسي النقاب و تأكدي انه مرتب و ما يظايقج و بعدين طلعي و خذي راحتج و انتي تلبسينه و فكيه و ردي ربطيه لين تحسين انج مرتاحة في لبسه عشان يوم تطلعين ما تحسين نفسج مظايقة..و عسى ربي يثبتج و يهدينا و يهدي بناتنا و بنات المسلمين يارررررررب
و السموحة منج طولت عليج

لا اطاله ولا شي الغاليه

اثلجتي صدري والله يثلج قلبك ان شاء الله بالافراح والمسرات وثبتني واياك على صراطه المستقيم اللهم امين .. والصراحه لا تعلمين كم اعاني في هالوقت مع بدايه الحر .. ولكن لن اتزحزح عن قراري .. مهما كان بعض كلمات السخريه.. :)

تحياتي لك وشاكره مرورك العطر

ام جنى

الف مبرووك على النقاب ربنا يثبتك يااااارب و سيبك من كلام الناس اهم حاجة انك ترضى ربك و يكون راضى عنك و رضى الرب و رضى الزوج اهم من اى حاجة و سيبى اللى يتكلم يتكلم انتى بتعملى الصح و ترضى ربنا و اثبتى و الوساوس دى شيطان ابعديه عندك و اللى يتكلم عليكى و يهمس و الكلام ده كله غلط لانك انتى الصح و عندنا مثل فى مصر بيقول (من يضحك اخيراا يضحك كثيراا) يارب تكونى فهمتينى و ربنا يهدينا كلنا يااارب و نبقى زيك يا جميلة

طايره في السماء;9308142:
ماشاء الله الله يثبتك على طاعته يارب العالمين

مبرووك اختي

هذا القرار تستحقين يباركوا لك الناس عليه

هذا اولا وثانيا من ناحية

كلام الناس اللي حولك

اكيد رح تسمعين تعليقات

من كل صوب

بس فترة وتعدي

وماراح تصير هالتعليقات الا ذكرى

ويمكن تنسيها بعد

بس المهم رضى رب العالمين


وفعلا احساسنا نحن المنقبات وبلا مبالغة

اننا كاللؤلؤ المكنون

وهالشعور لا يقدر بثمن

**كبرياء انثى**;9308623:


اصبتي الغاليه .. شعور لا يقدر بثمن بارك الله فيك ومشكوره على تشريفك ومرومك العطر

ام جنى

مبروووك اختي

ماشاء الله عليكي

الله يثبتنا على دينه وطاعته

ااااامين

ولا يهمك تعلقااات اى احد

المهم انتي مرتاااحه ومقتنعه

والأهم رضا ربك

والاحساس اللي انتي بتحسي بيه طبيعي لان شئ جديد عليكي ولكن بعد ذلك حتشوفيه

شي طبيعي

موفقه اختي

دمتي بخير

شاكره لك اختي مرورك .. وبارك الله فيكي ولكي ان شاء الله ورزقك الله ما تتمنين ..

ناويه اعقل;9308956:



ياااااااااااااااااااااجعلني فداك ..
والله ماتتخيلين قد ايش فرحت .. الله يثبتك .. ويزيدك تعلقك فيه حبيبتي .. وصدقيني كل ماالتزمتي بالغطاء كل ماغيرك من اللي يستهزؤن فيك بيصير ودهم يجربونه .. تخيلي الاجر اللي بتاخذينه من ورى تغطيتهم ..(y)
كيف الوحده تقدر تكشف وجهها ..؟؟؟
احس صعب كيف اخلي الناس يشوفون وجهي ؟؟؟ والا يديني ؟؟ والا رجليني ؟؟
عند الحساب في الاخره يأتي شاب لاتعرفينه ولايعرفك ولاتتذكرين رؤيته .. فيقول يارب اقتص لي منها فإنها فتنتني بوجهها او شعرها ...واجبرتني على النظر اليها .. فيقتص له الله منك .. كيف تكونين تدورين حسنه بذاك الوقت .. ويجي اللي ياخذها عشان مريتي من جنبه بس مرور وفتنتيه ..
بس بقولك الشيطان هو اللي يوسوس لك .. مثل لما تلبسين القفاز والجورب .. لكن انتي كوني اقوى منه ..وادحريه .. واستعيذي بالله منه ... وشوفي بعد فتره يصير شي ماتقدرين تتخلين عنه .. وكيف زوجك يفخر فيك ويغار عليك ... وراحه نفسيه مالها حد ولامدى ...
الله يوفقك ..

اصبتي .. يا اختي .. بكل كلمه قلتيها وشكرا على رساله الخاص ...

ورزقني الله إياك .. الحجاب الكامل لوجه تعالى .. ولكن ناويه تعقلين من ايش بالضبط..
ومشوار الالف ميل يبدأ بخطوه وانا بعون الله ان شاء الله اصبر واقدر..

شاكره مرورك العطر ..
ام جنى

روبا;9309543:
الف لف مبروك اخي ام جنى واسئل لك الثبات يا رب...طبعا الي تحسين فيه شعور طبيعي جدا ومع الوقت بتتعودين...ولا تنسين حنا في زمن القابض على دينه كالقابض على الجمر .... فلا يهمك كلام الساخرين و المستهزئيين و دائما تذكري قول الرسول صلى الله عليه و سلم (( طوبى للغرباء)) و الطوبى مرتبة في الجنة رزقنا الله و اياكي دخولها

صدقني زمن القابض على دينه كالقابض على الجمر .. نحن في زمن تتوفر كل وسائل الترفيه والمفروض ان نكون اقوى واصبر على تعاليف دينا الحنيف واسهل تطبيقا وتنفيذا..اعانني واياك وجميع المسلمين على ما ابتلينا.. وثبتنا على دينه .

شاكره لك مرورك العطر وتقبلي اخلص تحياتي.

ام جنى

Chanel 2009;9309740:
مبرووك على لبسج النقاب...
و أنا أقول إستمري علية و لج الأجر إن شاء الله....
و لا اتسمعين كلام الناس

الله يبارك فيج الغاليه ..
تسلمين الغلا

دريم ويب;9311007:
الف مبروك النقاب
انا منقبه من يوم عمري 15 سنه..
وبالعكس يوم افصخ النقاب احس نفسي مفصخه مدري ليه..
والوجه فتنه والرسول صلى الله عليه امر بتغطيه الوجه..

وماعليك من كلام الناس
مع اني من السعودية
لكن لارحت الجامعة مثلك في بنات يقطون علي كلام.. مره كنت واقفة استنى السواق وفي بنات جنبي ما اعرف كمان ينتظرون السواق بس سافرات عن شعورهن ووجوهن..
وقاعدين يطالعون فيني ووحده قالت يوووه للحين الجدات يدامون بالجامعه!!!!!!!!!!!!!!

بس انا بداخلي اضحك عليهم لان هم الكل قاعد يشوفوهم وغير انهم مآخذين ذنب نفسهم إلا قاعدين يآخذون ذنب كل رجال شافها وذنب كل بنت اتبعتها وقلدتها

وما اقول لك الا بارك الله فيك وكثر الله من امثالك

صحيح اختي .. يمكن لو بديت فيه من يوم كنت صغيره كنت بتعود عليه ...
لكن الحمدالله على كل حال..
والله يبارك لك ويثبتك على دينك ان شاء الله ويخليك بركه لاهلك اللهم امين

ام جنى

الجوهرة;9311760:
مبارك عليك النقاب والستر يالغاليه

والله اني احبك في الله والحين حبيتك أكثر

انا منقبه من كذا سنه ويوم تزوجت قاللي ريلي قطي النقاب جدام اخواني قلت له في ذمتك ان كان حلال باقطه

سكت ولاقطيته

وياكثر التعليقات من وراي وجدامي من النسوان في عيلته لكن انا مااهتم وفرحاااااااااانه لانهم مايقدرون يتكلمون جدامي الا بالخير عن النقاب

صدقيني اللي يتكلم عن الستر بالسوء فيه شيئين

1- اما محترين :tongue:

2- والا فيهم سوء ويبون كل الناس مثلهم

صدقيني اقشعر جسمي يوم قريت بداية موضوعك

الله يثبتك ويقوينا واياك ويقويك على طاعته

آمين

وانا احبك في الله يا اختي الجوهره..

واشكر مرورك وكلماتك المعطره واشكر مشاركتك بموضوعي .. واسعدني مرورك وتعليقك..
مثل ما قلتي يامحترين او يظنون ان النقاب هو تشدد بالدين ,,, مثل ام زوجي تظن ان النقاب هو تشدد بالدين .. وان شاء الله اثبت معاك وجميع المسلمين اللهم امين

ام جنى

رؤى85;9311880:
الله يثبتك يا رب
ما شاء الله عليك الله ييسر امورك يا رب

وييسر امرك ويفرج همك اللهم امين

السلام عليكم

الله يتثبتك على ما قررت
بس حبيت اوضح ان حجاب المرأة اللى اوصى به الشرع والدين يكون ساتر كل الجسد ما عدا الوجه والكفين
والله اعلم

السلام عليكم ورحمة الله وبركاته ..

ألف مبروك والله يوفقك

وأكيد راح تتعودين عليه اشوي اشوي ..... وإن شاء الله ما دام نيتك كذا أكيد ربي راح ياخذ بيدك ويسهل عليك ....

... عن نفسي أغطي وجهي كامل من يوم كنت صغيرة و بصراحة .. أهلي خلوني اتحجب من قبل ما يصير عمري 9 سنوات وغطيت وجهي لما صار عمري 10 سنوات يعني حتى بعض أولاد العيلة الحين ما يتذكرون شكل وجهي وملامحي... في البداية كان صعب لكن بعدين تعودت .. يمكن البعض يقول تخلف او حرام كنتي صغيرة بالعمر ..بس أنا هذا الشي ما يهمني على العكس شي اعتز فيه كثير والحمد لله رب العالمين ..

وإذا الله كتب لي وتزوجت ورزقني ببنات راح أربيهم على ما تربيت في بيت اهلي بإذن الله تعالى ...

سلاااااااااااام

اختي بيكاشو ..
غاليتي .. اختلف العلماء في ذلك ولكن اجمعو انه لا ضرر من كشف الوجه والكفيه واجمعو انه افضل تغطيه سائر الجسد.. من الوجه الى اليدين ..والباقي..

ولكن يا اختي شعرت براحه اكثر من زمن لا يغضو الطرف والرجال الغريب يناظرك من غير حيا ولا خجل..

شاكره لك مرورك .. عزيزتي

اختي صباح الله يقدرني واربي بنتي على احسن من ما تربيت علىيه .. وازين لها الحجاب والغطاء .. والله يرزقك الزوج الصالح الي يقدرك كالؤلؤه... وملكه..

تحياتي

ام جنى

اول شي بالبركه ان شاء الله .......والله يثبتج على دينج

وتره اللي اتحسين فيه بالبدايه عادي مثل ماقالو الخوات اهني ما شاء الله عليهم ما قصرو

وصج وصج اتحسين انج كلؤلؤ ه المكنونه يوم تلبسين النقاااب

شعوور واايد حلوو كله فخر ورفعه واعتزاز
الصراحه شعوور ما ينوصف
سبحان الله

الله يثبتنا ان شاء الله على دينا

اختي كونك توك متنقبه احساسك طبيعي
بس معا الوقت صدقيني بتحسينه جزء منك ولاراح تقدرين تفصخيه
حتى لو كل لي حولك قالولك فصخيه لانك بتحسن انك بدونه ولاشي
وبترين الي مو متنقبات غريبين صدقيني بس يبيلك وقت
وادعي ربك دايم انه يهديك ويثبتك على طاعته

اختي نور عندي استفسار

انتي ما تلاحظين ان البحرينيين اقصد الرياييل ما يخزون !!! والله انا احس هلون و يمكن لأني ماطالع و لا ادري باللي حواليني !! مع اني اشتغلت في مكان مختلط بس محد يخز ذاك الخز الوقح اقصد ..يعني ايطالعون عادي اذا بيكلمونج في شغل و لا شي _(لا تقولين بعد اني كريهه ههههههه)

ثاني شي اشلون عن شغلج؟ يعني انتي تشتغلين ويا رياييل و عادي يسمحون لج ؟

وعليكم السلام والرحمة

حابة ابارك لك هالخطوة الاكثر من رائعه وربي يثبتك ان شاء الله

غاليتي النقاب بالبداية تحسين لعوزة وضغط وصداع كونك تشدين راسك علشان يثبت ..

بس فعلا تحسي احساس عجيب بكونك مصونه ومحد يقدر يتاملك غير المحارم..

انتي حاولي قبل تطلعين ترتبين حالك ولاتشدينه قوي تحت عينك وجربي عدة انواع من النقاب ليما ترتاحين لواجد معين سواء بقماش خفيف او متين شوي..

لاتاخذين النقاب الي يجي 4 قطع لو ثلاث اخذي لك لفة لفيها على وجهك والنقاب قطعه وحده تخطيها على وجهم بكذا ماتحسي بالخنقة وكلها فترة وتتعودين ..

ربي يوفقك وطمنينا عليك

امنيه

الف الف مبروووك عزيزتي نور وربنا يبارك فيكي

ترى عزيزتي شعورك طبيعي خصوصا في البداية لاني كنت مثلك في يوم وليلة قررت اتنقب من غير اي سبب

وبالعكس يكفيكي فخر انك بتحافظي على الجمال اللي اعطاك اياه رب العالمين

وصدقيني كل اللي تحسي فيه هذا بيزول مع الوقت

وترى النقاب غير انه حجاب وعفة وهو الاهم تراه اريح لك بشغلات كثير هههه اسأليني :)

موفففففففقة غاليتي :)

هلااااا والله بأم جنى ..

عزيزتي انا بعد كنت احس بنفس الاحساس الي تحسينه وبعدين فتره وفصخته ..

يعني ما اادري ليش كنت احس اني مدوخه .. والكل يلتفت صوبي ويطالعني ويضحك ..

بس حاليا مرتكزه ع الغشوف الطويله .. هب الي تنلف من الشيله .. لأ ..

وربي يثبتج ع طاعه الله ..

ريانه
احلام فتاه
reddish
بنوته زايد
moonface
امنيه

اتمنى ما نسيت احد ..

الغاليات مشكورات على .. الرد .... والتهنئه .. بس حبيت اتأكد هل احساسي طبيعي او لا .. وفعلا كل الي وصفتوه صح .. وحاليا انا اعود نفسي على البرقع بو طرحه .. يعني بس نقاب وفي وراه طرحه .. على اكون لافه الشيله واثبتها بدبوس... شغله طويله بس .. مردي بتعود عليها وباخذها بسهوله ويسر ..

الغاليه .. رد دش .. لا اختي في ريايل يطالعون ... يمكن مثل ما قلتي عندنا بالبحرين مو النظره الوقحه .. او الي تحسسج .. بالاحراج بس بعد لمن تشوفين الوحده حاطه شي بويها الكل يبحلق ..
حاليا لا انا ما شتغل .. والحمدالله شفت بعيني اشغال وايد في البحرين ماشاء الله تبارك الله منقبات يشتغلون فيها ... ولا بعد حتى مستشفياتنا .. صار فيها دكتورات منقبات ,, وين كنا وين صرنا .. تطورنا وايد ..

وان شاءا الله اتسمر .. واذا بخاطرج تتنقبين تقدرين تتنقبين بشغلج ,, ومحد يقدر يكلمج او حتى يفصلج .. لانج نفذتي شرع الله..

اشكر كل الي ردو .. على موضوع وكل الي يدعون لي بالثبات والله ينولهم الي ببالهم ان شاء الله ويفرج عليكم ان شاء الله وعساني ما شوف لكم مشكله بالركن .. .. :) قولو امين.

ام جنى

اهلا اختي

اولا ابارك لك بتفكيرك و اقدامك على هالخطوة المباركة .. و كثر الله من امثالك .


ثانيا .. بقولك تجربتي بإختصار ..

انا من عمر ال 15 استر وجهي ، لكن بالغشوة ! عائلتنا تحبذ ستر الوجه و بناتها مخيرين بين ستر الوجه أو لبس الحجاب الكامل .

انا الحمدلله اخترت ان استر وجهي .. و تزوجت من زوج يفضل هالشي .. و حاليا انا البس النقاب أفضل للنظر .. و بعد شكلي بالغشوة يعطيني 30 سنة و انا عمري 22 ، بينما بالنقاب اوصل للنتيجة المطلوبة و هي وجهي مستور و مو مخرب على شكلي أبدا .. !

صحيح كثير اللي يقولون انه ملفت ! لأننا بالبحرين بالعادة الوجه مكشوف او مغطى بالكامل ، فالنقاب يعطي العين شكل ثاني و يلفت البعض .. بالنهاية كلها نيتي موصولة الحمدلله و مو مسؤوليتي اتحمل عذر هالناس اللي تلفتهم العين ! و زوجي يشوف ان شكلي طبيعي و مافيه شي ملفت !


قلت لك هالكلام حتى ابي اوصل لك فكرة ، و هي انه واجد بتسمعين انتقادات من هالجانب !

اسمعي و لا تهتمين .. !

لو انك شلتي النقاب و خليتي الشيلة بنص شعرك شجعوك الناس .. أعوذ بالله .. بس هذا الواقع الحين !

الستر عندهم عيب و عكسه صح !


عن مشاعرك بشكل عام .. اقولك لا تقلقين هذا شي طبيعي .. طول عمرك تمشين بدون النقاب أكيد بتحسي بهالاحساس الغريب !

اخذي نقاب خفيف .. لا تربطينه بشد حتى ما يضايق العين .. لما تختارين النقاب المناسب ماراح تحسين بشي !

موفقة اختي !

ماشاالله عليج ربي يثبتك مبروووووك صدقيني بتشوفي السعاده قدامك

الف مبروك والله يثبتك على طااعتك ..بصراحه انا اتنقب بس برضوه ارجع احط الشيله فوق عيوني واذا ودي اشوف شي ارفع الشيله ..
شعور جميل انك تغطين وانا جمالك مايشوفه الا محارمك وبذات زوجك..

وماعليك من الناس >>من راقب الناس مات هم<<مدري صح او لا المثل هههههههههههههههه

ادعي البس القفازات زي امي ..ويكون حجابي كامل ..

Noor1979;9305678:
مرحبا اخواتي ...

اتمنى انكم تقرون الرساله وانتو بخير ,, غالياتي .. انا اكتب لكم وانا قمت بتنفيذ قرار كان مع وقف التنفيذ .. لترددي الكثير ولا اريد ان اقدم على خطوه كهذه وانا متردده ..

غاليتي انا تنقبت .. ولا تعلمون الرهبه الي اشعر بها الان.. اول المهنئين كان زوجي .. ثم والدتي والباقي للاسف كنت محط سخريه لهم ... ان لم يكن بالكلام كان بانظرات والهمسات.. طبعا لا اهتم لانه قرار جاء من قلبي وعقلي ..

صار على قراري يومين .. وكل مره اضع النقاب قبل لا اخرج .. اشعر بشعور غريب اقف طويلا امام المرآه .. شعرب ببعض الاختناق ... احسست ببعض الضغط تحت عيني واحس ببعض الانتفاخ .. احس ان رؤيتي محاطه بسواد ... اضافه إلى احساسي بالغربه..وكأني اصارع..

سؤالي هل هذا طبيعي.. هل راودتكم نفس تلك المشاعر.. والاحاسيس .. انا تقديري للمنقبات و المغطيات .. اعتبرهن كملكات جمال .. كالؤلؤ المكنون.. اعتبرهن فوج من النساء لايستطيع اي احد ان يواكبهن ولا ان يطالهن.. واريد ان الحق بهذا الركب.. اريد ان اشعر بشعورهن وبجمالهن الداخلي .. وهن يمشين بفخر واعتزاز بحجابهن..الكامل.. اريد ان اكون كامله .. والكامل وجه الله.. اشعر ان هذا الغطاء سيكمل لي حجابي....

ارجو منكم الدعم.. وان تخبروني هل احساسي طبيعي.. والدعاء بالتثبيت وعدم الضعف.. فإم زوجي نادتني يالمطوعه ( شي غريب ) ولكن احسست ان هاللقب حلو..

بانتظار ردكم..

ام جنى

وكل مره اضع النقاب قبل لا اخرج .. اشعر بشعور غريب اقف طويلا امام المرآه .. شعرب ببعض الاختناق ... احسست ببعض الضغط تحت عيني واحس ببعض الانتفاخ .. احس ان رؤيتي محاطه بسواد ... اضافه إلى احساسي بالغربه..وكأني اصارع

خبر مفرح جداً .. أخرجني من سبات عميق

لا تقلقي ستكونين بخير طالما أن الأمر جاء عن تفكير طويل و اقتناع .. أما كلام الناس فسيكون حافزاً لك كي تتمسكي أكثر بموقفك و لا تتنازلي عنه تحت أي ضغط ..

يا أختي رسولنا عليه الصلاة و السلام اتهم من قبل بأنه شاعر و ساحر و مجنون .. فهل ضره شيء مما قيل عنه ؟!!

بالتأكيد لا .. فقد شرفه الله و رفعه و فضله على سائر خلقه

و تذكري أن الناس لا ترمي إلا الشجر المثمر ..

صدقيني كلما تقدمت خطوة في الطريق الصحيح كلما أبدلك الله حلاوةً في قلبك و صفاءاً في روحك و سكينةً في نفسك .. فلا تهتمي و توكلي على الله .. إن الله يحب المتوكلين

أسأل الله تعالى لك الثبات ..