بنات البحرين مساعده بسيطه منكم

حبيبتي احسن شدو مائي غامض سعرها 4 او 2 و نصف

عااد وين احصله انا ماببي مائي ان يبين مكياج عروس لا ابي بين الخفيف والثقيل اللون يكون

حبيبتي روحي شيكي بوبي براون منزلين علبة فيها وااايد الون ب30 دينار انا جربتها على يدي حسيت اللون زين والي في المحل تقول اذا حطيت البيس بصير احين بعد

انجلوت و انتي تختارين الألوان و ماك لا تجربينه لأنه مقاطعة و ممول لليهود في اسرائيل

و بعد ميك اب فور ايفر كأن فيه

انجلوت في حدود جم اسعاره؟؟

انجلوت ارخيص العلبة الصغيرة كأن ب 3 دينار و كل لون ب دينارين او 3 و ممكن تحطين وايد الوان في هل علبة الصغيرة

هلا اختي

اذا تبين شدوو مائي عندج من كرولاين بس مادري جم اسعارهم يكونون في باليييت

أول شي الله يرزقج الزوج الصالح وتفرحين وتفرحين أمج بشوفتج عرووس ^.^

ثاني شي.. بالنسبة للشدو تبني علبة كبيرة فيها كل الألوان بدون ماتكلفج وايد؟؟

اشتري الألوان الأساسية مثل الأبيض / الأسود / الفضي / الذهبي / اللؤلؤي

واللون اللي تستعملينه وايد في اغلب اللوكات

وبالنسبة لباقي الألوان

لا تروحين محلات الماركات روحي محلات الميك آب العادية...

بتحصلين علب من ماركات عادية مثل:

كلاسيك، جست قولد، فلاش توتش، قولدن فنار

ومن هالماركات

ألوانها عن تجربة واضحة وقوية

اذا تحبين القوي تاخذين المخملي منه ومن نفسه يلمع ياي رخامي جذي

وفي المائي غالبا يكون مات وترى المائي تقدرين تستعملينه بماي وبدون ماي بس بماي يطلع أقوى ويثبت مدة طويلة يصلح للسهرات والحفلات

وعندج العاديين اللي فيهم قليتر خفيف

وهالماركات تحصلينها في محلات الميك آب اللي في السوق مثل: نجمة الخليج (بوكوارة - جدعلي - مجمع اللؤلؤ )

وإذا كنتي خايفة بشرتج تتحسس ولا شي اخذي لج بيس شدو من ماركة طبية او ماركة غالية لأن البنات دايما يثقون في الشي الغالي :D وحطيه تحت الشدو منها تعزل الشدو عن البشرة مباشرة ومنها تثبت اللون

وهالعلب أغلى وحدة ماتوصل 8 تلاقينهم بالراحة أقل

ماعدا المائي يكون فوق ال 10


أي صح بعد سألتي عن الواكس.. قصدج اللي يخفي الحواجب موو؟؟

الأكثرية يمدحون مال ميك آب فور إيفر وأظن كريولان

بس ماجربتهم شخصيا

أما مال المحلات العادية لا تتعبين روحج وتشترينه يابس وبالغصب لين قدرتي تاخذين منه شوي.. ويتكتل ما تستفيدين منه اذا حاطة ميك اب خفيف لازم معاه شدو ثقيل وترسمين حواجبج بشدو حواجب علشان يطلع تأثيره زين.. وماتقدرين تغيرين فيه شكل الحاجب مثلا تغطينه من الكسةر لو حابة تسوين جاينيز.. حده يغطي الشعر الزايد الصغير اللي تحت الحاجب ويبين من جريب بعد

مال فور إيفر وكريولان شفته بالصور وصج يسوي شغل ^_^

وبس أي استفسار حيآج ^.^

ونسيت عندج بعد بل فيزاج

تشترين باللون ييج في دائرة اللون عجييب وقوي وفي الوان وااايد تختارين منها

والدائرة ب 1.100

اسئلي بنات السعودية معروف عندهم من فترة بسيطة شفته ينباع عندنا وشريت لونين وردي واصفر على لؤلؤي وايد حلوين ويندمجون بسهولة

يعطيكم العافيه على الردود
{.. سحر الوَرد ..* صج حسيتج افدتيني وايد بردج يعطيج الف الف عافيه وفديتج ماتقصرين على هالدعوه ان شاء الله اذا قدرت باجر بمر ميك آب فور إيفير اللي فالسيف بجوف واذا قدرت باخذ الآي شدو من نجمة الخليج خصوصا اني مابي آي شدو ثقيل لان ابي استخدمه اكثر شئ للدوام فالشغل مابي يكون ثقيل جني رايحه عرس وزين نبهتيني لشغله ان بشرتي حساسه اقل شئ تتأثر

أنا سيم سيم كلام سحر الورد
الماركات العاديه مايقصرون وخصوصا حق المكياج اليومي
عندج ماركات كلاسيك وجست قولد ونيبو وغيرهم، كلهم حلوين وألوانهم حلوه سواء استعملتيهم بالماي ولا بدون
وانغلوت بعد أوكي واسعارهم مناسبة
وترى حتى لو بشرتج حساسه، ترى أغلب المكياج مصنوع من نفس المواد بس يفرق السعر عشان اسم الماركة والباكج وهالأشياء

{.. سحر الوَرد ..*;9316942:
ونسيت عندج بعد بل فيزاج

تشترين باللون ييج في دائرة اللون عجييب وقوي وفي الوان وااايد تختارين منها

والدائرة ب 1.100

اسئلي بنات السعودية معروف عندهم من فترة بسيطة شفته ينباع عندنا وشريت لونين وردي واصفر على لؤلؤي وايد حلوين ويندمجون بسهولة

في وين لقيتيهم؟؟؟؟

إيه احبك;9317245:
يعطيكم العافيه على الردود
{.. سحر الوَرد ..* صج حسيتج افدتيني وايد بردج يعطيج الف الف عافيه وفديتج ماتقصرين على هالدعوه ان شاء الله اذا قدرت باجر بمر ميك آب فور إيفير اللي فالسيف بجوف واذا قدرت باخذ الآي شدو من نجمة الخليج خصوصا اني مابي آي شدو ثقيل لان ابي استخدمه اكثر شئ للدوام فالشغل مابي يكون ثقيل جني رايحه عرس وزين نبهتيني لشغله ان بشرتي حساسه اقل شئ تتأثر

الله يعافيج :D

استانست إن ردي أفادج أنا عصرت مخي وحاولت يكون شامل ما اعطيج نص معلومة وبعدين أوهقج :D

ومثل ماقالتلج شواقة ترى الشادو أغلبه مايفرق بس تعرفين اسم الماركات الغالية يلعب دور

بس انتي علشان تكونين متطمنة اخذي لج بيس

مووفقة حبوو

أنا الشوق;9317408:


في وين لقيتيهم؟؟؟؟

مكان كلش ماتتوقعينه :D

رامز الرفاع - دوار ألبا خخخخخخ

أول ماتخلصين الدري للطابق الثاني.. بتشوفين مجابل الدري مباشرة كاونتر ووراه ستاندات ميك اب

عندهم بل فيزاج وبعد اللي يبيعونها في نجمة أعتقد اسمها فيراروتشي شي هيك

بس العيب الوحيد إن مايصير ندش ورا الكونتر ><

هناك فلبينية تأشرين لها على اللون وتييبه لج.. بس زين إن كل 8 ألوان في قطعة وحدة :D

عندهم بروشات، شدوهات لوس، وبلاشرات أعتقد وبعد أشياءات

لكن أنا جربت الشدو المضغوط بس لأن كان حدي خاطري فيه من كلام السعوديات

ذكرتوني بروح أخذ جم لون بعد :D

امس مريت نجمة الخليج وخذيت منهم علبة آي شدو حلوين الوانهم فيها 180 لون بس العبله كانت شوي فيها كسر خفظت لي السعر من 14 دينار لي 10 ويوم رجعت البيت جربتهم الوانهم اوكي لا غامجه ولا فاتحه وزين لحقت على العلبه لانها كانت آخر حبه