أخليه يتفنن بتعذيبي......هل هذا حل

اهلين اختي
اعتقد انج تحتاجي توضحي المشكلة اكثر يعني لو تفصلين شوي لانو صعبة نعطيك راينا والمشكلة مو واضحة

تقبلي مروري

المشكلة هب واضحة

شخص ذو هيبة وقوة شخصية ومثقف وحنون هذا هو زوجي وطول عشرتنا محترمته حتى إنى لما أدافع عن موقفي كنت أتعامل بأحترام ولكن فقت أعصابي لما تطاول على وأهانني فرديت لو الإهانه بس أبغى ترجع الأمور لمجاريها بدون ماأعتذر وعلشان يخف إلى بصدره على راح يغير معاملته لى هل أعطيه المجال ولا أعتذر . إن شاء الله تكون فهمتوني

السلام عليكم

آنا ما عندي خبرة بهالأمور لاني مب متزوجة ( ورأيي بيخرب بيتج هههههه )
بس اللي اشوفه من اللي حوالي
إن المرة هي اللي تصالح الرجال ،/، الرجال عمره ما يعتذر للمرة
وانا أقولج توكلي على الله وصالحيه وفي جلسة صفاء عاتبيه ( صارت شعر هههه )
وتفاهمي معاه في وقت يكون رايق انج ما ترضين بالاهانة واعطيه على قده
( يعني ارفعيه السما وطيحيه بالقاع ) يعني قولي له انت انسان محترم ومثقف
وكريم وصاحب شخصية المفروض ما تهين زوجتك ام اولادك لانك اكبر من هالتوافه
وانك تغلط عليها ( من هالحجي اللي خبرج ) اسمحي لي على بعض الكلام ( البساط أحمدي )
بس أحب اوضح لج إن الرجال ما يتنازلون يا غالية

والله يوفقج ويسخر لج ريلج

اهلين حبيبتي
انا مو مع الاخت سارة جابر في بعض الامور
يعني سالفة ان الرجال مايتنازل هذي مب مقبولة لان الغلطان لازم يتنازل ويعتذر
شكلك ياصفوت القلوب ان زوجك غلط عليكي وانت دافعتي عن نفسك بانك غلطي عليه صح؟

انا من رايي انك تفتحين الموضوع معاه عشان تنهون المشكلة بس لا تتاسفين الا ادا هو تاسف لك اول
يعني انتي فاتحيه بالموضوع وقولي له انا يازوجي العزيز ماخذه على خاطري منك ليش انت قلت لي كذا وكذا وماتوقعت اهون عليك ومن هالكلام بدون ماتكونين معصبة بس بينين له انك زعلانة ومكسورة الخاطر وبما انه حنون زي ماتقولي المفروض بيحن عليكي لما يشوفك مسكينة وادا في مجال لدمعتين بعد احسن واحسن

المهم ادا اخد بخاطرك قولي له يوعدك بان تكون اخر مرة واعتقد انه راح يتاسف ادا حس ان هو غلط عليكي وبعدها انتي تاسفي له

هذا رايي وانتي ادرا بشخصية زوجك والاسلوب اللي يجيبه
والله يوفقك يارب ويسعدك بس ماتنسى حبيبتي تطمنيني عليكي
اختك
green garden(f)