تجهيزات عرائس عمان الحب الجزء العشرين

كيف بخصوص الأكل إلي توفره قاعة النور
يقولوا عندهم بوفيه للشخص 5 ريالات هل الأكل ما زين
لإني ما سمعت ولاوحدة تاخذ من عندهم الأكل، والمضيفات الوحدة ب10 ريالات صح؟

طيب الزبرجد في روي أو السيب وين أحسن
أو الإثنين نفس الشي؟

كأني أسأل كثير صح؟

نحن اعراسنا ولا وحدة من البنات خذت من قاعة النور البوفيه لان القيمة واجد مبالغ فيها (يعني فوووووووق)
وبالنسبة للمضيفات ايه ب10 حسب عدد المعازيم
انا 7 فليبينيات تراه يعتمد ع حسب المعازيم
وبالنسبة للزبرجد اللي ف روي احلى واحلى
انتي متى عرسك.؟


خذي راحتك اختي وسألي احسن تستفيدي
وان شاء الله البنات ما يقصررووووو

أيوا أنا لاحظت ولاوحدة تكلمت عن البوفيه إلي في قاعة النور

المفروض بعد العيد وقبل نهاية السنة
يعني يمكن شهر أكتوبر أو نوفمبر أو ديسمبر بس قبل عيد الأضحى
فأتوقع ما بحصل في قاعة النور
بس أهلي المفروض على هالخميس أو الخميس الجاي بيجتمعوا مع أهل ال:o (والله أستحي وما متعودة) ويتناقشوا في الموضوع
بس أنا قلت أسأل وحدي وأبدأ أجمع أفكار قبل عشان لما يسألوني أعرف أيش أقولهم

المشكلة اني هالإنسان حتى ما أتكلم معاه يعني لما خبرت أهلي اني أريد ع الأقل أتكلم معاه قالولي بعد ما نرتب كل الأمور ويكون خطيبك رسمي بعدين عاد
ع الأقل كنت بتشاور معاه وأشوف هو بعد إيش يريد
ولو اني أحس اني ما بقدر أقوله شي

سعرها 400 ريال فقط القاعة
البوفيه لازم يكون من عندهم وعندهم على 3 اسعار
فيه بسعر 2.500 ريال للفرد
وفيه ب 3 ريالات للفرد
وفيه ب 3.500 ريال للفرد
من غير قيمة المضيفات اظن 100 ريال وممكن يزيد

يعني يوفروا لج مضيفات على حسبب عدد معازيمج
لو كانوا مثلا 400 شخص فراح يوفروا لج 6 مضيفات واذا 500 8 مضيفات وانتي طالعة :tongue:

من غير موظفي الأمن ما ادري جم يدفع لهم :wink:


والقاعة تكفي ل 700 الى 800 شخص على حسب كلامهم
وهي مبينة القاعة كثير كبيرة :)

""الراقية"";9509984:
صوت المطر ...

اختي كم سعر قاعة الشفق ؟؟؟ و لكم شخص حاجزين ...
و هل ممكن ناخذ البوفيه من عندهم ؟؟؟

*غيد*;9506434:
خااااااطري نجي بالصيف بس ما اظن

عموما الحين قاعدين نقنع اهل صديقتي الصيف يجون هم


ممم رحنا مسقط_مطرح_نزوى_بهلا_السوادي_الشرقيه كلها_الداخليه بعد

يعني فريناااها فرررررررررررررر

قعدنااسبوع بس

جينا بشهر اربعه

حيا الله أهل السعودية

بنااات من رااح ماكس ومتى تخلص التنزيلات؟؟؟

مرحبا بنات
أميره
الفستان كنت شايفته فالمعولي فالمحل فالطابق الثاني بس ما أذكر شو أسمه
كانت تحاول فيني عشان أجربه وتقول أنه جديد واصل بس أنا قلتاها أبي شي منفوش كامل ما بس من الخصر
فما جربته شوفي -

انا اريد اروج ايطاليا بس خايفه من انفلونزا الخنازير

حماتي تحبني;9509851:
مشكورة يا الغلا
وانا في انتظار الأرقام

بصراحة أنا ناوية ألف أكثر من مكان وأشوف الفساتين وبعدين باقرر وين أفصل
أنا كنت رايحة عرس من فترة يعني ع شهر يناير أو فبراير الماضي
العروس كانت لابسة فستان من عند غنية
وكان رهيييب وعجبني كثير عشان كذا سألت عنها، وأنا أريد تفصيل ما جاهز
وحمستيني كثير أروح عند هذي المصممة العمانية
أيوا أنا أريد أفكار جديدة وفنتكة

وعشان كذا أنا أشارك في هذا الموضوع
عشان تخبروني عن خبراتكم

وصح كيف بخصوص الأسعار


وبخصوص القاعة ما خبرتوني والله محتارة

الحين جالسة أقرأ الموضوع من بدايته
وأشوفكم كيف تتعذبوا مع البوفيهات

لما تحجزوا قاعة النور
مين يشرف ع البوفيه طبعاً إذا البوفيه من عندنا

يعني مين يشرف ع الفلبينيات ويخبرهم يفتحوا البوفيه ويزيدوا الأكل ويوزعوا العصير وصح إذا البوفيه من عندنا العصائر بعد من عندنا
هل حد من عندهم أو لازم حد من عندنا

هلا حبيبتي بالنسبة لقاعة النور اناكنت مسوية البوفيه عند علي ثاني بس الفلبينيات ماخذتنهم من النور... و كانت صديقة الوالدة بصراحة تشرف عليهم عشان يزيدو الأكل و يوزعو العصير..
انا مع العصير كنت مسوية شاي حليب و شاي بزنجبيل و قهوة و حلويات (لوكادوه و فواله و بتيل و حلويات الباب) و كانن الفلبينيات يوزعو طول العرس..
و في النهاية خواتي مرو ع العطر بين المعازيم عشان بالمرة يسلمو
:D

woman_secret;9510528:
انا اريد اروج ايطاليا بس خايفه من انفلونزا الخنازير

أحنا بعدك كنا ناوين نسير بريطانيا ومنها ع فرنسا بس صراحه الحين خايفين :rolleyes:

ما اريد اقعد فعمان ابا اسافر قهههههررررررررررررررررر والله

حماتي تحبني;9509550:
وبخصوص الفستان
أتمنى يكون تفصيل ما أريد شي جاهز
ايش رايكم وين ممكن أفصل هنا في عمان
ما أريد أروح الإمارات للفستان رايحة وجاية وجاية ورايحة أحس نفسياً ما بقدر

شوفي خياط رانيا بالخوير انا خيطت فستاني عندهم

وومن سيكرت

سافري وتوكلي على الله والله الحافظ. ترا في ايطاليا بس حاله وحده او 2 ومافي وفيات

ولو في خطوره ما كان رفعوا الحظر ع مطارات المكسيك

لو سافرتي مثلا وكنتي متخوفه خذي احتياطات ولا تروحوا الاماكن المزدحمه وااااجد

ترا حتى ماليزيا كشفوا حاله وحده

حتى في عمان فيه حاله في السلطاني بس محد يتكلم

woman_secret;9510810:
حتى في عمان فيه حاله في السلطاني بس محد يتكلم

عيل خلص توكلي ع الله.

ترا فيه امراضت كانت قبل انفلونزا الطيور والجمره الخبيثه وجنون البقر والحمدلله ما صار شي كبير ولكل داء دواء. اهم شي حاولي تبتعدي عن اللحوم. واذا طلبتي لحم طلبيه وييل دن( ينطبخ زين). لان في اوروبا يطبخوا اللحم من برا بس اما داخل يكون نئ

مبروك لكل بنت بتعرس

بليز ادعولي لاني حاسه اني بفسخ خطوبتي

...


واذا تبون اي مساعده انا موجوده

ص المطروت;9509680:
هلا بحماتي تحبني & غيد

ان شاء الله كلنا بنستفيد من بعضنا البعض ..


أموووووووووور

حبيبتي رديت عليج في الخاص


حماتي تحبني

بالنسبة للفستان انا بصراحة فساتين غنية ما حبيتهم
بس برسل لج ع الخاص رقم وحدة مصممة عمانية شطوووووره... وربي
عليها افكار فنتكة والله ..
راح ارسل لج رقمها ع الخاص وروحي شوفي اللي مصممتهم من الفساتين..
بس ع ما أظن هي من عندها القماش والأدوات ما انتي تشتريهم..


انا راح ارسل لج كل اللي اعرفهم بس ما كلهم اعرف عنهم وعن شغلهم
ما عدا اللي قلت لج عنها بالنسبة لي عجبني شغلها ..
وتبقى في الأخير المسألة مسألة ذوووووق :)

أنا بعد ابي رقمها اذا تكرمتي حبيبتي..(f)

انا بعد لو سمحتوا اريد رقم مريم الحجري؟؟؟

banota 3asola

الغاليه ان شاء الله خير

الله يسير امورك وفي الأخر كله قسمه ونصيب

Reem Elfla;9510587:
هلا حبيبتي بالنسبة لقاعة النور اناكنت مسوية البوفيه عند علي ثاني بس الفلبينيات ماخذتنهم من النور... و كانت صديقة الوالدة بصراحة تشرف عليهم عشان يزيدو الأكل و يوزعو العصير..
انا مع العصير كنت مسوية شاي حليب و شاي بزنجبيل و قهوة و حلويات (لوكادوه و فواله و بتيل و حلويات الباب) و كانن الفلبينيات يوزعو طول العرس..
و في النهاية خواتي مرو ع العطر بين المعازيم عشان بالمرة يسلمو
:D

عجبتني فكرة الشاي والحلويات
وهذي من وين سمعت في شركة توفر هذي الأشياء
القهوة والحلويات
انتي من وين؟
والله اشتهيت الحين شاي حليب كان ما أروح أشرب شاي الحين

وايش يعني بتيل؟؟

banota 3asola;9510915:
مبروك لكل بنت بتعرس

بليز ادعولي لاني حاسه اني بفسخ خطوبتي

...


واذا تبون اي مساعده انا موجوده

حبيبتي لا تتسرعي ولا تحطي ببالج هالشيء
بس اذا حاسة انكم ما راح تقدروا تفهموا بعض
وكل واحد تفكيره بعيد عن فكر الثاني فتريثي في موضوع الزواج

ويمكن في نفس الوقت هالشيء خيرة ما تعلمين..
الله يساعدج ويوفقج يا رب ..
وان شاء الله ربنا يؤلف ويوفق ما بينكم