تجهيزات عرائس عمان الحب الجزء العشرين

صوت ومطر انا اعرف بنات يجرون فساتين روفة برسل لش ارقامهم

صاحبة السمو العطورات تقليد رقم واحد ونفس يلى يجيبهن الرائد فى سي سي مركز العاصمة التجاري
نفس الشى حبوبة

حبوبة روحى روتانا حلو تسريحات بس انا ابصراحة تسريحاتى اروح عند سمية الريامى او اصيلة

تسلمي دندونة على الرقم ..
فيه وحدة عندها خامات هندية فيها شغل شك ..
انا اليوم يمكن بروح واشوف أشكالهم ..
تتراوح اسعارهم ما بين 50 الى 150 ريال .

اللي تبي تروح تشوف تقول واطرش لها الرقم ع الخاص

محتاارة واريد شووركم

وين احجز لملكتي .. عندي سمية ولا الطيف؟ هلكوني كل حد يقولي عند وحدة :(

انا عن نفسي ما جربت عند الطيف
بس جربت شغل نادية العوفي وزلفى وسمية الريامي
نادية العوفي ما رسمت عيوني بس كان الحلوووو شغلها
يعني طلعت حلووووووووه الحمد لله ..
بس سمية شغلهاااا حلوووو وترسم العيون وحبابة كثير ..
زلفى بعد تسوي حلووو بس ما ارتحت لتعاملها ..


انا للعرس حاجزة مع سمية والصباحية بعد مع سمية ..
نصيحتي تروحي اليوم مثلا او بكرة وتطلبي تشوفي العرايس الموجودات
واحكمي وين ارتحتي في الشغل ..؟؟

السلام عليكم

صوت المطر
يا حيا الله فيك بيننا
ربي يوفقك ويسهل امرك
حبيبتي أنا إلي نزلت إعلان عن صلاح بو شهري مش دانة مسقط
شوفي هذه الصفحة :)
http://forums.3roos.com/t450237-18.html


فجورة
خبرتني بنت القاعة صغيرة مو حلوة و400 شخص شوي ما يكفي لنا
ربي يسهلها :(

حلوة ودبدوبة
ماركة فور ايفر تقصدي ؟؟
الحمد لله قريب بخلص باقية حاجات خفيفة
إلي جربته في الملكة ما اريد اعيده في الزفاف

توتي
دخلت محل ميرنا فالعذيبة جنب السفير حصلت عبايات حلوة ان شاء الله بروح افصل عندهم
عجبتني عباية ب امي قالت هي بتشتريها :confused: قالت لنا ب 52 ريال
أمس امي راحت تشتريها سألتها بكم ؟ البنت قالت بعد التخفيض ب 52 :eek:
امي قالت لها انا جيت من قبل قلتي لنا ب 52
البنت انحرجت آخر شي عطتها ب 40 ريال :ss: شووووووووفوا كيييييييف
ما عليها بروح اضاربها على الاسعار إلي عطتني
اخترت عباية خفيفة قالت ب 59 ريال ماااااااا تستاهل حتى ب 40 ريال :mad:

الاربعاء طلعت مع زوجي وقتها كنت متعصبة وعرقت من العصبية اول ما ركبت السيارة زوجي قال وش مسوية على شنبك :eek::eek:
تخيلوا بودرة فور ايفر طلعت متجمعة فوق شفايفي من العرق
بغيت افرها برع من الفشلة وتذكرت الفلبينية بو تتمدح في ذي البودرة :mad:

رحنا نشوف فساتين دخلت رحومي والمحل إلي جنبه مااااا حلووووين
بغيت اروح اشوف المحل الجديد للفساتين في المعولي
اول ما وصلنا السوق تسكرت الكهرباء عن كل المنطقة
تخيلوا شكلي كيف صاااااار :confused: :eek: :mad:
قلت لهذه الدرجة النحوسية و زوجي يضحك علي (n)


أمس حضرت زفاف ولد خال زوجي في النور
الكوشة ما شاء الله فخمة وكلها ورد طبيعي والعروس لابسة فستان سكري قريب من الوردي
حلو عجبني الموديل وبأكمام طويلة الحين عروستين في العيلة اشوفهم بأكمام طويلة
احسه احلى وارتب في اللبس (y)
بس الباقة ابيض واحمر احسه مو لايق على لون الفستان
والدي جي هشام
يجلس يعلق ويغني مع الاغنية حسيته مسوي إزعاج بهذه الطريقة :ss:

بعدنا رحنا زفاف في الجمعية مسوين كراسي زحمة و ربشة و حرررررر :confused:

:confused:

الحين جاية من عند مكتب جندل
والله جتني عقدة منه :(
أصلا كان راسي مصدع من الصباااح ولما طلعت من مكتبهم صار الصداااع أقوى :ss:
أنا أول لما شفت تصميم صلاح بوشهري لكوشة زينب العسكري كثير حبيتها وانهبلت وقلت ليت هالمصمم له محل هنا في عمان ..
بعد جم يوم تفاجأت عن طريق أميرة انه المحل مفتوح هنا في عماااان :D
قلت وأخيرا تحقق اللي في بالي وراح أسويها :wink:
بس انصدمت بالأسعار :confused:
الصورتين اللي وريتينا اياهن أميره كان يوم الحنا ويوم العرس اللي في البستان لنفس البنت
ولما سألت عن تكلفتهن قالت لي اثنينهم ع بعضهم ب 50 ألف ريال :rolleyes:
تخيلوا .. :ss:

وقالت لي احنا اقل كوشة نعملها ب 3 آلأف ريال ..
وأنا بصراحة ما عندي هالميزانية :(


أميره..
حبيبتي ولد خال زوجك تقولي كوشتهم حلوووة كثير ..
ممكن تسألي لي وين سووهااا وبجم ..؟؟

أميره......
يالغلاااا انتي متى عرسج ووين ؟؟
حجزتي الكوشة وترتيب الكراسي والتوزيعات والكيكة والمسكة ولا باقي ؟

الحمد لله أكدت الحجز مع سمية الريامي ليوم العرس والصباحية
وأكدت حجز التصوير مع الإبداع الحر ..

بس فستان العرس ولبس المسائية لليوم الأول والصباحية لليوم الثاني بعد للحين ما عارفة شو ألبس =(

صوت المطر
لاااااااااااااااا وحده بطني يعورني تو زاد الألم أكثر :confused:
وانا فرحانة بعمري متأملة اروح ازورهم :ss:
اكيد هذول من اسياد الدولة ب 50 الف يكفونا نعيش فيهم لسنين وسنين ألف فيهم العالم
وادرس فيهم اولادي بعد :tongue:
خاطري اشوف شكلك كيف صار وهو يخبرك بالأسعار :D :tongue:
اصلا مبين مكلف كثييير لو تركزي في الصور تحصلي تفاصيل كثيرة مركزين عليها من ناحية التزيين وكل شي بسعره :(

للحين ما تحدد عرسي دعوااااااااتكم نفسيتي دااااااون (n) :confused:

في زفاف ولد خال زوجي بقصر البستان كانت الحفلة من تنظيم سدف بصراحة شييييي (y)
أما عرس أمس ان شاء الله بحاول اسأل ام المعرس
حتى البوفيه كان لذيذ اول مرة آكل من فوادي إلى ما انتفخت الكرشة :D


جربي شوفي سميرة الحارثي ونجاة
في زفاف سارونة نجاة ما شاء الله بددددعت في الكوشة

إلي سألت عن الفساتين الحريم إلي يأجروا في البيت مثل غنية وسمية ونادية

ينت عيسى
شو السالفة شكله العريس عماني :wink:

حد شاف تصوير زيانة ؟؟ فجورة شفتيه ؟
شفت صور لوحدة حلوين قلت بقابلها عشان اشوف البوم صور عرس اختها

على فكرة اسم صوت المطر ما غريب علي !!!
ليش تسوي يومين مسائية وصباحية ؟
نحن يا دوب نطيق اول يوم
يالله على عادات الأهل :(

كم سعر زلفى وسمية وماريز للميكب والتسريحة ؟؟
كم دفع العربون ؟

من وين اقدر احصل على جلاد الهدايا مثل هذا



يكون سادة وسميك ؟

اميرة سيري بوكهانتس الخوض وقوليله يعطيكي... عن نفسي هالكتنه الفلبيني الي هناك كل ماسير اشل شي معاي .. بس تدفعيله طبعاً.
عموماً الغاليه الي تقول عن العطور هيه الحرمه تحلف انها اصليه وانا قارنتها بعطوري ونفس الريحه والشكل والثقل والريحه,,,شكلهن اصليات...حتى ناس كباريه ياخذوا من عندهم ... لانه حتى اكياسها ماركات .. عاد الله يعلم
بس ما اريد اخذ ف ذمتي واجاحد يمكن صح ويمكن غلط كلامك... المهم هم نفس الريحه.. وعن نفسي ما احب التقليد ف اي شي اخذه .. دامنه فارق بسيط ..:)

صاحبة السمو
من وين الحرمة ؟
نفسها من السبلة ؟
حتى نحن نشتري عطور ماركات من محلات ثانية غير المجمعات والسنترات بس فرررق في الأسعار
حتى مرة في ستي القرم الوالد قال للفلبينية نحن شرينا هالعطر من برع بالسعر الفلاني ما عرفت ترد على الوالد
تمت ساكتة
وانا شريت عطر لزوجي الريحة ثاااااابتة يعني مش تقليد


الفيصل عندهم عرض في هالفترة

يوم الاربعاء سرت محل زلفى مال المكياج الي ف البهجه بصراحه مكياجها حلو واجد ... اليلك..
خذت كحله تسخنيه بالولاعه واسوود مثل الفحم طلعت الخميس واستخدمته وعجب اهلي..
وخذيت شادو بني غامق لرسم الحواجب مع الفرشه ترسمي حواجبك فيه.. وامممم خذت بلاشر لووووووووونه روعه بينكي وقوي يثبت .. واسعارها مش خياليه يعني زينة ...
والي جربت فاونديشن مالهم تخبرني لاني ما امنت اخذه ..؟؟

والله اميرة حسيتنهن اصليات وارخص يعني لو تحسبيلها فروقات 7 و8 ريال زين... لما تشتري مجموعه ..
الحرمه هيه ف المعبيله تسكن ... ماعرف اذا تشارك ف السبله او لا ... بس حرمه شاطره ماشاء الله عليها لانها تبيع بخور وتمكيج عجبني طموحها ... :)

ما فيني اروح للمعبيلة :(

انا شريت فاونديشن من فيزاين شو اقول لك اول مرة لما جربته في امحل
اهلي عجبهم وقاموا يتغزلوا فيني اوني محلوة هههه
بس بعد ايام لما صرت اسويه ما ادري احسه مو لهناك يمكن لان بشرتي مرة مرتاحة ومرة تعبانة
الخلاص الفاونديشن غاب عني ولا تهنيت فيه :(

بكم اخذتي قلم الحواجب ؟
الروجات عندهم ثاااابتة انا اكلت وشربت والروج بعده ما امتسح

رحت الاربعاء سيفورا حبيت بلاشرات نارس بجد روووعة وفيهم جليتر على الخفيف
بس الالوان الي اخترتهم مخلصين :(
ونفس اسعار ماك ب 9 وشي ،،، بنتظر بروح لهم مرة ان شاء الله

والله لو شفتي وجهي يا أميره...
الدموووووووووووووع شويه وبتنزل ..
تخيلي تقولي انتي شو تبغي بالضبط ؟
قلت لها أنا اريد فكرة المخمل يعني مثلاااا قلت لها أبغى تقريبا مثل كوشة المغنية أسيل السعودية
كوشتها بعد جندل سواهاااا بس اريدها على أخف في الألوان..
قالت بعد مكلفة كثير ..
تخيلوا قلت لها طيب لو بغيت شبفوناااات بدال المخامل بتخف القيمة ..؟
قالت أقل سعر اقدر اعطيكي اياه هو الفين ونصف ريال
اقل من كذا ما اقدر ..؟

بس بين نفسي قلت لو ما كان فيه مسائية وصباحية كنت قدرت آخذ ترتيب الكوشة والقاعة بالفين ونصف
بس المشكلة أهل العريس ملزمين يكون فيه مسائية وصباحية =(
ولكل يوم تكاليفه وميزانيته ..

طيب جم أميره.... كلفتهم في سدف؟؟

وانتي بعد ما غريبة علي بإسلوبج يا حلووووووووووووووووووه...
انتي اسمج الحقيقي أميره ولا غير ..؟
ساكنة في الخوض..؟


بالنسبة لماريز فالتسريحة والميكب ب 160 ريال
اما سمية وزلفى فب 150 ريال
والدفع يكون نصف المبلغ بالنسبة لماريز وزلفى
أما سمية فأنا دفعت 50 ريال وما اعترضت وقالت لازم نصف القيمة