مساءكم / صباحكم ...احمر وابيض وبنفسجي
من فترة كان خاطري في ايس كريم .. ولان ما يجوز نخلي الخاطر نفسه في حاجة وما ننفذ طلباته .. :D
وما كان عندي احد ان يجيب لي ايس كريم من برع .. فتبرعت من عندي ان اسوى ايس كريم بما اني شفت طريقة صنعه في احد المنتديات .. وكان طعمه لذيذ وخيال وبااااااااارد(y) .. وبصراحة انصح انكم تسوون مثله في ذا الوقت لان الصيف قرب .. والحر ما شالله عندنا في الخليج لا يعلى عليه.. :cool:
اذكروا الله .. ومو محتاجة الا دعوة من قلبكم .. لي ولزوجي جنيني .. وبالمرة لماما وبابا واخواني واخواتي .. وعمتو وعمي ((ثقلت عليكم مو ؟؟)) :D
المقادير:
1-كأس واحد وثلاث ارباع من الماء البارد جدا (استخدموا كوب القياس)
2- كاسين ونصف من الحليب البودرة ا(انا استخدم مدهش انتاج عماني)
ثلاث ارباع كوب من السكر
3- نصف ملعقة كبيرة من السحلب وهذة ضروريه لانها تعطي طرواة للايس كريم وتماسك (يمكن) لان سويت ايس كريم مرة ثانية بدون سحلب وما كان ضابط كثير .. فنصيحة استخدموا السحلب .. تحصلوا في السوبر ماركات الكبيرة .. ((اللولو + سلطان + كارفور (مسقط ستي سنتر) )) انا اتكلم عن العمانيات لان انا بحث في سلطان وع طول حصلته ..
4- طرفين من دريب ويب .. وبإمكانك استخدام الكريمة العادية اللي في القواطي او العلب وبكذا تكون المقادير كوبين
5- ملعقه كبيرة من الفانيلا علي الفراوله او التوت ((انا استخدمت الفراولة لانها كانت متوفرة عندي ، بإمكانك تستخدمي الفراولة المثلجة او الفراولة الطازجة كلهم حلوين))
6- كوب من الفراوله المهروسه
7- فواكه للزينه مع اوراق من النعناع الفرش
الطريقه-
نحط كل المو اد بالوعاء وبعدين بخفاقة البيض الكهربائيه يخفق لحد ما يتماسك ويصبح ثقيلا وبعدين يوضع بالفريزر لمدة 12 ساعة قبل التقديم بصراحة انا خليته 5 ساعات بس لان كنت جوعانة .. وكان مثلج وطعمه رهيب .. وزينه بالفراولة .. وكان يمي يمي .. انصحكم تسوون مثله باي نوع من انواع الفواكة .. ممكن المانجا (لان موسمه الحين) او التوت .. او الفانيلا العادية او الكاكاو ...
والصور تحكي
ومطرح ما يسري يمري
وعليكم بالعافية (y)
