نفسي اموت قبل م اتجوز

يابنت الحلال الله قال في كتابه ( وان يتفرقا يغن الله كلا من سعته وكان الله واسعا حكيما )

ليش تجبرين نفسك على الذل والهم والاهانه

خليه ياخذ اللي اشتراه لك

ومسألة العفش والحاجات اللي جابها ينصرف بها بمعرفته مش مشكلتك

صدقيني حياتك باينه من أولها معاه

اذا هي جحيم من الحين

بكره اش بتكون؟؟!!

وصدقيني أهله بكره بيوقفون معاه وبيقولون عنك صاحبة مشاكل ونكديه

الحين بس تمثيل انهم وياك

وامه مهما تكون مش ح تكون معاك لآخر الخط لأنها من الحين تقول له سيبها

وانا عارفه انها ( ظاهريا ) واقفه معاك لكن بكره بتوقف مع ابنها

افتكي منه أحسن لك قبل فوات الاوان

حبيبتى ممكن يتغير والتغير بايدك
هو اكيد نفسيته مضطربه قربي منه اكتر واحتويه
هو بس محتاجك جمبه اكيد الفتره دى اعرفي ليه هو كده
وسبب عصبيته

انا مش عارفه أقولك حاجه خاااااااالص

عاوزه أقولك سيبيه

علشان الاخلاق دى يتخاف منها وانتوا مخطوبين بيعمل معاكى كده في الشارع بيزعق وبيشتم قدام الناس
يعنى مفيش احترام
وأهم حاجه في الحب الاحترام

طب بعد الجواز هيعمل ايه
لو زعلتيه وانتى في بيته تفتكرى ممكن يعمل ايه
أو يعمل في حد من أهلك ايه لو دافع عنك


وفنفس الوقت عاوزه أقولك خليكى معاه واستحمليه علشان بيحبك واللى بيحب ممكن يتغير

وصعب تلاقى حد يحبك كده وصعب تحبى حد قوى كده

ولو شريا وهتستحمليه لا تقولى كلمه وحشه عنه لأهلك ولا كلمه وحشه عن أهلك ليه


أقولك اعيله ربنا يهديه

قادر ربنا يجعله حنين ليكى ومعاكى على طول

ربنا يهنيكى ويوفقك للى فيه الخير

عليكى بالدعاء

ويااريت تغيرى أسمك

وطمنينى عليكى يا قمر

على فكرة مامته مش بتمثل ولا حاجة لو انا مش واثقة فيه هو فأمه دي حاجة تانية خالص انا واثقة مليون في المية اني لو لفيت الدنيا مش هلاقي حما زيها وفعلا نعم الأم ومش بالكلام

أنا دلوقتي اتكلمت معاه النهارده ساعتين تقريبا وحاسة اني ابتديت الين تاني بس مش عشان انا قابله الاهانة زي م انتو متخيلين لا عشان هو بيحسسني فعلا انه هيتغير وبجد وانه هيعمل المستحيل عشان مبعدش عنه
على فكرة انا كرامتي عندي دي حاجة كبيرة اوي اكتر كمان من الطبيعي بس انتو مش فاهمين يعني اية ده كله يحصل بعد 3 سنين ونص عشق عشق دي كلمة تافهه

انا في عز المشكلات كنت بتكلم مع ماما عالفرح وهنعمل ايو هنسوي اية وهننزل نشتري اية حتى وانا كنت ناوية افركش لاني فعلا مش متخيلة اني اسيبه ابدا وهو تمسكه بيا وانه مستعد يبيع الدنيا كلها ويشتريني بيزيد الموضوع صعوبة

انا منتظرة وهو اقسملي النهارده ان الصفحة دي هتكون انتهت ولا عمرها هتتكرر لانه فعلا حس اني هضيع منه بجد واول مرة يلاقي فعلا ان الموضوع بيتفركش بجد وحس اني فعلا بسعى للفركشة
مش عارفة انا حاسة اني بضعف معاه بس والله العظيم هو صادق وانا واثقة من انه نفسه يتغير مش بيضحك عليا بس المشكلة هل هو قوى كفاية انه يرجع لشخصيته القديمة اللي عشت معاها اكتر من 3 سنين ونص ولا لأ

قولولي انا كدة صح ولا لأ انا منتظرة اشوف هو هيرجع ولا لا

ادعولي بقى انا بحبه اوي بقى ومش عارفة اعمل اية
نفسي اغمض عيني وافتحها الاقيه رجع كويس والاقي نفسنا في بيتنا

mashimaro16;9270139:
نفسى اموت
انا اولا معلش استأذنك انى اقولك س علشان نفسى اموت دى مش حلوه خااااااااااااااالص ومش صح حد يتمنى الموت

بصى يا س
محدش يقدر يقولك سبيه ويتحمل ذنبك لو كان حكمه على الامور غلط

بصى انا بحاول افكر فى الموضوع واحط نفسى فى وسط المشاكل دى كلها وبفكر انا حعمل ايه
وفى وسط تفكيرى افتكرت بنت خالتى
كانت بالظبط زى اللى انتى بتحكيه بالظبط
كانت بتحب واحد من وهيا فى اولى ثانوى واتخطبو لما بقت فى تانيه جامعه وكان كوييييييييس فى الاول وبعدين بقى عصبى لدرجه انه حلف مره فى عيد الام ماهياش داخله بيتهم لانه مش موجود فى البيت وبقى اهله مش عارفين يقولو لبنت خالتى واهلها ايه ولا عارفين يتصرفو ازاى

بصى
مش ححكيلك مواقف كتيره بس العصبيه الزايده عن الحد دى غلط كبيييييير
وهوا قال كذا مره انا غلطان وبعدين؟؟؟ عمل ايه؟
ليه كل مره كلام كلام فين الفعل؟
عايزه رد فعل صح مره واحده عمله واستمر عليه؟
وصدقينى انا لو مكانك وحصل منه اللى عمله فى الشارع انا مش كنت مش حتجوزه انا كنت عملتله محضر فى القسم هيا بنات الناس لعبه ولا لعبه ولا لو كنتى اخته كان يقبل واخد يعمل فيها كده فى الشارع؟؟

انا الصراحه متغاظه منك اوى ... انا اسفه بس افهمينى
انتى اهنتى نفسك كتير اوى اوى اوى
وانا شايفه انه لازم استوب للاهانات دى
مهما يكن المترتب ده على ايه
انتى ممكن تتخيلى انك تعيشى بقى ليل نهار فى وش الشخصيه العصبيه دى؟
عارفه يعنى ايه تصحى من النوم تلاقيه جنبك؟
طب النهارده بنحب بعض علشان كده مستحملين ... طب وبكره؟ طب وبعد اول عيل ؟ طب بعد مشاكل ماديه ؟ طب بعد مليون الف سنه حتستحملى المعامله دى على ايييييييييييه؟
حتلاقى نفسك نفسك تخلصى ومش عارفه
صدقينى الحياه معاه صعبه

انا رايى تسبيه فورا
وانا بقول كده لان تصرفاته كلها خاظئه مهما كان بيعمل ايه وهو هادئ
مش المهم وهو هادئ المهم وهوا متعصب اخره ايه؟ انا حاسه انه المره الى جايه حيجيب عصايا ويضربك وبعدين يقولك اصلى مكنتش فى وعى اصلى تعبان اصلى مش عارف ايه

ده مش اسلوب زواج ولا ربنا يرضى بالمعامله دى ولا دى معامله بين زوجين عايزين يبنو اسره سواء مسلمه او مسيحيه

وموضوع انه يقتل حد ده بسيطه اوى اعمليله محضر فى القسم


وعايزه اقولك على نصيحه واسمعيها وفكرى فيها كويس وفكرى فى الناس اللى حواليكى اكيد حتلاقى نموذج يطابق الموضوع ده ... مفيش حد عصا اهله واتجوز حد وهما مش راضيين عنه الا وندم
صدقينى .. الاب ثم الاب ثم الاب .. لو باباكى شايف انه لا يصلح تاكدى انه لا يصلح
ولو مامتك شايفه انه لا يصلح لاى سبب كان سواء بقى مادى اجتماعى شخصى اى حاجه يبقى اسمعى كلامها

صدقينى لازم تسمعى كلام اهلك


انا بس عايزه اقولك على بنت خالتى علشان تعرفى النهايه كانت ايه
النهايه انها فضلت مخطوباله رسمى سنتين سابو بعض فى النص مره وعمل عمايل مهوله علشان خاطر يرجعلاه ويكلم الخال والعم والقرايب وكل الناس علشان اهلها يرضوا يرجعو تانى
وفى النهايه صدقينى البنت نفسها اخدت القرار ده وقالت لا مش عايزاه مش حقدر اكمل معاه
وكانت بتحبه وانا متاكده انها بتموت فيه وبرده سابته وماشاءالله اتجوزت واحد تانى خاااااااااااالص والحمدلله ماشاءالله سعيده معاه وخلفت والحياه ماشيه تمام معاها وربنا عوضها خير الف الف الف مره عن اللى كانت حتعمله فى نفسها


صدقينى حقولك حاجه كمان
خطيبك عمل كده علشان ملقاش حد يقافله من الاول
لو كان من اول مره عمل فيكى حاجه لاقى باباكى ولا اخوكى ولا حتى مامتك حد واقفله واقفه اسد مكنش عمل كده
وغلط لما تقولى محكيش لاهلى
اه محكيش لاهلى الخناقات العبيطه العاديه
بس فى حاجات بتبقى كبيره ولازم تدخل من الاهل علشان يعرف ان فى راجل واقفله وان بنته مش سهل يتعمل فيها اى حاجه


وايه يعى لما استحمل بهدله باباكى والله هوا رضى وخلاص على كده يبقى يا يكمل المشوار للنهايه يا بلاش وباباكى كان واضح معاه قاله مينفعش وهوا راح غير من ظروفه علشان خاطر يوصل للمكانه اللى باباكى يرضاها ليكى ده كله كويس خالص ومش شايفه ان باباكى غلطان فيها ابدااااااا
ومتقوليش خسر علشانى ... تاكدى محدش بيعمل حاجه الا لنفسه اولا ثم للى بيحبه ثانيا
صدقينى اه هوا خسر علشانك بس فى الاساس خسر علشان بيحبك انتى يعنى هوا اللى بيحب وهو اللى مستمتع بالدرجه الاولى بحبك

استخيرى كتيييييييييييييير اوى القرار مش سهل

بس ده رايى وياريت تحكى حاجات اكتر يمكن اقدر اكون فكره اوضح عنه ونفكر بموضوعيه اكتر


وربنا يوفقك

نفسي أموت;9288662:
يا جماعة بخصوص فلوسه اللي هيخسرها ان بابا رفض الشقة التانية اللي جابها وانا ليا شقة فهو بيجهز شقتي انا عشان نعيش فيها وكان قايلي انه لو حصل اي مشاكل بسبب الموضوع ده هنعد في شقته بس هو دلوقتي بيشطب في شقتي انا وخلاص جبنا العفش وانا مش عارفة اعمل اية
انا عرفت ان مامته كلمته لوحدها واعترف بغلطه وقالها هتغير وكمان اشتكت لاخته الكبيرة وقعدوا معاه تاني واحرجوه جامد وقالهم بيها او من غيرها المفروض مكنش كدة وهتغير وعمرها م هتشوف البني ادم ده تاني بس انا بصراحة امبارح كلمته وقلتله على فكرة انا اه اديتك فرصة عشان اشوف هتتغير ولا لأ بس انا اولا مش واثقة انك هتتغير ثانيا انا لو في اي حاجة من دي اتكررت هتلاقيني بدون اي انذار قفلت الموبايل وغيرت رقمي وكلمت اهلي وقلتلهم فركش وارجعلك حاجاتك وفلوسك وبصراحة انا بتلككلك وانا فعلا ناوية افركش بس حبيت اقولك عشان متنظرش فترة تانية
عرفتك اني ناوية افركش فعلا عشان مكونش ضحكت عليك وتكون فاهم اني هكمل معاك ولا حاجة(وده نابع من عدم ثقتي في تغيره)واتكلمت كلام كتير ضايقه جدا وبرضو قعد يعيط ويقولي انا مش مصدق ان انتي تقولي كدة وانا معرفش لية البرود كان نازل عليا
انا حاسة اني بعت ومش عارفة اهرب منه ازاي وقاعدة افكر بالطريقة المناسبة اللي افركش بيها بس هو بيقولي انتي اديتيني فرصة وانا هثبتلك اني هتغير فعلا بس انا مش عايزاه حتى لو اتغير
مش عارفة اعمل اية والله يا جماعة اتخنقت ومش عارفة اقوله ايه
هو من ساعة م كلمته امبارح وهو اسلوبه اختلف معايا بعتلي رسالة بيقولي انا خلاص مفيش حاجة تخليني سعيد في الدنيا دي وحتى انتي طلع منك حاجات لا يمكن اتخيلها واسلوبه بقى فظ عن الاول واتصل يرد السلام ويقولي بتتصلي عادي ولا في حاجة؟؟هو مش بيقل ادبه بس حتى اسلوبه بقى ينفرني منه
مش عارفة اتصرف ازاي غير اني احكي لاهلي اللي حصللللللللللللللللللللللللللللللللللللللللل

اولا لازم تحمدي ربنا علي كل شيء وان المواضيع دي حصلت وانتوا لسة علي البر..انتي متتصرفيش ولا تعملي اي حاجة من نفسك..كل المطلوب منك انك تصارحي اهلك بكل شيء حصل بينكم علشان الموضوع ميكبرش اكتر من كدة وياخد حجم اكبر من حجمه لان الاهل بيكون عندهم خبرة تخليهم يتصرفوا بعقل وحكمة اكتر مننا في المواقف اللي زي دي..المهم ان كل واحد ياخد حقه بما يرضي الله علشان ميظلمش التاني معاه ويفارق بالمعروف زي ما ربنا قال في كتابه العزيز.
وفي النهاية مملكش غير الا اني ادعيليك انتي وكل بنت بتمر بمشكلتك ان ربنا يسهلكم الامور ويعوضكم كل خير ان شاء الله

يابنت الحلال الموضوع وصل خمس صفحات والكل بالاجماع الا وحده أو ثنتين انك تتركينه

وانتِ شايفه بنفسك ان الحالة تزداد سوء

والكل يقول لك مادام انتِ ع البر اتركيه

الحل أولا وأخيرا براسك انتِ

والله يحفظك من نفسك ومنه