رجعت من جديد وتجمع البنات اللي ينتظرون موعد تحليل الحمل ((الجزء الثاني))

صج والله

بس انا مو حاسه بهالشي
بكرة بتأخر عن الشغل وبروح اسوي الفحص لزماً وبجي ابشركم
وعقبالكم يا رب

عروس ديرتي;9976561:
دام انتي اوكي الانجليزي سوي بج صفحه خاصه على b blogger انا صار لي يومين ادشش اكتب يومياتي هناك

ما فهمت عليج عروس؟!!

јǿđ;9976531:
بنات طلع لي خطين الاول خط غامج والثاني افتح من الغامق بشوي
يعني شنو؟!!! انا مستانسه بس ما ابي انصدم
ما بخبر زوجي الا وانا متأكدة بليز خبروني

حبيبتي انشالله حااااامل:D
حللي دم اضمن بس اتوقع حامل مدام بين الثاني

ذكريات عروس;9976495:
مراحب:
الحمد لله ان التجمع شوية صار نشيط وفيه مشاركات جديدة :D
انا رحت تغديت بالفندق والله مليت من أكل البيت بس ما أخذت حد معاي غير ولدي الكبير والصغارية خليتهم راقدين..

وخاطري أروح احف ويهي،، بس ما عندي وقت؟!! :ss:احس الوقت تأخر وعلى بال ما أطبخ العشا لزوجي وعيالي..بخلي كل شئ باجر..

انا زوجي نفس المرة الفاتت سبحان الله
بيكون معاي باليوم ال9 وال 10 من الدورة
وباليوم ال15 وال16 وال17 من الدورة؟!! ودام ان دورتي المرة الفاتت كانت 30
يعني هالمرة يمكن اتكون 30 بعد
فاحتمال يضبط التبويض هالمرة مع وصول ريلي؟!!:(

وحاولت قدر الامكان الحقه بنفس مكان شغله ونسكن بفندق
بس للحين ما ردو علي اللي ارسلتهم يرتبون لي المكان..:ss:

فخليتها على رب العالمين
وهذي سالفتي..:D
اتعرفون انا شطورة بالانجليزي ونويت افتح مواقع بالنت ارجع اراجع لغتي الاجنبية بدل الوقت الفاضي استفيد منه بشئ مفيد:15:

حتى لوصار الجماع عقب الدورة على طول احتمال كبير يصير حمل

ان شاء الله بكرة بروح الصبح بروح بحلل
دعواتكم بنات .. انا قلت لزوجي تم يضحك
بعدين سكت وقال بيي البيت بتفاهم
لأنه طالع مع اخوه .. شكله انصدم لوول

јǿđ;9976662:
ان شاء الله بكرة بروح الصبح بروح بحلل
دعواتكم بنات .. انا قلت لزوجي تم يضحك
بعدين سكت وقال بيي البيت بتفاهم
لأنه طالع مع اخوه .. شكله انصدم لوول

هاي اول بيبي؟؟

لا والله
اول بيبي فقدته شهرين واسبوعين
الثاني بداية شهري السادس

وهذا الثالث

شوفوا بنات ذا فحص الحمل

јǿđ;9976531:
بنات طلع لي خطين الاول خط غامج والثاني افتح من الغامق بشوي
يعني شنو؟!!! انا مستانسه بس ما ابي انصدم
ما بخبر زوجي الا وانا متأكدة بليز خبروني

مبروووووووووووووووك
مبروووووووووك مبروووووووووك
حامل حبيبتي
دام الخط الثاني بين يعني حامل:15::15:
عقبالنا كلنا يا رب

ذكريات عروس ان شاء الله يارب تحملون كلكم
بس انا مو حاسه اني حامل بس مستانسه
حتى زوجي مو مصدق \\ بكرةة ان شاء الله يبين
يا خوفي بس يطلع ذا الفحص مو ثابت

السلام عليكم ورحمة الله وبركاته
اول شيء مبروك للي حملوا وربي يتبث حملهم و يرزق الي ينتظروا و يبشرهم و يعوض الي نزلت عليهم الدورة و ان شاء الله ما يشوفوها الا بعد تسع شهور .. ربنا يرزقنا جميعا بالحمل السليم الثابت ..بنظم ليكم خواتي اخر دورة كانت 14/07 ولسة مخلصة من يومين ان شاء الله ما اشوفها الا بعد تسع شهور يااااااااارب حملي الاول فقدتوا بعد ست شهور ان شاء الله الجاي يكون ثابت وسليم و مبروك Jod مبين من الفحص انك حاااااامل انا اول مرة حملت و سويت الفحص كان الخط الثاني خفيف اكثر من كدة و فعلا طلع ايجابي ربنا يتمم لك بالخير و يثبت حملك

آمين يا رب الله يسمع منج اختي
واطلع جد حامل

јǿđ;9976686:
لا والله
اول بيبي فقدته شهرين واسبوعين
الثاني بداية شهري السادس

وهذا الثالث

شوفوا بنات ذا فحص الحمل

حبيبتي الخط الثاني وااااضح :)
الف الف مبروووووووووووووووووووووووووك والله يثبته يارب

الله يبارك فيج يا قلبي
عقبالكم كلكم ")

جود الخط وااااااااضح وكلش مو خفيف الف مبرررررروك مره ثانية

yakoutta اهلا فييييييج معانا

مرحبا
جوود مبروك حبيبتي الف الف مبروك
الله يثبته يارب وتقر عينج بشوفته آآآآآآآمين يارب
وعقبال كل بنات هالتجمع ان شاء الله وانا منهم

ذكريات عروس;9977587:

هلا :

دشيت شوي متأخر ..

الله ستر علي اليوم والله ان قلبي مقبوض يعني خايفة وايد
ترى حضرتي أسوق سيارة ,, ومتعودة اقضي مشاويري انا وعيالي وعادي يعني
بس عندي مصيبة
انا وايد أسرع بالسيارة
واكثر من مرة ريلي يهاوشني:mad:
وما أتأدب,,شسوي ما احب أتأخر بالدرب
وعندي زوايا بالشارع ادعمها شوي وطنش وامشي
بس هالمرة عاد غير :confused:
نزلت امي فديتها الجمعية ووعلى طول لفيت بالسيارة يسار ..يا ويلي ضربت حد الرصيف بأعلى قوة لين طاح اطار السيارة :eek: والله امي ركضت مثل المينونة ، تقولي شصار عليج وانا خلاص ما فيني روع قلبي يدق دق الله لا يوريكم؟!!
وانا غلطانة مية بالمية:(
سويت New Turn Left بأعلى قوة لدرجة ان ما اعرف شو يسمونه(...) صار فيه اعوجاج..والمصيبة قعدت أدق لريلي ما يرد ولا أخوي الا بالعافية بعد نص ساعة وانا بنص الشارع والله ستر ان ولا واحد وقف لي والا كانت بتكون محضر وشرطة
وريلي عقب رد على التلفون ومسكين كان خايف علي ..المهم اخذ عني السيارة وانا رحت بسيارة اخوي وصلت امي البيت وانا رجعت
وخذت لي محاضرة محترمة من ريلي :mad: وقال لي اخر مرة تسرعين بالسيارة والا والله باخذها ووبحرمج من السيارة(w)
هالمرة يات سليمة
بس عن جد انا خفت وايد..واحس اني تعقدت كيف بسوق السيارة. الحين؟!!.:16:

ما عليه طولت عليكم بس من الخوف اللي فيني..

طلعتي متهورة نفسي :D


الله ستر والحمدلله على السلامة
بس ديري بالج ترى العيال امانة في رقبتج (f)

مشكورة اختي انكساري شموخ على ترحيبك
و حمد الله على سلامتك وسلامة العيال عروس ديرتي

انكساري شموخ;9977669:
طلعتي متهورة نفسي :D


الله ستر والحمدلله على السلامة
بس ديري بالج ترى العيال امانة في رقبتج (f)

مرة لما ضربت الرصيف كان معاي ولدي الكبير
والله لما مرينا نفس المكان مرة ثانية يقولي ماما هني لما دعمتي؟!!! :eek:خخخخخخخخخخ مو ناسي ما شاء الله عليه
وهالمرة كنت بروحي نزلت امي وثواني الا وانا ضاربة الرصيف لو ولدي معاي كان بيبكي
بس والله بتأدب والله خلاص هونت(y)
مع اني اتوكل على الله واقرى المعوذات وانا اسوق وافتح قناة اسلامية ..بس هذا عقاب علشان أتأدب عن السرعة..شسوي والله احب اتمشى بروحي والا مع عيالي ملل بالبيت بدون ريل عاد لين يرجع!!!:( والله لو كنتن بدالي بتحسون بالوحدة..ما اشوفه الا خميس وجمعة والسبت بالليل يروح، بس ما باقي الا كم اسبوع وبياخذ اجازة السنة وبنرتاح شوي
والحمد لله على كل حال
الحمد لله على كل حال