زوجة المهندس;9264305:
ماشاء الله تبارك الله ريحانتي انا كنت بستنى تجربتك وكل يوم بفوت اشوف نزلتيها ولا لأ
بس انا الشهر هاذا اذا ماصار حمل لأقدر الله لأني ماخدة منشطات راح اعمل اطفال انابيب بالصيف
وانتي متل ماقلتي هاي العملية مرهقة ماديا ونفسيا بس شو بدنا نعمل
بدي اسألك كم جنين رجعولك ومن اي درجة وشو اّلأعراض اللي حسيتيها قبل التحليل وكانت بتختلف عن المرات اللي فشلت فيها ولا لأ
والي رجعة لموضوعك اسألك كم شغلة ياغالية
هلا حبيبتي زوزو .. الله يبارك فيكي يارب ..
وقبل ما ارد على اسئلتك حبيت اقولك اني ما بعرف ليش عندي احساس انه قريب كتير رح تسمعينا خبر حملك بأذن الله ..الله لا يحوجك لعملية اطفال الانابيب ويريحك منها ويرزقك حمل طبيعي ..
رجعولي تلات اجنه تنين كانوا من الدرجه الاولى وواحد ضعيف رجعوا عشان ما يضل وحيد ما في غيره هههه..
عادة ما بيرضوا يرجعوا اكتر من 2 اجنه لأنه بيصير خطر على الام اذا صار حمل بأمر الله ..
الاعراض كنت كل مره احس بألم اسف بطني ووجع ضهر ..اول مره نزلت الدوره قبل ما اكمل ال 14 يوم بعد 9 ايام من الترجيع ..
تاني وتالت مره ما نزلت الدوره كنت اتفائل كتيير بس لما اعمل الفحص يكون الهرمون منخفض كتير وما في حمل ..وبعد ما اوقف التحاميل المثبته بيومين تنزل الدوره .
اخر مره الحمدلله نفس الشي الاعراض (وجع ضهر من كتر الراحه اكيد) بس حسيت المره هاي انه بعطش كتير وبدي اضل اشرب ماي ..لما دورت بالنت لاقيت بالمنتديات انه ممكن يكون عرض من اعراض الحمل ..
والحمدلله زبطت بعد ما طلعت عيوني ..