أول يوم زواج ؟؟؟

عندما تعشق الشوكولا 19-04-2009 7 رد 35,720 مشاهدة
ع
السلام عليكم ورحمة الله وبركاته

كيف الحال صبايا

مارح أطول عليكم داخله على الله ثم عليكم زواجي بعد شهر ونص وماسويت ولا شي

بصراحه في شي قالقني ودي أعرف ومرررررررررررررررررره خايفه في أول

يوم زواج بعد العرس وش أسوي يعني أول ماأدخل الفندق وش أسوي وبعد ماأتروش وش أسوي

وايش أنواع العطور أو الكريمات الي أستخدمها وايش أستخدم للمنطقه الحساسه

من جد والله مني عارفه

تكفون ياأهل الخبره علموني وش أستخدم

بانتظاااركم على أحر من الجمر ياحلوين

الله يوفق الي ترد علي وتسخر لها زوجها وتكرمها الذريه الصالحه وتعطيعا ياربي ماتتمنى..

اللهم آآآآآمين
ع
حبيبتي والله نفسي اساعدك

بس انا زي وضعك وماعندي خلفيه ابدا

:(

ما سألتي امك؟؟احد اخواتك المتزوجات ؟؟احد قريباتك؟؟
ه
اولا الف مبروك والله يتمم لك بخير

اول ماتروحين الفندق تقولين تدخلين بالرجل اليمين وتدعين هالدعاء :

اعوذ بكلمات الله التامات من شر ماخلق وتقولين دعاء :

اللهم ادخله علي بلا اله الا الله والجمه عني بلا حول ولا قوة الا بالله
اللهم سخره لي كما سخرت البحر لموسى وألنه لي كما ألنت الحديد ليعقوب
اللهم اجعلني قرة عينه واجعله قرة عيني واجعل قرة اعيننا الصلاة
اللهم لاتعلق قلبه بغيري من النساء

ثاني شي تجلسين بفستانك لأني ضد انك تغيرينه على طول .. استخسر اني فصلته وتعبت فيه وكشخت فيه شوي بس

اجلسي بفستانك وتعشي فيه كمان

ثمن روحي الله يكرمكم الحمام خذي شاور طبعا انتي تكونين قايله للكوافيره تسوي لك تسريحه بحيث ان شعرك لمن تفكينه يكون مستشور

عشان تفكينه ويكون ناعم وتدلعي براحتك :)

ومكياجك بعد ماتتروشين امسحي العيون بخفيف بحيث انه مايبقى الا شي خفيف وغيري الروج وحطي شي فاتح وناعم ..,

والبسي قميص نوم ابيض ناعم وطويل

والصبح حاولي تكشخين بفستان كشخه وناعم وعاري شوي وحطي مكياج كثير

الله يوفقكم يارب ويهنيكم
ن
في موضوع في قسم العروس
عن أول يوم في بنات كثير حاطين تجاربهم
وبتستفيدين كثير كثير ،،

ن
اختي
زي ماقالوا لك الاخوات بس من رائي اني
انك تخلي المكياج مع التسريحه
طبعا قبل ماتروحين الكوفير اخذي لك ترويشه عدله
وبعدين في الفندق بس بدلي ملابسك بملابس النوم
والتسريحه والمكياج خليهم
علشان ابو الشباب يستانس فيكي
ب
مبرووووووووووووووووك يا عسل مقدما ..
اول شي مثل ما قالت اختيه الدعااااء ،،، الدعاااااء ثم الدعاااااء
حاولي كل شوي تذكرين هالادعيه والله رااااح اتحسين براحه وطمانينه ..
يعني ما بتحسين ابدا بالتوتر ابدا باذن الله ..

ثاني شي خليج بالكشختج ... واذا خذيتي شووور استخدمي لوشن حق بودي شوب ..
يعني صابون ومزيل العرق ومرطب ومعطر حق الجسم ..
وبعدين لى حسب انتي واهو شووو اتحبين العطر الفرنسي او دهن العووود
احس ان العروس افضلهااا العووود ودهن العود .. والمخمريه حق الشعر و
لااااااا تنسييييين البخوووور من عبدالصمد ... يعني خلييييج دوووم ريحتج فوووووواحه
مثل ما يقولون >>>هههههه
وثاني يوم الصبح البسي شي نعوووووم واااايد حطي ورده لشعرج حركاات يعني
اسرقيها من الباقه >>>ههههههههههه
وحطي ماكياج خفيف الاهم رتبي نفسج .. يعني كل وقت بلبسه ..
والله يوووووووفقج ...

واي استفساااااار تراني جاااااهزه حبيبتي ....
دعواتج يالغلا
بنوتة الحلوة...
ع
مشكوووووووووووووووووووووورين ياأحلى بنات على الردود

بس ممكن أعرف يومها

ايش أستخدم للمنطقه الحساسه ؟؟؟

معليش ثقلت عليكم بالأسئله
.
الله يوفقك وييسر امرك حبيبتي

انا مع الخوات بس مثل ماقالت اختي نارنج

بقسم العرايس راح تلقي ناس تفيدك اكثر من هنا خصوصا ان القسم للبشره والجسم ...

موفقه واسفه على كثر هذرتي :)
X