تنبيه خطيررررررررررر عن اللولو (((((((((( دبي)))))))))))

بسم الله الرحمن الرحيم
السلام عليكم
اخواتي العزيزات
كل اللذين في الامارات يعرف سوبرماركت وهايبرماركت اللولو
انزين شنو المشكلة
امس سرت حق هايبرماركت اللولو (القصيص - دبي ) لين الحين عادي...:down:
سرت على ركن العجائن (( من كرواسون وخبز وخلافه ))
فيه علب بلاستيك حق الكرواسون
مديت ايدي لأخذ العلبة واذا بي افاجأ :rolleyes:
بصرصور يتنزة داخل العلبة بحرية تامة :eek2: :mad2: :mad2: ( بالمناسبة الوقت كان الصبح يعني المفروض الاكل جديد )
والله لاعت جبدتي واجاني خرس بحيث مادريت شأسوي :angry:
خرجت بعد ماتركت ( عربة التسوق ) داخل وفيهة شنطتي وماحسيت نفسي الا عدال السيارة وبدون شنطتي :eek: :s
رديت علشان اخذهة وحصلتهة في نفس المكان ( امام الكرواسون المشؤوم) وشتتوقعون حصلت هالمرة:eek2:
حصلت ( ذبابة) تحوط في باكيت ثاني :confused: ( والله ماودي تلوع جبدكم بس هذا اللي صار)
صرخت على الموظفين وطلعت فيهم لوعة جبدي وخرجت وانا حالفة ماأدخل لهم مرة ثانية...
ولما رديت للبيت تذكرت لو اني مكلمة البلدية كان احسن ( الله اللي يشهد اني مااريد اقطع رزق حد بس ياجماعة المسألة خطيرة ذولة اطفالنا واهاليتنة اذا كلوا منه ممكن يصيرلهم تسمم والعياذ بالله ... ثاني شي انهم اكيد (اللولو) رفعوا الحين ( اثر الجريمة))
فكلت اخبركم بالموضوع والله من وراء القصد
اللهم اني بلغت...
اللهم فأشهد ...
ارجوكم خبروا كل من تعرفوه ان ينتبهوا حق اعمارهم ولايشتروا شيء الا المعلب ومختوم وخاصة الاطفال... والله يعافينة.(n) :cry: