~'*¤!||!¤`تجهيزات عرايس البحرين { الثاني والأربعين}*¤!||!¤*'~`

°
°
°

حلم العذارى اذا جي توكلي على الله
روحي مكان انتي تحسين بتحبينه
شوفي ماعليج لامني ولامن غيري بخصوص ان السعر اقل بدوله ثانيه عادي بس شيسوى عليج ماتحبين الديره.؟
عندي اقط بيزاتي مكان برتاح فيه معنه والله ابوي خيرني بين الهند واي ديره ابيها بس فضلت الهند معنه الناس تفضل غير بس لان انه ارتاح فيها احب كلشي فيها من جي اقولج سوي اي شي باقتناعج موغلط تسئلين تاخذين لج افكار ترتبينها بعدين تشوفين كذا شركه سفريات وتشوفين عروضها
جييكي المنتزه

أنا مجرد أستشيركم

لأن لازم أكون فكرة أساسية عن سفرة الهند ما أروح عبث

وبصراحة أنا راغبة لها

و بسافر لها في شهر نوفمبر -إن شاء الله- وبيكون موسم حلو وايد

تسلمين على المساعدة

وأنتظر تقريرج عنها لين رجعتي بالسلامة -بإذن الله-

*
*

حلمووووه
الهند روووعة
كنت ميتة ابغي اروح كيرلااا
بس زوجي ما كان راضي يقول ما يبغي يروح ديرة الهنود بروحهم غاثينه في كل مكان في الديرة خخخخخ
المهم يوم شوي اقتنع ورحنا نسأل اكثر طلع ان كيرلا ما تنراح شهر ابريل لأن حررر وااااااااجد
حتى واحد من كيرلا مع زوجي في الشغل قال له كيرلا جنة بس ما تنطب شهر اربعة وخمسة وستة خخ
المهم والى قبل العرس بيوم واحنا مو دارين بنسافر وين بالضبط >> قلت لكم باردة حدي
ورجع لي الحنين الى لبناااان لأن احلى دولة عربية عندي هي لبنان واحسها غير عن الدول الثانية فقررنا وحجزنا وطبعا بروحنا بدون مكتب سياحي .. بس يوم وصلنا لبنان انضمينا لمدة يومين مع غروب سياحي لبناني ورحنا الشمال ومنطقة الارز الثلجية .. وباقي الايام رتبناها بروحنا ورحنا الاماكن السياحية ويوميا لازم عقب ما نرجع من جولاتنا نروح نتمشى على بحر الروشة وصخرة الروشة لأنه صوب فندقنا كلششش .. وحلاتها يوم كنا نتمشى ويطيح علينا المطر زلالزل خخخ مطر لا صار ولا استوى وما شفنا مثله في البحرين من قبل وتسبحنا تسبح خخخخخخ .. ويوم ركبنا تلفريك جونيا طاح مطر وااجد وبردي وقام يطقطق علينا خخخ وثلجنا تثلج خخخخ ... واحلى شي في لبنان ان الناس سهارية للصبح يعني اي وقت تطلعين تشوفين الناس قاعدة وتتمشى على البحر وقاعدة في الكوفي شوبات

آآآآخ

يا جزرة .. صج ترى "كيرلا" جنة من جنات الأرض

منطقة خصبة كلها طبيعة .. بس موسمية ومب حلو تروحين لها في الحر و الغلقة ما بتستمتعين بجوها

أنا عموماً بروح نيودلهي ويمكن أروح كيرلا إذا قدرت !

لأني أبيها رحلة سياحية

*
*

جيكي ويا مكاتب ثانية
واذا حصلتين خبرينيي
خاطري اروح شهر العسل الهند

ولا يهمج خيتو

من الحين لشهر 11

الله يحينا

و أكيد الأسعار تختلف بإختلاف الفندق و أختلاف أسعار المكاتب

*
*

خيتووو تقدرين تروحين الهند على حسابكم كلش ماتكلف شي اكو ناس وايد نعرفهم يروحون على حسابهم

المكاتب وايد يتضربون بالاسعار

لوووووووول

لا يسمعج خطيبي وإنتي تقترحين هلأقتراح

خطيبي بارد أعصاب وايد وايد وايد

وأبداً ماله أي بارض أنه ينسق لنا رحلة شهر عسل

يمكن لو دولة عربية أو خليجية

بنروح على حسابنا الشخصي وبروحنا

بس الهند .. و أول مرة نروح بنحتاج مكتب سفريات

*
*

صار خاطري اشوف مكياج عايشة الريس من كثر ما اشوف البنات يمدحون فيها...

هي تمكيج في صالون ولا شنو؟؟؟ واذا في صالون اي صالون؟؟؟

اذا عندكم صور لمكياجها لا تبخلون علينا...

حالياً تمكيج في صالون " إيلي زاند - جد علي "

و هي بلأساس تمكيج في بيتها

مكياجها للعروس 70 دينار .. للعادي يبدأ من 20 إلى 30 دينار

خيتو أبحثي في مواضيعي نزلت صور مكياج خطوبتي في إحدى مواضيعي!

*
*

" ع ذبة المشاعر "

عجبني مكياج ( أم فاطمة )

ناعمة جداً لكن رسمة الكحل مميز .. وأنا أعشق رسمة الكحلة

*
*

تجربتي مع عايشة الريس ..

رحت عندها لخطوبتي وكنت متخوفة وايد لاني ما شفتها مكياجها وآنا رحت عندها من كثر ما مدحوها لي
وهي تحط المكياج كانت الألوان وايد غامجة ويبين المكياج مأساوي وبغيت أصيح !
بس هي قالت لا تخافين بعدين بخففه .. آنا ما احب المكياج وحشي أحب يكون ناعم وفخم
وفعلاً !
طلع المكياج فضييييع .. كان فستاني وردي
وحطت لي الآي شدو .. بنفسجي ووردي
والأساس فضيييع لنهاية الحفلة ولا تغير !
بس هي ما عجبتني في شغلة
حواجبي صارو قصااار وآنا أحبهم طوال .. وتقدرون تنبهونها لهالشغلة قبل المكياج
هي تمكيج بصالون في جد علي
وعادي تجيكم البيت ..
أنصحكم بمكياجها .. فخم بنعوومة !

بيييييييه!

ذكرتيني بتجربتي معاها

رحت حجزت مكياجها عمياني يعني على مدح و مشورة البنات

شفت عندها عروس مكياجها لبناني بحت "بدون زهوة" بس ما ترددت وحجزتها

لأنها قالت لي العروس نفسها طالبة هالمكياج !!!

ورحت لها وأنا على أعصابي وخايفة ومتوترة

وحطت لي المكياج وكملت حسيته ثقيل وايد

لأن كان مكياج أخضر & وردي وحطت لي أسود علشان تكسر الألوان ومعاه شويه بنفسجي

بصراحة حبيت نفسي بقوة

أساسها ما شاء الله كملت حفلتي ورجعت البيت لا زال مكياجي ثابت و وجهي ما دهن كلش!

يمكن لأن أنا بشرتي جافة ؟!

و كل من شاف مكياجي سآلني من وين

و صديقاتي ثنين راحوا لها في خطوبتهم بعد ما شافوا المكياج

ناعم لكن فخم وزاهي!..

*
*

بنات الله يخليكم تعاااااااااااااالوا

انا ضاربتنى ام الديفان!!
مب عارفة شاسوي مع الميك اب!!


مب عااارفة احجز منووا للجلوة ومنو للحفلة
عن جد صرت مب عارفة وين اروووح!!

قلت بحجز صابرين كمال للجلوة

والحفلة اروح لمنووو!!
احس ابي شيئ غيرر غيرررر

مدرررررررررررررررري شفيني

لووول صلي على النبي!

عزيزتي ..,

وايد خبيرات تجميل عندنا و وايد كوافيرات

ليش تعقدين المسآلة

بتطلعين مميزة وحلوة

الفستان و ترتيبه على جسمج له دور

و الإكسسورات لها دور تطلع كشختج

وأيضاً .. التسريحة كلما كانت فخمة كلما زدتي أناقة

نجي للمكياج .. أهم شي يكون مكياج يبرز جمالج

والأهم ما يكون ناعم بدون زهوة .. ولا دفش و يخرع

أنصحج بعايشة الريس .. عن جد بتطلعج من قلب!

صابرين كمال & شريفة فولاذ

والشعر صالون الرونق

بدور .. صالون إيلاف

سميرة .. صالون مرياج

وإن شاء الله بتطلعين من أحسن ما يكون

*
*

هلا خواتي اني جسمي ابيض وضعيفه شنو اللون اللي يناسبني غير الازرق والوردي لانه الوردي لبسته يوم خطوبتي

بصير عدنه خطوبة تاريخ 27\6 ابغي اتعدل
الشعر والمكياج بروح صالون نادرة يمكن لانه عجبني شغلهم

الألوان الدارجة حالياً ( البنفسجي الغامق , الأصفر , الأخضر الغامق , الأحمر )

كلها ألوان تناسبج لأنج بيضا وهي غامقة فبتطلع لونج

والمكياج أيضاً بيكون فخم و راقي

بالنسبة لصالون " نادرة"

أحسه مظلوم صراحة

محد يذكره من البنات

مع إنه عجيييييييييييييييب

ذاك الشهر كانت خطوبة عمي

رحت تعدلت هناك

شعر & مكياج

رخيص و كشخة

وغيرتي 180 درجة صراحة

أنا أول مرة بحياتي ألبس اللون الأحمر وطلع مكياجي فخم وايد

الصراحة صرت جني عروس

لأن التسريحة ساعدت بعد!

*
*

سلام عليكم بنات فجيتون عليي بس انا هالايام مزحومة شخبار العرايس و العزابية

بنات اللحين ابغي اجهز لملجة حماتي و ابي مساعدتكم لا تخجلونب

ابي اسماء صالونات في توبلي او جدعلى يسون شيرة للجسم اوكي يعني حتى الشعر الصغيرة يشيلونها .....ز يعني ابغي يكون بروفيشينال في هاي السوالف



و ارجو الرد في اسرع وقت لان بعد اسبوعين بس الملجة ... فزعتكم

الله يبارك لكم و يهنيكم إن شاء الله

إذا تبين شي بروفشنال

روحي صالون ( آن - سند )

ولا تشيلين شيرة

شيلي واكس "شمع" .. لأن الشمع يشيل كل الشعر حتى الصغار جداً

موفقة :)

*
*

لاااااااااااااا

لاتروحين الهند

انا سافرت الهند مع امي ( سفره علاج )

بس مأسااااااااااااه

كفايه اللي يطرون و جواميس و الباعوض

اقول لج رديت من الهند وريولي ويدي مشوهه تخيلي من شهر 5 - 2008 لحد الحين

اثار الباعوض موجود يعني بيصير الحين سنه

يعني بصراحه ماانصحج ديره كلش مو نظيفه و مو آمنه

خاصه اذا اعرفو انتو من برع




غير جذي وايد غاليه

كنا مودين 2000 دينار معانه

وطارت بسرعه

بس مانصحج كلش

لأني حسيت انها غلطت عمري خخخخخخخخخخخخ

ذكرتيني بواحد من زملائي في الشغل

يقول راح 5 أيام ورجع ما قدر يستحمل

الهند ترى ديرة كبيرة وايد

ومثل ما فيها الشين فيها الزين أيضاً

يعني أنا بروح شهر عسل يعني بنزل في أرقى وأنظف الأماكن في الهند

وما أفكر إني أروح لتسوق كثر ما أبي أروح إستجمام و راحة

ويمكن خيتو إنتي بشرتج حساسة وايد

وبعدين ما في أبر ممكن تاخذينها في المستشفى ك حماية يعني علشان ما يصيدج شي من البيئة الوسخة هناك ؟


°
°
°