~'*¤!||!¤`تجهيزات عرايس البحرين { الثاني والأربعين}*¤!||!¤*'~`

بنات ما قلتون لي وين يبيعون جلابيات راقية وفخمه
حق صباحية زواجي .

ردوا علي عطونا وجه ؟؟؟

ألماس شرق;9292860:
بنات ما قلتون لي وين يبيعون جلابيات راقية وفخمه
حق صباحية زواجي .

ردوا علي عطونا وجه ؟؟؟

حبيبتي عندش الرفاع .. بوكوارة
محل دار انمار واكاجو على شارع واحد

ونهر الفنون عاليسار من التفرع بداية السووق

وان شاء الله تلقين كل مطلبش

انا اذكر خذت لي فستان سهرة اف وايت دانتيل وحرير وشك
واختي شرت لها جلابية فلته من كبرى القصير

تقدرين تشووفين عند محلات السعفة بعد


والله يهنيش(f)

جزر مبشووووور

الف الف مبرووووووووك

عسى الله يهنيش وعقبال البكاري يا رب

Nice Moon;9292298:
شواخة .. شخبارج؟ هم انتي وحشتيني.. مو ناوية تروحين السعودية تشوفين لج فستان؟ انا توني ماخذة فستان ملجتي من مجمع الجمعة وما شاء الله عندهم موديلات وايد حلوة فيها الناعم والفخم..
إلا ما قلتي لنا ليش كنسلتي على فاطمة اللبنانية؟ ترا حجزتها لخطوبتي لا تخوفيني واقعد أحاتي !

حبيبتي نااااااااااايس موووووون

هلا والله برجعتش
واااي صررررتي عرووووس :) يا عمررررري

بالعكس مكياجها فاطمة اللبنانية حلووو ووايد وشفته على عروووس
تطمني

بس انا مش جاي على بالي احط عندها :o صاير خاطري في ماكييرات ثانيين.. وخصوصا صفية شويطر

الحمدلله طمنتيني الشيخة .. تصدقين أنا لآخر لحظة كنت متحيرة بين فاطمة وصفية بس آخر شي استقريت على فاطمة اللبنانية عشان يكون الشعر والمكياج بنفس المكان في صالون الرونق .. ادعي لي كل شي يتم من احسن ما يكون.

حلم العذارى;9292035:

أتصلت بإحدى مكاتب السفريات

وسآلتها إذا تنسق لي رحلة شهر عسل للهند

لمدة أسبوع ( 7 أيام - 8 ليالي )

فندق 5 نجوم ومعاه برامج مميزة مثل " المساج & سبا & جاكوزي " أشياءات ممتعة للعروسين يعني

والإفطار مجاني ..,

و رحلتين سياحيتن إلى " أغرا - تاج محل " + معبد " جودا و أكبر "

وطبعاً تذاكر السفر روحة و رجعة .. وفي طيران الإتحاد

أممممممم قالت لي ب 400 وشوي للشخص الواحد!

تتوقعين يسوى ؟!

أو ما يسوى .. أنا عجبني

بس حسيت وايد للهند

وحتى قالت ليي في دول أرخص من الهند مثلاً " اليونان - أثينا " , بتكون أرخص

•

•

•

واجد واجد غالي يتراوى لي
يعني الهند ولمدة اسبوع لشخصين بيطلع عليهم 800 دينار:eek:؟

Stylish Girl;9291937:
احنا ماعندنا لا طايح ولا شي

بس مهر وشبكه

خخخخخخخخخ

:D .. المهم يوصل المهر كامل .. سواء المهر لحاله والطايح للعرس
او كامل مرة وحدة



شغل ام طلال


كرسي العروس






و هذي السفرة

ما شاء الله شغل ام طلال وايد مرتب و حلو

---------
الشيخة في محل اسمه imagination في شارع المعارض مقابل فندق اجنحة الخليج اذا تدلينه يسون طباعه على الكوب و الفانيلات والدروع و الاعلانات وكل شي .. تقدرين تتصلين تسئلينهم عن الكوب الحراري وان شاء الله بتلاقين عندهم

:)

الف مبروك جزر مبشور ... وحمدلله على السلامة
الله يهنيج ويوفقج بحياتج الزوجية وعقبالنا

ادعي حقنا تتيسر امور زواجنا كلنا ونسافر شهر العسل مثلج ونستانس يارب :)

جزر مبشور
الف الف مبروك
بس ماقلتي كم كلفتش رحلتكم للبنان؟

Nice Moon;9293045:
الحمدلله طمنتيني الشيخة .. تصدقين أنا لآخر لحظة كنت متحيرة بين فاطمة وصفية بس آخر شي استقريت على فاطمة اللبنانية عشان يكون الشعر والمكياج بنفس المكان في صالون الرونق .. ادعي لي كل شي يتم من احسن ما يكون.

حبيبتي بتطلعين احلى قمر
انتي اوردي حلوو بكل معانيش
(f)

وزين ما سويتي .. حتى عروسنا قاعدة اقنعها انها تسووي الميك اب مع الشعر بمكان واااحد


لانه ما يصلح مكانين
وخصوصا الحين البحرين وووووايد زحمة الشوووارع!:ss:

عسى الله يسعدش
وتمر كل امورش على احسن حال
كثري من قرائه القرآن والدعاء
والله الحافظ عليش
(f)(f)(f)

سنفونية حب;9293248:
ما شاء الله شغل ام طلال وايد مرتب و حلو

---------
الشيخة في محل اسمه imagination في شارع المعارض مقابل فندق اجنحة الخليج اذا تدلينه يسون طباعه على الكوب و الفانيلات والدروع و الاعلانات وكل شي .. تقدرين تتصلين تسئلينهم عن الكوب الحراري وان شاء الله بتلاقين عندهم

:)

حبيبتي تسلميييين
يا عمري هذي العروووس ترجيه اهيه الي سألت عن الكووب
وان شاء الله تكون استفادت


عسى الله يسهل اموورش
ويرزقش كل خير
(f)(f)(f)

واجد واجد غالي يتراوى لي
يعني الهند ولمدة اسبوع لشخصين بيطلع عليهم 800 دينار؟

هههههه

خيتو إنتي قريتي العرض بالتفصيل

تذكرة الطيران في الإتحاد .. رخيص وقوي يعني خدمة راقية ومب مكلفة

وفندق 5 نجوم ومعاه خدمات إستجمام مثل " الجاكوزي & السبا & المساج .. إلخ "

لأن إذا بغينا فندق ثاني أكيد راح يقل السعر وايد

لكن مب فن تقضين شهر العسل في فندق أقل من 5 نجوم

وغير إننا بنروح رحلات سياحية لأروع أماكن بالهند تاج محل ومعبد جودا وأكبر

ما أدري

أنا مترددة لوجود أماكن أرخص

بس والله ودي أروح

لأن الهند جنة .. صج روعة حق طبيعة و هالأشياءات

ويمكن بعد أجيك مكاتب سفريات ثانية

*
*

بصراحة يوم شفت صور سفرة "أم طلال"

جتني الصيحة

تمنيت لو عرضتوا هالصور قبل 6 شهور

يوم كنت أجهز لخطوبتي

كنت مليون بلآلف راح أخذهاا حق سفرتي

ما شاء الله فنانة .. مبدعة

إهي التوب ومن بعدها يجي حسين الشجار ..,

سنفونيه الحب
تسلمين حبيبتي بجيكهم الله يرحم والديج

الشيخه
تصدقين هاي الواقع رغم ان عمري 20 يعل عمري عمر النبي شعيب لكن طفولتي وياي احب هالاشيه احب اللعب الله يعين زوج المستقبل هههه

بنات لو سمحتون الي عندها رقم ام طلال تطرشة لي عالخاص .. مشكورين

حلم العذارى اذا جي توكلي على الله
روحي مكان انتي تحسين بتحبينه
شوفي ماعليج لامني ولامن غيري بخصوص ان السعر اقل بدوله ثانيه عادي بس شيسوى عليج ماتحبين الديره.؟
عندي اقط بيزاتي مكان برتاح فيه معنه والله ابوي خيرني بين الهند واي ديره ابيها بس فضلت الهند معنه الناس تفضل غير بس لان انه ارتاح فيها احب كلشي فيها من جي اقولج سوي اي شي باقتناعج موغلط تسئلين تاخذين لج افكار ترتبينها بعدين تشوفين كذا شركه سفريات وتشوفين عروضها
جييكي المنتزه

طالبة طموحه;9290131:
بنات ابغي اسوي حركه الصور في الدخله عندي شعر واااااو اوكي ابغي اخلي الصور بطريقه حلوه يعني لو اني اسوي الفيديو يخلونه لي

أي حبيبتي يخلونه لج
موفقه فديتج :D

أم سلمان الحلو;9290189:
سلام ...

حليو ما شاء الله واصلي التمارين واجد زين .. و هالمرة حطي شوية شدو تحت العين و أمزجيه شوي

و عن الكحل مع إنه مو سيئ .. يمكن شوي فوق العين شوي يحتاج تضبيط .. مع التمارين بيصير ok إن شاء الله .. بعد جربي إستخدمي الكحل البودرة إللي ينحط بفرشاة خاصة .. الصراحة أني ما إستخدمته من قبل بس ناوية أشتري ليي إن شاء الله أحس يساعد أكثر على رسم العين

و جربي بعد ترسمين العين بالكحل بطرق ثانية شوف صور و حاولي تقلدينها

و موفقة يا رب ليش مستقبل بإذن الله

مشكوووورة على رايش وعلى التشجيع
وان شاء الله بواصل وناويه اسجل في معهد واتدرب اكثر

الترجيه;9292173:
حلم العذارى انه اتكلم عن نفسي اقولج احسه يسوى ليش؟

شوفي تذكرتنه ب 225
الفندق اللي بسكنه مو خمس نجوم ووجبات الافطار والباقي علي والسياحه الخ علي
بيطلع علي اكثر من اللي حددوه لج

بالاضافه لوجود لج اللي ذكرتيه شغلات حلوه بالصراحه
واغوا ماتتعوض

انتي شاوري خطيبج وشوفي ميزانيتكم شلون وشوفي انتي شنو اكثر تحبين مناظر شوبينغ وبعدين حددي الدوله

احنه من زمان ماسافرنه الهند ويوم رحنه نسوي درفت للمبلغ طلع انه تكنسل هالشي ههه بس اشوه قالو لنه استخدموا بطاقه الصراف المحليه هناك لان البنك دولي فشوي ارتحنه

اخذ رايكم
شنو اخذ من هناك غير السواري امس اقول حق امي يمه وحده تبيع سواري ب 200 لي 600 تقول ورى هالكثر ههه يبي اييب وزيت امي هههه
قبل ناخذ ساري العروس المشكوك كامل ب 50 دينار بحريني يعني 5000 هندي فمابالج اذا كانت ب 200 د تصير 20000 وال 600 تصير 60000 حتى ال vip ماتوقع هالكثر لي رحت ان شاءلله بيب لج العلوم من احسن المحلات ان شاءلله
انزين شوروا علي فكرت في الالوان ويا العصي اللي يستخدمونها برقصات معينه عندهم وبعد؟؟

حيا الله الترجيه :tongue:

<< وراها مصلحه

حبيبتي انتي بس روحي الهند وجيبي السااااري

واني اول وحده اشتري منش

لانه عجبني الساري اللي عند البنت اللي تبيع ب 200 و 500 ,, امي جافته بعد وعجبها وتقول لي بقول لصديق اخوش يجيب لش من الهند لانه يدرس هناك

بس اني ما اثق في ذوق الصبيان ,,, ف عن جد عن جد اذا بتروحين اكيد وبتجيبين ساااااري للبيع خبريني متى واني اوووووول وحده لين عجبني بشتري من عندش


خاطري في ساري كله شك وشغل ايد وزااااهي ,, لحفله ملجه يعني :o اذا الله اراد

حلمووووه
الهند روووعة
كنت ميتة ابغي اروح كيرلااا
بس زوجي ما كان راضي يقول ما يبغي يروح ديرة الهنود بروحهم غاثينه في كل مكان في الديرة خخخخخ
المهم يوم شوي اقتنع ورحنا نسأل اكثر طلع ان كيرلا ما تنراح شهر ابريل لأن حررر وااااااااجد
حتى واحد من كيرلا مع زوجي في الشغل قال له كيرلا جنة بس ما تنطب شهر اربعة وخمسة وستة خخ
المهم والى قبل العرس بيوم واحنا مو دارين بنسافر وين بالضبط >> قلت لكم باردة حدي
ورجع لي الحنين الى لبناااان لأن احلى دولة عربية عندي هي لبنان واحسها غير عن الدول الثانية فقررنا وحجزنا وطبعا بروحنا بدون مكتب سياحي .. بس يوم وصلنا لبنان انضمينا لمدة يومين مع غروب سياحي لبناني ورحنا الشمال ومنطقة الارز الثلجية .. وباقي الايام رتبناها بروحنا ورحنا الاماكن السياحية ويوميا لازم عقب ما نرجع من جولاتنا نروح نتمشى على بحر الروشة وصخرة الروشة لأنه صوب فندقنا كلششش .. وحلاتها يوم كنا نتمشى ويطيح علينا المطر زلالزل خخخ مطر لا صار ولا استوى وما شفنا مثله في البحرين من قبل وتسبحنا تسبح خخخخخخ .. ويوم ركبنا تلفريك جونيا طاح مطر وااجد وبردي وقام يطقطق علينا خخخ وثلجنا تثلج خخخخ ... واحلى شي في لبنان ان الناس سهارية للصبح يعني اي وقت تطلعين تشوفين الناس قاعدة وتتمشى على البحر وقاعدة في الكوفي شوبات

جزر مبشور
الحمد لله على السلامة

وألف مبروك الزواج

بس خبرينا عن تفاصيل الزواج وين تعدلتي في الجلوة وشنو لبستي وفي الزواج من وين أخذتي الفستان وفي اي صالون تعدلتي ومن وين الباقة ومن حنتج وشرايج بحناها؟؟؟؟؟؟

وفي الزواج بعد صورتي في سكوب ؟؟؟؟؟