~'*¤!||!¤`تجهيزات عرايس البحرين { الثاني والأربعين}*¤!||!¤*'~`

طفولتي لحظة

الله يبارك لش يارب ويهنيش

بالنسبة للكريمات على الاقل المفروض يكون عندش غسول يومي ومقشر اسبوعي ولوشن ومرطب للوجه

اني استخدم مجموعه هيمالايا عندي غسول ولوشن للجسم ولوشن للوجه ومقشر استخدمه ثلاث مرات في الاسبوع , ومقشر طيني < حتى ريحته طين هذا حق كل اسبوع مرة

وواجد مستانسه عليه ,, بس من جم يووم سمعت انه شامبو هيمالايا يسبب سرطان :s احبطووووني واني استخدم الكريمات والشامبوا , مع انه كل منتج زين قالوا يسبب هالمرض بس الواحد ياخذ حذره احسن

ظلال الجنة;9264975:
عذبة المشاعر

ام فاطمة مقطوع رقمها ..

رقيه 35 صورة ب 40 دينار ..
ام فراس 30 صورة ب 65 دينار ..
ام فاطمه ماعندها رقم ثاني ؟؟

ممكن اطرشين لي رقم رقيه

طفولتي لحظة;9268235:
مثل ما قلت لكم خطوبتي تاريخ 28/4/2009 يعني كلها 8 ايام باقي وبس

يوم الخميس ابي اروح اسوي حمام مغربي ومع تنظيف بشرة اي افضل اسوي قبل؟؟! واي افضل مكان مضمون؟؟!


وعن تنظيف البشرة ابي بعد ما اسوي تنظيف آخذ لي كريمات اواظب عليها (((لانه بشرتي دهنية وهاملتنها عدل))) فيصير اللي بتسوي لي تنظيف بشرة تقول لي عن الكريمات اللي المفروض تكون عند كل وحدة؟!

وبنات اللي تعرف تقول لي عن كريمات تمام ومضمونه

ووووو بس اذا في اي جديد بخبركم دايخة حدي بالتجهيزات دوخة من قلب لانه كل التسوق اللي اروحه كله بروحي محد ويايي اختي حامل وتقول اني الوع جبدها في الفرارة وما يعجبني شي واهي بسرعة تتعب وصديقتي امتحانات يعني في السوق ساعات عادي اتعنى للمجمعات وارجع بدون شي

مع اني تقريبا اخذت اغراض من ثياب وهالاشياء من السعودية يوم اروح بس احس مو كفاية



اييييييييييي سين سؤال ((( صديقاتي اجبروني اني آخذ قمصان نوم مع اني قلت لهم احس انه ما يحتاج اهو خطوبة مو زواج يقولون لي اسألي مجرب(( لانه تقريبا معظمهم تزوجوا)) فأخذت اشياء بسيطه

فحبيت اقول يسوى آخذ اشياء واجد بعد لو اكتفي باللي اخذتهم اخذت 3 قطع بس ما كثرت لو امي تشوفهم تلحق ورايي بتخاف من سالفة الحمال اهي


فأنتو اشرايكم؟!

مدام انتيي خطوبه نصيحه منيي لاتكثري من الاغراض والثياب

يعنيي ماابتقعدين نفس الزواج لاستقبالات وضيوف

اهم شي تشترين لك كم بدله حلوين ومرتبين للطلعه وتفصلين لك كم عبايه وشيله وشنطتين وصندلين وكم عطر ومكياج بسيط enough

ترى الدواره تبديي عقب ماتنخطبين

صدقيني بتطلعين انتيي وخطيبك الى الاسواق ليما تقوليي بس

خخخخخ


ونصيحه لا تاخذي على كلام صديقاتك

وخليي قمصان النوم للعرس ,, وش فايده العرس عجل!!!!


اذا بغيتي اشتري بجامات من لاسنزا ,ايشوو, ويمن سيكرت

ولا تكثري

بس لانجري ابدا ماانصحك




ونصيحه الى البنات كلكم/

خليي زوجك يتشوق الى العرس


والله بنات هالايام ماتعطي خطيبها فرصه!!

اذا لبستي لانجري هههههه اكيد بتحمليي لانه شبقىى!!

لانه مرة طلعت معاهم للسوق حق آخذ بشورهم للعطورات واجبروني وحنون على راسي الا تاخذين مع اني رافضة الفكرة حتى خبرته قلت له مبيت مافي قول اللي تقوله بس حدك 1 وترجعني البيت هههههههههه


وللعلم اللي اخذتهم مو عارين لذاك الزود يعني على عري خفيف هههههه

وعن الحمال عن تخطيطنا انا واهو نعطي نفسنا من بعد الزواج سنه بالكثير سنتين بعد نفكر في اولاد على قولته نبي نعيش حياتنا هههههه والله يسهل ان شاء الله

وعن كريمات هملايا جت فترة قمت استخدم الغسول عن جد عجيب بس ما كنت مستمرة عليه وخيو ه الايام على كل شي قاموا يطلعون عليه اشاعات ولا نعرف احنا شنسوي

دهن العود;9261954:

سوري شوشو

بقت موضوعج :o سامحينا عاد

http://forums.3roos.com/showthread.php?t=445609

بس عشان تشوف شغل أمبرس

المشكلة ان حق عرس شوشو الحلويات اللي انتي تقصدينها
بالضبط

مو موجودة بس في نوع ثاني شوفيه نفس طريقة الشغل تقريبا ؟؟؟

اذا نفس الطخة يعني من عندهم

وأنا عندي أحساس أن من عندهم

أمبرس يصير بالرفاع الغربي

وميري بو كوارة الرفاع صوب حلويات جناحي نفس الصفة

هههههههههه لا عادي فديتج حلالج الموضوع :D

iris11;9262828:
^^^
هذيان .. اني بعد صارت تغييرات .. عدلي عندج في اللسته الله يخليج..


بنسوي تاريخ 14-5 الحنة
و 16-5 بنسوي حفلة


حجزنا للحفلة في الدانة 1 .. والحمدلله حصلت عند ام شهد تاريخ 14 ..

بس ماقلتون لي .. ماتعرفون احد يحط ميك ناعم كلش يناسب ليلة الحنة ؟

عندج صالون سلوى
صالون حبايب
أبتسام السويدي في صالون مرياج
بتوفيق

ظلال الجنة;9263597:
مرحباااا

شخباركم عرااايس ؟؟
:21_195:
اني عروس جديدة .. ظييفوا اسمي معاكم
:21_195:

حفلة خطوبتي راح تكون بتاريخ 15-7 :21_209:

بس للحين ماجهزت شي .. ولا سويت شي غير ان حجزت الصالة .. ومو عارفه من وين ابدا :sm215:

بالبركه ان شالله
أول شي طبعا تحجزين الصالون حق مكياج وشعر والحنايه والتصوير لانه هذه أهم شي لانه ماشالله موسم أعراس عقب أجوفين لج فستان خطوبه اما تفصيل او تأجير أو شراء وعقب تجهيزين حق الخطوبه مثل الثياب والعطورات والعبايات الخ.................

BASHORAH;9263954:

بنات بسالكم اكسسوارات الهنديه وين اللاقيها ووووجم اسعارها امبي ستايل هندي بحت في كل شي ؟؟؟؟؟؟؟

عندج فديتج لولو هايبر وسوق المنامه :D

منتجات هملايا صج طلعت عليهم اشاعه من فتره
بس كتبوا في الجريده تكذيب للخبر وشرح شطوله عن المواد اللي فيه ومادري شنو
فيعني تطمنوا
وكل شي هالأيام صار مسرطن ومادري شفيه :ss

pharamcist;9265079:
من تدلي حديقة الازهار وين صاير؟
اني سمعت انه قريب من راس رمان ؟؟!!

تصحيح بس لان وحدة من الاخوات قالت انه صاير يم ابن النفيس .. حديقة الازهار في القضيبية مشاهد الصديق للاقمشة .. يا اما تدخلين له من اشارة دايسو "دسمان سابقا" وتمشين سيده بعد فندق رمادا عاليسار امشي على طول بيجيج رباعيات صاير بعده المحل .. واذا جاية من شارع المعارض من دوار الساعة بتجيج خياطة الشكر على اليمين واصلي في الشارع ليمن توصلين للمحل بيكون على يمينج .. اتمنى اكون افدتج لاني حاولت اوصف لج باسهل طريقة اعرفها ..مب شاطرة فالوصف انا ..:o

أنا الشوق;9268753:
منتجات هملايا صج طلعت عليهم اشاعه من فتره
بس كتبوا في الجريده تكذيب للخبر وشرح شطوله عن المواد اللي فيه ومادري شنو
فيعني تطمنوا
وكل شي هالأيام صار مسرطن ومادري شفيه :ss

بس صج هالمنتج احسها مضمونه لانه مثل ما قلت استخدمتها من سنتين تقريبا مع اني ما كنت مستمرة عليها بس لاحظت في فرق ببشرتي وطبعا للأحسن

ومثل ما قلتي صارت الناس تسرطن :tongue: كل شي على كيفها

الشيخة;9265789:
بنات انا متعودة افصل الشيئ الي ابيه
وهالمره مضطرة للشراء

دلوووووووووني على محلات فساتين رااااااقية
مو مهم السعر

شيوووخه عندج المحل الجديد فالسيتي فوق مدري شسمه .. وهم مونسون عندهم شغلات نعومة وحلوة .. مانغو بعد منزل كولكيشن جديد .. وعندج بالعالي محل قريب مجوهرات المحمود .. ودوليان اللي بالسيف فوق ..وبالعدلية عندج ليدي ميلانو .. وهوت كوتور .. وطبعا رزان .. ونوف محلها مدري للحين عند شاورما اكسبرس عند محطة البلاد القديم او انتقلت خبري فيه هونيك ..



طبعا الحنة ماشفت حنة خلود ولا شهيناز .. اللي شفتهم منيرة وليلى الماحوزي "ماحبيته" وام شهد وفاطمة مالت راس رمان ..


موفقة يا الغلا ..(f)

زوز البحرين;9257985:
مبروووووووووك حباااابة

ألف ألف مبرووووووووووك

الله يتمم لش على خييير

وننتظر الصووور لا تقولين ما صار مجال :tongue:



خيووو بطرشهم لش ع الخاص

عندي سلوى و ظفاير و حبايب بس فاطمة شويطر ما عندي

الله يبااااااااااارك في حياتش خيووو وعقبالش يارب...
الحمد لله صورت.. بس انتظري لين انزلهم واصغرهم ^_^


ومشكوووورة ع الارقام ماقصرتي (f)

هذيان اني بعد ضيفيني مع اللسته " خطوبه"

بس مدري متى بالضبط راح تصير :o

ع ذبة المشاعر;9267192:
الشيخه

اني حاطة صور للحنايه زينب من مدينه حمد في موضوع بركن العروس

الصور من الاخت نفيشه بالعسل واني نزلتهم لها

جوفيهم يمكن يعجبونش

,,

وخلود سمعت انه حلوووو بس ولا مرة جفته

فديتج يالحلوووة عذبة
تسلميييييييييييييين

بسوي سيرش
اقول انا بعد كله اسمع عن خلووود بس ما قط شفت لها شيئ .. ونفسي اشووووووووف

أنا الشوق;9267217:
أي صوب يصير آلو بشير؟؟؟؟
أنا مادل في دواعيس المنامة كلش بس أتوقع لو أقول حق أبوي بيدل
بس بعد اذا ممكن الوصف :o



من جم يوم كنت مارة صوب جزر الأميرات اللي في جدعلي وكانوا عارضين فساتين صفرا وعجبوني
بس يعني كنت شاخطه بالسياره خخخخخ فما دققت
جربي جوفي عندهم
وبعد في محل في الستي سنتر في الطابق الثاني في "السوق" بعد جفته وأنا ماره على السريع <<<< كله تشاخط :o
بس الصراحه، خسارة الوحده تشتري شي من هني،، اذكر انا حق عرس ولد عمتي ماكنت ابي شي غالي يعني حدي 80 دينار جذي واللي على هالميزانية ماينبلعون الا بالغصب يعني عاديين كلش
ورحت السعوديه وحصلت شكثر عجبوني وبنص السعر :ss:

وووو اذا تبين خياط زين، مره وحده هني حطت صور لموديلات مخيطهم خياط في مدينة عيسى اسمه "الشرف" أعتقد، وكانت فيها حركات يعني وهو مضبطهم عدل (y)
وهو يصير في توبلي في اللفه اللي عند ماتم مدينة عيسى مادري شسمه

تسلمين يالغلا كله شوقي
ان شاء الله اروح بعد بكرة اشووف او بكرة بعد مدري
المشكلة مزحوووومة وحتى ما في وقت ما اطلع:ss:
مدري شلون بخلص اموري

هذيان عاشقة;9268823:
شيوووخه عندج المحل الجديد فالسيتي فوق مدري شسمه .. وهم مونسون عندهم شغلات نعومة وحلوة .. مانغو بعد منزل كولكيشن جديد .. وعندج بالعالي محل قريب مجوهرات المحمود .. ودوليان اللي بالسيف فوق ..وبالعدلية عندج ليدي ميلانو .. وهوت كوتور .. وطبعا رزان .. ونوف محلها مدري للحين عند شاورما اكسبرس عند محطة البلاد القديم او انتقلت خبري فيه هونيك ..



طبعا الحنة ماشفت حنة خلود ولا شهيناز .. اللي شفتهم منيرة وليلى الماحوزي "ماحبيته" وام شهد وفاطمة مالت راس رمان ..


موفقة يا الغلا ..(f)

حبيبتي هذياني فديتج(f)(f)(f)(f)
تسلمين لي على ردك والاهتمام:)

طبعا كل الي ذكرتيهم حلووووين وما عليهم غبار

وانا عندش فستان بني من مانجو تصيميم هذا شسمه اممممممم زهير مراد
هو فستان حلو وفيه سير عند الكتف مع قطعه دانتيل خفيفة
ومن تحت كله دانتيل عريض والفستان عادي ومخصر ومن تحت الصدر ربطة روزة
حلو ووايد حلوو وراقي
بس لونه مطفي يعني ما فيه زهوووة
وما ادري شاسوي!!
البسه ولا اروح اشتري غيره
هذا ولا مره لبسته
هل ينفع لعرس اخوي ولا لا!!

يوم الحنة شريت لي فستان اسود وفيه زيق ذهبي شك شغل يد تحت الصدر وووايد حلو لاني بقعد اتحنى
اما يوم الجلوة خذت لي دراعة من دار انمار تخبلت عليها اختي
اما يوم الحفلة !!! لحد الان ولا شي!!

انا احب لستايل الناعم
قولي لي شااااااااسوي:ss:

لما اقول في بنات اهني فيهم خير
يعني فيهم خير:wink: ونص وففتي بعد :D

الشيخه

احس من كلامش انه بتكونين في ليله الجنه والجلوة اكشخ من العرس اذا لبستي الفستان الناعم

بس بنفس الوقت تغيييير بيكون , وخصوصا انه ستايله ناعم وفخم وتقدرين تحلينه بالاكسسريز والميك اب

هذيان عاشقة;9268758:
تصحيح بس لان وحدة من الاخوات قالت انه صاير يم ابن النفيس .. حديقة الازهار في القضيبية مشاهد الصديق للاقمشة .. يا اما تدخلين له من اشارة دايسو "دسمان سابقا" وتمشين سيده بعد فندق رمادا عاليسار امشي على طول بيجيج رباعيات صاير بعده المحل .. واذا جاية من شارع المعارض من دوار الساعة بتجيج خياطة الشكر على اليمين واصلي في الشارع ليمن توصلين للمحل بيكون على يمينج .. اتمنى اكون افدتج لاني حاولت اوصف لج باسهل طريقة اعرفها ..مب شاطرة فالوصف انا ..:o

سوري يمكن فيه غلط لان هناك فيه بعد صالون اسمه شي حديقه المهم حديقه خخخخ

!!.. نسيم الليل ..!!;9269061:
تسلمين ياقلبي الله يبارك فيش

وان شاء الله .. الله ييسر عليش ويرزقش بالذريه الصالحة وكل البنات ان شاء الله

اللهم اميين

شفاء الروح;9268079:

بنات ممكن تساعدوني شوي بخصوص هذا الموضوع لأن أفكر فيه وابغي أعد ميزانية عدلة بخصوصه

الحين مثلاً لو نويت إني اسوي حفلة زواج بس ما تكلفني واجد يعني :

المصاريف في حدود تقريبا (600 - 700 - 800 دينار)

المعازيم عددهم (200 شخص)

شاملة (الصالة + الأكل + التصوير)

أنا فكرت في صالة الجميرا أو مرمريز كخيار كصالات صغيرة وشاملة

وبعد فكرت مثلاً في الصالات العادية مثل صالة الأحلام أو قصر المسباح أو شهرزاد بس ما تكون شاملة

انزين البنات السؤال هو

أي أفضل برأيكم بيكون خاصة ان الصالات الثانية بتكون يعني مو شاملة وأي أوفر من هذي الناحية وتناسب ميزانتي اللي بخليها

اتمنى أحد إلي عنده فكرة بهذا الخصوص يساعدني لأني ضروري ابغي أخلي ميزانية ومو عارفه بالضبط جم أقدر أخلي واخاف تتجاوز إلي في بالي

يعطيكم العافية وانتظر مساعدتكم لي بهذا الخصوص والله يوفقك الجميع

هذيان;9268209:
اخذي الجميرا .. اذا كان ليوم عادي بينقصونش 200 واذا دفعتين كاش بينقصونش 100 ..
ومثل ماقلتين معازيمش 200 شخص .. بيطلع عليش

صالة الجميرا (( تتسع 400 شخص ))



عدد الاشخاص (1) (2) (3)
200 1390 1190 990
300 1490 1290 1090
400 1590 1390 1190


اهيى بتصير لش ب 990 .. واذا نقص منش 200 دينار الى لليلة عادية و100 كاش .. بتطلع لش ب 690:wink:

مثل رأيها الصالات الشامله احسن

طفولتي لحظة;9268235:
مثل ما قلت لكم خطوبتي تاريخ 28/4/2009 يعني كلها 8 ايام باقي وبس

يوم الخميس ابي اروح اسوي حمام مغربي ومع تنظيف بشرة اي افضل اسوي قبل؟؟! واي افضل مكان مضمون؟؟!


وعن تنظيف البشرة ابي بعد ما اسوي تنظيف آخذ لي كريمات اواظب عليها (((لانه بشرتي دهنية وهاملتنها عدل))) فيصير اللي بتسوي لي تنظيف بشرة تقول لي عن الكريمات اللي المفروض تكون عند كل وحدة؟!

وبنات اللي تعرف تقول لي عن كريمات تمام ومضمونه

ووووو بس اذا في اي جديد بخبركم دايخة حدي بالتجهيزات دوخة من قلب لانه كل التسوق اللي اروحه كله بروحي محد ويايي اختي حامل وتقول اني الوع جبدها في الفرارة وما يعجبني شي واهي بسرعة تتعب وصديقتي امتحانات يعني في السوق ساعات عادي اتعنى للمجمعات وارجع بدون شي

مع اني تقريبا اخذت اغراض من ثياب وهالاشياء من السعودية يوم اروح بس احس مو كفاية



اييييييييييي سين سؤال ((( صديقاتي اجبروني اني آخذ قمصان نوم مع اني قلت لهم احس انه ما يحتاج اهو خطوبة مو زواج يقولون لي اسألي مجرب(( لانه تقريبا معظمهم تزوجوا)) فأخذت اشياء بسيطه

فحبيت اقول يسوى آخذ اشياء واجد بعد لو اكتفي باللي اخذتهم اخذت 3 قطع بس ما كثرت لو امي تشوفهم تلحق ورايي بتخاف من سالفة الحمال اهي


فأنتو اشرايكم؟!

لا كفايه الي عندج واحتمال كبير ما تحتاجينهم
:o