مالي غيركم والله

اول شي بدعي لك من كل قلبي يفرج همك وهم كل البنات اللي مثلك يارب
الحقيقه مشكلتك تعاني منها كثير من البنات والله ان الاباء اللي مثل ابوك مدري كيف يفكرون
يعني بنتهم وكم شهر ورايحه عند ناس غيرهم كم شهر وراح يفتقدوا وجودها بينهم ليش يعني ما يخلوا ختامها مسك وبدل ما يزيدك من جيبه ياخذ منك
لازم يا ختي ما تسكتي على هالوضع لأن المهر حق للبنت مش لأبوها ولا لأحد ثاني ..كلميه وواجهيه وما تخافي وما تستحي منه ابدا وقولي له لازم اشتري اشيا كثيره ولازمني فلوس ابي هالمبلغ الفلاني وضلي سحبي منه وقولي له مش مهم من جيبك او من مهري يعني هو لسه ابوكي ولسه تحت وصايته ما طلعتي بيت زوجك مافيها شي لو أخذتي منه والا في الاحوال العاديه كيف ممشيه أمورك ؟؟؟ اكيد كل بنت لها متطلبات والا كيف ؟؟ لو حبيتي تروحي السوق من وين راح تصرفي ؟؟ لازم تحسسيه انه ملزوم فيكي حسسيه انه لسه ابوكي وانك بحاجته والمهر ما راح يوفي كل مستلزمات الزواج
وبعدين أغلب الرجال يفكروا الحريم مثلهم ما يحتاجوا الا مبلغ صغير يمشوا فيه امورهم وخلص ما يدروا ان المره تحتاج مصاريف كثيره وخصوصا لو كان الاب بسن كبيره راح يقول في باله لأيش كل هالمصاريف والمسخره ما يدروا عن الغلا اللي ذابح الدنيا ولو لزم الامر روحي معاه السوق خليه يشوف بنفسه ان كل شي يبي له صرف وان الدنيا مش مثل اول وفهميه ان زوجك ما راح يقبل ياخذك بعباتك لأن الزمان تغير .. لازم العروس تكون عروس في ابهى طله والا وش راح يقول زوجها عنها ..
ادخلي له من باب الابوه والبنوته لما تحسسيه بضعفك اكيد راح يلين وبالعكس راح يعطيكي فوق مهرك حبات مسك
احيان الاباء يحتاجوا تحسسيهم انهم اباء وتذكيرهم انك بنت وضعيفه ومالك غناة عنهم
وبالنسبه لزوجك ولطلعاتك معاه كلميه في الموضوع وخليه يجي مره ومرتين وثلاث في البدايه يمكن راح يكون اهلك متعصبين لكن بعدين راح يتعودوا يمكن يسمعوه كم كلمه في العظم لكن قولي له يتحمل عشانك وصدقي ان الاشياء اول ما تبدا تكون مستهجنه وغريبه وما احد يتقبلها بس بعدين تصير شي مسلم فيه وطبيعي ولو ما صارت هذي اللي راح تكون مستهجنه
دعواتي لك من كل قلبي بحياه حلوه وخلي أملك بالله كبير وما بعد الضيق الا الفرج
تحياتي