هذي رابع مرة اكتب الموضوع ويطير مني
ههههههههههه
الحين قلت لازم اصيده واسيفه قبل لا يطير
كلكم تعرفون معاناتنا مع الشعر وتساقطه :confused:
والله لو اقول لكم ان شعري كان ينعد على الاصابع وما كان يطول ابد
والحين بفضل الله ثم منتدى عروس ومنتدى اخر اعزه كثير تعدل شعري مو كلش
ولكن الحمد لله احسن من قبل
المهم للحين انا ابحث على الافضل لشعري
لين اكتشفته وان شاء الله ينفع معاي
والله لو اقول لكم يابنات ماراح اتصدقون
المنظف الي معاي بالعمل والله كانت له قرعة على شكل كرة متوسطة الحجم لدرجة كنا نضحك عليه ونقول له اخذ من لحيتك وحطه مكان قرعتك
وهو يضحك مسكين يقول شاسوي ماما هذي كله من مايكم ماي البحرين المالح خخخخخخخخ>>>ماتمسك لسانها لازم تغلط
على العموم راح هالمنظف ديرته ورجع بعد كم شهر
والا القرعة مختفية
عاد انا تذكرت متولي الي متزوج اربع نسوان يوم يقولون له زرعتها
بغيت اساله نفس السؤال قلت مسكين وين يزرعه من وين له هالفقير
ههههههههههههههه
المهم يودته وسالته قلت له تعال قولي وين قرعتك شسويت فيها قول لي بسرعة
قال باروح وبارجع
قلت ويييييييييييييي خينا طلع مثل بعض الناس
الي ما يحبون يعلمون حد ويفيدونه
دقايق والا رجع>>>>ظلمته وعلية
والا بيده
كيس مليان
ورق الصبار
والا انا افتح الكيس وافتح عيوني الثنتين :rolleyes::rolleyes:
هذا السر قال اي ماما >>>لا تفهمونه غلط ترى انا اصغر منه ههههه
قلت له شلون قال ماما
اخذي الصبار وقصيه نصين وطلعي الي داخله وباصبعك افركيه به فروة الراس وبعد قال تقدرين تاخين قطعة صبار تمسكينها بيدك وتفركين بها فروة الراس واجد زين ماما انا كل يوم احط في راسي
قلت وي الله يزيك خير وعلى طول اخذ الكيس واحطه بالسيارة عشان ماانساه
ويوم رحت البيت ترى هذا كله صار اليوم قلت لازم اخبر حبايبي عشان يستفيدو مثلي
سويت الي قال لي عليه بس انا عاد طماعة استخدمت الطريقتين مع بعض يعني اول مرة حطيت العصير ماله وبعدين فركت بالقطعة الصبار فروة راسي
والله يابنات ماراح اتصدقون لو اقول لكم شكثر حطيت منه ولا كاني حاطة شي يعني مو مثل الزيوت الي تقولين بتضايقج من الريحة ابد مايبان انك حاطة شي وهذا انا حاطته الحين صار له 3 ساعات وان شاء الله احصل على النتيجة
واول شي يابنات النية والتسمية قبل الاستخدام
وانا ماراح اقول ما احلل وما احرم من تنقل الموضوع
بس كل الي اتمناه ذكر المصدر
والحين اخليكم مع صور طريقة قص الصبار اخذته من جوجل
