محتاجه وقفتكم جبني أخواتي بمشكله صغيره

تدرين ريموه

الموضوع صح صعب وخاصة ان عندك طفلة وما عندك خدامة وهم عائلة يعني يحتاجلهم شغل

بس بذكرلك موقف والله العظيم دوووووووم اتذكره مع اني كنت صغيرة لما صار

مره طلعت مع زوجة اخوي ونزلنا ساعه عند وحده من اقاربها وهي ساكنه بشقة صغييييييرة وكانت مشغولة تغسل المطبخ لان ما عندها خدامة

من شافتنا البسمة ما فارقت وجهها وحيتنا ودخلتنا صالة كل عيالها جالسين فيها لان شقتهم صغيرة بس هي وعيالها يضحكون ويسولفون معانا والوقت كان الصبح جابت لنا من الريوق الي مسوته والكل يضحك ويسولف

لليوم هالانسانه من اشوفها استاااااااااااانس ليش لانها بساعه بس شالتنا على راسها ولا تأففت وقالت جايين وقت الفطور من غير ما يبلوغنا وانا بملابس البيت ومبهدلة لا مول ما اهتمت

انا من يومها عمري ما دخلت بيتها ولا شي بس بجد هالموقف دوم دوم اتذكره

صدقيني هالزيارات والمواقف تبقى جدا بالذاكرة وكلما كنتي طيوبة ومستانسة بجيتهم كلما ضمنتي لنفسك استحسان عند اهل زوجك

احتسبي الاجر وصدقيني من يشوفوك تعبانه وتشتغلين تلقائيا بيساعدونك ويمكن حتى تكون اقامتهم عندك ممتعه لك وتستانسين وياهم

فيه امور اجبارية ما لنا الحق اننا نختار الانسب لنا فلازم نتأقلم معها

الله يهديج اختي .. هاذيل ضيوفج .. حد يشتكي من ضيوفه قبل لا ايون ...


انتي رتبي افكارج و فكري شو بتسوين وكيف بتضيفينهم ووين بتودونهم وخلاص الموضوع بيمر بسهوله ان شالله .. وهم يايين حق عرس يعني كم بييلسون عندج..

وطبعا لج اجر ان اكرمتي ضيفج :) بس اهم شي انه هالشي ايي من خاطرج وما تسوين شي بكراهه..


وكل ما اكرمتيهم كل ما ريلج رضا عليج .. وهذا اهم شي

انا مع كل البنات اللي يقولون ضيوف ومن هالكلام...بس هم مع رياييلهم و البيت شقه...غير انه بيتمون فتره...يعني المسأله ما بتكون مريحه للطرفين...غير ان ما عندها شغاله و عندها بنوته الله يحفظها...كم بتلحق..ملاك انتوا يلستوا بيت الحرمه ساعه بس ما بتوا و يلستوا كم يوم
المسأله صعبه شوي ...ان شالله بتنحل السالفه ريم

هلا بكل الأخوات اللي اللي اهتموا بسالفتي و اشكركم جميع فعلا و شكر خاص للغاليه ام حمودي و احمداني انجل ايز على متابعتها

فعلا الموضوع شوي كان مشربك

بس خلاص انا وقتها انصدمت شوي لأنه بيتي ضغير و بعضهم أكيد بينام ف يالصاله بس ربكم كريم الحمد لله

اخت زوجي تكون معانا و هي كبيره و تعرف تتعامل و الرجاجيل ما بيجون من اول الأسبوع بيجون يوم العرسس وإذا تعبوا و ما قدروا يرجعوا لعجمان بيباتوا ليله وحده و الحمد لله

هالشكل انا مرتاحه لأنهم حريم بعرف كيف أعاملهم و ما بضطر اتحجب كل الوقت و اشتغل ببيتي وا طبخ و انا متحجبه هذا كان مضايقني اكثر شي

الحمد لله انا مرتاحه و ربي حط في نفسي الوناسه و الراحه

الحمدلله السالفه انحلت عيل :) لج الاجر ان شاء الله

الحمد لله انها انحلت

انجل والله ادري ساعه غير عن اقامة اسبوع ولو انا ما اتوقع بتحمل بصراحة صعبة

بس انا قصدي انهم كذا كذا جايين فخلاص ما بيدها غير انها تتقبل وجودهم

ربي يعدي الاسبوع على وناسه حبيبتي وان شاء الله تستانسو بالعرس :)

اختي الحبيبة انا اشعر بما تشعرين ولكن اريد ان اوضح لك شيء دام هم جايين جايين انويها لرب العالمين لان اكرام الضيف من وصيا الرسول وهي تعد صدقة فقط اتركي نيتك لله واكسبي التواب واتركي وجهك بشوشا ولا تنس انك ساترضين زوجكي وهدا شيء مهم وانك ساتكبرين في نضره ولا تشتكي له لانه عارف التعب الي بتمرين به واكتري من الاستغفار ولما تمر العزومة احكلنا عملتي ايه بتوفيق